Sona.kz

Метка: алматы

  • Алматыда жер сілкінді

    Алматыда жер сілкінді

    ҚР ТЖМ «Сейсмологиялык зерттеу институты» ЖШС сейсмикалық станциялар желісімен 2024 жылғы 17 қазан Астана уақытымен 03 сағат 23 мин жер сілкінісі тіркелді.

    (далее…)

  • Алматыда жыл басынан бері мопедтердің қатысуымен 743 жол-көлік оқиғасы тіркелді

    Алматыда жыл басынан бері мопедтердің қатысуымен 743 жол-көлік оқиғасы тіркелді

    Қалалық полиция Департаментінің бастығы Арыстанғани Заппаров жолдар мен көшелерде баламалы көлік, мопедтер мен электросамокаттардың пайда болуымен жол-көлік оқиғаларының көбейгенін айтты.

    Жыл басынан бері мопедтердің қатысуымен 743 жол-көлік оқиғасы орын алып, нәтижесінде 14 адам қаза тапты, тағы 757 адам жарақат алған. Ал самокаттардың қатысуымен 103 жол-көлік оқиғасы орын алып, 109 адам зардап шекті, абырой болғанда, қаза болғандар жоқ.

    «Мопедистер мен самокаттар жиналатын орындарда 8 мотоэкипаж тұрақты түрде патрульдеу жұмыстарын жүргізеді. 32 мыңға жуық мопедист пен 28 мыңнан астам электросамокат пайдаланушылары әкімшілік жауапкершілікке тартылды. Мамандандырылған айыппұл тұрағына 1 мың 700 мопед қойылды. Сондай-ақ, 100-ден астам ата-ана балаларына самокат пен мопед жүргізуге рұқсат бергені үшін жауапқа тартылды. Алдын алу мақсатында Департамент әкімдікпен, сондай-ақ кикшеринг компанияларымен және мото мектебімен бірлесе отырып, жұртшылықтың назарын жол қозғалысы қауіпсіздігіне, жол қозғалысы ережелерін қатаң сақтауға, электросамокаттарды, мопедтерді және мотоциклдерді дұрыс және қауіпсіз жүргізу біліктіліктерін арттыруға аудару мақсатында «ERKIN QOZGALYS» науқанын өткізді», – деді, Арыстанғани Заппаров.

    Жалпы, қалалық полиция басшысының айтуынша, жыл басынан бері шаһар жолдарында 3 миллион 420 мың 483 жол ережесін бұзу дерегі анықталса, оның 1 мың 890-ы көлікті мас күйінде басқарған.

  • Алдағы үш күнде Алматы мен Астанада ауа райы қандай болады?

    Алдағы үш күнде Алматы мен Астанада ауа райы қандай болады?

    8 қазанда Астанада көшпелі бұлт шығады, жауын-шашын болмайды. Түнде және таңертең тұман. Жел оңтүстік-батыстан түнде 2-7, күндіз секундына 7-12 метр. Ауа температурасы түнде 0-2 градус аяз, күндіз 18-20 градус жылы.

    9 қазанда көшпелі бұлтты, жауын-шашынсыз. Оңтүстік-батыстан соғатын жел секундына 5-10 метр. Ауа температурасы түнде 5-7, күндіз 19-21 градус жылы.

    10 қазанда көшпелі бұлт шығады, жауын-шашынсыз. Оңтүстік-батыстан соғатын жел секундына 7-12 метр. Ауа температурасы түнде 4-6, күндіз 17-19 градус жылы.

    8 қазанда Алматыда көшпелі бұлт шығады, жауын-шашын болмайды. Солтүстік-шығыстан секундына 2-7 метр жел соғады. Ауа температурасы түнде 10-12, күндіз 21-23 градус жылы.

    9 қазанда көшпелі бұлтты, жауын-шашынсыз. Жел секундына 0-5 метр. Ауа температурасы түнде 11-13, күндіз 21-23 градус жылы.

    10 қазанда көшпелі бұлтты, жауын-шашынсыз. Жел секундына 0-5 метр. Ауа температурасы түнде 13-15, күндіз 23-25 ​​градус жылы.

  • Алматыда жылу ертерек беріледі

    Алматыда жылу ертерек беріледі

    Алматы әкімдігінен мәлім еткендей, 7-11 қазан аралығында нысандарды орталық жылу жүйесіне қосу жоспарда. Бірінші кезекте, жылу әлеуметтік мекемелерлерге, оның ішінде балабақшаларға, мектептерге және медициналық-әлеуметтік нысандарға берілетін болады.

    «АлТС» ЖШС қазірдің өзінде айналым режимін іске қосуға дайын, бұл қажет болған жағдайда жылу беруді жедел бастауға мүмкіндік береді. Коммуналдық кәсіпорын материалдық – техникалық базадан бастап бригадаларға арналған арнайы техника мен киімге дейін барлық қажетті заттармен толық жабдықталған, олар ықтимал авариялар мен технологиялық іркілістерді жоюмен айналысатын болады», — деп хабарлады әкімдіктен.

