Sona.kz

Метка: жалған емші

  • “Емші” 580 миллион теңгеге 136 адамды алдаған

    “Емші” 580 миллион теңгеге 136 адамды алдаған

    Ақтөбеде адамдарға «ғажайып ем» уәде еткен Сұлушаш Қазбаева алаяқтық жасағаны үшін сотталды, деп хабарлайды Sona.kz “Диапазон” басылымына сілтеме жасап.

    Тергеу дерегінше, ол өзін діндар әйел ретінде таныстырып, Құран ұстап, ақшаны қызының Түркияда емі мен мешіт салуға қажет деп сендірген. Көп адам оған сеніп, несие рәсімдеп, қолма-қол қаражат берген.

    Нәтижесінде 136 адам зардап шеккен, келтірілген шығын көлемі — 580 миллион теңге.
    Қазбаева кінәсін мойындамағанымен, сот оны 6 жыл 8 айға бас бостандығынан айырды. Үкімнің орындалуы екі жылға шегерілді, себебі оның кәмелетке толмаған баласы бар

  • Ақтөбеде жалған емші 90 адамды алдап, 400 млн теңгеден астам несие рәсімдеген

    Ақтөбеде жалған емші 90 адамды алдап, 400 млн теңгеден астам несие рәсімдеген

    Ақтөбе қалалық сотында жалған емші Сұлушаш Қазыбаеваға қатысты алаяқтық бойынша қылмыстық іс қаралып жатыр. Оған 2018 жылдан 2024 жылға дейін 90 адамды алдап, 406 млн теңгеден астам шығын келтірді деген айып тағылған.

    Айыптау мәліметінше, Қазыбаева өзін шығыс медицинасының магистрі деп таныстырып, үйінде арнайы бөлмеде қабылдау жүргізген. Ол клиенттерін сендіріп, оларды түрлі банктерден несие алуға көндірген. Ақшаны мешіт салуға және қызының шетелде емделуіне жұмсайтынын айтып, екі ай ішінде қайтаруға уәде берген.

    Зардап шеккендердің бірі Гүлбану Науанова:
    — Қызымыздың емі үшін жүгіндік. Мен 2,5 млн, күйеуім 2 млн теңге несие рәсімдеді. Жарты жыл емделдік, нәтиже болмады. Қазір күйеуім қарызды жауып жатыр, – дейді.

    Сот ашық түрде өтуде.