Sona.kz

Рубрика: Зерттеу

  • Экс-судья Светлана Жолмановаға қатысты қылмыстық іс сотқа жолданды

    Экс-судья Светлана Жолмановаға қатысты қылмыстық іс сотқа жолданды

    Алматыда Медеу аудандық сотының бұрынғы судьясының алаяқтық жасады деген күдікпен ұсталған болатын. 

     Аса ірі көлемдегі алаяқтық жасап айыпталған бұрынғы судья Светлана Жолмановаға қатысты қылмыстық іс бойынша сотқа дейінгі тергеп-тексеру аяқталды.

    Тергеудің мәліметінше 2021 жылдан 2024 жылға дейінгі кезеңде ол жылжымайтын мүлік сатып алуға және тендерлік жобаларға қатысуға жәрдемдесу сылтауымен, алдау және сенімге қиянат жасау арқылы азаматтардың 1 миллиард теңгеден астам сомадағы ақшалай қаражатын қолды қылған. Тергеп-тексеру барысында қылмыстық әрекеттің 48 эпизоды анықталып, олар бір іс жүргізуге біріктірілді.

    Тергеп-тексеру аяқталғаннан кейін қылмыстық іс Қазақстан Республикасы Қылмыстық кодексінің 190-бабы 4-бөлігінің 2) тармағы (аса ірі мөлшердегі алаяқтық) бойынша айыптау актісімен мәні бойынша қарау үшін сотқа жолданды.

  • Шерзат Болаттың ісі осы аптада сотқа түседі

    Шерзат Болаттың ісі осы аптада сотқа түседі

    Ішкі істер министрінің орынбасары Санжар Әділов Талғарда 16 жастағы Шерзат Полатты өлтіру ісі бойынша материалдар алдағы күндері сотқа жіберілетінін хабарлады.

    Бұл туралы ол журналистердің сұрағына жауап берген кезінде айтты. Алайда негізгі сот процесінің қашан басталатынын нақтылай алмады.

    Шерзаттың ісі қазір прокуратурада қаралып жатыр. Алдағы күндері, осы аптада сотқа жіберіледі деп күтеміз. Бұл – соттың прерогативасы. Сот ісін қарайтын судья тағайындалады. Кейінірек бұл мәселеге қатысты соттың өзі түсініктеме бергені дұрыс деп есептеймін, – деді ол.

    Санжар Әділов сонымен қатар, Шерзат Полаттың ағасы Нұрқанат Ғайыпбаевтың ісі бойынша тергеу жүргізіліп жатқанын, ол істе ешкім күдікті ретінде танылмағанын айтады. Бұған дейін Шерзат ісі бойынша тергеудің аяқталғаны хабарланған болатын.

    Қылмыстық іс 62 томнан тұрады. Бұған дейін тергеу толық аяқталып, іс прокурорға жолданғанын хабарлаған едік. Тараптар қылмыстық іс материалдарымен толық танысты, іс сотқа жіберу үшін прокурорға жолданды.

    Тергеу барысында 40 сот сараптамасы жүргізілді, шамамен 200 куәгерден жауап алынды, барлық күдіктілердің оқиға орнында айтқан жауаптары тексерілді, процесс қатысушылары арасында беттестірулер өткізілді, сондай-ақ қылмыстың барлық мән-жайын анықтауға бағытталған өзге де тергеу әрекеттері жүзеге асырылды.

    Қылмысқа қатысушылардың барлығына құқықтық баға бере отырып, 8 бейнематериал зерттелді.

  • Динара Құлыбаеваға тиесілі ҚБТУ мемлекетке қайтарылды

    Динара Құлыбаеваға тиесілі ҚБТУ мемлекетке қайтарылды

    Динара Құлыбаеваға тиесілі ҚБТУ мемлекетке қайтарылды. Университет қайтарылған активтерді басқару компаниясына ауысты. 

