Алматыда NEF Qazaqstan құрылыс компаниясының басшысы Оскай Тарыкқа іздеу жарияланды.
Қазақстан Ішкі істер министрлігі NEF Qazaqstan компаниясының басшысы Тарык Волкан Оскайдың іздеуде екенін хабарлады. Қылмыстық іс 2024 жылғы 18 сәуірде Алматы қаласында тіркелген.
Тарык Волкан Оскай – NEF Qazaqstan құрылыс компаниясының бас директоры. Бұл компания тұрғын үй және коммерциялық нысандар салумен айналысады.
2022 жылы Astana International Exchange (AIX) алаңы NEF Qazaqstan компаниясының 6 млрд теңге көлемінде алғашқы облигацияларын орналастырғанын мәлімдеген болатын. Алайда 2023 жылы компания бірінші рет AIX-та дефолтқа жол берді – компания 4 млрд теңгеден астам негізгі қарызды және 402 млн теңге көлеміндегі купондық төлемді өтей алмаған.
