Sona.kz

Метка: жасөспірім

  • Қарағандыдағы қайғылы оқиға: дәрігерлердің салғырттығы 16 жастағы бозбаланың өмірін жалмады

    Қарағандыдағы қайғылы оқиға: дәрігерлердің салғырттығы 16 жастағы бозбаланың өмірін жалмады

    Қарағандыда 16 жастағы жасөспірімге дер кезінде тиісті медициналық көмек көрсетілмей, қайтыс болды. Анасы ұлының өліміне себеп болған үш медициналық мекемені сотқа беріп, 5 миллион теңге өтемақы өндіріп алды, деп хабарлайды Sona.kz Azattyq Rýhy-ға сілтеме жасап.

    Жоғарғы соттың дерегінше, 2023 жылдың наурыз айында бозбала он күн бойы сақталған жоғары температура мен әлсіздікке байланысты балалар ауруханасына түскен. Алайда дәрігерлер науқастың ауыр жағдайына қарамастан, оны тек күндізгі стационарға орналастырумен шектелген.

    Қан талдауы жасалмастан антибиотик тағайындалған, ал медициналық жазбаларды толтыруда да көптеген заңбұзушылықтар анықталды. Кейін оның жағдайы күрт нашарлап, қатерлі ісікке күдік туындаған соң басқа ауруханаға жатқызылды.

    Алайда Денсаулық сақтау басқармасы мен аурухана басшылығы науқасты республикалық орталыққа ауыстыру немесе қашықтан консультация алу мүмкіндігін дер кезінде ұйымдастырмаған.

    Жалпы практика дәрігері де қан талдауы нәтижелерін дұрыс бағаламай, онкогематологиялық тексеруге жолдама бермеген. Ақырында бозбала алғашқы жүгінуден бір ай өткен соң жансақтау бөлімінде көз жұмды.

    Тексеру нәтижесінде медициналық көмек көрсету кезінде өрескел бұзушылықтар расталды. Бірінші сатыдағы сот анасының талабын толық қанағаттандырып, үш аурухананы 5 миллион теңге көлемінде өтемақы төлеуге міндеттеді.

    Апелляциялық сот шешімді өзгеріссіз қалдырды.

  • Қарағандыдағы қайғылы оқиға: дәрігерлердің салғырттығы 16 жастағы бозбаланың өмірін жалмады

    Қарағандыдағы қайғылы оқиға: дәрігерлердің салғырттығы 16 жастағы бозбаланың өмірін жалмады

    Қарағандыда 16 жастағы жасөспірімге дер кезінде тиісті медициналық көмек көрсетілмей, қайтыс болды. Анасы ұлының өліміне себеп болған үш медициналық мекемені сотқа беріп, 5 миллион теңге өтемақы өндіріп алды, деп хабарлайды Sona.kz Azattyq Rýhy-на сілтеме жасап.

    Жоғарғы соттың дерегінше, 2023 жылдың наурыз айында бозбала он күн бойы сақталған жоғары температура мен әлсіздікке байланысты балалар ауруханасына түскен. Алайда дәрігерлер науқастың ауыр жағдайына қарамастан, оны тек күндізгі стационарға орналастырумен шектелген.

    Қан талдауы жасалмастан антибиотик тағайындалған, ал медициналық жазбаларды толтыруда да көптеген заңбұзушылықтар анықталды. Кейін оның жағдайы күрт нашарлап, қатерлі ісікке күдік туындаған соң басқа ауруханаға жатқызылды.

    Алайда Денсаулық сақтау басқармасы мен аурухана басшылығы науқасты республикалық орталыққа ауыстыру немесе қашықтан консультация алу мүмкіндігін дер кезінде ұйымдастырмаған.

    Жалпы практика дәрігері де қан талдауы нәтижелерін дұрыс бағаламай, онкогематологиялық тексеруге жолдама бермеген. Ақырында бозбала алғашқы жүгінуден бір ай өткен соң жансақтау бөлімінде көз жұмды.

    Тексеру нәтижесінде медициналық көмек көрсету кезінде өрескел бұзушылықтар расталды. Бірінші сатыдағы сот анасының талабын толық қанағаттандырып, үш аурухананы 5 миллион теңге көлемінде өтемақы төлеуге міндеттеді.

    Апелляциялық сот шешімді өзгеріссіз қалдырды.

