Sona.kz

Рубрика: Жаңалықтар

  • Абай облысында аспалы көпірден құлаған 3 адам көз жұмды

    Абай облысында аспалы көпірден құлаған 3 адам көз жұмды

    Оқиға 15 сәуірде сағат 15:50-де Аягөз ауданы Ақшәулі ауылында болған.

    Куәгерлердің айтуынша, шаруа қожалығының үш жұмысшысы Көкқамыр учаскесіндегі ағаш аспалы көпір арқылы мотоциклді алып өтпек болады. Сол кезде олар түгелдей Қарақол өзеніне құлап кеткен. Жергілікті атқарушы органдардың қызметкерлері жағадан ұялы телефондар мен сырт киімдерді тапты.

    Оларға ТЖД құтқарушылары келіп қосылып, іздестіру-құтқару жұмыстарын бастады. Соның нәтижесінде 16 сәуір күні таңертең 1980 және 1978 жылғы екі ер адамның мәйіті табылды.

    – Сағат 14:35-те құтқарушылар 1967 жылы туған үшінші ер адамның денесін тапты. Абай облысының Полиция департаменті тергеу амалдарын қолға алды. Сот-медициналық сараптама тағайындалған, – деп хабарлады Абай облысының ТЖД баспасөз қызметінен.

  • Бишімбаев ісіндегі прокурор қазақстандықтарға үндеу жасады

    Бишімбаев ісіндегі прокурор қазақстандықтарға үндеу жасады

    Қуандық Бишімбаев ісіндегі прокурор Айжан Аймағанова қазақстандықтарға үндеу жасады. Айжан Аймағанова парақшасында видео жариялап, балалардың жол апатына түсуі туралы жазған.

    — Әрбіріміз өз өмірімізде болып жатқан нәрселерге, әсіресе балаларға қатысты жағдайларға жауаптымыз. Соңғы уақытта балалардың қатысуымен болған жол-көлік оқиғалары, терезеден құлау сияқты қайғылы жағдайлар жиілеп кетті. Бұл бәрімізді бейжай қалдырмауы керек. Астана прокуратурасының парақшасындағы бейнеролик мені ерекше толқытты. Бәлкім менің әріптесім, Арайлым Оразованың бастауымен түсірілгендіктен болар. Бұл видеода-оның ұлдары, дейді Аймағанова.

    Прокурор балаларды қорғап, сақ болуға шақырды. Еске салайық, сәуірдің басында Алматыда жантүршігерлік оқиға болды. Анасының көзінше жүк көлігі баланы басып кетті.  Оқиға Беларусь азаматы басқарған көліктің кесірінен орын алды. Бала оқиға орнында жан тапсырды.

    Видеодан баланың анасы жол жиегінде күтіп тұрғанын, ал баланың жолдан өтіп келе жатқанын көруге болады. Бала анасына қарай жүрмек болғанда, алдынан жолаушылар автобусы кесіп өтеді. Сол сәтте жүк көлігі баланы байқамай басып өткен. Бұл қайғылы оқиға баланың анасының көз алдында болған.

  • Алматы облысында балалар балабақша шатырына шығып кеткен

    Алматы облысында балалар балабақша шатырына шығып кеткен

    Желіде тараған видеода бірнеше баланың терезеден шығып, шатырда жүргені көрінеді. Оқиғаға байланысты облыстық полиция түсініктеме берді.

    Балабақша меңгерушісі әкімшілік жауапқа тартылды. Ал қауіпсіздік талаптарын сақтамаған қызметкер жұмыстан босатылған. Қазір қызметтік тексеру жүріп жатыр.

  • Мемлекет басшысы экономика мәселелеріне қатысты жұмыс отырысын өткізді

    Мемлекет басшысы экономика мәселелеріне қатысты жұмыс отырысын өткізді

    Президент Қасым-Жомарт Тоқаевтың төрағалығымен Қазақстан Республикасы Қауіпсіздік Кеңесінің жұмыс отырысы өтті.

