Sona.kz

Метка: қылмыс

  • ІІМ криминалистері Шымкентте «дропперлерді» әшкереледі

    ІІМ криминалистері Шымкентте «дропперлерді» әшкереледі

    Жәбірленушілердің біріне қаскөйлер әйгілі банктің акционері болуды ұсынып, айласын жүзеге асырған. Әйел көрсетілген шотқа 500 мың теңге аударып, ақшасынан айырылған.

    Екінші жағдайда алаяқтар Instagram-да қымбат телефонды өте төмен бағамен сату туралы хабарландыру жариялаған. Бұған сенген тұрғын оларға 683 мың теңге аударған. Бірақ уәде етілген гаджет жеткізілмеген.

    ІІМ криминалистері заманауи цифрлық технологияларды қолданып, “дропперлерді” анықтап, негізгі күдіктіге шықты. Ұрланған қаражаттың барлығы зардап шеккендерге қайтарылды. Қылмыстық іс қозғалды.

    Сайттар мен ұйымдарды тексеріп алыңыздар. Кез келген күдікті әрекет туралы құқық қорғау органдарына дереу хабарлаңыздар. Қырағылық пен сақтық — кибералаяқтықтан қорғанудың ең тиімді тәсілі, – деп атап өтті ведомствода.

  • АҚШ-та 14 жастағы оқушы 2 мұғалім мен 2 оқушыны атып өлтірді

    АҚШ-та 14 жастағы оқушы 2 мұғалім мен 2 оқушыны атып өлтірді

    АҚШ-тың Джорджия штатында қанды қырғын. Аппалачи орта мектебінің 9-шы сынып оқушысы 2 мұғалімді және 2 оқушыны атып өлтірді. Қаза тапқан оқушылардың жасы 14-те. Қаскөйдің қолынан тағы да тоғыз адам жараланып, түрлі жарақаттармен ауруханаға жеткізілді,— деп хабарлады жергілікті билік өкілдері. Күдікті 14 жастағы Колт Грей есімді оқушы қамауға алынды. Джорджия Тергеу Бюросының мәліметі бойынша оның бұл әрекетке не себепті барғаны белгісіз

    «Күдіктіге кісі өлтіру бойынша айып тағылып отыр. Ол ересек адам ретінде сотталады және ересек адам ретінде жауапкершілікке тартылады. Ол біздің мектептегі қауіпсіздік қызметкерімен бетпе-бет келіп, ізінше өз еркімен берілді. Оның қаруды мектеп ішіне  қалайша алып кіргені әлі де белгісіз», — деді БАРТОУ ОКРУГІНІҢ ШЕРИФІ ДЖАД СМИТ.

     

  • Қарасораны өсіріп, есірткі сатқан бір топ адам 12 жылға сотталды

    Қарасораны өсіріп, есірткі сатқан бір топ адам 12 жылға сотталды

    Қарасораны өсіріп, есірткі сатқан бір топ адам 12 жылға сотталды

    Алматы қаласы мен Алматы облысында есірткі заттарын сатқан, бір топ адам сотталды
    Бостандық ауданының прокуратурасы есірткілерді өндіріп, сатқан бір топ адамға қатысты мемлекеттік айыптауды қолдады.

    «X» азаматы 3 жыл бойы тұрғын үйінің ауласында қарасора бұталарын өсірген.

    Оның сыбайластары өсірілген марихуананы алып, оны орап, сатумен айналысқан.

    «Мемлекеттік айыптаушының ұстанымын ескере отырып, сот сотталушылардың мүлкілерін тәркілей отырып, 12 жылға бас бостандығынан айырды», — делінген Алматы прокуратурасының хабарламасында.

    Үкім заңды күшіне енген жоқ.

    «Қала прокуратурасы азаматтарды күмәнді табыс ұсыныстарына түспеуге шақырады», — деп толықтырды аталған ведомствоның баспасөз қызметінен.

  • Қайрат Сатыбалдыұлының жазасы жеңілдейді

    Қайрат Сатыбалдыұлының жазасы жеңілдейді

    Мұны Өскемен қалалық №2 сотының баспасөз қызметі мәлімдеді.