  • Жамбыл облысында түнгі аңшылық кезінде жасөспірім оқтан көз жұмды — полиция тергеу бастады

    Жамбыл облысында түнгі аңшылық кезінде жасөспірім оқтан көз жұмды — полиция тергеу бастады

    Жамбыл облысының Мойынқұм ауданына қарасты Құшаман ауылында қайғылы оқиға болды. Алдын ала мәліметке сүйенсек, 2012 жылы туған екі оқушы (сыныптасы) түнгі аңшылыққа шыққан, деп хабарлайды Sona.kz Halyqstan-ға сілтеме жасап.

    Ауыл тұрғындарының айтуынша, балалар қоян атуға барған. Олардың бірі қоянды жаралап, артынан іздеп кеткен. Сол сәтте екінші бала қашқан аңды тоқтатпақ болып оқ атқан, бірақ оқ досына тиіп кеткен.

    Ауыр жарақат алған жеткіншек оқиға орнында көз жұмған.

    Жамбыл облыстық полиция департаментінің мәліметінше, қазір ҚР Қылмыстық кодексінің 104-бабы — «Абайсызда адам өліміне әкеп соғу» бойынша сотқа дейінгі тергеу басталды.

    «Күдікті анықталып, полиция бөлімшесіне жеткізілді. Қазіргі уақытта істі жан-жақты және объективті тергеуге бағытталған барлық қажетті шаралар жүргізілуде. Сонымен қатар, балалардың ата-аналарына қатысты олардың тәрбиелеу және бақылау міндеттерін тиісінше орындамауына байланысты жауапкершілік мәселесі қаралуда. Себебі кәмелетке толмағандар түнде ересектердің қарауынсыз қалып, атыс қаруына қол жеткізген», — делінген ведомствоның ресми жауабында.

    Сондай-ақ полиция өкілдері тергеу мүддесіне байланысты өзге мәліметтер жарияланбайтынын атап өтті.

    Ауыл тұрғындарының айтуынша, қайғылы оқиғадан кейін аудан орталығының алаңына көптеген адам жиналған. Халық бұл жағдайға алаңдап, балалардың қалайша қаруға қол жеткізгенін және неге ересектердің бақылауынсыз қалғанын анықтауды талап етуде.

    Сарапшылар мұндай жағдайлар ата-аналардың жауапкершілігін және қару сақтаудың қауіпсіздігі жөніндегі талаптардың маңыздылығын тағы бір рет көрсетіп отыр.

    ? Еске салайық, Қазақстан заңнамасына сәйкес, қару иелері оны балалар мен бөгде адамдардың қол жеткізуіне жол бермейтін арнайы сейфтерде сақтауы тиіс. Бұл талаптарды бұзу әкімшілік және қылмыстық жауапкершілікке әкеп соғады.

  • Қызылорда облысында мүмкіндігі шектеулі балаға қиянат жасаған оқиға бойынша іс қозғалды

    Қызылорда облысында мүмкіндігі шектеулі балаға қиянат жасаған оқиға бойынша іс қозғалды

    БАҚ пен әлеуметтік желілердегі жарияланымдардан кейін ҚР Ішкі істер министрлігі бұл жағдайға жедел әрекет етті, деп хабарлайды Sona.kz Қызылорда облысының ПД-не сілтеме жасап.

    Қызылорда облыстық полиция департаментінің бастығы Серік Ергешовтың айтуынша, күдікті жасөспірім ұсталып, уақытша ұстау изоляторына қамалды. Оқиға бойынша қылмыстық іс қозғалды.

    Бұған дейін желіде жасөспірімдердің мүмкіндігі шектеулі балаға күш көрсетіп, аяғын отпен күйдірген сәті түсірілген видео тараған болатын.

    Қоғам тарапынан Ішкі істер министрі Ержан Сапарбекұлына жедел әрекеті мен істі толық тексеруге тапсырма бергені үшін алғыс айтылды.

  • Қызылорда облысында жасөспірімдер ерекше қажеттілігі бар баланы азаптап, аяғын күйдірген

    Қызылорда облысында жасөспірімдер ерекше қажеттілігі бар баланы азаптап, аяғын күйдірген

    Қызылорда облысында ерекше қажеттілігі бар балаға жасалған зорлық-зомбылық фактісі бойынша тергеу басталды, деп хабарлайды Sona.kz Письма президенту телеграм каналына сәлтеме жасап.

