Sona.kz

Рубрика: Зерттеу

  • “Түрмеден мәміле жасап, пәтерімді тартып алды”: Индира Елемес әділдік сұрады

    “Түрмеден мәміле жасап, пәтерімді тартып алды”: Индира Елемес әділдік сұрады

    Белгілі әнші Индира Елемес өз басынан өткен қиын жағдайды жария етті. Оның айтуынша, бұрынғы жұбайы Иманмади Қалилхан қазір Алматы қаласындағы №72 мекемеде жазасын өтеп жатыр, алайда түрмеде отырып-ақ оның атына тіркелген пәтерді сатып жіберген, деп хабарлайды Sona.kz Azattyq Rýhy-на сілтеме жасап.

    Индира 2018 жылдан бері балаларымен бірге «Иль де Франс» тұрғын үй кешенінде тұрған. Ол өз қаражатына үш пәтер сатып алып, оларды біріктіруге ресми рұқсат алғанын айтады. Алайда жуырда пәтерінің өзінен хабарсыз түрде сатылып кеткенін білген.

    «Пәтерімізді құрылыс компаниясының өкілі 25 миллион теңгеге сатып алған. Ал нарықтағы құны — 125 миллион теңге. Қазір сол адам мені өз үйімнен қуып жатыр. Бұрынғы күйеуім қамауда отырса да, түрмеден мәмілелер жасап, менің мүлкімді заңсыз иемденіп отыр», — дейді әнші.

    Индираның сөзінше, экс-күйеуі әлеуметтік желілерде әлі де белсенді. Ол түрмеде отырып, Instagram арқылы оны және туыстарын қорқытып, ар-намысына тиетін жазбалар жариялап жүрген көрінеді.

    Әнші бұл жағдай бойынша полицияға шағым түсірген. Алайда Медеу аудандық полиция басқармасы ауыр қылмыс белгілеріне қарамастан, іс қозғаудан бас тартқан.

    «Мен әділдік сұраймын. Мемлекеттік органдар қылмыстың алдын алу орнына, тек формалды жауап берумен шектеліп отыр. Мен және балаларым қазір далада қалу алдындамыз», — деді Индира Елемес.

    Ол Қазақстан Президентіне ашық үндеу жасап, өзінің және балаларының құқығын қорғауды сұрады.

    Редакция оқиғаға қатысты пікір алу үшін Алматы қалалық полиция департаментіне сауал жолдады.

  • «Жеңіл ақша» түрмеге жеткізді: БҚО-да дропперлік қылмыс әшкереленді

    «Жеңіл ақша» түрмеге жеткізді: БҚО-да дропперлік қылмыс әшкереленді

    Батыс Қазақстан облысы бойынша Қаржы мониторингі агенттігінің департаменті прокуратурамен бірлесе отырып, банктік шоттарға заңсыз қол жеткізу және қаржыны аудару фактісі бойынша ауқымды тергеу жүргізіп жатыр, деп хабарлайды Sona.kz ведомствоға сілтеме жасап.

    Ұйымдастырушылар жастарға «оңай табыс табу жолын» ұсынып, өз атына банктік шот ашуға көндірген. Кейін интернет-банкинг қосымшалары орнатылған телефондар арқылы шоттарға алаяқтар толық бақылау орнатқан.

    Бұл шоттардан интернет-алаяқтық арқылы алынған қаражат аударылып отырған. Заңсыз операциялардың жалпы сомасы 17 млн теңгеден асты.

    Қатысушыларға – «дропперлерге» – 200-350 АҚШ доллары мөлшерінде ақы төленген. Алайда олардың бірі картасы бұғатталған соң схемадан бас тартпақ болған. Сол кезде қылмыстық топ мүшелері оны ұрып, қорқытып, есепке қайта қол жеткізуін талап еткен.

    Қазір ұйымдастырушы ұсталып, қамауға алынды. Тергеу жалғасуда.

    Айта кетейік, 2025 жылғы 16 қыркүйектен бастап Қылмыстық кодекске енгізілген 232-1-бап бойынша дропперлік үшін 7 жылға дейін бас бостандығынан айыру және мүлікті тәркілеу жазасы қарастырылған.

  • Қарағандыда 100 млн теңгелік қаржы пирамидасы анықталды

    Қарағандыда 100 млн теңгелік қаржы пирамидасы анықталды

    Қарағанды облысы бойынша Қаржы мониторингі агенттігінің департаменті «Үміт Самғау» атты қаржы пирамидасын құру және басқару фактісі бойынша сотқа дейінгі тергеу жүргізіп жатыр, деп хабарлайды Sona.kz Қаржы мониторингі агенттігіне сілтеме жасап.