    Соттың үкімімен кәсіпкер Қайрат Сатыбалдыұлының бас бостандығынан айыру түріндегі жазасы бас бостандығын шектеуге ауыстырылды.

    Ол өзінің өтініш хатында жазасының өтелмеген бөлігін неғұрлым жеңіл түріне ауыстыру туралы жазған.

    Прокурор кәсіпкердің хатын қанағаттандыруды сұрап, Қайрат жазаны ауыстыру үшін барлық шартты орындағанын, мемлекетке өз еркімен активтерді қайтарғанын алға тартқан.

    Қайрат Сатыбалдыұлы орташа ауыр және ауыр қылмыс жасаған. Ол жазаның 1/3 бөлігінен астамын өтеген.

    Түзеу мекемесінің әкімшілігі оған оң бағасын берген.

    Ол мемлекетке келтірілген залалды толық өтеген. Сот үкімімен өндіріп алынған сомалар (іс жүргізу шығындары, мәжбүрлі төлем) төленген.

    «Жоғарыда айтылғандардың негізінде сот жазасын өтеушінің өтініш хатын қанағаттандырды және бас бостандығынан айыру түріндегі жазаның өтелмеген бөлігін 3 жыл 3 ай 7 күн мерзімге бас бостандығын шектеуге ауыстырды», — деп жазды соттағылар.

    Кәсіпкер пробациялық бақылауға алынды. Тұрақты жұмысы болмаған жағдайда сотталушы жазаны өтеудің барлық мерзімі ішінде жыл сайын 100 сағаттан мәжбүрлі еңбекке тартылады.

    Сот қаулысы заңды күшіне енген жоқ.

    Еске салайық, бұған дейін сот үкімімен Қайрат Сатыбалдыұлы Қылмыстық кодекстің 28-бабы 3-бөлігі, 189-баптың 4-бөлігі 2) тармағы («Сеніп тапсырылғанның мүлкін жымқыру»), 28-баптың 3-бөлігі, 195-баптың 2-тармағы («Ұрлық жасау мақсатынсыз залал келтіру») бойынша мүлкі тәркіленіп, мемлекеттік қызметте жұмыс істеу құқығынан 10 жылға айырылып, 6 жылға сотталған еді.

  • Қайрат Сатыбалдыұлының кешірім сұраған видеосы тарады

    Қайрат Сатыбалдыұлының кешірім сұраған видеосы тарады

    Әлеуметтік желіде Қайрат Сатыбалдыұлының Президенттен және халықтан кешірім сұраған видеосы тарады.

    «Кез келген азамат үшін мемлекет мүддесі жоғары болуы керек. Біздің халықта «жаңылмайтын жақ, сүрінбейтін тұяқ болмайды» деген сөз бар. Мен кінәмді мойындаймын. қылмыстық іс бойынша органдарға көмектесіп, заңсыз қаражаттың бәрін қайтарып жатырмын. Менің ойымша, елден заңсыз шығарылған ақшаларды қайтару – мемлекеттің қазынасын қайтару», — деді Сатыбалдыұлы.

    Ол активтерді қайтару Мемлекет басшысы қабылдаған маңызды шешімдердің бірі екенін атап өтті.

    “Мұндайды көрген соң ешкім халықтың байлығын өзіне алмайды. Соңғы уақытта елімізде болып жатқан оң өзгерістерді байқадым. Бәріміз бір-бірімізге хабарлап, бірлесе жұмыс істеуіміз керек. Мен Президентіміздің саясатын толығымен қолдаймын. Барлық заңсыз капитал әрбір тиынына дейін мемлекетке қайтарылуы керек, заң мен тәртіп орнатылуы қажет», — деді ол.

    Сөз соңында Қайрат халықтан және зияны тиген жандардан, Мемлекет басшысынан кешірім сұрайтынын айтты. Ол өз кінәсін мойындап, өкінетінін жеткізді.

