Sona.kz

Рубрика: Қоғам

  • Оралда электронды темекі сатушыға айыппұл салынды

    Оралда электронды темекі сатушыға айыппұл салынды

    Оралда электронды темекі сатушыға айыппұл салынды.

    «Орал қаласы тұрғынының Қазақстан Республикасы Қылмыстық кодексінің 301-1-бабымен (Шегілмейтін темекі бұйымдарының, электрондық тұтыну жүйелерінің (вейптердің), оларға арналған хош иістендіргіштер мен сұйықтықтардың айналымы) көзделген қылмысты жасаудағы кінәсі толық дәлелденді», — делінген  БҚО прокуратурасының хабарламасында.

    Ведомствоның ақпаратына сәйкес, қала тұрғыны электронды темекіні сатумен айналысқан және вейптерді сатуға тыйым салатын заң күшіне енгеннен кейін сатылмай қалып қойған электронды темекілерді «Telegram» мессенджеріндегі топ арқылы сатқан.

    Сотқа дейінгі тергеп-тексеру барысында 227 вейптің қалдықтары тәркіленді. Орал қалалық сотының үкімімен сотталушы кінәлі деп танылып, 73 840 теңге айыппұл салынды.

    Сот үкімі заңды күшіне енді.

    Батыс Қазақстан облысының прокуратурасы тұрғындардың назарын вейптерді сату және тарату қылмыстық жауапкершілікке әкеп соғатынын еске салады.

    Айта кетейік, 20.06.2024ж. вейптер мен электронды темекілерді сатуға, әкелуге және таратуға тыйым салу туралы норма күшіне енді.
    Аталған мәселе мемлекет басшысымен көтеріліп, 2024 жылғы 19 сәуірде тиісті Заңға қол қойылды.
    Заң әсіресе жастар арасындағы жаман әдеттермен күресуге бағытталған және бұзушылықтар үшін қатаң жазаларды қамтиды.
    Қылмыстық кодекске енгізілген өзгерістерге сәйкес вейптерді сату мен таратқаны үшін қылмыстық жауапкершілікті көздейтін жаңа 301-1 бап белгіленді.

    Атап айтқанда, осы қылмыстық құқық бұзушылықты жасағаны үшін 200 айлық есептік көрсеткішке дейін (шамамен 738 400 теңге) айыппұл салу, түзеу жұмыстары немесе 50 тәулікке дейін қамауға алу қарастырылған.

    Сонымен қатар, вейптерді әкелу және өндіру 2000 АЕК-ке дейін айыппұл салуға (шамамен 7,3 миллион теңге), қоғамдық жұмыстарға тартуға немесе тіпті екі жылға дейін бас бостандығынан айыруға әкеп соғуы мүмкін.

    Қылмыстық топ жасаған немесе аса ірі көлемде пайда тапқан әрекеттер үшін жаза 5 жылға дейін бас бостандығынан айыруға және 18,4 миллион теңгеге дейін айыппұл салуға әкелуі мүмкін.

  • Алматыда электр энергия тарифі өзгереді

    Алматыда электр энергия тарифі өзгереді

    Алматыда электр энергиясының тарифі өзгереді. Бұл туралы ӨКҚ-де өткен брифингте Алматы қаласы бойынша табиғи монополияларды реттеу департаментінің басшысы Әсел Бөденеева мәлімдеді.

    Алматыда барлық тұтынушыға тарифтер 15 қазаннан бастап өзгереді.

    «Орташа тариф 29,04 теңге болады, яғни 3,7 пайызға өсіп отыр. Халыққа 27,59 теңгеге өзгереді, яғни 8 пайызға өседі. Заңды тұлғаларға 30,08 теңге болады, 8 пайызға өседі. Бюджеттік ұйымдардың тарифі 30,47 теңге болады, ол 7 пайызға төмендейді», – деді департамент өкілі.

    «Бұған электр энергиясын өндіруші қызметіне тарифтердің өсуі, электр энергиясын беру қызметіне тарифтердің өзгеруі әсер етіп отыр», – деді Әсел Бөденеева.

    Айта кетейік, 2024 жылы ақпанда коммуналдық қызмет бағасы бойынша айтарлықтай өсім тіркелгені белгілі болды.

    Ақпанның қорытындысы бойынша суға баға жылдық мәнде 33,9 пайызға өсті, бұл басқа коммуналдық қызметтерге қарағанда көп.

