Олар әлеуметтік осал топтағы азаматтарға мемлекеттік тұрғын үй бағдарламасына көмектесеміз деп, ірі көлемде қаражат алған.
Қазір тергеу жүріп жатыр, күдіктілер қамауға алынды. Полиция зардап шеккендерді анықтауда.
Рубрика: Жаңалықтар
-
Михаил Шайдоров әлем чемпионатының күміс жүлдегері атанды
Қазақстандық мәнерлеп сырғанаушы Михаил Шайдоров Бостонда өткен әлем чемпионатында 287,47 ұпай жинап, екінші орын алды. Бұл – оның ересектер арасындағы ең үздік нәтижесі.
Ол 2026 жылғы Олимпиадаға қатысу нормативін орындады.
-
Мьянмадағы жер сілкінісінен 694 адам қаза тапты
Эпицентр Мандалай қаласынан 17 шақырым жерде орналасқан. Табиғи апаттан кейін елде төтенше жағдай жарияланды. Бангкокта 30 қабатты ғимарат құлап, ондаған адам үйінді астында қалды.
Жер сілкінісі Таиланд, Бангладеш, Лаос, Қытай және Үндістанда да сезілді. Мьянма билігі халықаралық гуманитарлық көмек сұрады.
-
2024 жылы қазақстандықтардың өмір сүру ұзақтығы артты
2024 жылы Қазақстан Республикасы халқының туғандағы күтілетін өмір сүру ұзақтығы 75,44 жасты құрады, бір жыл бұрын бұл көрсеткіш 75,09 жыл деңгейінде болған, деп хабарлайды Ұлттық статистика бюросы.
Қалалық жерлерде өмір сүру ұзақтығы ауылдық жерлерге қарағанда жоғары, сәйкесінше 76,14 және 74,26 жас.
Гендерлік тұрғыдан алғанда, 2024 жылы әйелдердің күтілетін өмір сүру ұзақтығы 79,42 жас (2023 ж. – 79,06), ерлер арасында 71,33 жасты (2023 ж. – 70,99 жас) құраған.
Туған кезде күтілетін ең жоғары өмір сүру ұзақтығы Алматыда тіркелген – 78,78 жас, ең төмені Ұлытау облысында – 72,48 жас.
Туғандағы күтілетін өмір сүрү ұзақтығы – бұл белгілі бір жылы туылған адамның орташа өмір сүру ұзақтығын көрсететін статистикалық көрсеткіш, бұл ретте ұрпақтың бүкіл өміріндегі өлім-жітім деңгейі осы көрсеткіш есептелген жыл деңгейінде өзгеріссіз қалу шарты бар.
-
Елорда полицейлері 20 жастағы жігітті құтқарып қалды
Оқиға орнына жеткен патрульдік полиция қызметкерлері (Жасұлан Қыздарбек, Фазыл Айболат, Сұмғат Назымбеков және Абзал Қадыров) есікті сындырып, жігітті ішке қарай тартып үлгерді.
Құтқарылған азамат полиция басқармасына жеткізіліп, кейін жедел жәрдем бригадасына табысталды.
-
Қазақстанда Ресей азаматтарының ЖСН-дері аннулициялануда
ІІМ Көші-қон қызметінің мәліметінше, кейбір Ресей азаматтарының ЖСН-дері заңсыз алынғаны анықталып, аннулицияланып жатыр. Қазір бұл фактілер тексерілуде.
Әлеуметтік желілерде ЖСН-ді қашықтан рәсімдеу мүмкіндігі туралы ақпарат тарады. Алайда, заң бойынша оны алу үшін өтініш берушінің жеке қатысуы қажет. Аталықов қандай банк заң бұзғанын нақты атамады, бірақ мұндай 10-нан астам жағдай тіркелгенін мәлімдеді.
-
Бангкокта жойқын жер сілкінісі: әуежайлар рейстерді қабылдауды тоқтатты
Зілзаланың эпицентрі Мьянма аумағында тіркелді, бірақ Таиландпен қатар бес елде қатты сезілген.
Жер сілкінісі салдарынан қалада салынып жатқан 30 қабатты ғимарат құлап, 43 жұмысшы үйінді астында қалды. Құтқару жұмыстары жалғасуда.
Таиландтың әуежайлары рейстерді уақытша тоқтатты. Сондай-ақ елдің қор биржасы да жұмысын кідірткен. Премьер-министр Пхэтхонгтхан Чинават қайталануы мүмкін жерасты дүмпулеріне дайын болуға шақырды.
-
Жамбыл облысында тағы да жер сілкінді
ҚР ТЖМ «СБЗҰГО» ЖШС сейсмикалық станциялар желісімен 2025 жылғы 28 наурызда Астана уақытымен 16 сағат 00 минутта жер сілкінісі тіркелді.
Жер сілкінісінің ошағы Қырғызстан аумағында орналасқан. Жер сілкінісінің ошағы Меркіден 20 шақырым жерде Қырғызстан аумағында орналасқан.
Есептік қарқындылығы нақтылануда. Зардап шеккендер мен қираулар туралы мәлімет түскен жоқ.
Бұған дейін Жамбыл облысында Астана уақытымен 3:42-де жер сілкінісі тіркелген болатын.
-
Алматыда өз үйінде есірткі сатып жүрген адам ұсталды
Алматыда көпқабатты тұрғын үйлердің бірінде өз пәтерінде есірткі сатып жүрген адам ұсталды.
Қалалық Полиция департаментінің мәліметінше, күдікті – 49 жастағы ер адам.
«Арнайы іс-шараның нәтижесінде күдіктіден өсімдік тектес зат тәркіленіп, сот-химиялық сараптамаға жіберілді. Ер адамның осы мекенжайда отбасымен тұрғаны белгілі болды, оның жанұясы қаскөйдің қылмыстық әрекетіне куә болған. Қазіргі уақытта есірткі сату дерегі бойынша қылмыстық іс қозғалды. Күдікті ұсталды және уақытша тергеу изоляторына қамалды. Сотқа дейінгі тергеу жалғасып жатыр», – деді Алматы қалалық ПД Есірткі қылмысына қарсы күрес басқармасының бастығы Мұрат Жұмабае
-
Дональд Трамп Ақ үйде ауызашар берді
АҚШ президенті Дональд Трамп Ақ үйде ауызашар өткізіп, мұсылман елдерінің өкілдерін қабылдады. Ол өз сөзінде 2024 жылғы президенттік сайлауда көрсеткен қолдауы үшін мұсылман қауымына ризашылығын білдірді.
Трамп өз әкімшілігінің басты мақсаттарының бірі – Таяу Шығыста бейбітшілік орнату екенін атап өтіп, бұл бағытта Авраам келісімдеріне сүйенетінін жеткізді. Сонымен қатар, президент әсіресе Мичиган штатында тұратын мұсылмандарға ерекше алғысын білдірді.
«Мен президент болып тұрғанымда, сіздерді әрдайым қолдаймын. Мұны білулеріңізді қалаймын», – деді Трамп.
Сондай-ақ, ол болашақта мұсылмандармен тығыз қарым-қатынас орнатуға ниетті екенін айтты.