    Жиында тарифтік қақтығыстар салдарынан әлемдік нарықтағы жағдайдың өзгеруіне байланысты еліміздің іс-қимыл жоспары талқыланды.

    Премьер-министр Олжас Бектеновтің, Ұлттық банк төрағасы Тимур Сүлейменовтің, сондай-ақ басқа да құзыретті органдар басшыларының баяндамалары тыңдалды.

    Президент қазіргі жаһандық экономикадағы ахуалдың тұрақсыз сипат ала бастағанын, сондықтан кез келген жағдайға дайын болу қажет екенін атап өтті.

    Кеңес отырысында Қасым-Жомарт Тоқаев алдағы жұмыстың негізгі бағыттарын айқындады.

    «Үкіметтің міндеті – халықтың әл-ауқатын, экономикалық өсім қарқынын және тартылатын инвестиция көлемін төмендетуге жол бермеу», – деді Мемлекет басшысы.

  • КДВ Қазақстан компаниясына тергеу басталды

    КДВ Қазақстан компаниясына тергеу басталды

    Антимонополиялық агенттік бұл кәсіпорын тең жағдайдағы әріптестерге әртүрлі баға қойғанын анықтаған. Мұндай әрекет бәсекелестік заңын бұзуы мүмкін.

    Агенттік заңбұзушылықты жоюды сұрап, ескерту жіберген. Бірақ компания талапты орындамаған. Сол себепті ресми тергеу басталған.

    KDV Kazakhstan – ресейлік KDV Group холдингінің Қазақстандағы өкілі. Олар «Яшкино», Babyfox, Calve сияқты бренд өнімдерін сатады.

  • Меркіде пышақпен шабуыл жасаған күдікті ұсталды

    Меркіде пышақпен шабуыл жасаған күдікті ұсталды

    Жамбыл облысы, Меркі ауданында жанармай құю бекетінде пышақпен шабуыл жасаған адам ұсталып, қамауға алынды. Оқиға бойынша ҚР Қылмыстық кодексінің 293-бабы 3-бөлігі (бұзақылық) бойынша іс қозғалып, күдіктіге 7 жылға дейін бас бостандығынан айыру жазасы қарастырылып отыр.

    Қылмыстық іс облыстық ПД Тергеу басқармасына тапсырылып, жедел-тергеу тобы құрылды. Істі толық әрі әділ тергеу үшін аймаққа ІІМ орталық аппаратының қызметкерлері жіберілді.

    Жәбірленуші полицияның қорғауына алынды. Тергеу Ішкі істер министрінің жеке бақылауында.

  • Талдыкорғанда есірткі саудасымен айналысқан жасөспірімдер ұсталды

    Талдыкорғанда есірткі саудасымен айналысқан жасөспірімдер ұсталды

    Талдыкорғанда екі жасөспірім 116 орама есірткімен қолға түсті. 17 және 18 жастағы Ескелді ауданының тұрғындары есірткі таратып жүрген жерінен ұсталды. Полиция олардың сөмкесінен 2 пакет мефедрон және тағы 95 пакетті тапты. Одан бөлек, жасөспірімдер полицейлерді жасырылған 21 пакеттің орнына апарып, барлығы 116 орама тәркіленді. Қазір күдіктілер қамауға алынған, оларға 10-15 жылға дейін бас бостандығынан айыру жазасы қаупі бар.

  • ЖСН-ге бөтен нөмір тіркелсе не болады?

    ЖСН-ге бөтен нөмір тіркелсе не болады?

    Әлеуметтік желіде азаматтар eGov-та өз ЖСН-іне бірнеше бейтаныс нөмір тіркелгенін байқап, алаңдаушылық білдірген. Бұл жағдай заңсыз әрекеттердің орын алуына әкеп соғуы мүмкін.

