Жетісай ауданындағы өрттен кейін екі ересек және бір бала ауруханаға жеткізілді. Бәрі реанимацияға жатқызылған, деп хабарлайды Sona.kz облыстық Денсаулық сақтау басқармасына сілтеме жасап .
Ведомство мәліметінше, науқастардың жағдайы ауыр, бірақ тұрақты.
«Пациенттерге қарқынды терапияның толық кешені көрсетілуде. Үшеуі де тәулік бойы бақылауда», — деп хабарлады басқарма.
ТЖМ мәліметінше, жалын үйді толығымен шарпыған, Sona.kz ТЖМ-ға сілтеме жасап хабарлайды.
Өрт сөндірушілер ғимараттан ес-түссіз жатқан үш адамды шығарып, медицина қызметкерлеріне тапсырды. Үйдің ішінен 12 адамның, оның ішінде 9 баланың денесі табылды.
Көршілердің айтуынша, үйде қонақтар болған: алдынғы күні шаңырақта іс-шара өтіп, бірнеше адам түнеп қалған.
Өрттің аумағы 360 шаршы метр болған, қазір толық сөндірілді. Оқиға орнында барлық жедел қызмет жұмыс істеп жатыр.
Президент Қасым-Жомарт Тоқаев қаза тапқандардың жақындарына көңіл айтып, Үкімет пен облыс әкіміне отбасыларға жан-жақты көмек көрсетуді тапсырды.
Қайғылы оқиға бойынша тергеу басталды.
Қостанайда күйеуінің опасыздығын дәлелдемек болған әйел керісінше алаяқтардың торына түсті, деп хабарлайды Sona.kz Halyqstan-ға сілтеме жасап.
Әйел Instagram желісінен өзгенің чаттарын «ашып беретін» қызмет туралы жарнаманы көрген. Сілтеме оны Telegram-дағы жеке аккаунтқа апарып, өзін Полина деп таныстырған оператор күйеуінің хат-хабарларын «оқып беру» қызметін ұсынған.
Қызмет құны ретінде алдымен 26 мың теңге талап етілген. Ақша аударылғаннан кейін алаяқтар «мәлімет көлемі үлкен, ішінде фото мен видео бар» деген сылтаумен тағы 20 мың теңге сұраған. Қосымша ақша түскен соң Полина диалогты өшіріп, әйелді бұғаттап тастаған.
Полиция бұл факті бойынша сотқа дейінгі тергеу басталғанын хабарлады. Тәртіп сақшылары азаматтарды интернеттегі күмәнді жарнамаларға сенбеуге және жеке деректерге қатысты заңсыз ұсыныстардан сақ болуға шақырады.
2025 жылғы 14 қарашада Алматы облысының Қарағалы ауылында тұрғындар бір үйдің жанында полиция көліктерінің көп жиналғанын байқады. Әлеуметтік желілерде бұл үйдің марқұм Болат Назарбаевтың туыстарына тиесілі екені айтылды, деп хабарлайды Sona.kz Tengrinews.kz-ке сілтеме жасап.
Әлеуметтік желілерде тұрғындар полиция қызметкерлерінің көп екенін хабарлады. Болат Назарбаев — Қазақстан Республикасының Тұңғыш Президенті Нұрсұлтан Назарбаевтың кенже бауыры.
Алматы облысы полиция департаменті түсіндіргендей, 14 қарашада ауыл тұрғындарынан құнды заттар ұрланғаны туралы хабар түскен. Оқиға орнына жедел-тергеу тобы мен учаскелік инспекторлар жіберілді. Қылмыстық іс қозғалды.
«Қазіргі уақытта күдіктілерді анықтау және ұстауға бағытталған барлық қажетті тергеу әрекеттері жүргізіліп жатыр. Барлық бөлімшелердің жеке құрамы іздеуге бағытталған, іздеулер жақын маңдағы барлық аймақтарға жіберілді», — делінген хабарламада.
Полиция нақты қай үйде ұрлық болғанын ашып айтқан жоқ. Тергеп-тексеру жұмыстары жалғасуда.
Екібастұздың 40 жастағы тұрғыны Жеңіс Бекжігітов тізесіне жасалған ине салудан төрт күннен кейін көз жұмды. Туыстары оның өліміне медициналық көмек сапасының төмендігі себеп болды деп есептейді, деп хабарлайды Sona.kz Tengrinews.kz-ке сілтеме жасап.
