Sona.kz

Автор: Дана Альсеитова

  • «Торпедо» хоккейшісі клубтас әріптесінің өлімінен кейін үйқамаққа алынды

    «Торпедо» хоккейшісі клубтас әріптесінің өлімінен кейін үйқамаққа алынды

    Өскемен қаласының №2 соты «Торпедо» командасының шабуылшысы Андрей Лагуновқа қатысты бұлтартпау шарасын күшейтті. Бұл шешім марқұм қақпашы Иван Пылёноктың ата-анасының адвокатының өтінішімен қабылданды.

    19 жастағы жастар құрамасының қақпашысы Иван Пылёноктың өліміне қатысты іс бойынша негізгі күдікті – ресейлік хоккейші Лагунов. Ол маусым бойы негізгі құрамда өнер көрсеткен.

    Бұған дейін оған «елден шықпау және тиісті тәртіпті сақтау» түріндегі шектеу қойылған еді. Алайда марқұмның жақындары бұл шараны жеткіліксіз деп санап, қатаң жаза қолдануды талап еткен.

    Сот шешімімен Андрей Лагунов тергеу аяқталғанға дейін, бірақ алты айдан аспайтын мерзімге үйқамаққа алынды.

    Айта кетейік, тергеу барысында Лагунов елден шықпау талабына қарамастан бірнеше рет сырт алаңдағы ойындарға қатысқан. Сондай-ақ, сотта клубтың онымен келісімшартты ұзартпағаны белгілі болды. Клубқа ресми сұрау жолданған.

  • БҚО-да бір отбасының бес баласы өрттен қаза тапты

    БҚО-да бір отбасының бес баласы өрттен қаза тапты

    Батыс Қазақстан облысы, Сырым ауданы, Жымпиты ауылында бір үйдің бес бірдей баласы өрттен көз жұмды. Қайғылы оқиға 4 маусым күні күндіз тіркелді.

    Төтенше жағдайлар департаментінің мәліметінше, сағат 15:00 шамасында жеке тұрғын үйде өрт шыққаны жөнінде хабарлама түскен. Өрт сөндірушілер оқиға орнына 5 минут ішінде жетіп, үйдің ішінен ес-түссіз күйдегі бес баланы алып шыққан.
    Өрт 30 шаршы метр аумақты шарпыған, үйдің ішкі жабдықтары мен жиһаздар жанған. Балалар дереу аудандық ауруханаға жеткізілгенімен, өкінішке қарай, дәрігерлер олардың өмірін сақтап қала алмады.

    Қаза тапқан балалардың жасы — 1 жастан 6 жасқа дейін. Барлығы бір отбасының балалары. Оқиға кезінде ата-аналары жұмыста болған. Отбасы жалдамалы үйде тұрған.

    Қазіргі таңда оқиғаның себебі анықталуда. Арнайы сараптама мен тергеу амалдары жүргізіліп жатыр. Оқиға орнына ТЖД басшылығы, тергеу тобы, өрт зертханасы және психологтар жіберілді.

  • Астанадағы уақытша ұстау изоляторында пара алған қызметкер 7 жылға сотталды

    Астанадағы уақытша ұстау изоляторында пара алған қызметкер 7 жылға сотталды

    Астанадағы уақытша ұстау изоляторының қызметкері тергеудегі адамдарға ұялы телефон қолдануға рұқсат бергені үшін пара алып келген. Бұл іс бойынша сот 26 эпизодты қарап шықты. Жалпы сомасы – 2 миллион теңгеге жуық.

    Сот үкіміне сәйкес, изолятор қызметкері 7 жылға бас бостандығынан айырылды. Сонымен қатар, оған пара берген екі адам 3 жылдан жаза алды. Тағы бір тұлға айыппұлмен шектелді.

    Қалған 23 адам жазадан босатылды. Сот олар бұл әрекетке қысыммен барғанын және бұрын сотталмағанын ескерді.

    Айта кетейік, жуырда Ақтау қалалық сотының бұрынғы төрағасы Бауыржан Шайдоллин алаяқтық және пара алуға итермелеу ісі бойынша сотталып, кінәлі деп танылған болатын.

  • Алматыда тұрғын үй ауласынан ұрланған көлік табылды

    Алматыда тұрғын үй ауласынан ұрланған көлік табылды

    Алматыда көпқабатты үйдің ауласындағы тұрақтан көлік ұрланды. Қылмыс бірнеше күн ішінде әшкереленіп, екі күдікті қолға түсті.

    ІІМ мәліметінше, көлікті ұрлағандар оған жалған нөмір таққан. Кейін көлік Алматин облысына шығарылып, жекеменшік үйдің ауласында жасырылған. Алдын ала дерекке сәйкес, олар автокөлікті сатып жіберуді көздеген.