    Егер сіздің ЖСН-іңізге бөтен нөмір тіркелгенін байқасаңыз, оны тексеріп, байланыс операторы арқылы өшіртуді ұмытпаңыз.

  • Алматыда марихуананың ірі партиясы тәркіленді

    Алматыда марихуананың ірі партиясы тәркіленді

    Алматы қалалық ПД есірткі қылмысына қарсы күрес басқармасының қызметкерлері Әуезов аудандық полициясының жедел уәкілдерімен бірлесіп, есірткі өсімдіктерін заңсыз өсіру дерегін анықтады.

    Жедел-іздестіру іс-шаралары барысында полиция қызметкерлері құрамында есірткі бар өсімдіктер өсірілетін, жабдықталған фитозертхананы анықтады.

    Ғимараттан өзіне тән иісі бар 31 түп өсімдіктер, сондай-ақ арнайы техникалар: шамдар, таразылар, тыңайтқыштар, судың қышқылдығы мен температурасын өлшейтін құрылғылар тәркіленді.

    Сараптамаға сәйкес, өсімдіктер – марихуана есірткісі деп танылды, оның жалпы салмағы 21 келіден асады. Күдікті қамауға алынып, сотқа дейінгі тергеу басталды.

    – Мұндай арнайы іс-шаралар «Профилактика жылы» аясында есірткі қылмысын анықтау және жолын кесу бойынша полицияның жүйелі жұмысының бір бөлігі. Дер кезінде ден қоюға, қызметтер арасындағы белсенді өзара іс-қимылға және жедел ақпаратты тиімді пайдалануға баса назар аударылады, – деді Алматы қалалық ПД есірткі қылмысына қарсы күрес Басқармасының бастығы Мұрат Жұмабаев.

  • «Азия Авто» компаниясының бұрынғы басшылары Анатолий Балушкин мен Ерік Сағымбаевқа сырттай үкім шықты

    «Азия Авто» компаниясының бұрынғы басшылары Анатолий Балушкин мен Ерік Сағымбаевқа сырттай үкім шықты

    Өскеменде «Азия Авто» компаниясының бұрынғы топ-менеджерлеріне қатысты сот үкімі сырттай шығарылды.

    Сот Анатолий Балушкинді Қылмыстық кодекстің 190-бабы 4-бөлігінің 2-тармағы бойынша («Аса ірі көлемдегі алаяқтық») кінәлі деп танып, 9 жылға бас бостандығынан айырды.

    Компанияның тағы бір бұрынғы жетекшісі Ерік Сағымбаевқа ҚК 190-бабы 4-бөлігінің 2-тармағы («Аса ірі көлемдегі алаяқтық») және 245-бабы 3-бөлігі («Салық төлеуден жалтару, ұйымдасқан қылмыстық топпен немесе аса ірі көлемде») бойынша айып тағылып, 8 жыл 6 айға бас бостандығынан айыру жазасы кесілді.

    Сот үкімі сырттай шығарылды, себебі «Азия Авто» компаниясының бұрынғы жетекшілері – қазіргі Ресей азаматтары – халықаралық іздеуде.

    Еске салайық, 17 наурызда Өскеменде олигарх Балушкиннің қол астында істеген алты адамға үкім шыққан болатын.

    2021 жылдың қазан айында аталған компанияның 8 қызметкері қамауға алынған еді. Тергеу барысында, күдіктілердің туыстары олардың кінәсін дәлелдейтін айғақтар табылған жоқ деп мәлім еткен. Сол кезде компанияның топ-менеджерлері Өскеменге кеңеске шақырылған, бірақ қайтып оралмай, сол күні қамауға алынған. Дәл осы уақытта «Азия Авто Қазақстан» компаниясының басшысы Антон Ненахов өлі күйінде табылғаны хабарланды. Бұл оқиға бойынша «өз-өзіне қол жұмсауға итермелеу» бабы бойынша қылмыстық іс қозғалған еді.