Sona.kz

Метка: алматы

  • Алматыда дизельмен жүретін автобустарға тыйым салынды

    Алматыда дизельмен жүретін автобустарға тыйым салынды

    Экология және табиғи ресурстар министрлігінің дерегіне сүйенсек, елдегі 15 қаладағы ауаның ластану деңгейі жоғары. Бұл тізімде Алматы және Қарағанды қалалары көш бастап тұр.

    Үкімет ауаны тазарту үшін “жасыл энергетиканы” дамытуға күш салып отыр. Жалпы қандай жұмыс жүріп жатыр?

    Елдегі 45 қаланың ішінде 8 шаһардағы ауаның сапасы өте төмен. Бұл туралы Экология және табиғи ресурстар министрлігінде хабарлады. Олардың қатарында үш мегаполис – Алматы, Астана мен Шымкент бар. Сонымен қатар Қарағанды, Теміртау, Атырау, Ақтөбе мен Өскемен де осы тізімнен ойып тұрып орын алды. Бұлардың барлығы өндірісті қалалар екені белгілі. Ауаның ластануына жылу электр орталықтары мен кәсіпорындар әсер етеді. Дегенмен автокөліктердің де үлесі жоғары.

    Мәселен, Алматыда түтіннің 60 пайызы көліктерге тиесілі. Ал 27 пайызын өнеркәсіп шығарады. Көліктердің зиянын азайту мақсатында дизельмен жүретін автобустарды сатып алуға тыйым салынды. Енді жылу қазандықтары да газға көшірілмек.

    – Бүгінде мегаполисте ауаға тарайтын түтін көлемі 225 мың тоннадан асып отыр. Қазір жылу-электр орталығын жаңғырту жұмыстары жүріп жатыр. Нәтижесінде, ауаға тарайтын зиянды заттар көлемі 93 пайызға, яғни 37,3 мың тоннадан 2,7 мың тоннаға дейін төмендейді. 2026 жылы жылу көзін көмірден газға ауыстыру жоспары бар. Сондай-ақ жеке тұрғын үй секторын газбен қамтуға ерекше назар аударылуда. Бүгінгі таңда үйлердің 99,4 пайызына тиісті инфрақұрылым тартылды, – деді Алматы қаласының әкімі Ерболат Досаев.

  • Алматыда алғашқы қар еріту пункті іске қосылды

    Алматыда алғашқы қар еріту пункті іске қосылды

    Жаңа пункт «Алматы Тазалық» мекемесінің көктайғаққа қарсы реагенттері сақталған бұрынғы базасында салынған. Қар еріту пункті соңғы жылдары қардың көп түсуіне және қаланың инфрақұрылымына жүктеменің артуына байланысты салынған.

    Қар еріту пунктінің жұмыс процесі қолданыстағы кәріз желісі арқылы келетін ағынды сулардың жылуын пайдалануға негізделген. Жылы су қысыммен сорғы қондырғылары және құбырлар жүйесінен өтіп, қарды ерітеді. Осыдан кейін еріген су сүзгіге түседі, құм мен қоқыстардан тазартылады. Кейін қалалық кәріз желісіне жіберіледі. Пункттің қуатылығы – тәулігіне 1200 текше метрге дейін қарды ерітеді, – деп хабарлады әкімдіктен.

    Жалпы қар еріту пунктіне Әуезов, Алмалы және Бостандық аудандарының аумақтарынан қар жеткізіледі.

  • Алматы маңында жер сілкінісі тіркелді

    Алматы маңында жер сілкінісі тіркелді

    2024 жылғы 27 желтоқсанда таңертең қазақстандық сейсмологтар Алматыдан 300 шақырымдай жерде жер сілкінісін тіркеді.

    Сейсмологиялық бақылаулар және зерттеулер ұлттық ғылыми орталығының мәліметінше, сейсмикалық стансалар желісі Астана уақыты бойынша 07:34 минутта жер сілкінісін тіркеді.

    Жер сілкінісінің ошағы Қытайдан 277 шақырым жерде орналасқан. Алматының оңтүстік-шығысында.

    Магнитудасы 4,4 болды.

    Энергетикалық класс K=10,2.

  • Алматыда жаңа автобус бағыттары іске қосылады

    Алматыда жаңа автобус бағыттары іске қосылады

    Алматыда мегаполистің агломерациямен көліктік байланысын арттыру аясында қалалық мобилділік басқармасы 25 желтоқсаннан бастап тағы 2 қала маңындағы қоғамдық көлік бағытын іске қосады. Үлкен сыйымдылығы бар автобустар Алматыдан облыстың Қарасай және Талғар аудандарына жіберіледі.