    Сол кезде қалған коммуналдық қызметтер бойынша да осындай жағдай байқалды:

    жылыту бойынша баға өсімі бір жылда 30,9 пайыз болған;
    суық суға 30,8 пайыз;
    қоқыс төгуге 30,7 пайыз;
    ыстық суға 29,4 пайыз;
    электр энергиясына 19,9 пайыз.

  • Талдықорғанда жасөспірімдер арасында бұзақылық көбейген

    Талдықорғанда жасөспірімдер арасында бұзақылық көбейген

    Талдықорғанда жалпы қылмыс деңгейі 14 пайызға азайғанымен жасөспірімдер арасында бұзақылық көбейген. Талдықорған қаласы прокуратурасының мәліметінше,  жыл басынан бері кәмелетке толмағандарға қатысты 12 іс сотқа жөнелтіліп, үкім шыққан. Ал қазан айының 10 күнінде тағы 4 қылмыстық іс қозғалған. Арасында топтасып төбелесу, ақша немесе ұялы телефон бопсалау және есірткі заттарды жасыру сияқты ауыр қылмыстар бар. Басым бөлігі мектеп оқушылары мен колледж студенттері. Мәселе өзекті болғандықтан қалалық прокуратура кешенді бағдарлама әзірлеп, жасөспірімдерге қатысты құзырлы органдармен жиын өткізді. Қылмыстың алдын алу жолдары қарастырылып, ұсыныстар айтылды. Бұдан былай кәмелетке толмағандар арасында қылмыс немесе теріс қылықтар тіркелсе, ата-анасынан бөлек басқа да қатысы бар тұлғалар жауапкершілікке тартылуы мүмкін.

     

  • Шымкентте заңсыз жүрген 350 азаматтың ісі сотта қаралып жатыр

    Шымкентте заңсыз жүрген 350 азаматтың ісі сотта қаралып жатыр

    Шымкентте қала аумағында заңсыз жүрген 350 азаматтың ісі сотта қаралып жатыр.  Барлығы миграциялық заңнаманы бұзған Өзбекстан азаматтары. Олар Қазақстан аумағында тіркеуге тұрмастан нәпақа тауып жүрген. Заң бойынша келімсектер елдеріне депортацияланады немесе 70 мың мен 90 мың теңгенің арасында айыппұл төлеуге міндеттеледі. Жалпы жыл басынан бері қала аумағында көші-қон заңдылығын бұзған 6 мыңнан астам шетел азаматы анықталған. Олардың ішінде Ресей, Қырғызстан және Өзбекстан азаматтары бар. Олардың 117-і қамауға алынса, тағы 614 азамат ел аумағынан аластатылды. Сондай-ақ келімсектерге қолдау білдірген ел азаматтары да жауапқа тартылған.

    «Сонымен қатар шетелдік жұмыс күшін заңсыз пайдаланған 207 Қазақстан азаматы және шетел азаматтарын заңсыз тұрғын үймен қамтамасыз еткен 1 мың 135 әкімшілік жауапкершілікке тартылды. Олар шетелдіктердің мәртебесін рәсімдемеген», — деді Шымкент қалалық полиция департаменті көші-қон қызметі басқармасының бөлім басшысы Жәнібек Мырзалиев.

  • Жүргізуші куәлігіне емтихан тапсыру талабы күшейеді

    Жүргізуші куәлігіне емтихан тапсыру талабы күшейеді

    Елімізде жүргізуші куәлігіне теориялық емтихан тапсыратын қазақстандықтар 2 факторлы аутентификациядан өтеді.

    «Азаматтарға арналған үкімет» мемлекеттік корпорациясының мәліметінше, екі факторлы аутентификация дегеніміз қолданушының 2 түрлі әдіспен өзін-өзі растауы:

    SMS хабарлама;

    Биометриялық сәйкестендіру арқылы.

    Тестен өтпес бұрын жүргізуші куәлігіне үміткерге 1414 нөмірінен жеке деректерге қатысты сұрау салу туралы хабарлама келеді. SMS қолданушының электронды үкімет порталының жеке кабинетіне тіркелген телефон нөміріне жіберіледі, — деп жазылған хабарламада.

    Авторизация сәтті болса, қызмет алушы биометриялық сәйкестендіруден өтеді.

    Бүгіннен бастап жаңа бастама елордада енгізілді. Жыл соңына дейін бастама қалған өңірлерде де енгізіледі деп жоспарланып отыр.

