Алматыда Темірязев көшесінде белгісіз ер адам қызды қуып, оған тапанша бағыттаған.
Sona.kz куәгерлердің мәліметіне сілтеме жасап хабарлайды.
Қыздың айтуынша, ол дәріханаға бара жатқан кезде белгісіз ер адам соңынан еріп, мазасын алған. Қорыққан ол жақын жердегі бутиктің ішіне кіріп тығылған. Алайда ер адам сыртта тұрып, қолына тапанша алған.
«Мен қатты қорықтым», — деп жазды қыз әлеуметтік желіде. Оның сөзінше, полиция оқиға орнына келіп, ер адаммен профилактикалық әңгіме жүргізіп, босатып жіберген.
Бұл оқиға желі қолданушыларының наразылығын тудырды — олар полицейлердің әрекетіне тексеріс жүргізуді талап етуде.
