Sona.kz

Рубрика: Билік

  • Референдум: Сағат 10:00-дегі жағдай бойынша неше адам дауыс берді?

    Референдум: Сағат 10:00-дегі жағдай бойынша неше адам дауыс берді?

    Сағат 10:00-дегі жағдай бойынша өңірлердегі азааттардың келу көрсеткіші мынадай:

    -Абай облысы – 15,36%

    -Ақмола облысы – 17,18%

    -Ақтөбе облысы – 19,21%

    -Алматы облысы – 16,31%

    -Атырау облысы – 17,11%

    -БҚО – 16,43%

    -Жамбыл облысы – 16,19%

    -Жетісу облысы – 18,08%

    -Қарағанды облысы – 30,63%

    -Қызылорда облысы – 20,91%

    -Маңғыстау облысы – 16,45%

    -Павлодар облысы – 14,04%

    -СҚО – 15,83%

    -Түркістан облысы – 18:56%

    -Ұлытау облысы – 17,40%

    -ШҚО – 17,85%

    -Астана – 24,.08%

    -Алматы – 8,66%

    -Шымкент – 19,56%

    «10:00-дегі жағдай бойынша 2,1 млн азаматы бюллетень алған болатын. Бұлл тізімге енген азаматтың 17,79 пайызын құрап отыр. Азаматтардың уақытша болатын жерлерінде 107 учаскесінде уақыт беру аяқталды», – деді Мұхтар Ерман.

  • Астанада 21 маңнан аса мүмкіндігі шектеулі жан дауыс береді

    Астанада 21 маңнан аса мүмкіндігі шектеулі жан дауыс береді

    Астанада ерекше қажеттіліктері бар адамдарға дауыс беру үшін жағдай жасалған

    Елордада мүгедектігі бар 36 мың адам тұрады, оның ішінде 21 мыңнан астамы дауыс беретін болады. Референдум күні олардың дауыс беру пунктеріне инватакси жеткізеді.

    Дауыс беру кезінде ерекше қажеттіліктері бар азаматтар үшін сайлау учаскелерінде қолайлы жағдай жасау бойынша қосымша шаралар енгізілді: пандустар, тұтқалар мен тактильді белгілер, көру қабілеті бұзылған азаматтарға аудиожазбаны тыңдағаннан кейін бюллетеньдерді өз бетінше толтыруға мүмкіндік беретін қолжетімді трафарет, мүмкіндігі шектеулі адамдар тіркелген учаскелерде жеке көмекшілер мен сурдоаудармашылар.

    Астана тұрғыны Әсемгүл Әбдірахманова №83 мектеп-гимназияда орналасқан №56 сайлау учаскесіне инватакси арқылы келді. Сайлау учаскесінде оған ыңғайлы және қолжетімді дауыс беру үшін қажет нәрсенің бәрі берілді.

    «Участокқа келгенімде жол тауып жүруім үшін еріктілер қарсы алды. Бұл дауыс беру мен үшін шектеулерге қарамастан барлығына кеңістікті қалай ұйымдастыруға болатынының үлгісі болды», – деп атап өтті сайлаушы.

    Астанада таңертеңгі сағат 7-ден бастап 460 учаске жұмыс істейді, оның 352-сі – ашық, 34-і – жабық, 74-і дипломатиялық өкілдіктер мен елшіліктерге бөлінген.

    Естеріңізге сала кетейік, Астана тұрғындары өздерінің учаскелерін 4 тәсілмен онлайн біле алады:

    — Ресми веб-қызмет: https://referendum.astana.kz/

    — Telegram-да чат-бот арқылы: https://t.me/referendum_astana_bot

    — IKomek бірыңғай байланыс орталығы арқылы, 109 нөмірі бойынша;

    — «Smart Astana» мобильді қосымшасында «New» бөлімінде – «Референдум учаскесін іздеу». Қолданбаны App Store немесе Google Play арқылы жүктеп алуға болады.

  • Ерболат Досаев АЭС құрылысы бойынша референдумда дауыс берді

    Ерболат Досаев АЭС құрылысы бойынша референдумда дауыс берді

    Алматы әкімі Ерболат Досаев жұбайымен бірге №48 мектеп-лицейінде орналасқан №388 сайлау учаскесіне Қазақстанда АЭС салу туралы референдумда дауыс беру үшін барып, өз таңдауын жасады.