8 қыркүйекте Жеңіс тізе ауруына байланысты жеке хирургиялық орталыққа жүгінген. УДЗ нәтижесі бойынша «остеоартрит» диагнозы қойылып, инъекция тағайындалған. 10 қыркүйек күні екпе салынғаннан кейін ертеңіне аяғы қатты ісініп, ауырсыну күшейген. Дәрігер телефон арқылы аспирин мен диклофенак қабылдауды ұсынған.
11 қыркүйекте температура көтеріліп, есінен тану, қысымның төмендеуі байқалған. Туыстарының айтуынша, жедел жәрдем ер адамды ауруханаға жатқызудан бас тартқан. Жеңісті жақындары жеке орталыққа өздері жеткізген. Сол жерде ота жасалып, кешке қарай ИВЛ аппаратының жоқтығына байланысты қалалық ауруханаға ауыстырылған. 14 қыркүйек күні таңертең Жеңіс қайтыс болды.
Туыстарының сөзінше, өлім себептерінде «сепсис» деп көрсетілген. Олар Денсаулық сақтау министрлігіне және Бас прокуратураға шағым түсірді.
Павлодар облыстық жедел жәрдем станциясы бригадалар үш рет шақыруға барғанын және регламентке сай әрекет еткенін мәлімдеді. Ер адамның бір жағдайда өзі ауруханаға жатқызудан бас тартқаны туралы қолхат жазғаны айтылды. Туыстары бұл мәліметті жоққа шығарады.
Бақылау комиссиясы жедел жәрдем қызметкерлерінің әрекетін дұрыс деп тапты.
Тергеу жүріп жатыр
Жеке орталықтың бас дәрігері түсініктеме беруден бас тартты. Министрлік әзірге пікір білдірген жоқ.
Полиция марқұмның өлімі бойынша медициналық қызметкердің кәсіби міндетін дұрыс орындамау фактісімен қылмыстық іс қозғалғанын растады. Медициналық орталыққа тексеріс жүріп жатыр, сот-медициналық сараптама тағайындалды.
Марқұмның артында жұбайы мен екі кішкентай баласы қалды.
Алматыда Темірязев көшесінде белгісіз ер адам қызды қуып, оған тапанша бағыттаған.
Sona.kz куәгерлердің мәліметіне сілтеме жасап хабарлайды.
Қыздың айтуынша, ол дәріханаға бара жатқан кезде белгісіз ер адам соңынан еріп, мазасын алған. Қорыққан ол жақын жердегі бутиктің ішіне кіріп тығылған. Алайда ер адам сыртта тұрып, қолына тапанша алған.
«Мен қатты қорықтым», — деп жазды қыз әлеуметтік желіде. Оның сөзінше, полиция оқиға орнына келіп, ер адаммен профилактикалық әңгіме жүргізіп, босатып жіберген.
Бұл оқиға желі қолданушыларының наразылығын тудырды — олар полицейлердің әрекетіне тексеріс жүргізуді талап етуде.
Әйелі бірнеше ауыр операциядан, соның ішінде бас сүйегіне трепанация жасалғаннан кейін, жүре алмай қалған. Қазір оған анасы қарайды, деп хабарлайды Sona.kz «НеМолчи.kz» қорына сілтеме жасап.
Қордың мәліметінше, әйел ұзақ жылдар бойы күйеуінен физикалық және психологиялық қысым көріп келген. Тіпті ауыр жарақат алғаннан кейін де ер адам оны ұрып-соғуды тоқтатпаған. Нәтижесінде әйел есінен танып, артынша екі аяғынан айырылған.
Отбасының бес баласы әкесінің қолында қалып, анасына кездесу мүмкіндігінен айырылған. Туыстары ер адамның әлеуметтік желілерде өз балаларымен түсірген бейнелерін жариялап жүргенін және оның әрекеті күмән тудыратынын айтқан.
Полиция мен қамқоршылық органдары дереу тексеру жүргізіп, ер адамды уақытша ұстау изоляторына қамады. Балалар уақытша Кәмелетке толмағандарды бейімдеу орталығына орналастырылды, оларға медициналық және психологиялық көмек көрсетілмек.
Полицияның мәліметінше, бұл жағдай бойынша бұған дейін ешқандай шағым түспеген. Қазір қосымша сараптамалар жүргізіліп жатыр, оның нәтижесіне қарай іс қылмыстық сипат алуы мүмкін.
«НеМолчи.kz» қоры балалардың аналарының қасында екенін және олардың барлығы куәлік бергенін хабарлады. Құқық қорғаушылар отбасының қауіпсіздігін қамтамасыз етіп, ер адамды заң алдында жауапқа тартуды талап етті.