    Биыл жылыту маусымына дайындық аясында қаланың алты ауданында 20 км жылу желісі қайта жаңартылды. Мамандар желілерді сынау мен жөндеуді аяқтап, сорғы жабдықтарын жаңартты. Барлығы 69 сорғы станциясы және 24 резервуар-аккумулятор дайындалды, бұл ыстық су желісіндегі ең жоғары жүктемелерді теңестіруге мүмкіндік береді.

  • Шатырдан құлаған оқушының бірі белгілі экологтың қызы екен

    Шатырдан құлаған оқушының бірі белгілі экологтың қызы екен

    Кеше таңғы сағат 10:00 шамасында 7-сынып оқитын екі қыз Алматының Жамбыл көшесі мен Сейфуллин даңғылының қиылысындағы көпқабатты үйдің шатырынан құлап көз жұмды.

    Алдын ала белгілі болған мәліметке сенсек, дене шынықтыру сабағынан сұранып кетіп, мектеп күзетшісіне дүкенге баратынын айтқан.

    «Қыздар таңертең сабақтан сұранып кеткен. Олар №25 гимназияда 7-сынып оқитын. Екі қыз да біздің тұрғын үйде тұрмайды. Алайда, біздің үйдегі шатырға шығу оңай болатын. Үйіміз «Железнодорожник» КМК-ға қарайды, оны Жанар Жанұзақова басқарады», – деді тоғызыншы қабат тұрғыны. Тұрғындардың сөзінше, шатырға шығатын есік үнемі ашық жатады. Тіпті олар бірнеше мәрте коммуналдық қызмет басшылығына шатырды жауып тастау керек екенін айтқан.

    Алайда, оқиға сабақ кезінде болса да, мектеп басшылығы түсініктеме беруден бас тартты. Кейбір мәліметтерге қарағанда, қаза тапқан оқушының бірі белгілі эколог Евгений Мұхамеджановтың қызы.

    «Сүйікті қызымыз, кішкентай періштеміз қайтыс болды. Мен сенбеймін, бұлай болуы мүмкін емес», – деп жазды оның жұбайы Балхия Мұхамеджанова Facebook парақшасында.

    Осы оқиғадан кейін бірден әкімдік қаладағы барлық «КСК» мен «ОСИ»-ге шатырға шығатын барлық кіреберісті құлыппен және шынжырмен жабу керек екені туралы хабарлама жіберген.

     

  • Алматыда тұмауға қарсы екпе егу басталды

    Алматыда тұмауға қарсы екпе егу басталды

    Алматыда тұмауға қарсы екпе егу басталды

    Жыл басынан бері шаһарда 19 мыңға жуық адам респираторлық вирустық инфекция жұқтырған. Алматыға биыл 200 мың доза вакцина сатып алынды. Қазір қоймаға 54 мыңнан астамы жеткізілді. Қаладағы емханалар күз басталысымен күшейтілген режимге көшкен. Дәрігерлер күн сайын кешкі 8-ге дейін жұмыс істейді.

    Тұрғындар тұмауға қарсы екпені өздері тіркелген емханадан ала алады. Ол үшін терапевт немесе кезекші дәрігерге барса жеткілікті. Екпе әуелі жүкті әйелдерге салынады. Содан соң, медицина саласының қызметкерлері, балалар мен қарттар, диспансерлік есепте тұрғандар тегін егіледі. Мамандар вирус қыстың қақ ортасында өрши түседі. Сол үшін екпені күздің басында алған дұрыс, деп кеңес береді.

    «Енді не үшін егу жұмыстарын жүргізу керек? Дүниежүзінде бүкіл ғалымдар және эпидемиологтар келесі жылда қандай тұмаудың вирустары кездесетінін алдын ала болжайды. Болжап сол вирустарға қарсы егу жұмыстарын жасайды. Еккен кезде екі аптадан кейін иммунитет үзіліп бастайды. Егер адамда қандай да бір ауру белгілері болса, онда екпе егу жұмыстарын кішкене кідіртеді»,- деді
    инфекционист-дәрігері
    «Тамара Отағанова.

    Қазір мегаполисте жедел жәрдемнің 186 бригадасы жұмыс істеп тұр. Шақыртулар көбейсе, олардың санын 200-ге жеткізбек. Ал инфекциялық стационарларда 530-дан астам орын дайын. Қазір онда 60-қа жуық науқас ем қабылдап жатыр.
    Тұмау суық тиюмен салыстырғанда әлдеқайда қауіпті. Асқынып кетсе, бронхит, өкпе қабынуы мен делбе дертіне ұласуы мүмкін. Сондықтан дер кезінде дәрігерге жүгінген жөн, дейді мамандар.

  • Алматыда вейп сататын орындар жойылды

    Алматыда вейп сататын орындар жойылды

    Бұл туралы Polisia.kz сайты хабарлады.

