Қорғаныс министрлігінен кеткен Руслан Жақсылықов жаңа лауазымға ие болды. Ол Қазақстан Республикасы Қауіпсіздік кеңесі хатшысының бірінші орынбасары болып тағайындалды.
Еске салайық, 8 маусымда Президент Қасым-Жомарт Тоқаевтың жарлығымен Жақсылықов Қорғаныс министрі қызметінен босатылған еді.
Экс-министр бұл шешімді сабырмен қабылдағанын айтқан болатын:
«Әр офицердің өмірінде бір кезең келеді — ұжымды, әскери бөлімді артта қалдыру керек болады. Бұл — Президенттің шешімі. Маған жүктелген міндеттерді орындадым. Енді сәл тынығып, ары қарай жұмыс істейміз», – деген еді ол.
Жақсылықовтың жаңа қызметі – ел қауіпсіздігін қамтамасыз етудегі маңызды буын. Бұл тағайындау оның тәжірибесі мен беделінің әлі де қажет екенін көрсетті.
