Қарағанды облысында жүк пойызының астына түсіп қалған екі жасар бала ауыр хәлде ауруханаға түсті. Қайғылы оқиға 1 маусым күні қала маңында болған.
Көліктегі полиция департаментінің мәліметінше, оқиғаға байланысты теміржол көлігін пайдалану қауіпсіздігін бұзу дерегі бойынша қылмыстық іс қозғалды. Қазір тергеу амалдары жүргізілуде.
Қылмыстық-процестік кодекстің 201-бабына сәйкес, өзге мәліметтер жарияланбайды. Бүлдіршін жансақтау бөлімінде жатыр.