  • ️Қостанай облысындағы 5 баланың қазасы: тергеуді Бас Прокурор бақылауына алды

    ️Қостанай облысындағы 5 баланың қазасы: тергеуді Бас Прокурор бақылауына алды

    ️Қостанай облысындағы 5 баланың қазасына қатысты тергеуді Бас Прокурор бақылауына алынды.

    Қостанай облыс прокуратурасы Жітіқара ауданында кәмелетке толмаған балалардың қайғылы қаза тапқаны туралы хабарлайды

    «2024 жылғы 11 қазанда таңғы сағат 5:00 шамасында Жітіқара қаласының ТЖ бөліміне Клубная көшесі, 52 мекенжайы бойынша жеке үйдің өртенгені туралы хабарлама келіп түсті. Өртті сөндіруді ТЖД, “Қостанай минералдары «АҚ, Жітіқара қаласының құтқару бөлімшесі және «Семсер Өрт сөндіруші» ЖШС күштері жүргізді. Барлығы 19 адам және 5 бірлік техника жұмылдырылды.
    Өкінішке орай, өрт кезінде 5 кәмелетке толмаған бала қаза тапты», — делінген  Қостанай облысы прокуратурасыныңхабарламасында.

    Ведомствоның ақпаратына сәйкес, сотқа дейінгі тергеп-тексеру басталды, өрттің алдын – ала себебі-пешті қараусыз қалдыру.

    «Оқиға орнына облыс прокурорының бірінші орынбасары Б.А. Бекбосынов барды.Облыс прокуратурасы қайтыс болған балалардың туыстары мен жақындарына көңіл айтады.Сотқа дейінгі тергеп-тексеру барысы Қазақстан Ресупбликасы Бас Прокурорының бақылауына алынды», — деп толықтырды аталған ведомствоның баспасөз қызметінен.  Естеріңізге сала кетейік, бұған дейін Қостанай облысында бес кәмелетке толмаған баланың өрттен қаза тапқанын хабарлаған болатынбыз. Балалардың үлкені 2011, кішісі 2023 жылы дүниеге келген.

  • Қазақ мектептерінде стоматологиялық кабинеттер ашылады — ДСМ

    Қазақ мектептерінде стоматологиялық кабинеттер ашылады — ДСМ

    2025 жылы ел бойынша барлық ірі мектептерде стоматологиялық кабинеттер біртіндеп жұмыс істей бастайды.

    Бұл туралы Денсаулық сақтау министрі Ақмарал Әлназарова мен Білім министрлігінің басшысы Ғани Бейсембаевтың елорда мектептерінің басшыларымен бірлескен отырысында белгілі болды.

    Министрлер мектеп асханасын аралап, сонымен бірге мекемелердегі тамақты қалай жақсартуға болатынын талқылады.

    «Бүгінде алты облыста стоматологтар қабылдауды жүргізетін 98 кабинет бар. Одан әрі «Сау тіспен болашаққа» жобасы аясында мектеп жасындағы барлық балаларды тіс ауруларының алдын алумен қамтуды кезең-кезеңімен қамтамасыз ету жоспарлануда», — деп толықтырды ведомстводан.

  • Sax Invest қаржы пирамидасының ұйымдастырушысы ұсталды

    Sax Invest қаржы пирамидасының ұйымдастырушысы ұсталды

    Астанада Sax Invest қаржы пирамидасының ұйымдастырушысы ұсталды.

    Қаржылық мониторинг агенттігі елордада Sax Invest қаржы пирамидасын құру және басқару фактісі бойынша бір топ адамды тергеп-тексеріп жатыр.

    Компания өзін инвестициялық қор ретінде таныстырған. Бірақ уәде етілген дивидентті (ай сайын 2-3%-дан) қатысушыларға жаңа салымшылардан қаражат тарту арқылы ғана төленген.

    Азаматтарға брокерлік қызмет көрсету, бағалы қағаздар нарығындағы сауда және Ангола Республикасында (Африка) алмаз өндіру жобасына инвестициялау бойынша қызметтерді орындаймыз деп сендірген. Осылайша, қазақстандықтардың қаржысын жобаға тартқан.

    Sax Invest ресми сайтында тіркелу және жеке кабинетке кіру үшін жоба клиентінен сілтеме алу қажет, яғни жобаға кіру шақыру-сілтеме арқылы ғана жүргізілген.