    Әлеуметтік желілерде тараған бейнежазба қоғамда үлкен резонанс тудырды. Кадрлардан бірнеше жасөспірімнің балаға қорлық көрсетіп, аяғын күйдіргені байқалады.

    Полицияның мәліметінше, оқиғаға қатысы бар барлық тұлғалар анықталды. Қылмыстық кодекстің «Азаптау» бабы бойынша сотқа дейінгі тергеу басталды. Сараптамалар тағайындалды.

    Қоғам өкілдері мен белсенділер Ішкі істер министрі Ержан Сапарбековтен кінәлілерге қатаң шара қолдануды сұрап отыр.

    Психологтар соңғы уақытта балалар арасындағы қатыгездік пен зорлық-зомбылық жиілегенін айтып, ата-аналарды балаларымен сөйлесіп, адамгершілікке, сыйластыққа тәрбиелеуге шақырады.

  • Оралда жасөспірімге зорлық көрсеткен ер адам іздестірілуде

    Оралда жасөспірімге зорлық көрсеткен ер адам іздестірілуде

    Орал қаласында полицейлер 15 жастағы қызға қатысты зорлық-зомбылық жасаған ер адамды іздестіруде, деп хабарлайды Sona.kz Halyqstan-ға сілтеме жасап.

    Оқиғаға байланысты қоғамда үлкен алаңдаушылық туындады. Әлеуметтік желілерде бірнеше адам шабуыл жасады деген расталмаған ақпарат тараған. Алайда ІІМ мәліметінше, күдікті жалғыз болған. Қазіргі уақытта оның жеке басы анықталып, ұсталуына бағытталған шаралар жүргізілуде.

    Полицияның дерегінше, бұл факті бойынша қылмыстық іс қозғалды. Қыз балаға медициналық көмек көрсетіліп жатыр.

    «Қазір жедел-іздестіру шаралары жүргізілуде, күдіктіні анықтап, ұстау бойынша барлық күш жұмылдырылды», – деді облыстық ПД бастығының орынбасары Ұланбек Әбілхайыр.

    Құқық қорғау органдары қала тұрғындарын сақтыққа шақырып, расталмаған мәліметтерді таратпауға үндеді.

  • Бейнеуде жаппай төбелестен кейін жасөспірім қаза тапты

    Бейнеуде жаппай төбелестен кейін жасөспірім қаза тапты

    Маңғыстау облысының Бейнеу ауылында болған жаппай төбелес жасөспірімнің қазасына әкелді, деп хабарлайды Sona.kz Lada.kz-ке сілтеме жасап.

    Облыстық прокуратураның мәліметінше, төбелес кезінде 17 жастағы бозбала автокөліктің астына түсіп қалған. Көлікті жүргізген азамат қаза тапқан жігіттің өз ортасынан болған.

    «Оқиға төбелес аяқталған кезде орын алды. Жастар жан-жаққа қаша бастағанда, марқұм көлік астында қалды. Қазіргі уақытта Бейнеу ауданының 15 жасөспіріміне қатысты Қылмыстық кодекстің “Ауыр дене жарақатын салу” және “Бұзақылық” баптары бойынша сотқа дейінгі тергеу жүргізілуде. Арнайы сараптама тағайындалды. Оның қорытындысы бойынша қайтыс болған баланың өлімі төбелестен алған соққыдан ба, әлде көлік соққысынан ба анықталады», — деді Маңғыстау облысы прокуратурасының басқарма бастығы Данияр Төлегенов.

    Тергеу аясында төрт жасөспірім қамауға алынса, 11-іне үйқамақ шарасы қолданылған. Бұдан бөлек, 18 тамызда прокуратураға ұсталғандардың ата-аналары арыз түсіріп, балаларын полиция қызметкерлері азаптағанын мәлімдеген. Бұл дерек бойынша ҚР ҚК-нің 106-бабы («Азаптау») бойынша іс қозғалып, тиісті сараптамалар жүргізіліп жатыр.

    Айта кетейік, тамыз айында Бейнеу ауылында болған қақтығыс кезінде бір жас жігіт алған жарақатынан көз жұмған еді.

  • Қарағандыда көпқабатты үйлердің шатырында кірпіш тізіп жүрген жасөспірімді анықтады

    Қарағандыда көпқабатты үйлердің шатырында кірпіш тізіп жүрген жасөспірімді анықтады

    Қарағандыда полицейлер көпқабатты үйлердің шатырларына кірпіш тізіп жүрген 15 жастағы жасөспірімді анықтады, деп хабарлайды Sona.kz Қарағанды облыстық ПД-ға сілтеме жасап.