    Мәселен, №256 маршрут «Мәдениет және демалыс саябағы – Ақтас кенті» қатынасымен және №249 маршрут «Төле би/Ясауи» автостанциясы» – Шамалған кенті» қатынасымен «FOTON» маркалы сыйымдылығы жоғары автобустармен қызмет көрсетілетін болады. Тасымалдаушы «ECOBUS SERVICE» ЖШС, жоспарлы шығу-жылжымалы құрамның 7 бірлігі.

    Жол жүру құны қалалық маршруттардағыдай – 120 теңге. Барлық автобустар Onay электронды билет жүйесімен жабдықталған.

    Айта кету керек, автомобиль көлігімен жолаушылар мен багажды тасымалдау ережелеріне сәйкес бұл маршруттар тасымалдаушыларға қызмет көрсету конкурстары өткізілгенге дейін берілген және тестілік режимде жұмыс істейтін болады. Қорытындысы бойынша қозғалыс сызбаларына жолаушылар ағыны мен халықтың қажеттілігін ескере отырып өзгерістер енгізілетін болады.

  • Алматы «Әлемдегі ең ластанған ірі қалалар» тізіміне енді

    Алматы «Әлемдегі ең ластанған ірі қалалар» тізіміне енді

    5 желтоқсаннан бастап Алматы «Әлемдегі ең ластанған ірі қалалар» тізіміне ресми түрде қосылды. Бұл рейтингті Швейцарияның IQAir халықаралық компаниясы жүргізеді.

    Сол күні Алматы топ-10 қатарына еніп, сағат 17:00–де 5-орынға көтерілді. Біздің қала Карачи, Бағдат, Шанхай және Бішкек сияқты мегаполистермен бір қатарда тұр. Бесінші орында болған сәтте Алматыдағы орташа AQI (Ауа сапасының индексі) көрсеткіші 169 болды, бұл деңгей «денсаулыққа зиянды» деп саналады.

    Енді алматылықтар қаладағы ауа сапасын әлемнің басқа ірі қалаларымен салыстыра алады.

    Ірі қалалардың рейтингі шамамен 120 ірі әрі танымал мегаполисті қамтиды. Қалалар Ауа сапасының индексі (AQI) бойынша бағаланады. Бұл көрсеткіш мемлекеттік органдар, зерттеу институттары, үкіметтік емес ұйымдар, компаниялар және еріктілер басқаратын мыңдаған мониторинг станциялары мен датчиктерден жиналған мәліметтер негізінде есептеледі. Рейтинг сағат сайын жаңарып отырады, бұл ауа сапасындағы өзгерістерді нақты уақыт режимінде бақылауға мүмкіндік береді.

    Рейтингтің мақсаты — әлемдегі ірі қалалардың ауа сапасын қарапайым әрі түсінікті түрде көрсету. Бұл ормандардағы өрттер, биомассаның жануы, өндірістік белсенділік, құмды дауылдар және ауа райы жағдайларының ауаның ластануына әсерін айқындауға көмектеседі.

    Рейтингті IQAir сайтынан немесе Airvisual мобильді қосымша арқылы көруге болады.

  • Алматыға биыл 1,7 млн астам турист келді

    Алматыға биыл 1,7 млн астам турист келді

    ҚР Ұлттық статистика бюросының деректері бойынша, 2024 жылдың қаңтар-қыркүйек айы аралығында Алматыда туристер саны 14,2%-ға артып, 1 729,6 мың адамға жетті. Оның ішінде шетелдік туристер саны 24%-ға өсіп, 507,6 мың адамды құрады, ал ішкі туристер саны 10,6%-ға артып, 1 222 мың адамға жетті.

    – Туристік саланың белсенді дамуы инвестициялардың айтарлықтай өсуімен қатар жүрді. 2024 жылдың 10 айында инфрақұрылымды жақсартуға, жаңа объектілерді құруға және сервис сапасын арттыруға салынған инвестициялар көлемі 86,6 млрд теңге. Бұл өткен жылдың көрсеткіштерінен 29,3%-ға артық. Туризм саласынан түсетін салық түсімдері 2 есеге артып, 76,9 млрд теңгеге жетті, — деп атап өтті сала мамандары.

    Халықаралық туристік көрмелерде Алматы шетелдік туроператорлармен 230 меморандумға қол қойды, бұл алдағы үш жылда 190 мыңнан астам туристің келуін қамтамасыз етеді. Күтілетін экономикалық тиімділік – 285 млн АҚШ доллары.

    Негізінен Ресей, Үндістан, Қытай, Түркия, Германия, АҚШ азаматтары Алматыны көруге ниетті.