    Айта кетейік, облыстардың, республикалық маңызы бар қалалардың, елорданың комиссиялары ұсынған деректерге сәйкес 2024 жылғы 6 қазанда сағат 7.00-дегі жағдай бойынша өңірде барлық 10 249 учаске дауыс беруге кірісті. 84 учаскеде аумақтық комиссиялардың қабылдаған шешімдеріне сәйкес дауыс беру таңғы сағат 6.00-де басталды.

  • Алматы облысында «Алтын адам» дауыс берді

    Алматы облысында «Алтын адам» дауыс берді

    Еңбекшіқазақ ауданының мәдениет үйіндегі № 123 сайлау учаскесінде Алтын адам бейнесінде киінген азамат дауыс берді. Ол аудандағы  белсенді азамат. «Қазақстан археологиясының тарихында көптеген таңғажайып мұра бар, олардың бірі – Алматы облысында табылған «Алтын адам».

    Ал Еңбекшіқазақ ауданы сол Алтын адамның атамекені. «Бүгін елімізде тарихи шешім қабылданып жатыр. Бұл әрине барлығымыздың болашағымызға қатысты маңызды шешім. Сондықтан бұл келелі шешімде туған топырағымыздың өткен тарихы мен ондағы өркениет ізін жаңғыртқым келді. Әрине мен бұны өздік азаматтық ұстаным білдірудің ерекше тәсілі дер едім. Мен қашанда қоғамды өзгерту мен елімізді өркендетуге бағытталған шешімдерге белсене үн қатып келемін»,– деді кәсіпкер Жасұлан Сейдазимов.

  • 18 жастағы астаналықтар референдумда алғаш рет дауыс берді

    18 жастағы астаналықтар референдумда алғаш рет дауыс берді

    Елордада 18 жасқа толған 26 мыңнан астам жас алғаш рет республикалық референдумға қатысып, дауыс берді.

    Елордадағы ЖОО-лардың бірінің студенті бүгін осындай маңызды іс-шараға алғаш рет қатысып қана қоймай, өзінің 18 жасқа толған күнін атап өтіп отыр.
    Бүгінде Астана учаскелерінде өзінің азаматтық ұстанымын білдіруге келген жастардың саны айтарлықтай көп.

    Астанада сайлау учаскелері таңғы уақыттан бастап жұмыс істей бастады. Барлық учаскеде елорда тұрғындарының белсенділігі байқалады.

    Астанада таңертеңгі сағат 7-ден бастап 460 учаске жұмыс істейді, оның 352-сі – ашық, 34-і – жабық, 74-і дипломатиялық өкілдіктер мен елшіліктерге бөлінген.

    Естеріңізге сала кетейік, Астана тұрғындары өздерінің учаскелерін 4 тәсілмен онлайн біле алады:
    — Ресми веб-қызмет: https://referendum.astana.kz/

    — Telegram-да чат-бот арқылы: https://t.me/referendum_astana_bot

    — IKomek бірыңғай байланыс орталығы арқылы, 109 нөмірі бойынша;

    — «Smart Astana» мобильді қосымшасында «New» бөлімінде – «Референдум учаскесін іздеу». Қолданбаны App Store немесе Google Play арқылы жүктеп алуға болады.

  • 103 жастағы Шортанова Күлпара дауыс берді

    103 жастағы Шортанова Күлпара дауыс берді

    Алматы облысының Кеген ауданы Ұзынбұлақ ауылындағы №573 сайлау учаскесіне бір әулеттің бес буынының өкілдері келіп дауыс берді. 103 жастағы Шортанова Күлпара, оның 85 жастағы ұлы Марат, 50 жастағы немересі Олжас, 25 жастағы шөбересі Бейбіт және 18 жастағы шөбересі Марал өз таңдауларын жасады.

    Бүгінгі күн отбасы мүшелері үшін үлкен мәнге ие. Себебі айтулы күн ұрпақтар сабақтастығы мен ажырамас байланысын, ел ертеңіне әрбір адамның үлес қосуға деген ұмтылысын көрсетті. Айта кетерлігі, 18 жасар Марал бүгін алғаш рет дауыс берді.

    Шортановтар отбасы ауылдың көркеюіне қосқан үлесімен танымал. Балалары мен немерелері түрлі салада – ұстаздықтан бастап, мемлекеттік қызметке дейін еңбек етеді. Ұлы Марат ауылдық округ әкімі, немересі Олжас та жергілікті мемлекеттік органдарда қызмет атқарса, шөбересі Бейбіт алғашқы әскери дайындықтан сабақ береді. Олардың дауыс беруге қатысуы ұрпақтар арасындағы байланыстың, елді көркейту жолындағы бірліктің символына айналды.