    Күдіктілердің бірі бұрын сотталған. Қазір екеуі уақытша ұстау изоляторына қамалды, аталған дерек бойынша қылмыстық іс қозғалды.

    Бостандық аудандық полиция басқармасының бастығы Дидар Аханов:
    “Жедел ақпарат жинау, мекенжайлық тексерулер нәтижесінде көлік иесіне қайтарылды. Азаматтардың жеке мүлкіне қарсы қылмыстарға жол бермеу – басты міндетіміз” – деп атап өтті.

    Полиция автокөлік иелеріне қауіпсіздік шараларын еске салады:
    – Кілтті көлік ішінде қалдырмау;
    – Қосымша құлыптау құрылғыларын қолдану;
    – Мүмкіндігінше күзетілетін тұрақтарға қою.

  • Flyboard пен автошеру: Қонаев халқы мерекені ерекше форматта атап өтті

    Flyboard пен автошеру: Қонаев халқы мерекені ерекше форматта атап өтті

    Алматы облысының орталығында ұйымдастырылған думанды күн патриоттық рухты көтеріп, тұрғындарға жағымды көңіл-күй сыйлады.

    Мереке орталық алаңнан басталған ретро-көліктер шеруімен ашылды. Мемлекеттік тулармен безендірілген көліктер қаланы аралап өтіп, №5 қалалық жағажайға дейін жетті.

    Жағажайда өткен Flyboard шоуы күннің ерекше сәтіне айналды. Спортшылар су бетінде көк Туды желбіретіп, әуеде көз тартарлық трюктер жасады. Бұл көріністі 300-ден астам қала тұрғыны мен қонақтары тамашалады.

    Іс-шара барысында қала әкімі Асхат Бердіханов тұрғындарды айтулы мерекемен құттықтады.

    «Сіздерді 4 маусым – Қазақстан Республикасының Мемлекеттік рәміздер күнімен шын жүректен құттықтаймын! Бұл – тәуелсіздігіміздің символы, ұлт бірлігі мен рухын айшықтайтын маңызды күн. Мемлекеттік рәміздер – баршамыз үшін ортақ мақтаныш, болашақ ұрпақ үшін асыл мұра. Баршаңызға денсаулық, береке және игілік тілеймін», – деді әкім.

    Қала тұрғындары ерекше форматта өткен шараларға жоғары баға берді.

    «Flyboard шоуын алғаш рет көріп отырмыз. Керемет әсер алдық. Ұйымдастырушыларға алғысымыз шексіз. Осындай көріністер Отанға деген сүйіспеншілікті арттыра түседі», – деді Димаш есімді тұрғын.

    Іс-шара мерекелік концертке ұласты.

  • Қарағанды облысындағы елдімекеннен миллион дозаға жететін синтетикалық есірткі өндірісі әшкереленді

    Қарағанды облысындағы елдімекеннен миллион дозаға жететін синтетикалық есірткі өндірісі әшкереленді

    Қарағанды облысы, Солтүстік-Батыс кентінде орналасқан жасырын нарколабораторияның көзі жойылды. Полицейлердің мәліметінше, бұл цехтан 1 миллионнан астам доза синтетикалық есірткі жасауға болар еді.

    Арнайы операция барысында 6 тоннадан астам прекурсор мен 35 келі дайын психотропты зат тәркіленді. Шахтинск қаласының екі тұрғыны ұсталып, уақытша ұстау изоляторына қамалды.

    Тінту кезінде 355 канистр химиялық заттар, зертханалық құрал-жабдықтар, индукциялық плиталар, желдеткіш қондырғылар, респираторлар мен үш автокөлік табылды. Тергеу нұсқасына сәйкес, бұл көліктер қылмыстық мақсатта пайдаланылған болуы мүмкін.

    Полицияның мәліметінше, «Қарасора-2025» жедел-алдын алу іс-шарасы аясында ұйымдастырылған операция нәтижесінде жаңа қатысушылардың, оның ішінде бейбіт тұрғындардың қылмыстық әрекетке тартылуына жол берілмеді.

    Қазіргі уақытта қылмыстық іс бойынша тергеу амалдары жүріп жатыр.

  • Флайборд и автопробег: в Конаеве День государственных символов отметили в необычном формате

    Флайборд и автопробег: в Конаеве День государственных символов отметили в необычном формате

    4 июня в городе Конаев состоялись масштабные мероприятия, приуроченные ко Дню государственных символов Республики Казахстан. Праздничная программа, организованная в административном центре Алматинской области, придала особый патриотический дух и подарила жителям яркие эмоции.

    Праздник начался с автопробега ретро-автомобилей, украшенных государственными флагами. Колонна проехала по городу и направилась к городскому пляжу №5.

    Настоящим украшением дня стало шоу флайбордистов. Спортсмены эффектно парили над водой с развевающимся государственным флагом, выполняя зрелищные трюки. Представление наблюдали более 300 горожан и гостей Конаева.