Полиция тұрмыстық зорлық-зомбылық деректері бойынша 102 немесе 111 нөміріне хабарласуға шақырады.
Атырау облысының мамандандырылған қылмыстық істер жөніндегі соты психикалық ауру ер адамның кісі өлтіру ісі бойынша шешім шығарды, деп хабарлайды Sona.kz Halyqstan-ға сілтеме жасап.
Қайғылы оқиға биыл 8 маусымда Құрманғазы ауданының Каспий ауылында болған. Көп жылдан бері шизофрениямен тіркеуде тұрған ер адам көршісіне 27 пышақ жарақатын салып, оны отбасы мүшелерінің көзінше өлтірген.
Сот мәліметінше, оның туыстары ер адамның жиі ашуланып, агрессивті мінез көрсететінін бірнеше рет айтқан. Бірақ Психикалық денсаулық орталығының дәрігерлері «жағдайы жақсаруда» деп, науқасты қайта-қайта үйіне жіберіп отырған.
Сот ер адамды есі дұрыс емес деп танып, оны мәжбүрлі емдеуге жіберді. Ал дәрігерлердің әрекетіне байланысты сот жеке ұйғарым шығарып, кінәлілерді жауапқа тарту шараларын қабылдауды тапсырды.
Түркістан қаласында 15 жастағы мектеп оқушысы сыныптастарының соққысынан көз жұмды, деп хабарлайды Sona.kz Telegram-канал Jagdai — ға сілтеме жасап.
Jagdai Telegram арнасының мәліметінше, жасөспірімді зират маңына алдап шақырып, аяусыз ұрған. Ол алған жарақаттарынан оқиға орнында көз жұмған. Марқұмның ағасының айтуынша, шабуылдағандар төртеу болған.
«Олар кезек-кезек сегіз соққы жасады, барлығы жүрек тұсына тиген. Жүрегі жарылып, бірден қайтыс болды», — деді туысы.
Жасөспірім әкесіз өскен, физикаға қызығып, болашақта КНБ қызметкері болуды армандаған.
Түркістан облыстық полиция департаменті оқиғаға қатысты сотқа дейінгі тергеу басталғанын хабарлады.
«3 қарашада Түркістан қаласындағы мектептердің бірінде 9-сынып оқушысы көз жұмды. Тергеу тобы барлық қажетті шараларды жүргізді. Алдын ала мәлімет бойынша, жанжал кезінде бір оқушы екіншісіне кеуде тұсына соққы жасаған, соның салдарынан ол сол жерде қайтыс болған», — делінген хабарламада.
Күдікті және оқиға куәгерлері ұсталды. Тергеу барысы департамент басшылығының ерекше бақылауында.
Сонымен қатар ата-аналар балаларын дұрыс тәрбиелемеу дерегі бойынша әкімшілік жауапкершілікке тартылды. Іс материалдары кәмелетке толмағандар ісі жөніндегі комиссияға жолданды.
Полиция өкілдері осындай қайғылы жағдайлардың алдын алу үшін түсіндіру жұмыстарын жалғастыруда.
Ақтөбе облысының бір ауылында 53 жастағы ер адам өз келінін зорлады деген күдікпен ұсталды, деп хабарлайды Sona.kz Halyqstan-ға сілтеме жасап.
Тергеу деректеріне сәйкес, күдікті ұзақ жылдар бойы ішімдікке салынған және тұрақты жұмысы болмаған. Біраз уақыт бұрын ол Алға ауданына қарасты Токмансай ауылындағы өгей ұлы мен оның 22 жастағы жұбайының үйіне көшіп келген. Қылмыс дәл осы үйде болған деп болжануда.
Жәбірленуші оқиғадан кейін бірден полицияға арыз түсірген. Күдікті ұсталып, уақытша ұстау изоляторына қамалды.
Аталған факт бойынша ҚР Қылмыстық кодексінің 120-бабы («Зорлау») бойынша іс қозғалды. Тергеушілер күдіктінің ақыл-есінің дұрыстығын анықтау үшін сот-психиатриялық сараптама тағайындады.
Ауыл тұрғындарының айтуынша, ер адам бұған дейін де ішімдік ішіп, отбасылық жанжалдарға себеп болып жүрген.
«Ол үнемі мас болып жүретін. Бірақ мұндай қылмысқа барады деп ешкім ойламады», — дейді ауыл тұрғыны.
Қазір полиция оқиғаның барлық мән-жайын анықтап жатыр. Тергеу жалғасуда.