    Дауыс беруден кейін отбасы осы маңызды күнді еске алу үшін бірге суретке түсті. Ел болашағы үлкеннен кішіге дейін барша азаматтың күшімен қалыптасатынын еске салды. Жақындары мен таныстары әсерлерімен бөлісіп, қоғамның игілігі үшін дауыс беру құқығын пайдаланудың қаншалықты маңызды екенін талқылады.

     

  • Қазіргі Үкіметтің жұмысына Президенттің көңілі тола ма?

    Қазіргі Үкіметтің жұмысына Президенттің көңілі тола ма?

     

    – Менің ойымша, Үкімет белсенді жұмыс істеп жатыр. Мемлекет басшысы ретінде қойған міндеттерімді орындауға тырысады. Жұмысымыз өте қауырт. Ол бұқаралық ақпарат құралдарына көріне бермеуі мүмкін. Ақпараттарды жан-жақтан алып отырамын.

    Жалпы, мен көп оқитын адаммын. Сондықтан елдегі барлық оқиғадан әрқашан хабардармын. Министрлердің және Үкіметтің жұмысында кемшін кетіп жатқан тұстар болса, әлбетте, ескертемін. Жеті ай деген көп уақыт емес. Үкімет мүшелері өздерін көрсетуі керек. Ең басты міндет – ел экономикасының дамуына серпін беретін мүмкіндіктерді іздеу, – деді Қасым-Жомарт Тоқаев.

    Айта кетейік, бұған дейін Президент Қасым-Жомарт Тоқаевтың референдумда дауыс бергенін хабарлаған болатынбыз. 

     

  • Қазақстан Президенті референдумда дауыс берді

    Қазақстан Президенті референдумда дауыс берді

    Мемлекет басшысы Қасым-Жомарт Тоқаев елордадағы сайлау учаскесіне барып, АЭС салу бойынша референдумда дауыс берді.

    Референдумда оң шешім қабылданса, АЭС-ті кім салады?

    Президент пікірінше, станция құрылысымен халықаралық консорциум айналысуы қажет.

    Бұл оңай мәселе емес. Үкімет талдау жасап, тиісті келіссөздер жүргізуге тиіс. Дей тұрғанмен бұл жағдайға жеке көзқарасым — Қазақстанда ең озық технологиялары бар әлемдік компаниялардан тұратын Халықаралық консорциум жұмыс істеуге тиіс, — деді Президент

  • Бүгін мемлекеттің болашағына қатысты маңызды шешім қабылданады – Қошанов

    Бүгін мемлекеттің болашағына қатысты маңызды шешім қабылданады – Қошанов

    Ерлан Қошанов  № 163 сайлау учаскесіне келіп, өз дауысын берді.  Ол сөзінде дауыс беруге ерекше көңіл-күйде келгенін жасырмады.

    Бүгін ерекше мерекелік көңіл күйдемін.  Себебі, бүгін – мемлекетіміз үшін өте маңызды күн. Мемлекеттің болашағына қатысты маңызды шешім қабылданады. Бастысы бұл шешімді халық қабылдайды. Негізгі мәселе – осы. Бүгін біз Мемлекет басшысы жариялаған конституциялық реформаны қабылдадық. Конституциялық реформасының негізгі мақсаты қандай? Ол – әр азаматтың мемлекеттің саяси өміріне еркін араласуы. Бүгін соның нақты көрінісі болды десек қателеспейміз, – деп түсіндірді Қошанов.

    Мәжіліс төрағасы халық тарапынан белсенділік өте жоғары деп отыр.

    Сіздер, біздер болып, барлығымыз бірге өз дауыстарымызды беруге келдік. Бізге әр өңірден ақпарат келіп отыр. Еліміздің әр өңіріндегі сайлау учаскелерінде халық дауыс беріп жатыр. Халық мемлекет болашағы үшін дұрыс шешім қабылдайды деген ойдамын, – деп қорытындылады Ерлан Қошанов.

  • Үкімет басшысы АЭС бойынша референдумда дауыс берді

    Үкімет басшысы АЭС бойынша референдумда дауыс берді

    Үкімет басшысы Астанадағы Оқушылар сарайындағы учаскеде дауыс берді. Айта кетейік, Қазақстанда республикалық референдум өтіп жатыр, осы арқылы азаматтар атом электр станциясына қатысты шешім қабылдауы керек.

    Қазақстан заңнамасына сәйкес, референдум – маңызды мәселелер бойынша жалпыхалықтық дауыс беру. Оны «Республикалық референдум туралы» Конституциялық заң реттейді, ал ұйымдастырумен арнайы құрылған комиссия айналысады.