    С торжественной речью к участникам мероприятия обратился аким города Асхат Бердиханов.

    «Искренне поздравляю вас с 4 июня — Днём государственных символов Республики Казахстан! Это особая дата, символизирующая нашу независимость, единство и национальную гордость. Герб, Флаг и Гимн — это не просто атрибуты, это священные символы, объединяющие всех казахстанцев. Желаю вам крепкого здоровья, мира, благополучия и процветания!»

    Жители Конаева высоко оценили формат мероприятия.

    «Такое шоу флайборда мы увидели впервые. Очень впечатлило! Благодарим организаторов. Такие события усиливают чувство гордости за свою страну», — поделился впечатлениями житель города по имени Димаш.

    Завершилось мероприятие праздничным концертом.

  • Алматыда психикалық ауытқуы бар екі науқас іздестіріліп жатыр

    Алматыда психикалық ауытқуы бар екі науқас іздестіріліп жатыр

    Алматыда Психикалық денсаулық орталығының екі пациенті өз бетімен емдеу мекемесінен кетіп қалған. Оқиға 31 мамыр күні күндізгі серуен кезінде болған.

    Мекеме мәліметінше, науқастардың жоғалғаны белгілі болған сәттен бастап іздеу шаралары бірден басталған. Алайда әзірге олардың қайда екені белгісіз.

    Қазіргі уақытта полиция қызметкерлері мен орталық мамандары бірлесіп іздестіру жұмыстарын жүргізіп жатыр. Еріктілер қозғалысы аталған азаматтардың суреттері мен мәліметтерін жариялап, тұрғындардан қандай да бір ақпарат білсе, дереу хабарлауды сұрайды.

    Байланыс телефондары:
    +7 (701) 375-92-91
    +7 (705) 105-31-31
    немесе 102 нөміріне хабарласуға болады.

  • Шымкентте ашуға булыққан бойжеткен такси көлігін таспен қиратты

    Шымкентте ашуға булыққан бойжеткен такси көлігін таспен қиратты

    Әлеуметтік желілерде Шымкентте бойжеткеннің такси көлігінің терезелерін таспен шағып жатқан видеосы тарады. Оқиғаға байланысты полиция қылмыстық іс қозғаған.

    Кадрларда қызыл белдемше киген жалаңаяқ бойжеткеннің көліктің алдымен артқы есігінің, кейіннен артқы әйнегін ауыр таспен ұрып сындырғаны көрінеді. Ол ашуын тоқтатпастан көлікке тағы да бірнеше рет тас лақтырған.

    Қалалық полиция департаментінің мәліметінше, бойжеткенге бөтеннің мүлкін қасақана бүлдіргені үшін Қылмыстық кодекстің 202-бабы бойынша іс тіркелді.

    – Күдікті ұсталып, уақытша ұстау изоляторына қамалды. Тергеу және сараптама нәтижелері бойынша процестік шешім қабылданады, – делінген ресми ақпаратта.

    Қыздың бұл әрекетке не себепті барғаны әзірге белгісіз

  • Алматыда жаңа туған сәбилерді сатумен айналысқан қылмыстық топ ұсталды

    Алматыда жаңа туған сәбилерді сатумен айналысқан қылмыстық топ ұсталды

    Алматыда жаңа туған нәрестелерді сатумен айналысқан ұйымдасқан қылмыстық топтың жолы кесілді. Бұл туралы қалалық полиция мен ұлттық қауіпсіздік қызметі хабарлады.

    Тергеу дерегінше, күдіктілер бірнеше жыл бойы әлеуметтік желілер арқылы сәбилерді заңсыз сатумен айналысқан. Олар әлеуметтік жағынан әлсіз әйелдерден, соның ішінде шетел азаматтарынан туған нәрестелерді сатып алғысы келетін адамдармен кездестіріп отырған.

    Құзырлы орган өкілдері жаңа туған ұл баланы сату әрекеті нақты құжатталғанын мәлім етті. Күдіктілер сәби үшін ірі көлемде қаражат алмақ болған сәтінде ұсталған. Бала мемлекет қамқорлығына алынып, арнайы мекемеге орналастырылды.

    Аталған дерек бойынша қылмыстық іс қозғалып, бірнеше адам қамауға алынды. Тергеу шаралары жалғасып жатыр. Оқиғаның өзге өңірлердегі байланыстары да тексерілуде.

    Алматы қалалық Полиция департаменті бастығының бірінші орынбасары Қуатбек Науатов:
    “Бұл бір реттік әрекет емес. Тұрақты және кең ауқымды схема болғаны анық. Мұндай ауыр әрі ар-ожданға қарсы қылмыстардың әрқайсысы заң аясында әділ бағасын алады,” – деді.