Алматыда кешкі қарбалас кезінде жеңіл көлік велосипед жолына шығып кеткен. Куәгер оқиғаны видеоға түсіріп, әлеуметтік желіге жариялады. Қалалық полиция департаменті көлікті басқарған әйелді анықтап, оған қатысты әкімшілік хаттама толтырылды, деп хабарлайды Sona.kz Halyqstan — ға сілтеме жасап.
Полиция не деді?
Хаттама велосипед жолымен автокөліктің жүруіне тыйым салатын жол белгісінің талабын сақтамағаны үшін толтырылды. Полиция жүргізушіге жол ережесін сақтау керегін түсіндірді. Оған қандай жаза тағайындалғаны айтылмады.
Айыппұл мөлшері қанша?
Қазақстанның Әкімшілік құқық бұзушылық туралы кодексінің 601-бабының бірінші бөлігіне сәйкес, жол белгілерінің немесе жол таңбасының талаптарын сақтамағаны үшін 3 АЕК айыппұл көзделген. 2026 жылы бұл 12 975 теңгеге тең