    Тергеу деректеріне сәйкес, аталған компания өз қызметін қайырымдылық қоры ретінде көрсетіп, жалғызбасты аналарға, көпбалалы және аз қамтылған отбасыларға көмек көрсетуді мақсат еткенін мәлімдеген. Алайда іс жүзінде жоба қаржы пирамидасы болып шыққан.

    Азаматтарға 300%-дан 800%-ға дейін пайда түсіретін түрлі «салым» түрлері ұсынылған. Шарт бойынша, салым көлемі неғұрлым жоғары болса, кіріс те соғұрлым көп болады делінген.

    Тергеу барысында төлемдердің нақты экономикалық қызмет есебінен емес, жаңа қатысушылардың қаражаты есебінен жүзеге асқаны анықталды.

    Ұйымдастырушылар жүйені кеңейту үшін туыстары мен таныстарын «дроппер» ретінде тартқан. Олардың банктік есепшоттары арқылы қатысушылардың ақшасы қабылданып, әрі қарай үлестірілген.

    Нәтижесінде 400-ден астам азамат зардап шегіп, жалпы келтірілген залал 100 млн теңгеден асты.

    Соттың санкциясымен күдіктінің пәтері мен автокөлігіне тыйым салынды.

    Қазір тергеу амалдары жалғасуда.
    Қаржы мониторингі агенттігі азаматтарды күмәнді инвестициялық жобаларға және жоғары табыс уәде ететін платформаларға сенбеуге шақырады.

    «Кез келген жобада заңдылық пен лицензияның бар-жоғын тексеру маңызды. Қаржы пирамидасын ұйымдастыру – қылмыс, ал оған қатысу қаржылық шығын мен заң алдында жауапкершілікке әкеледі», – деп ескертті құзырлы мекеме.

  • Арқалықтағы жаппай улану себебі анықталды — сальмонелла қызметкерлерден табылды

    Арқалықтағы жаппай улану себебі анықталды — сальмонелла қызметкерлерден табылды

    Арқалықта 86 адам жаппай уланған оқиға бойынша эпидемиологиялық зерттеу аяқталды, деп хабарлайды Sona.kz Kazinform-ға сілтеме жасап.

    20–23 қазан аралығында Арқалық, Жангелдин және Қостанай қалаларындағы жұқпалы аурулар бөлімшелеріне 86 адам ішек инфекциясы белгілерімен жүгінген. Олардың басым бөлігі жергілікті мейрамханада өткен отбасылық шараға қатысқан немесе сол жерден әкелінген тағамды тұтынған.

    «Барлығы 83 адам ауруханаға жатқызылды, 82-сі сауығып шықты. Бір науқас дәрігерлер бақылауында. Лабораториялық зерттеу нәтижесінде Salmonella enteritidis бактериясы анықталды», — деді департамент мамандары.

    Тексеру барысында мекемеде санитарлық нормалардың өрескел бұзылғаны анықталып, нысанның қызметі уақытша тоқтатылды. Зерттеу кезінде алынған 40 сынаманың жетеуінен ішек таяқшасы табылған.

    Сонымен қатар, қызметкерлердің екеуінен де Salmonella enteritidis бактериясы анықталып, олардың инфекция тасымалдаушысы болуы мүмкін екені айтылды.

    Қазір кафе жабық, барлық кемшіліктер жойылған соң ғана қайта ашылуы мүмкін. Материалдар құқық қорғау органдарына берілді. Егер қылмыстық құрам анықталса, іс сотқа жіберіледі, ал болмаған жағдайда иелеріне әкімшілік жауапкершілік қарастырылады.

  • Алика Мұхамадиева ісі бойынша сот шешімі бүгін шығады

    Алика Мұхамадиева ісі бойынша сот шешімі бүгін шығады

    Қарағандыда әлеуметтік желідегі жазбалары үшін ұлтаралық және діни араздық қоздырды деп айыпталған 22 жастағы кәсіпкер Алика Мұхамадиеваға қатысты сот ісі аяқталуға жақын, деп хабарлайды Sona.kz ZTB -ға сілтеме жасап.

    Бүгін сотта айыпталушы соңғы сөзін айтып, тағы да көпшіліктен кешірім сұрады.
    «Барлығына шын өкінемін. Мен кінәмді толық мойындаймын. Маған сенім артқан адамдардың алдында ұялдым. Ең қиыны — қызымнан алыстап қалу. Қазір бәрінен бұрын сонымен бірге болғым келеді», — деді ол.

