2025 жылғы 26 наурыз кешкі сағат 22:10 шамасында Жезқазғандағы көпқабатты үйлердің бірінде оқыс оқиға болды. Әйел адам бөтен пәтердің есігін ұрып, теуіп, тұтқасын сындырып жіберген.
Сотта әйел бұл әрекетін “алтын сағатымды жоғалтып алдым, мүмкін сол үйдің иесі немесе жұбайы тауып алған шығар деп ойладым” деп түсіндірді. Алайда сотта жәбірленуші мен көршілердің сөздері мен видео дәлелдер оның агрессивті әрекетке барғанын растады.
Нәтижесінде, сот ҚР Әкімшілік кодексінің 147-1-бабы 1-бөлігіне сәйкес (бөтен мүлікті әдейі бүлдіру) әйелге 50 АЕК, яғни 196 600 теңге айыппұл салды.
Айта кетейік, бұл бап бойынша 50 АЕК көлемінде айыппұл немесе 5–20 тәулікке дейін қамауға алу жазасы қарастырылған.