    Бұған дейін қала тұрғындары әлеуметтік желілерде белгісіз адамның шатырдың шетіне кірпіш қойып жүргенін жазған. Бақылау камералары да каска, шам және рюкзакпен жүрген жасөспірімді түсіріп алған. Ол кірпіштерді жоғары көтеріп, шатырдың шетімен тізіп шыққан.

    Полиция мәліметінше, жасөспірім заңды өкілімен бірге бөлімшеге жеткізілді. Онымен профилактикалық әңгіме жүргізіліп, мектепішілік есепке қойылды.

    «Заңды өкіліне қатысты “Кәмелетке толмағанның бұзақылығы” бабы бойынша әкімшілік іс қозғалды. Материалдар сотқа жолданады», — деп хабарлады полицияда.

  • Алматы облысында жасөспірімді қорлап, бейнежазбаға түсіргендер ұсталды

    Алматы облысында жасөспірімді қорлап, бейнежазбаға түсіргендер ұсталды

    Алматы облысында кәмелетке толмағанға жасалған қорқынышты қылмыс бойынша күдіктілер ұсталды. Бұған дейін әлеуметтік желілерде екі әйелдің 16 жастағы қызды ұрып-соғып, азаптап жатқан сәті түсірілген бейнежазба тараған еді, деп хабарлайды Sona.kz Tengrinews.kz-ке сілтеме жасап.

    Әлеуметтік желідегі ақпаратқа сәйкес, әйелдер жасөспірімді алдап үйінен шығарып алып, оған қол көтерген, темекімен күйдірген, суға батырған, қорлайтын әрекеттерге мәжбүрлеген. Барлығын бейнежазбаға түсіріп, кейін отбасыдан үш миллион теңге талап етіп, жазбаны таратамыз деп қорқытқан.

    Облыстық полиция департаментінің мәліметінше, күдікті екі әйел ұсталып, уақытша ұстау изоляторына қамалды. Олар кәмелетке толмағанға дене жарақатын салу және сексуалдық сипаттағы зорлық-зомбылық әрекеттері бойынша айыпталып отыр.

    Құқық қорғаушылар сонымен қатар қылмыстық іс қатысушыларының жеке деректері жария кеңістікке тарап кеткені туралы да тексеріс жүргізіп жатыр.

  • Алматыда жасөспірім екі жасар баланы асфальтқа лақтырды: қылмыстық іс қозғалды

    Алматыда жасөспірім екі жасар баланы асфальтқа лақтырды: қылмыстық іс қозғалды

    Алматыда кішкентай балаға қатысты оқыс оқиға болды. Әлеуметтік желіде тараған бейнежазбада 13 жастағы жасөспірімнің екі жасар сәбиді қолына көтеріп, жоғары лақтырып, жерге құлатып кеткен сәті анық көрінеді. Баланың денсаулығына зақым келді.

    Баланың анасының айтуынша, жағдай 23 тамыз күні кешкі сағат 20:15 шамасында аулада болған. «Ұлым ойнап жүргенде жасөспірім келіп, қолына көтерді де, жоғары лақтырып жіберіп, өзі қашып кетті. Біз соңынан жүгіргенімізбен, көзден таса болды», – дейді ол.

    Зардап шеккен сәби жедел түрде ауруханаға жеткізілді. Анасы бірден полицияға шағым түсірген. Кейін учаскелік инспектор оқиғаны жасаған баланың аутизм диагнозы бар екенін және дамуында тежелуі бар екенін айтқан.

    Әйелдің сөзінше, бастапқыда жасөспірімнің ата-анасы емдеу шығындарын өтейтінін уәде еткен. Алайда кейін олар сөзінен айнып, көмектен бас тартқан. Осыған байланысты ана полиция жұмысына да наразылық білдірді.

    Алматы қалалық полиция департаменті бұл факті бойынша қылмыстық іс қозғалғанын хабарлады. «Қажетті тергеу амалдары аяқталған соң процессуалдық шешім қабылданады», – делінген ресми ақпаратта.

    Қазір баланың жағдайына дәрігерлер бақылау жасап отыр. Ал ата-анасы әділдікке қол жеткізуді талап етуде.