Ресейлік рэпер Navai-дың Қазақстанға кіруіне бес жылға тыйым салынды. Шектеу мерзімі оның елден нақты шыққан күнінен бастап есептеледі, деп хабарлайды SONA.KZ BES.media басылымына сілтеме жасап.
Жамбыл облыстық полиция департаментінің мәліметінше, Наваи Бакировқа қатысты қылмыстық іс оның алғаш рет құқық бұзғаны және шын өкінгені ескеріліп тоқтатылған. Процестік шешімді қадағалаушы орган бекіткен. Бұдан кейін орындаушы шетел азаматы ретінде Қазақстаннан шығарылған.
Navai 13 қазанда Қырғызстаннан Қазақстанға кірген кезде Қордай өткізу бекетінде ұсталған еді. Полиция ол отырған автокөлікті тексеру барысында есірткі заты табылғанын хабарлаған.
Орындаушының 14 қазанда Астанада өтуге тиіс концерті де өтпей қалған.
