Sona.kz

Рубрика: Жаңалықтар

  • Бюджеттен 272 млн теңге жымқырғандар сотталды

    Бюджеттен 272 млн теңге жымқырғандар сотталды

    Ақтөбе қаласының №2 сотында бюджет қаражатын аса ірі мөлшерде жымқыру фактісі бойынша қылмыстық іс қаралды.

    Бас прокуратураның мәліметінше, осыған дейін Ақтөбе қаласының прокуратурасы бюджет қаражатын пайдаланудың тиімділігіне жүргізілген тексеріс нәтижелері бойынша сотқа дейінгі тергеуді бастады.

    Тергеу барысында Ақтөбе қаласының Жол қозғалысы қауіпсіздігін қамтамасыз ету және цифрлық технологиялар орталығының директоры жеке кәсіпкермен алдын ала сөз байласып, мемлекеттік сатып алу аясында жол таңбаларын салу бойынша 272 млн теңгеден астам сомаға жалған келісімшарт жасағаны анықталды.

    Алайда іс жүзінде жұмыстар орындалмаған, ал ұрланған қаражат қолма-қол ақшаға айналдырылып, иемденілген. Нәтижесінде мемлекетке аса ірі мөлшерде залал келтірілген.

    Осы факті бойынша ҚК 189-бабының 4-бөлігі 2) тармағы (сеніп тапсырылған мүлікті қызметтік жағдайын пайдалана отырып, алдын ала сөз байласу арқылы адамдар тобы болып аса ірі мөлшерде иемдену немесе талан-таражға салу) бойынша сотқа дейінгі тергеу басталды.

    Іс сотқа жолданды. Сот ұсынылған дәлелдемелерді қарап, мемлекеттік айыптаушының ұстанымын ескере отырып, сотталған тапсырыс берушіні мемлекеттік қызметте лауазым атқару құқығынан өмір бойына айыра отырып, 8 жылға бас бостандығынан айыру жазасын тағайындады.

    Ал мердігерге кәсіпкерлік қызметпен айналысу құқығынан 10 жылға айыра отырып, 7 жылға бас бостандығынан айыру жазасын тағайындады.

    Үкім заңды күшіне енген жоқ.

     

  • Дженнифер Лопес Қазақстанға келеді

    Дженнифер Лопес Қазақстанға келеді

    Бұл туралы әншінің Instagram желісіндегі ресми дереккөзден белгілі болды.

    Америкалық актриса және әнші Дженнифер Лопес гастрольдік сапары аясында 1 тамызда Астанада Astana Arena-да өнер көрсетеді.

    Тур 1 шілдеде басталып, 3 тамызға дейін жалғасады. Ол әлемнің 17 қаласын қамтиды, соның ішінде: Анталья мен Ыстанбұл, Мадрид пен Барселона, Будапешт, Варшава, Бухарест, Әбу-Даби және т.б. бар.

    — Барлық халықаралық JLovers үшін айтарым, мен осы жазда бірнеше таңдаулы орында өнер көрсетемін. Сахнаға қайта оралып, бәріңізді көргенше асықпын. Бұл таңғажайып жаз болады, — деп түсіндірді Дженнифер Лопес алдағы тур туралы.

     

  • Алматыда электросамокат мінген бойжеткен жол апатынан көз жұмды

    Алматыда электросамокат мінген бойжеткен жол апатынан көз жұмды

    Адам өліміне алып келген жол-көлік оқиғасы Әбіш Кекілбаев пен Сұлтанмахмұт Торайғыров көшелерінің қиылысында болды. 18 жастағы қыз бала ауыр жарақат алып, ауруханада көз жұмды.

    Аталған жағдайға қатысты Алматы қаласының Полиция департаментінің баспасөз қызметі пікір білдірді.

    Бостандық аудандық полиция басқармасы қылмыстық іс қозғады. Торайғыров көшесімен шығыс бағытта келе жатқан BYD көлігінің жүргізушісі Кекілбаев көшесінің қиылысында кәмелетке толмаған жаяу жүргіншіні қағып кеткен. Белгілі болғандай, бойжеткен Торайғыров көшесімен оңтүстік бағытта электросамокатпен жаяу жүргіншілер өткелінен өтіп бара жатқан. Қыз бала жедел жәрдеммен ауруханаға жеткізілгенімен, өкінішке қарай алған жарақаттарынан қайтыс болды, – деді Алматы қаласы полиция департаментінің ресми өкілі Салтанат Әзірбек.

  • Министрлік 2025 жылы қай мамандыққа грант көп бөлінетінін айтты

    Министрлік 2025 жылы қай мамандыққа грант көп бөлінетінін айтты

    Ғылым және жоғары білім министрлігі 2025 жылы қандай мамандықтарға грант басымдықпен бөлінетінін мәлімдеді.

    Кадрларды даярлауға арналған мемлекеттік білім беру тапсырысы Қазақстан Республикасы Еңбек және халықты әлеуметтік қорғау министрлігінің ел экономикасының салаларына қажетті кадрларға қатысты орта мерзімді болжамы негізінде қалыптастырылады.

    Министрлік мәліметінше, Еңбек министрлігі сұранысқа ие және тапшылық байқалатын мамандықтар бойынша талдау жүргізіп, ел мен өңірлердің әлеуметтік-экономикалық даму көрсеткіштерін ескере отырып, еңбек ресурстарына деген сұранысты бағалайды.

    Сондай-ақ, мемлекеттік бағдарлама көрсеткіштері, салалардағы экономикалық үрдістер мен «Атамекен» Ұлттық кәсіпкерлер палатасының ұсыныстары да ескеріледі.

