Айтуынша, департамент заңсыз ойын бизнесі объектілерімен жоспарлы жұмыс жүргізуде. Мысалы, 2022-2024 жылдар аралығында 50 заңсыз ойын мекемелерінің жұмысы тоқтатылып, олардан 100-ден аса ойын терминалдары,покер үстелдері және компьютерлер тәркіленді.
«Сондай-ақ 2000-нан астам заңсыз контент сайттары анықталды (2054), оларды бұғаттау үшін тиісті мәліметтер уәкілетті органға жіберілді», — деді маман.
Данияр Қыдыралиевтің сөзінше, «1WIN» ірі онлайн-казиносының заңсыз қызметі әшкереленді. Жүздеген ойыншысы бар казино айналымы 6 млрд. теңгені құрады, ал оның Қазақстанда жұмыс істеуін шетелдіктер қамтамасыз еткен. Қазіргі уақытта тергеу жалғасуда. Ойынхананың сайты бұғатталды, төрт ұйымдастырушы халықаралық іздеуде жүр. Жалпы сомасы 1,5 млрд.теңге ақшалай қаражатқа тыйым салынды, қымбат автокөліктер («Mercedes-Maybach S500» және «Lamborghini Huracan») тәркіленді.
Маман лудоманиямен күрес жалғасын табатынынын да атап өтті.