  • Алматыда тағы жер сілкінді

    Алматыда тағы жер сілкінді

    Алматы қаласы ТЖД баспасөз қызметінің мәліметінше, шкала бойынша жер сілкінісі 2 балды құрады.

    – ҚР ТЖМ «СБЗҰҒҰ» ЖШС сейсмикалық станциялар желісі 2024 жылғы 28 қарашада Астана уақытымен сағат 01:32-де жер сілкінісін тіркеді. Шкала бойынша жер асты дүмпулері 2 балды құрады. Жер сілкінісінің эпицентрі Қытай аумағында Алматы қаласынан оңтүстік-шығысқа қарай 318 км жерде орналасқан, – делінген хабарламада.

    Қалалық ТЖД мәліметінше, Алматы 9-10 балдық сейсмикалық аймақта орналасқан.

    – Қалада жыл сайын 200-ге дейін әлсіз, сезілмейтін жер сілкінісі болады. Бұл ретте 2-ден 4 балға дейінгі жер сілкінісі Алматы үшін фондық режим болып табылады, – деп ескертті ведомство.

    Бұдан бөлек, жер сілкінісінен кейін «Қазселденқорғау» АТЭТУ мамандары өзен арналарын, гидротехникалық құрылыстарды, көшкін қауіпті және сел қауіпті учаскелерді зерттеу бойынша мониторинг жүргізді. Сондай-ақ, тіршілікті қамтамасыз ету нысандарын аралап, тексеру жұмыстарын жүргізді.

    – Тексеру нәтижелері бойынша зақымдану ошақтары табылған жоқ. Қазіргі уақытта аталған объектілер штаттық режимде жұмыс істейді. Қираулар мен зардап шеккендер туралы мәлімет түспеді. Жағдай тұрақты, – делінген таратылған хабарламада.

  • Алматыда ірі құрылыс нысанына айыппұл салынды

    Алматыда ірі құрылыс нысанына айыппұл салынды

    Алматы қаласында табиғатты қорғау полициясы Бостандық ауданы әкімдігінің қоршаған орта және экология бөлімімен бірлесіп, экологиялық талаптарды бұзған және абаттандыру ережелерін сақтамаған құрылыс нысанын анықтады.

    Polisia.kz мәліметінше, құрылыс алаңында қоқыс қалдықтарының шамадан тыс жиналуы және лас қоқысты рұқсатсыз тасымалдау фактілері тіркелген. Осыған байланысты учаске басшысы Әкімшілік құқық бұзушылық туралы кодекстің 505-бабының 1-бөлігіне сәйкес, әкімшілік жауапкершілікке тартылды. Бұдан бөлек, болашақта осындай заң бұзушылықтардың алдын алу үшін түсіндіру жұмыстары жүргізілді. Қалдықтарды өңдеудегі экологиялық талаптардың бұзылуы туралы материал қалалық экология департаментіне жолданды.

    Алматы қаласы полиция департаменті жергілікті полиция қызметі басқармасы бастығының орынбасары Айтан Елеусізовтің айтуынша, «Таза Қазақстан» жалпыреспубликалық бағдарламасы мен «Алматы – ортақ үйіміз» қалалық кампаниясы аясында шаһарды абаттандыру және экологиялық талаптарды сақтау шаралары күшейтілді.

    «Жарқын күз» шарасы аясында 16 қыркүйектен бастап қалада абаттандыру ережелері мен санитарлық нормаларды бұзған 2 757 дерек тіркелсе, қоғамдық орындарды ластағаны үшін 2 232 хаттама толтырылды. Ірі көлемдегі қалдықтарды, сынған жиһаздарды, тұрмыстық техника мен құрылыс қалдықтарын көшеге жинақтаған 569 азамат әкімшілік жауапкершілікке тартылды, – делінген ақпаратта.

  • Алматыда жер сілкінді

    Алматыда жер сілкінді

    Бүгін Алматылықтар тағы да жер сілкінісін сезді.

    «ҚР ТЖМ «Сейсмологиялык зерттеу институты» ЖШС сейсмикалық станциялар желісімен 2024 жылғы 05 қарашада Астана уақытымен 10 сағат 01 мин Алматы облысы мен Алматы қаласында жер сілкінісі тіркелді», — делінген хабарламада.

  • Алматы көшелерінде тағы 45 мың камера жұмыс істейді

    Алматы көшелерінде тағы 45 мың камера жұмыс істейді

    Қалалық цифрландыру басқармасының мәліметінше бұл камералар түтінді, өртті, қараусыз қалған нысандарды және төтенше жағдайларды, соның ішінде техногендік және табиғи оқиғаларды анықтай алады.

    Бейне дабылы 603 мемлекеттік және 906 жеке нысандардан келеді.