Алматыдағы Халықаралық бизнес университетіне (UIB) жарылғыш құрылғы қойылғаны туралы хабар расталмады. Бұл туралы «Криминальный Казахстан» Telegram арнасы хабарлады.
Арнаның мәліметінше, 20 қазанда университеттің электрондық поштасына ғимаратқа бомба қойылғаны туралы хат келген. Полицияға хабар сағат 10:40-та түскен. Хатта Абай даңғылы, 8а мекенжайындағы, Назарбаев даңғылымен қиылыста орналасқан оқу ғимараты көрсетілген.
Бастапқы хабарламада ғимаратты күзет қызметкерлері мен учаскелік полиция инспекторлары тексеретіні айтылған. Кейін арна қауіп туралы ақпараттың расталмағанын және университеттің қалыпты жұмыс істеп жатқанын хабарлады.
Алматы полициясы қаладағы үш жоғары оқу орнына қатысты осындай хабар түскенін растады. Мамандар ғимараттар мен оларға іргелес аумақтарды тексерген. Жарылғыш құрылғылар мен басқа да қауіпті заттар табылмаған.