    Былтыр күзде Алматыда Қазақстан-Британ техникалық университетінің ісіне қатысты сот басталған болатын. Істі Алматының прокуратурасы қозғаған еді. Динара Құлыбаева басқаратын қор ешқандай заңсыз әрекет болмағанын айтады. Қаңтарда сот медиацияны жүргізу үшін процесті тоқтатқан болатын.

    Университет «Нұрсұлтан Назарбаев білім беру қорына» тиесілі. Ал қорға Динара Құлыбаева басшылық етеді. 2000 жылы Нұрсұлтан Назарбаевтың бастамасымен пайда болған Қазақстан-Британ техникалық университеті 2003 жылы «Қазмұнайгаздың» активтерінің бірі болған. Ұлттық компания 15 жыл бойы университетке иелік еткен.

    Прокуратура ең алдымен университет ұлттық компаниядан Құлыбаеваның қолына арзан бағамен өтіп кеткен деп санайды. Бағаны Baker Tilli Kazakhstan Advisory инвестициялық брокерлік компаниясы қойған.

  • Нұрлан Нығматулиннің ағасына іздеу жарияланды

    Нұрлан Нығматулиннің ағасына іздеу жарияланды

    Мәжілістің бұрынғы спикері Нұрлан Нығматулиннің ағасы Арғын Нығматулинге іздеу жарияланғаны туралы хабарлама құқықтық статистика және арнайы есепке алу жөніндегі комитеттің ресми сайтында жарияланды.

     Арғын Нығматулинге бүгін іздеу салынды.

    «Туған күні: 28.06.1955, жынысы: еркек, Қазақстан Республикасының азаматы, Қазақ. Іздестіру ісі 03.03.2025 «Астана өңірде тіркелді. Іздестіруді жүргізетін орган: Қазақстан Республикасы Сыбайлас жемқорлыққа қарсы іс-қимыл агенттігі», – делінген сайтта.

    Арғын Нығматулин қарағандылық «Сарыарқа» хоккей клубының негізін қалаушылардың бірі ретінде аталады. 2018 жылы директор қызметінен кеткеннен кейін ол клубтың кеңесшісі болып қалды.

  • Asarume қоры Перизат Қайраттың ісінде жәбірленуші тарап деп танылды

    Asarume қоры Перизат Қайраттың ісінде жәбірленуші тарап деп танылды

    Biz Birgemiz Qazaqstan 2030 басшысы Перизат Қайраттың ісіне қатысты тағы бір дерек белгілі болды. Asarume қоры бұл істе жәбірленуші тарап екенін мәлімдеді.

    «Biz Birgemiz Qazaqstan 2030» қоғамдық бірлестігі басшысының қаржы жымқыру ісі қоғамда кеңінен белгілі болды. Біз сенгіміз келмейтін фактілер шындыққа айналып, бұл жағдай елдегі қайырымдылық саласына үлкен соққы болды. Бұл оқиға игі істермен айналысатын әр адамға әсерін тигізіп, қайырымдылыққа деген сенімге күмән ұялатты. Өкінішке қарай, «Biz Birgemiz Qazaqstan 2030» жасаған алаяқтық әрекеттер біздің қорымызға да әсер етті. Тергеу нәтижесінде ОФ «Асар Үме» ресми түрде жәбірленуші тарап деп танылды», – деп хабарлады қор.

    Asarume қоры істің мән-жайын толық жариялай алмайтынын мәлімдеді.

  • Астанада сот сараптама орталығының директоры қамауға алынды

    Астанада сот сараптама орталығының директоры қамауға алынды

    ҚМА Астана қаласы бойынша департаменті прокуратураның үйлестіруімен Сот сараптамалары орталығының лауазымды тұлғалары мен мердігер ұйым басшысына қатысты 2 млрд теңгеден астам бюджет қаражатын жымқыру фактісі бойынша сотқа дейінгі тергеу ісін тіркеді.

