Sona.kz «ҚазАвтоЖол» ҰК» АҚ дерегіне сілтеме жасап хабарлайды
11 тамыз күні түнде Қарағанды облысының Осакаров ауданында жол-көлік оқиғасы болды. Астана – Қарағанды – Алматы трассасының 1396-шақырымында, Батпақты ауылы маңында Toyota Alphard жолдан шығып, аударылып қалды. Алдын ала мәлімет бойынша, жүргізуші рөлге ие бола алмаған.
Оқиға салдарынан үш адам көз жұмды, тағы алты адам түрлі жарақат алды.
Аймақта бұған дейін де ауыр апаттар тіркелген:
• 8 тамызда Қарағанды маңында Audi мен BMW соқтығысып, 28 жастағы әйел мен оның үш айлық қызы қаза болды, тағы үш адам жарақаттанды.
• 3 тамызда Алматы – Екатеринбург тас жолында мотоцикл полицияның Kia Sportage автокөлігімен соқтығысып, 42 жастағы мотоциклист қаза тапты.
