Sona.kz

Рубрика: Жаңалықтар

  • Іздеуде жүрген қазақстандық Ресей түрмесінде отырған

    Іздеуде жүрген қазақстандық Ресей түрмесінде отырған

    Бұл туралы Бас прокуратура мәлімдеді. Ер адам 2021 жылдың наурыз айында тағы да жеке тұлғаға қарсы ауыр қылмыс жасаған.

    Атап айтқанда, күдікті Қостанай қаласындағы жәбірленушінің пәтерінде бірге алкогольдік ішімдік ішу кезінде өзара араздық салдарынан жәбірленушінің басы мен денесіне соққылар жасағаны салдарынан жәбірленуші қайтыс болды.

    Жауаптылықтан құтылғысы келген күдікті қашып кеткен, сол себепті оған халықаралық іздеу жарияланған. Күдікті іздеуде жүргенде Ресей аумағында қарақшылық шабуыл жасап, сол үшін Ресей сотымен сотталған.

    Көрші мемлекетте жазасын өтегеннен кейін Қазақстан Республикасы Бас прокуратурасының сұрауы бойынша отанына экстрадицияланып, қазіргі уақытта тергеу изоляторына қамалды.

    Жәбірленушінің өліміне әкеп соқтырған ауыр дене жарақатын келтіргені үшін ол 8 жылдан 12 жылға дейін бас бостандығынан айыру жазасы қарастырыған.

  • Ақтау маңында құлаған ұшақтың қара жәшігі Бразилияда ашылады

    Ақтау маңында құлаған ұшақтың қара жәшігі Бразилияда ашылады

    Бұл тураылы Көлік министрлігі хабарлады. «Чикаго конвенциясының 13 қосымшасына сәйкес тергеу жүргізетін мемлекет борттағы өздігінен жазғыш деректерін оқуды қамтамасыз етеді және оларды қай елде таратып жазу туралы шешім қабылдайды», – делінген хабарламада.

    Қазақстан бұл Конвенцияны 1992 жылы ратификациялады және Халықаралық Азаматтық авиация ұйымының (ИКАО) мүшесі.

    Жоғарыда аталған құжаттың негізінде, сондай-ақ ИКАО ұсынымдарын ескере және Әзербайжан мен Ресейдің авиациялық билік өкілдерімен кеңесе отырып, ҚР Көлік министрі Марат Қарабаев басқаратын авиациялық оқиғаны тергеу жөніндегі Комиссия қара жәшіктерді Embraer әуе кемесін шығарушы Бразилияның авиациялық оқиғаларды тергеу және алдын алу орталығына (CENIPA) жіберу туралы шешім қабылдады.

    CENIPA орталығында қажетті техникалық мүмкіндіктер қарастырылған, тиісті құралдармен жабдықталған және оларды оқу үшін сертификатталған зертхана бар.

    Бұл мәселе Мемлекет басшысының жеке бақылауында.

  • Әзербайжан ресейліктердің елде болу мерзімін қысқартты

    Әзербайжан ресейліктердің елде болу мерзімін қысқартты

    Қаулыға сәйкес, Ресей Федерациясының азаматтары мен Ресейде тұрақты тұратын азаматтығы жоқ адамдар Әзербайжан Республикасына визасыз тәртіпте келген жағдайда, елде бір күнтізбелік жыл ішінде 90 күннен артық бола алмайды.

    Шешім 2025 жылғы 1 қаңтардан бастап күшіне енеді.

    Бұған дейін ел президенті Ильхам Әлиев Ақтаудағы ұшақ апатына байланысты Ресей Әзербайжан халқынан кешірім сұрап, өз кінәсін мойындап, өтемақы төлеуі керек деп мәлімдеген.

    25 желтоқсан күні Ақтау қаласының маңында Azerbaijan Airlines әуекомпаниясының Бакуден Грозныйға бағыт алған жолаушылар ұшағы апатқа ұшырап, 38 адам қаза тапты. Бортта 5 экипаж мүшесін қоса алғанда 67 адам болған. Жолаушылардың 6-ауы Қазақстан, 42-сі Әзербайжан, 3-еуі Қырғызстан, 16-сы Ресей азаматы.

  • Ауа райына байланысты бірқатар өңірде ескерту жарияланды

    Ауа райына байланысты бірқатар өңірде ескерту жарияланды

    Қазгидромет синоптиктерінің болжамы бойынша, Астанада түнде және таңертең тұман түседі.

    Қарағанды облысының батысында, оңтүстігінде, шығысында жаяу бұрқасын болады.

    Ұлытау облысының солтүстігінде, оңтүстігінде, шығысында жаяу бұрқасын жүреді.

    Қызылорда облысының шығысында, солүстігінде, орталығында көктайғақ, тұман түседі.

    Ақмола облысының солтүстігінде, шығысында тұман болады.