    Еске сала кетейік, Мұхамадиева әлеуметтік желіде (Threads) ұлтаралық және діни араздық белгілері бар пікірлер қалдырған еді. Кейін ол жұрттан кешірім сұрағанымен, бұл оны жауапкершіліктен босатпады.

    Прокуратура 4,5 жыл бас бостандығынан айыруды сұрады.
    Сот шешімі бүгін сағат 17:00-де жарияланады.

  • Алматыда Қожамжаровтың бұрынғы әріптестері азаптау ісі бойынша сотталды

    Алматыда Қожамжаровтың бұрынғы әріптестері азаптау ісі бойынша сотталды

    Алматы қаласында бұрынғы қаржы полициясының қызметкерлері — Кенжебай Жұмабеков пен Дәурен Есімбеков азаптау дерегі бойынша кінәлі деп танылып, сот үкімі шықты, деп хабарлайды Sona.kz Kazinform-ға сілтеме жасап.
    Сот процесі Алматы қаласының Қылмыстық істер жөніндегі мамандандырылған ауданаралық сотында жабық түрде өтті.
    Ресми мәліметке сәйкес, сотталушылар ҚР Қылмыстық кодексінің (1997 жылғы редакциясы) 141-1-бабы 2-бөлігінің «А, Б» тармақтарында көзделген «Алдын ала сөз байласқан адамдар тобының қайталап азаптауы» қылмысын жасағаны үшін кінәлі деп танылған.
    ? Жаза шарасы:
    •Кенжебай Жұмабеков — 6 жылға,
    •Дәурен Есімбеков — 4 жылға бас бостандығынан айырылды.
    Сонымен қатар, екеуі де 3 жылға мемлекеттік қызметте жұмыс істеу құқығынан айырылды.
    Соттың хабарлауынша, үкім әлі заңды күшіне енген жоқ.
    Қылмыстық іс бойынша жәбірленушілердің нақты саны жарияланбай отыр — себебі материалдарда мемлекеттік және өзге де құпия ақпарат бар.
    БАҚ дерегінше, тергеу ісі «Хоргос» кеден бекетінің бұрынғы брокерлері — Руслан Сыдыков, Нұрлан Сарымбетов және Нұрбек Мұратбековке қатысты жүргізілген, ал айыпталушылар оларды тергеу кезінде азаптаған болуы мүмкін.
    ⚖️ Бұл іс қоғам назарын аударды, себебі сотталушылар кезінде Қайрат Қожамжаров басшылық еткен қаржы полициясы жүйесінде жұмыс істеген.
    Еске сала кетсек, Алматыда бұған дейін «Дикий Арман» атымен белгілі Арман Жұмагелдиевке қатысты 20 жылға бас бостандығынан айыру үкімі шыққан іс бойынша апелляциялық процесс өтіп жатыр.
  • Мемлекеттік көмекке өтініш бергендердің арасынан 484 ауқатты отбасы анықталды

    Мемлекеттік көмекке өтініш бергендердің арасынан 484 ауқатты отбасы анықталды

    Еңбек және халықты әлеуметтік қорғау министрлігі мемлекеттік қолдау алуға өтініш бергендер арасынан 484 ауқатты отбасын анықтады, деп хабарлайды Sona.kz Azattyq Rýhy-на сілтеме жасап.
     Министрліктің мәліметінше, Қарағанды облысы мен Шымкент қаласында жүргізілген пилоттық жоба барысында арнайы скорингтік модель арқылы азаматтардың нақты әл-ауқаты есептелген.
    Жоба аясында төрт мемлекеттік қызмет қамтылып, 26,1 мың өтініш қаралған. Оның ішінде:
    •тұрғын үй көмегін тағайындау;
    •жалға алынған тұрғын үй ақысының бір бөлігін субсидиялау;
    •мүгедектігі бар балаларды үйде оқыту шығындарын өтеу қызметтері бар.
     Тұрғын үй көмегіне 1215 өтініш түсіп, барлығы мақұлданған.
    Ал жалдау ақысына субсидия алуға 1268 өтініш түскен, олардың 484-і ауқатты отбасылар болып шыққан.
     Сонымен қатар, мүгедектігі бар балаларды үйде оқытуға жұмсалған шығындарды өтеу қызметіне 1256 өтініш қабылданып, оның 32-сі жоғары табысты, яғни 6-санатқа жататын отбасыларға тиесілі екені анықталған.
  • “Біз одан да қорқынышты нәрселер жасадық”

    “Біз одан да қорқынышты нәрселер жасадық”

    Атыраулық 23 жастағы Яна Легкодимованың өліміне қатысты сот процесі қоғам назарында тұр. Сот отырысында айыпталушылардың алдын ала қылмыс жоспарын талқылаған хат алмасулары жарияланып жатыр, деп хабарлайды Sona.kz Tengrinews.kz-ке сілтеме жасап.