    Бонустар жаңа салымшылар тартылған жағдайда өскен. Кейіннен оларды компания жүйесі ішінде басқа тұлғаға аудару арқылы қолма-қол ақшаға айналдыруға болатынын айтқан.

    Салымшылардың барлық ақшасы компанияның банктік шотына емес, ұйымдастырушының жеке банк картасына аударылған.

    2018 жылғы қаңтардан бастап 2022 жылға дейін компанияның айналымы 18 млн долларға (шамамен 9 млрд теңге) жетіп, салымшылардың саны 3 мың адамнан асқан. Бүгінде Sax Invest қаржы пирамидасын ұйымдастырушыларының бірі ұсталып, уақытша ұстау изоляторына қамалды, — деп жазылған ҚМА таратқан хабарламада.

    Сотқа дейінгі тергеу жалғасып жатыр.

    Айта кетейік, жыл басынан бері елімізде қаржы пирамидаларының қызметін ұйымдастырғаны және жарнамалағаны үшін 35 адамның мүлкі тәркіленіп, 2 жылдан 6 жылға дейін сотталды.

  • Еліміздің басым бөлігінде күн бұзылады

    Еліміздің басым бөлігінде күн бұзылады

    «Қазгидромет» РМК ел аумағында 10 қазанда болатын қауіпті метеорологиялық құбылыстарға болжам жасады.

    Қазақстанның көп бөлігінде циклон мен атмосфералық фронтальды бөлімдердің әсерінен жауын-шашын, оңтүстікте, шығыста, елдің орталығында жаңбыр түрінде, кейде қатты жаңбыр, оңтүстікте, оңтүстік-шығыста найзағай ойнап, бұршақ жауады, солтүстікте, солтүстік-батыста жауын-шашын (жаңбыр, қар), боран, көктайғақ күтіледі.

    Елдің батысында ғана жауын-шашынсыз ауа райы сақталады. ҚР бойынша желдің күшеюі күтіледі, батыста, солтүстік-батыста түнгі және таңертеңгі сағаттарда тұман болады.

    «Павлодар облысында, батысында, солтүстігінде, Абай облысының орталығында, солтүстігінде, Шығыс Қазақстан облысының орталығында, Қарағанды облысының шығыс жартысында, Ұлытау облысының оңтүстігінде, Ақтөбе облысының солтүстігінде, солтүстік-шығысында, Батыс Қазақстан солтүстік-шығысында, Жамбыл облысының солтүстік-шығысында, Қостанай облысының батысында, оңтүстік-шығысында, Қызылорда облысының батысында жоғары өрт қаупі сақталады», — деп жазды синоптиктер.

  • Дәрігерлер қазақстандықтарға үндеу жолдады: ЖРВИ кезінде үйде қалыңыз

    Дәрігерлер қазақстандықтарға үндеу жолдады: ЖРВИ кезінде үйде қалыңыз

    Тұмау және ЖРВИ ауруының алдын алу үшін қарапайым алдын алу шараларын сақтау керек: көп жиналатын орындарға, әсіресе жабық үй-жайларға баруды шектеу; үй-жайларды жүйелі түрде желдету; қолды өңдеу үшін антисептиктерді немесе дезинфекциялық майлықтарды пайдалану; науқас адамдармен байланысты шектеу, оларды оқшаулау; тұмау және ЖРВИ белгілері пайда болған кезде балаларды үйде қалдыру және мектепке дейінгі ұйымдарға, мектептерге жібермеу; ауру белгілері пайда болған кезде уақытылы медициналық көмекке жүгіну керек.

    «Ауру жеңіл өтіп жатса да, тәуекел етпеңіздер, балаларды үйде қалдырыңыздар, өйткені вирустар ассоциациясы болу қаупі өте жоғары. Эпидемиялық маусым ушыққан кезде ересектер 2-3 рет, ал балалар, әсіресе бес жасқа дейін, 6-9 рет ауырады, өйткені олар вирустық инфекцияға алғаш рет тап болады. Антибиотиктерді өз бетінше және жаппай қабылдамай, ағзаның вирусты өз бетінше жеңуіне мүмкіндік беру керек», – деді «Астана медицина университеті» КЕАҚ Балалар жұқпалы аурулар кафедрасының меңгерушісі, медицина ғылымдарының докторы, жоғары біліктілік санатындағы инфекционист-дәрігер Динагүл Баешева ОКҚ алаңында өткен баспасөз конференциясында.