    – Олардың бірі Жетісу ықшам ауданындағы үйлердің бірінің ғимаратында орналасқан. 27 жастағы азаматтың электронды темекіні заңсыз сатуды ұйымдастырғаны белгілі болды. Тағы бір жағдайда, 31 жастағы жергілікті тұрғын Әуезов көшесінде орналасқан кеңседе “кәсіп” жасап, вейп сатқан. Сонымен қатар Алматы полициясының қызметкерлері барлық жерде электронды темекіні сатуға тыйым салынған деректерді анықтау үшін әлеуметтік желілер мен мессенджерлерді қадағалайтынын еске саламын. Тек шілде айының өзінде “Киберпол” қызметкерлері жедел іс-шаралар барысында бес адамды ұстады және әртүрлі өндірушілердің 10 мыңнан астам бір реттік темекілерін тәркіледі, – деді жергілікті полиция қызметі басқармасы бастығының орынбасары Айтан Елеусізов.

    2024 жылдың 20 маусымында Қазақстанда вейптерді сатуға тыйым салатын заң нормалары күшіне енді. ҚР ҚК-нің 301-1-бабы (Шылым шегуге болмайтын темекі өнімдерінің, электронды тұтыну жүйелерінің (вейп), хош иістендіргіштер мен оларға арналған сұйықтықтардың айналымы) қосылды. Өзгерістер мен толықтырулар күшіне енген сәттен бастап вейптерді сатудың 8 дерегі тіркелді.

    Аталған деректер бойынша ҚР ҚК-нің 301-1-бабының 1-бөлігімен қылмыстық істер қозғалды.

  • Алматы әкімдігі Досаевтың көмекшісі ұсталғаны туралы ақпаратты жоққа шығарды

    Алматы әкімдігі Досаевтың көмекшісі ұсталғаны туралы ақпаратты жоққа шығарды

    Желіде Алматы әкімі көмекшісінің ұсталғаны туралы жалған ақпарат таралып жатыр. Бұл хабарламада Алматы облысы Іле ауданы әкімінің фотосы көрсетілген.

    «Осыған байланысты Алматы әкімдігі жалған ақпарат таратқандарды анықтау үшін құқық қорғау органдарына жүгінетінін мәлімдейді. Еске салайық, заңнамаға сәйкес, жалған ақпарат таратқандар әкімшілік және қылмыстық жауапкершілікке тартылуы мүмкін», — деп жазды әкімдік.

  • Алматыда 13 адам қаза тапқан хостел ісіне қатысты тергеу аяқталды

    Алматыда 13 адам қаза тапқан хостел ісіне қатысты тергеу аяқталды

    Алматыда 13 адам қаза тапқан хостел ісіне қатысты тергеу аяқталды. Қалалық прокуратураның мәліметінше, іс осы аптада сотқа жіберіледі. Қазір танысу кезеңінде. Еске салайық, былтыр 30 қарашада Алматыдағы Әди Шәріпов көшесінде орналасқан хостелде өрт шығып, 13 адам қаза тапқан еді. Оның 4-еуі шетел азаматы. Ғимараттан 59 адам эвакуацияланған.

  • Маймыл шешегі: Астана мен Алматы әуежайларында сақтану бойынша оқу-жаттығу өтті

    Маймыл шешегі: Астана мен Алматы әуежайларында сақтану бойынша оқу-жаттығу өтті

    Маймыл шешегі: Астана мен Алматы әуежайларында сақтану бойынша оқу-жаттығу өтті

    Оқу-жаттығулар барлық негізгі қызметтердің санитариялық-эпидемиологиялық, шекаралық, кедендік, әуежай, желілік полиция бөлімі, әуежайдың медициналық пункті, жедел медициналық көмек және медициналық ұйымдардың өзара іс-қимылын пысықтауға бағытталған.

    Инфекциялық ауруларға күдікті жолаушылар анықталған кезде іс-қимылды үйлестіруге ерекше назар аударылады.

    «Оқу-жаттығу барысында шартты түрдегі маймыл шешегі ауруы тартылды. Персонал жолаушыдан ауру белгілерін анықтаудан бастап оны ауруханаға жатқызуға және қажетті эпидемияға қарсы және дезинфекциялық шараларды жүргізуге дейінгі іс-шаралардың толық циклінен өтті»,- делінген ҚР Денсаулық сақтау министрлігінің хабарламасында.

    Жаттығу кезінде барлық қызметтер іс-қимылдың жоғары дәрежедегі дайындығы мен үйлесімділігін көрсетті. Бұл олардың ықтимал қауіптерге ден қоюға дайын екендігін растайды.

    Оқу-жаттығу қорытындысы бойынша семинар-кеңес өткізілді. Онда әр қызметтің іс-қимылы талқыланып, ведомствоаралық өзара іс-қимылды күшейту бойынша ұсыныстар берілді.

    Естеріңізге сала кетейік, әлемде маймыл шешегі дерті дендеп тұр. Жағдайдың ушығуына байланысты Дүниежүзілік Денсаулық сақтау ұйымы төтенше жағдай жарияланған хабарлаған болатынбыз

    Маймыл шешегі дендеп тұр: Халықаралық деңгейде төтенше жағдай жарияланды