    Ақтөбе облысының солтүстігінде, шығысында тұман түседі.

    Жамбыл облысының солтүстігінде, оңтүстігінде, таулы аудандарында тұман, көктайғақ болады. Оңтүстік-батыстан жел соғады, облыстың оңтүстік-батысында, солтүстік-шығысында, таулы аудандарында 15-20, екпіні 23-28 м/с болады.

    Атырау облысының батысында, оңтүстігінде, шығысында тұман түседі.

    Түркістан облысының таулы және тау бөктерлі аудандарында жауын-шашын (жаңбыр, қар) мол түседі. Түнде және таңертең облыстың батысында, оңтүстігінде, таулы және тау бөктерлі аудандарында тұман болады. Оңтүстік-батыстан жел соғады, облыстың оңтүстігінде, солтүстігінде, батысында, таулы және тау бөктерлі аудандарында күші 15-20, түнде және таңертең тау асуларында екпіні 23-28 м/с болады.

    Шымкентте күндіз қатты жауын-шашын (жаңбыр басымырақ) болады. Оңтүстік-батыстан жел соғады, екпіні — 15-20 м/с.

    Батыс Қазақстан облысының солтүстігінде, батысында, шығысында көктайғақ, тұман болады.

    Қостанай облысының солтүстігінде, шығысында тұман түседі.

    Маңғыстау облысының батысында, оңтүстігінде, орталығында тұман, көктайғақ болады.

    Солтүстік Қазақстан облысында тұман түседі.

    Абай облысының оңтүстік-батысында, орталығында жаяу бұрқасын жүреді. Оңтүстік-батыстан соғатын жел солтүстік-батысқа ауысады, облыстың оңтүстік-батысында, орталығында екпіні — 15-20 м/с.

    Шығыс Қазақстан облысының солтүстігінде, шығысында жаяу бұрқасын болады. Оңтүстік-шығыстан соғатын жел солтүстік-батысқа ауысады, облыстың солтүстігінде, шығысында екпіні — 15-20 м/с.

    Жетісу облысында оңтүстік-батыстан жел соғады, Алакөл көлдері аудандарында екпіні — 15-20 м/с.

  • Путин Әлиевтен ұшақ апатына байланысты кешірім сұрады

    Путин Әлиевтен ұшақ апатына байланысты кешірім сұрады

    Креммльдің мәлімдеуінше, Ресей тарапының бастамасымен Владимир Путин мен Әзірбайжан Республикасының Президенті Ильхам Әлиев телефон арқылы сөйлесті.

    Владимир Путин қайғылы оқиғаның Ресей әуе кеңістігінде орын алғаны үшін кешірім сұрап, қаза болғандардың отбасыларына көңіл айтып, зардап шеккендердің тезірек сауығып кетуін тіледі.

    Қоңырау барысында Ақтаудағы ұшақ апатына қатысты мәселелер талқыланды.

    «Кесте бойынша Әзірбайжанның жолаушылар ұшағы Грозный әуежайына бірнеше рет қонуға әрекеттенді. Бұл кезде Грозный, Моздок және Владикавказға украиналық жауынгерлік пилотсыз ұшу аппараттары шабуыл жасаған, ал ресейлік әуе қорғанысы бұл шабуылдарға тойтарыс берді», — деп хабарлады Ресей СІМ.

    Ресейдің Тергеу комитеті ҚК 263-бабы (Әуе көлігін пайдалану және қозғалыс қауіпсіздігі қағидаларын бұзу) бойынша қылмыстық іс қозғады. Бастапқы тергеу әрекеттері жүргізіліп, азаматтық және әскери мамандардан жауап алынуда.

    Әзірбайжан Бас прокуратурасының екі қызметкері Грозныйда жүргені, олар Ресей Федерациясының Бас прокуратурасы мен Тергеу комитетінің өкілдерімен бірге жұмыс істеп жатқаны хабарланды.

  • AZAL Ресейдің 7 қаласына рейстерді тоқтатты

    AZAL Ресейдің 7 қаласына рейстерді тоқтатты

    Azerbaijan Airlines әуе компаниясының Embraer 190 ұшағының апатын алдын ала тергеу нәтижелерін және ұшу қауіпсіздігіне ықтимал қауіптерді ескере отырып, Әзірбайжан Мемлекеттік азаматтық авиация агенттігінің шешімі негізінде Бакуден келесі бағыттарға рейстерді тоқтатады. Ресейдегі әуежайлар 2024 жылдың 28 желтоқсанынан бастап соңғы тергеу аяқталғанға дейін:

    • Минералды су
    • Сочи
    • Волгоград
    • Уфа
    • Самара
    • Грозный
    • Махачкала

    Айта кетейік, 25 желтоқсанда AZAL Бакуден Грозный мен Махачкалаға рейстерді тоқтату туралы шешім қабылдаған болатын. Қауіпсіздік мақсатында басқа әуе компанияларының да осы бағыттарға рейстерін тоқтату туралы шешім қабылданды.