    2023-2025 жылдарға арналған нашақорлық пен есірткі бизнесіне қарсы күрес жөніндегі кешенді жоспар аясында сот-сараптама органдарын материалдық-техникалық жабдықтау мақсатында республикалық бюджеттен 10,3 млрд теңге бөлінді.

    Алайда, 2023-2024 жылдары Сот сараптамалары орталығының лауазымды тұлғалары мүдделі топпен алдын-ала келісіп, бюджет өтінімін қалыптастыру кезінде жалған коммерциялық ұсыныстар ұсыну арқылы жабдықтың құнын үш есе арттырған.

    Бұдан бөлек, мемлекеттік сатып алу конкурсы жарияланбай тұрып, техникалық сипаттамаларда тек өздері танитын компаниялар ғана ұсына алатын жабдықтар көрсетілген.

    «Мүлікті тәркілеу мақсатында жалпы құны 148 млн теңгеден асатын Алматы қаласындағы 2 жер телімі, Астана қаласындағы пәтер және BMW Х6 мен RAV 4 автокөліктеріне тыйым салынды, – деді ҚМА баспасөз қызметі

    Сонымен қатар, банк есепшоттарындағы 1,6 миллиард теңге, 367 мың АҚШ долларыжәне 366 мың еуро сомасындағы компанияның ақша қаражаты бұғатталды.

    Құқықтық сараптама орталығының директоры, мемлекеттік сатып алу департаментінің басшысы және ЖШС басшысы ұсталып, сот оларды 2 айға қамауда ұстау жөнінде шешім қабылдады.

    ҚР Конституциясының 77-бабының 3-тармағының 1-тармақшасына және ҚР Қылмыстық-процестік кодексінің 19-бабының 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әркім кінәсіз деп есептеледі.

    Сотқа дейінгі тергеу жалғасуда.

     

  • Шерзат Болаттың өлімі: іс прокурорға жолданды

    Шерзат Болаттың өлімі: іс прокурорға жолданды

    Шерзат Полатты өлтіру ісі бойынша тергеу аяқталды. Алматы облысының полиция департаменті мән-жайды айтты.

    Тараптар қылмыстық іс материалдарымен толық танысты, іс сотқа жіберу үшін прокурорға жолданды.

    Тергеу барысында 40 сот сараптамасы жүргізілді, шамамен 200 куәгерден жауап алынды, барлық күдіктілердің оқиға орнында айтқан жауаптары тексерілді, процесс қатысушылары арасында беттестірулер өткізілді, сондай-ақ қылмыстың барлық мән-жайын анықтауға бағытталған өзге де тергеу әрекеттері жүзеге асырылды.

    Қылмысқа қатысушылардың барлығына құқықтық баға бере отырып, 8 бейнематериал зерттелді.

    Қылмыстық іс 62 томнан тұрады, оның ішінде барлық жиналған дәлелдемелер, сараптама қорытындылары, жауап алу хаттамалары және басқа да маңызды материалдар бар. Әрбір тергеу әрекеті қылмыстық заңнама талаптарына сәйкес жүргізілді, тергеудің барлық кезеңдерінде заңдылық, ашықтық және объективтілік қамтамасыз етілді. Тергеудің барысы және процесс қатысушыларының конституциялық құқықтарының сақталуы прокуратура органдарының бақылауында болды.

  • Перизат Қайраттың ісіне қатысты тағы бір дерек анықталды

    Перизат Қайраттың ісіне қатысты тағы бір дерек анықталды

    Мүгедек балаларға арналған оңалту орталығын салуға ақша жинау алаяқтығы бойынша Перизат Қайратқа қатысты тағы бір сотқа дейінгі тергеу тіркелді. Күдікті 2021 жылдың қараша айында Ақмола облысындағы «Батыр» қоғамдық бірлестігіне оңалту орталығын салу үшін ақша жинау мақсатымен қайырымдылық аукционын ұйымдастырған.

