Телефон ұстап автобус жүргізген және жолаушыға дөрекілік танытқан жүргізуші қызметінен босатылды. Бұл туралы «Алматыэлектротранс» компаниясы хабарлады, деп жазады Sona.kz Tengrinews.kz-ке сілтеме жасап.
Оқиға 11 тамызда болды. Әлеуметтік желіде жолаушының жүргізушіге қозғалыс кезінде телефон қолданбау туралы ескерту жасаған сәті түсірілген видео тарады. Жүргізуші бұған агрессивті жауап беріп, жолаушының телефонын тартып алмақ болып, кейін оны автобустан итеріп шығаруға тырысқан.
Компания тексеріс жүргізіп, жүргізушіге ішкі ережелерге сәйкес шара қолданғанын және ресми түрде кешірім сұрағанын мәлімдеді.