    2025 жылы мемлекеттік білім гранттарын бөлу кезінде инженерлік, өңдеу және құрылыс салаларына, педагогикалық және жаратылыстану ғылымдарына ерекше басымдық берілмек. Жаңа үлестірімге сәйкес, техникалық мамандықтарға бөлінетін грант үлесі 60 пайызға дейін артпақ. Ал гуманитарлық сала – 28%, медицина – 8%, шығармашылық мамандықтар – 4% деңгейінде қалады, – делінген министрліктің берген жауабында.

  • Димаш Құдайберген жанкүйерінің арманын орындады

    Димаш Құдайберген жанкүйерінің арманын орындады

    Кеше Ақтау қаласында өткен «Ақтау – Түркі әлемінің мәдени астанасы» концертінде Димаш Құдайбергеннің әндерін жан-тәнімен қосыла шырқаған көрермен желіде көптің жүрегін елжіретті. Концерттен соң, Димаш Құдайберген ақтаулық 23 жастағы жанкүйерімен арнайы кездесті. 

    Димаш Құдайберген оның қолдауына алғысын айтып, қолынан алды. Естелік болсын деп білезігін сыйға тартты.

    «Сенің бейнежазбаңды көрдім. Шығар алдында көріп қалдым. Ағаларыма рахмет, бір өтінішімді жерге қалдырмай, іздестіріп тауып берген. Рахмет саған, шығармашылығыма болысып жүргеніңе», – деді Димаш Құдайберген. 

    Арбада отырған жігіт бала күнінен Димаштың әнін тыңдағанын, жүздесуді армандағанын айтты.

    «Бүгін – менің өмірімдегі бақытты күндерімнің бірі. Бұрын Димашты сахнадан, телеарнадан ғана көрсем, енді жақыннан көріп тұрмын. Арманым орындалды», – деп ағынан жарылды ол.

  • Солтүстік Қазақстан облысында каналдан жаппай балық қырылып жатыр: себептер анықталуда

    Солтүстік Қазақстан облысында каналдан жаппай балық қырылып жатыр: себептер анықталуда

    Солтүстік Қазақстан облысындағы Аралағаш ауылы маңындағы каналдан өлі балықтар табылды. Тұрғындардың айтуынша, су беті толығымен балықпен жабылған. Аққайың аудандық әкімдігі бұл жағдайды судағы оттегінің жетіспеушілігімен түсіндірді. Қыста температураның өзгеруі балықтардың қырылуына себеп болуы мүмкін. Экология басқармасы оқиға орнында тексеріс жүргізіп, сынамалар алды. Зерттеу нәтижесінде заңға сәйкес шаралар қабылданатын болады.

  • Пышақпен қорқытып, әуежайда дүрліктірген зейнеткер сот алдында

    Пышақпен қорқытып, әуежайда дүрліктірген зейнеткер сот алдында

    Ол билетсіз Астанаға ұшпақ болған. Құжат сұралғанда, ас үй пышағын алып шығып, қызметкерді қорқытқан.

    Айыпталушы өз кінәсін толық мойындады. Сотта ол бұрын контузия алғанын айтты. Прокурор істі қысқартылған тәртіппен қарауды сұрады. Жәбірленуші оқиғаны еске алып, сотта көзіне жас алды.

    Баратовқа терроризм туралы жалған хабар тарату, кепілге алу және қарумен хулигандық жасау баптары бойынша айып тағылып отыр. Егер кінәсі дәлелденсе, ол 12 жылға дейін бас бостандығынан айырылуы мүмкін.

  • Қазақстандықтар мамыр айында қанша күн демалады?

    Қазақстандықтар мамыр айында қанша күн демалады?

    Аптасына бес күн жұмыс істейтін қазақстандықтар мамыр айында 12 күн демалады7 

    Мамырда жұмыс күндеріне тұспа-тұс келетін үш мемлекеттік мереке бар:

    • Қазақстан халқының бірлігі күні –1 мамыр (бейсенбі),
    • Отан қорғаушылар күні – 7 мамыр  (сәрсенбі)
    • Жеңіс күні – 9 мамыр (жұма).

    Бұл жолы мерекелерге байланысты жұмыс және демалыс күндерін ауыстыру жоспарланбайды.

    Ал алты күндік жұмыс аптасында ел тұрғындары жалпы жеті күн демалады.

  • 12 миллион теңгенің қызғалдағы: Түркістанда Қызыл кітаптағы гүлді терген әйел іздестірілуде

    12 миллион теңгенің қызғалдағы: Түркістанда Қызыл кітаптағы гүлді терген әйел іздестірілуде

    Бұл сәт Ордабасы ауданында түсірілген видеоға жазылып қалған.

    Полиция күдіктіні іздестіріп жатыр. Заң бойынша мұндай әрекет үшін 3000 айлық есептік көрсеткішке дейін айыппұл немесе қылмыстық жауапкершілік қарастырылған.

    Мамандардың болжауынша, жұлынған гүлдер – сирек кездесетін Грейг қызғалдағы болуы мүмкін.

  • Магеррам Магеррамов: Бағаларды реттеу болмаса, жалақының өсуі халыққа әсер етпейді

    Магеррам Магеррамов: Бағаларды реттеу болмаса, жалақының өсуі халыққа әсер етпейді

    Оның айтуынша, жалақы мен зейнетақының өсуі инфляцияға байланысты тиімді болмай отыр, өйткені баға өсуі халықтың табысын «жұтып» алады.

    Магеррамов Қазақстанда бағалардың 100-200%-ға дейін өсуі Батыс елдеріндегі 20-30%-дық шектеулермен салыстырғанда жоғары деп есептейді. Ол бағаны реттеу үшін нақты шаралар қабылдауды және бөлшек саудада бақылауды ұсынды. Сонымен қатар, депутат биылғы бюджет қабылданғанымен, келесі жолы бұл мәселе қатаң қаралатынын айтты.