    Іс басталар алдында күдіктілер алқабилер сотынан бас тартқан. Адвокаттың айтуынша, олар қоғам тарапынан болатын қысым мен айыптаудан қауіптеніп, істі тек судьяның қарауын жөн көрген.

    Сотта жарияланған хаттамадағы ең көп талқыланған сөйлемнің бірі:

    “Біз одан да қорқынышты нәрселер жасадық”.

    Жәбірленуші тараптың өкілі Ажар Абдилдің айтуынша, бұл сөздер айыпталушылардың өзге де қылмыстарға қатысы бар-жоғын анықтау үшін қосымша тергеу жүргізуге себеп болуы мүмкін.

    “Біз соттан қосымша тергеу жүргізу туралы жеке қаулы шығаруды сұраймыз”, — деді ол.

    Жәбірленуші тарап айыпталушыларға өмір бойы бас бостандығынан айыру жазасын тағайындауды талап етуде.

    Ажар Абдил тергеу тобының кәсіби жұмысын ерекше атап өтті:

    “Тергеуші дәлелдерді мінсіз жинады, тіпті өшірілген хат алмасуларды да қалпына келтірді. Бұл — тергеу мен соттың үйлесімді жұмысының нәтижесі”, — деді ол.

    Тергеу мәліметінше, Яна 2024 жылдың 18 қазанында танысының қоңырауынан кейін үйінен шығып кеткен. Курткасын алмаған — тез ораламын деп ойлаған. Алайда сол күні ол із-түзсіз жоғалып кеткен.

  • В Костанае изъяли 1 кг гашиша у 47-летнего мужчины — возбуждено уголовное дело

    В Костанае изъяли 1 кг гашиша у 47-летнего мужчины — возбуждено уголовное дело

    В Костанае сотрудники управления по противодействию наркопрестности ДП Костанайской области изъяли около 1 килограмма гашиша у местного жителя, передаёт Sona.kz со ссылкой на Polisia.kz.

    Операция проведена в рамках республиканского мероприятия «Қарасора – 2025», направленного на борьбу с незаконным оборотом наркотиков. Полицейские задержали 47-летнего мужчину в одном из гаражных массивов города. При осмотре у него обнаружили свёртки с веществом растительного происхождения зелёного цвета со специфическим запахом.

    Позже аналогичные свёртки были найдены и в гараже, где находился подозреваемый. Согласно результатам судебно-химической экспертизы, изъятое вещество оказалось гашишем, общей массой около 1 килограмма.

    Медицинское обследование также выявило в организме мужчины следы употребления наркотических веществ.

    По данному факту возбуждено уголовное дело по статье 296 УК РК — «Незаконное хранение наркотических средств в особо крупном размере». В настоящее время проводятся следственно-оперативные мероприятия, направленные на установление каналов поступления и возможных соучастников преступления.

    Полицейские напоминают, что за хранение и сбыт наркотических веществ в Казахстане предусмотрено наказание до 15 лет лишения свободы.

  • Лицензиясыз ота: Астанада әйел мұрын операциясынан кейін көз жұмды

    Лицензиясыз ота: Астанада әйел мұрын операциясынан кейін көз жұмды

    Ақтаудан келген 59 жастағы әйел Астанадағы жеке клиникада мұрын қалқасын түзету отасынан кейін қайтыс болды, Sona.kz Tengrinews.kz-ке сілтеме жасап хабарлайды.

    Әйел тыныс алу қиындығына байланысты септоринопластика жасатқан. Алайда отадан кейін жағдайы күрт нашарлап, оны аман алып қалу мүмкін болмады.

    Белгілі болғандай, «Medina Plastic Surgery» клиникасы операция кезінде лицензиясыз жұмыс істеген. Рұқсаттама тек екі аптадан кейін, әйел көз жұмған соң берілген.

    Ота жасаған дәрігер — биыл сәуірде 22 жастағы қызды комаға түсірген сол маман. Марқұмның туыстары дәрігерді жауапқа тартуды талап етуде.

    Денсаулық сақтау министрлігінің тексерісінен кейін клиниканың лицензиясы жойылып, іс полицияға берілді.

    Бұған дейін дәл осы клиникада риносептопластикадан кейін қыздың алты ай бойы комада жатқаны хабарланған болатын.