Түркістан облысында шетелдік автоблогерден 200 мың теңге талап еткен полицейлер қызметінен босатылды. 31 наурызда әлеуметтік желіде Беларусьтен келген блогер мен оның достарын полицейлер тоқтатып, Қазақстанда техникалық тексеруден өтпегені үшін айып таққаны туралы видео тарады. Кейін олардан 200 мың теңге сұралғаны айтылды.
Министр орынбасары Игорь Лепеха бұл оқиғаға қатысты қызметтік тексеріс жүріп жатқанын мәлімдеді. Сонымен қатар, полицейлерге қатысты қылмыстық іс қозғалып, олардың басшылығына да тексеру басталды.