  • «Әділетті Қазақстанды бірге құрайық!»: Еркін Тәтішев Президентке үндеу жолдады

    «Әділетті Қазақстанды бірге құрайық!»: Еркін Тәтішев Президентке үндеу жолдады

    Қазақстандық кәсіпкер Еркін Тәтішев Мұратхан Тоқмәдидің шартты түрде түрмеден босатылу мүмкіндігіне байланысты ҚР Президенті Қасым-Жомарт Тоқаевқа үндеу жолдады. Ол бауыры Ержан Тәтішевті өлтіру үшін ұйымдасқан қылмыстық топтың іс-әрекеті жайлы айтып, Мемлекет басшысына «Әділетті Қазақстанды» құру жолында көмектесуге дайын екенін жеткізді.

    «Қанды оқиға 2004 жылы желтоқсанда орын алды. Менің бауырым «Казкоммерцбанк», «Банк Тұран әлемнің»  негізін қалаушы, бизнестің түрлі салаларын дамытуға үлес қосқан кәсіпкер еді. Қылмыс Мұратхан Тоқмәдидің қолымен жасалса да, артында тұрғандар көп еді. Тапсырыс беруші – Мұхтар Әблязов, олардың құйтырқы әрекетін жасырушы – ҰҚК-нің сол кездегі басшысы генерал Дүтбаев. Олардың көздегені «Банк Тұран әлемге» иелік ету болатын. Мақсаттарына жетіп, банктің миллиард доллары қолды болды, қазақстандық банк жүйесі түбегейлі жойылды», — деді Еркін Тәтішев үндеуде.

    Кәсіпкер 14 жыл бойы әділеттілік үшін күрескендерін де алға тартты.

    «Біз отбасымызбен 14 жыл бойы әділет үшін күрестік. Бұл жолда бізге АҚШ-тың Луи Фри бастаған Федералды тергеу бюросы көмектесті. Олар қылмыстың қалай жасалғанын егжей-тегжейлі зерттеді, қазақстандық органдар да топтың іс-әрекетін тексеріп, бірқатар шешімдерге тоқталды. 2017 жылы ҰҚК мен басқа органдардың 10-нан астам маманы, генерал Дүтбаев сотталып, 3 жылдан соң ҰҚК-нің экс-басшысы мерзімінен бұрын босап шықты. Мұхтар Әблязовке өмір бойы бас бостандығынан айыру жазасы кесілді. Бірақ, ол әлі қашып жүр. Оған АҚШ пен Еуропа соттары да үкім кескен», — деді кәсіпкер.

    Еркін Тәтішев Мұратхан Тоқмәдиге кесілген үкіммен келіспейтінін де атап өтті. Сөзінше, қылмыскерге 10,5 жыл беру тым аздық етеді.

    «Құрметті Президент мырза! Менің бауырымды өлтіріп кеткеннен кейін елде коррупция белең алды. Жұрт бәсекелестерінен оңай құтылудың жолын тапты, банк жүйесі құлдырады. Қазақстан экономикасы бұдан да жақсы болуы мүмкін болғанын сіз басқалардан гөрі жақсы білесіз. Сіз Конституция мен заңның кепілісіз. Сондықтан аталған істі өзіңіз зерттеп шығуыңызды, әділ шешім шығаруыңызды сұраймын. Біз сізге «Әділетті Қазақстанды» құруға көмектесеміз. Себебі, өзіміз бірнеше жылдан бері сол жамандықтың құрбаны болып келеміз», — деп түйіндеді Еркін Тәтішев.

    Сондай-ақ ол қазақстандықтарды кез келген қылмысқа көз жұма қарамауға, күресуге шақырды.

    Естеріңізге сала кетейік, банкирді өлтірген Мұратхан Тоқмәди шартты түрде босауы мүмкін екені жайлы ақпарат 26 шілдеде тараған болатын. Бұл мәселе Ержан Тәтішевтің туысқандарының шағымынан соң кейінге қалдырылды. Іс Алматы облыстық сотының аппеляциялық алқасында қайта қаралуда.

     

    Посмотреть эту публикацию в Instagram

     

    Публикация от Yerkin Tatishev (@yerkintatishev)

  • Мәсімовтың бұрынғы күйеу баласы іздеуде жүр

    Мәсімовтың бұрынғы күйеу баласы іздеуде жүр

    ҰҚК экс-төрағасы Кәрім Мәсімовтың бұрынғы күйеу баласы Азамат Қапенов бес күннен бері іздеуде жүр. Ол жайлы ақпарат Бас прокуратураның құқықтық статистика порталында жарияланды.

