Бұл серіктестік аясында Beeline өз супераппын Janymda кеңейту үшін Tencent Cloud Super App as a Service (TCSAS) платформасын енгізбек.
Beeline — Орталық Азияда бұл технологияны қолданған алғашқы телеком-оператор. Жаңа шешім арқылы 200-ден астам мобильді ойын іске қосылады. Алғашқысы келесі айда пайда болады.
«Janymda — жай ғана қосымша емес, бұл технология мен эмоция тоғысқан кеңістік. Tencent Cloud-пен бірге біз адамдардың цифрлық өмірін мазмұнға байытамыз», — деді Beeline Қазақстан компаниясының цифрлық платформалар және ойын-сауық бағытының директоры Максим Цвыков.
Қосымшада түрлі жанрдағы ойындар — аркада, логикалық және симуляторлар бар. Сонымен қатар пайдаланушылар ойын барысында бонус мобильді интернет ұтып ала алады.
Tencent Cloud өкілдері серіктестік Қазақстандағы цифрлық экожүйені дамытуға серпін беретініне сенім білдірді. Алдағы уақытта Beeline жаңа контент пен серіктес қызметтерді интеграциялауды жоспарлап отыр.
Janymda қосымшасы барлық байланыс операторларының пайдаланушылары үшін қолжетімді.