    Халықтың сенімін ұялату үшін шараға оңалту орталығына мұқтаж мүмкіндігі шектеулі балаларды және олардың ата-аналарын шақырған. Нәтижесінде, ол 48 миллион теңге жиналғанын және оңалту орталығы үшін 100 миллион теңге тұратын нысанның сыйға берілгенін жария еткен. Алайда, шын мәнінде аукцион барысында 22 миллион теңге ғана жиналып, қаражат күдіктінің жеке мақсаттарына жұмсалған.

    ҚР Қаржылық мониторинг агенттігінің ресми өкілі Ернар Тайжан: «Сондай-ақ П.Қайрат орталық қажеттілігі үшін 30 млн теңге жер телімін сатып алғанын мәлімдеген. Алайда тергеу барысында бұл жер телімі «Батыр» қоғамдық бірлестігі тарапынан 2019 жылы сатып алынғаны анықталды. Нәтижесінде оңалту орталығының құрылысы басталмаған. Ал сыйға берілді деп көрсетілген нысан шын мәнінде жоқ боп шықты. Қазіргі уақытта сотқа дейінгі тергеу жалғасуда», – деді.

  • «Феминитаның» негізін қалаушыға айыппұл салынды

    «Феминитаның» негізін қалаушыға айыппұл салынды

    «Феминита» қозғалысының жетекшісі Гүлзада Сержанға тіркелмеген ұйымға жетекшілік еткені үшін айыппұл салынды.

    19 ақпанда сот Гүлзада Сержанды әкімшілік кодекстің 489-бабының 9-бөлігі бойынша (тіркелмеген ұйымға басшылық жасағаны үшін) кінәлі деп таныды. Оған 100 АЕК (393 200 теңге) мөлшерінде әкімшілік айыппұл тағайындалды.

    Соттан кейін Сержан бұл шешім әділетсіз деп мәлімдеді. Оның айтуынша, сотта ол бұрын білмеген үш видео ұсынылған. Олардың бірін Бағила Балтабаева, екіншісін TikTok-та белгісіз автор, үшіншісін оның сайлауалды видеосы кезінде түсірген.

    13 ақпанда Алматыда «Ата-аналар одағының» басшысы Бағила Балтабаева мен оның жақтастары «Феминита» қауымдастығы ұйымдастырған адам құқықтары жөніндегі мектепке келіп, шу шығарған.

    Келесі күні «Феминита» құқық қорғау ұйымының іс-шарасы өткен қонақ үйде тағы да жанжал болды. «Ата-аналар одағының»төрағасы Бағила Балтабаева бастаған ЛГБТ-ға қарсылар тобы ғимаратқа басып кірді. Олар жиналыста елдің мәдениеті мен негіздеріне жат идеялар насихатталды деп мәлімдеді. Сондықтан олар іс-шараны тоқтатуды талап етіп, оны қатты музыкамен бұзуға тырысты.

     

  • Елден 13 мыңға жуық адам көшіп кетті

    Елден 13 мыңға жуық адам көшіп кетті

    Ұлттық статистика бюросының мәліметінше, былтыр 29 948 адам Қазақстанға қоныс аударса, 12 784 азамат елден кеткен.

    Дегенмен бұл көрсеткіш 2023 жылмен салыстырғанда 20 пайызға аз. Көші-қонның оң сальдосы 17 164 адамды құрады. Елдің негізгі көші-қон алмасуы ТМД мемлекеттерімен болған. Сол елдерден келгендердің үлесі 81 пайыз болса, сонда кеткендердің үлесі 75 пайызға жуық.

    2024 жылғы көші-қон

    • Көшіп келді — 29 948 адам
    • Көшіп кетті — 12 784 азамат

    2023 жыл – 16 055 адам

    • 2024 жылы 20%-ға азайды
    • Көші-қон – 17 164 адам