    Ағымдағы жағдайға байланысты осы бағыттарға билеті бар жолаушылар билетті толық қайтаруға немесе тегін қайта билет алуға құқылы.

    Бұл ретте әуе компаниясы ұшу қауіпсіздігінің барлық талаптары мен ережелерін сақтай отырып, Мәскеу, Санкт-Петербург, Екатеринбург, Астрахань, Қазан және Новосибирск қалаларына ұшуды жалғастырады.

  • Алматы полициясы күшейтілген жұмыс режиміне көшті

    Алматы полициясы күшейтілген жұмыс режиміне көшті

    Алматы қалалық Полиция департаментінің мәліметінше, жаңа жылды мерекелеу кезінде қоғамдық тәртіпті қамтамасыз ету, қылмыстардың, сондай-ақ басқа да заңсыз әрекеттердің дер кезінде алдын алу және жолын кесу мақсатында Алматы полициясы қызметтің күшейтілген нұсқасына көшірілді. 3 мыңнан астам полицей қаладағы тәртіпті тәулік бойы күзетеді.

    Патрульдік экипаждардың саны ұлғайтылды, қызмет көрсету маршруттары күшейтілді, жаяу патрульдік қызметке Ұлттық ұланның 300 әскері тартылды.

    – Азаматтар көп жиналатын орындар мен мәдени-ойын-сауық шаралары өтетін орындар ерекше бақылауда, – деп хабарлады ведомстводан.

    Алматы тұрғындары Жаңа жыл мерекесін тойлауды бастап кетті. Қалада түрлі концерттер мен іс-шаралар, сондай-ақ негізгі жаңа жылдық жәрмеңке өтіп жатыр.

  • Әзербайжанның тағы бір ұшағы Бакуге шұғыл түрде қонды

    Әзербайжанның тағы бір ұшағы Бакуге шұғыл түрде қонды

    Ресейдің Минеральные Воды қаласына ұшып бара жатқан Azerbaijan Airlines әуекомпаниясының ұшағы шұғыл түрде Бакуге қайтып келді.

    Azerbaijan Airlines компаниясы бұл шешім Махачкала үстіндегі әуе кеңістігінің жабылғаны туралы NOTAM хабарламасын алғаннан кейін қабылданғанын мәлімдеді.

  • Ақтауға Embraer әуе кемесін өндіруші зауыттан арнайы өкілдер келді

    Ақтауға Embraer әуе кемесін өндіруші зауыттан арнайы өкілдер келді

    ҚР Көлік министрлігінің мәліметінше, тергеп-тексеру жөніндегі Комиссия авиациялық оқиға орнына барып, алдағы жұмыстарды айқындады.

    Бразилиядан Ақтау қаласына Чикаго Конвенциясының 13 қосымшасына сәйкес Embraer әуе кемесін өндіруші зауыттан арнайы өкілдер келді.

    Сондай-ақ, алдағы күндері елімізге CENIPA өкілдері (авиациялық оқиғаларды тергеу және алдын алу орталығы) келеді деп жоспарланып отыр.

  • 2025 жылдан бастап әуе рейстерінің бағасы арзандайды

    2025 жылдан бастап әуе рейстерінің бағасы арзандайды

    Келер жылдан бастап QAZAQ AIR әуекомпаниясы әлеуметтік маңызы бар бағыттар бойынша субсидияланған рейстерді жүзеге асырады. Бұл туралы компанияның баспасөз қызметі хабарлады.

    «Қазақстандықтар мен ел қонақтары үшін 7 бағытта арнайы тарифтер белгіленді. Бұл қадам аймақаралық әуе қатынасының қолжетімділігін арттыруға бағытталған», – делінген хабарламада.

    Әуе компанияның мәліметінше, субсидияланған тарифтер келесі бағыттар бойынша орындалады:

    • Астана – Павлодар – Астана (аптасына 4 рет): 15 000 теңге;
    • Астана – Петропавл – Астана (күн сайын): 15 000 теңге;
    • Түркістан – Қостанай – Түркістан (аптасына 2 рет): 31 000 теңге;
    • Түркістан – Қарағанды – Түркістан (аптасына 2 рет): 20 000 теңге;
    • Жезқазған – Қарағанды – Жезқазған (аптасына 4 рет): 10 000 теңге;
    • Жезқазған – Шымкент – Жезқазған (аптасына 3 рет): 18 000 теңге;
    • Алматы – Көкшетау – Алматы (аптасына 3 рет): 33 000 теңге.

    Артықшылықтары: 14 жасқа дейінгі балаларға 50% жеңілдік беріледі. Сондай-ақ, ұшу күні мен билеттерді қайтару кезінде ешқандай қосымша ақы алынбайды.