    Іс Шығыс Қазақстан облысында тіркелген. Оны ШҚО Сыбайлас жемқорлыққа қарсы іс-қимыл департаменті жүргізіп жатыр. 

    Қылмыстық істің не үшін қозғалғаны әлі де белгісіз. Азамат Қапенов Мәсімовтың үлкен қызының күйеуі болған. Қаңтар оқиғасынан кейін олар активтерін жасырып қалу үшін құжат бойынша ғана ажырасқан.

    Сондай-ақ күйеу баланың Ресейде де іздестіріліп жатқаны мәлім болды.

  • Алматыда қылмыстық жабдықтары бар кеңсе табылды

    Алматыда қылмыстық жабдықтары бар кеңсе табылды

    Алматыда пәтерлердің бірінен АТС (Автоматты телефон станциясы) табылды, деп хабарлайды Sona.kz тілшісі Polisia.kz-ке сілтеме жасап.

    Павлодардан келген 30 жастағы тұрғын ұсталды, оның жалға алынған кеңсесінен SIM-картаға арналған 512 слоты бар SIM-box жабдығы, сондай-ақ 1620 SIM-карта табылып, тәркіленді.

    «Тәркіленген заттар арқылы интернет-алаяқтар әртүрлі интернет қызметтер мен мессенджерлерді жасырын пайдаланады. Сонымен қатар ол аккаунтарды тіркеуге қолданылады, алаяқтар басқа елде бола тұра қазақстандықтарға қоңырау шала алады. Ұсталған азамат осы жабдықты орнату және қосу, сондай-ақ слоттардағы SIM-карталарды ауыстырудан тұратын жұмысқа келіскенін айтты. Күдіктінің сөздері ҚР ҚК-нің 213-бабы бойынша қозғалған қылмыстық іс аясында мұқият тексерілетін болады», – деді Алматы қалалық ПД криминалдық полиция басқармасының бастығы Мақсат Қанапяев.

    ҚР ҚК-нің 201-бабына сәйкес өзге ақпарат тергеу мүддесіне орай жария етілмейді. ҚР Конституциясының 77-бабы 3-бөлімі 1-тармағы, ҚР ҚК-нің 19-бабы 1-тармағына сай кез келген азамат сот шешімі заңды күшіне енгенге дейін кінәсіз деп саналады.

  • Балқашта үлкен есірткі плантациясы өсірілген

    Балқашта үлкен есірткі плантациясы өсірілген

    Алматы облысының полицейлері Балқаш өңірін әуеден барлау кезінде үш тоннаға жуық голланд қарасорасын тапты. Барлау жұмыстары «Қарасора – 2024» жедел профилактикалық іс-шарасы аясында ұйымдастырылған. 

    «Есірткі плантациясы Балқаш көлінің аралдарының бірінде анықталды. Жалпы салмағы 2 тонна 740 келі болатын 6122 өсімдік бұтасы тәркіленді. Жүргізілген сараптама нәтижесінде оның каннабис өсімдігі екені расталды», — деп жазды Алматы облысы ПД бастығы Бауыржан Әленов.

    Күдіктілер әлі де іздестіріліп жатыр. Олар есірткіні өсіру үшін арнайы суару жүйесін жасаған. Оған дәлел – екі қап тыңайтқыш пен қарасораны суару және өңдеу туралы жазбалары бар дәптердің табылуы. Бұдан бөлек, полицейлер аралдағы шатырдан суық қару тауып алған.

    Аталған жайтқа байланысты қылмыстық іс қозғалды.

  • Шамалғанда жеткіншектердің қатысуымен жол апаты болды

    Шамалғанда жеткіншектердің қатысуымен жол апаты болды

    Алматы облысы Шамалған ауылында Hyundai Tucson және Toyota Camrу маркалы көліктерінің қатысуымен жол апаты орын алды. Жүргізуші мен үш жолаушы зардап шеккен.

    Оқиға 13 тамыз күні болған. Көлікті ішімдікке сылқия тойып алған 15-17 жасар жеткіншектер тізгіндеген.

    Алматы облысы ПД болса, қылмыстық іс тіркеліп, қажетті сараптамалар тағайындалғанын мәлімдеді.