Sona.kz

Метка: Басты оқиғалар

  • 360 млн-ға интернет, бірақ мұғалімдер өз қалтасынан төледі: СҚО-дағы білім

    360 млн-ға интернет, бірақ мұғалімдер өз қалтасынан төледі: СҚО-дағы білім

    Солтүстік Қазақстан облысының шалғай ауылдарында интернет әлі күнге дейін үлкен мәселе болып отыр. Мәселен, Ақжар ауданындағы Горький орта мектебінде желі жылдамдығы төмен болғаны соншалық, мұғалімдер оқу үдерісін жүргізу үшін роутерге өз қалтасынан ақша шығарып келген. Деп хабарлайды Sona.kz, Azattyq Rýhy мәліметіне сілтеме жасап

    Солтүстік Қазақстан облысының шалғай ауылдарында интернет әлі күнге дейін үлкен мәселе болып отыр. Мәселен, Ақжар ауданындағы Горький орта мектебінде желі жылдамдығы төмен болғаны соншалық, мұғалімдер оқу үдерісін жүргізу үшін роутерге өз қалтасынан ақша шығарып келген.

    Алайда бұл уақытта облыстың 8 аудандық білім бөлімі интернет жүргізуге 360 миллион теңгеден астам қаржыға тендер өткізіп, шарттар бекіткен. Бұл фактілерді СҚО прокуратурасы анықтап, заң бұзушылықтарға жол берілгенін мәлімдеді.

    «Цифрландыруға бөлінген бюджет қаражаты негізсіз жұмсалған. Ақжар, Айыртау, Есіл, Мамлют, Тайынша, Уәлиханов, Ғ.Мүсірепов және Шал ақын аудандарының білім бөлімдері мектептерге интернет тарту үшін қымбат келісімшарттар жасасқан. Бірақ соған қарамастан, мұғалімдер өздері төлеуге мәжбүр болған», — делінген прокурорлар таратқан хабарламада.

    Прокуратура араласқаннан кейін тендердің құны 75,8 млн теңгеге қысқартылып, бірнеше лауазымды тұлға тәртіптік жауапкершілікке тартылған.

    Мемлекеттік сатып алу ережесін бұзған шенеуніктердің әрекеті қоғамда резонанс тудырып отыр. СҚО прокуратурасы білім саласындағы осындай қаржылық заңбұзушылықтарды болдырмау үшін тексерулерді жалғастыратынын жеткізді.

  • Тайланд 14 азаматының Камбоджамен шекарадағы қақтығыста қаза тапқанын растады

    Тайланд 14 азаматының Камбоджамен шекарадағы қақтығыста қаза тапқанын растады

    25 шілде, жұма күні таңертең Тайланд пен Камбоджа шекарасында қайтадан артиллериялық атыстардың дыбысы естілді. Бұл туралы Таиландтың Ұлттық телерадиохабар тарату қызметі хабарлады.

    Тайланд Денсаулық сақтау министрлігінің өкілі мәлім еткендей, жергілікті уақытпен бейсенбі, 21:00-дегі жағдай бойынша шекара маңындағы әскери қақтығыстар салдарынан 14 тай азаматы қаза тауып, тағы 46 адам жараланған.

    Билік халықты шекара маңындағы аудандарға барудан бас тартуға шақырып отыр.

    Еске салайық, 23 шілдеде шекара маңында мина жарылып, бірнеше тай сарбазы жараланған болатын. 24 шілдеде екі елдің шекарашылары арасында атыс болып, бейбіт тұрғындар арасында да құрбандар тіркелді.

    Камбоджа БҰҰ-ны шұғыл отырыс өткізуге шақырды.

  • Қазақстан трассаларында QR-кодпен жабдықталған дәретханалар орнатылады

    Қазақстан трассаларында QR-кодпен жабдықталған дәретханалар орнатылады

    Елімізде республикалық маңызы бар автожолдар бойындағы санитарлық аймақтарды жаңарту жұмыстары жүріп жатыр. Бұл туралы Sona.kz хабарлайды «ҚазАвтоЖол» Ұлттық компаниясы-на сілтеме жасап.

    Компания төрағасы Дархан Иманашевтың айтуынша, ел аумағында 888 жаңа дәретхана орнатылған. Оның ішінде 744-і жылусыз, 144-і жылыту жүйесімен жабдықталған. Жобаның мақсаты – трассалар бойында заманауи санитарлық жағдай жасау.

    •  QR-код пен шағым жүйесі енгізіледі
      Енді әр дәретханаға жеке нөмір мен QR-код беріледі. Жолаушылар кодты сканерлеп, арнайы чат арқылы шағым қалдыра алады. Егер дәретхана жалға берілген болса, шағым негізді деп танылса – жалдаушы жауапкершілікке тартылады.
    • Жылы дәретханалар – тиімді инфрақұрылыммен ғана
      Алайда жылы санитарлық тораптарды барлық трасса бойына орнату әзірге мүмкін емес. Себебі оларды күтіп ұстау айына шамамен 700 мың теңгеге дейін шығынды қажет етеді. Қашықтағы нүктелерге қызмет көрсету – экономикалық тұрғыдан тиімсіз.

    Жаңа нысандар қай өңірлерде пайда болды?
    2025 жылы Семей, Қызылорда, Қарағанды облысы, Алматы – Қорғас бағыты мен туристік нүктелерде санитарлық нысандар іске қосылды. Келесі кезеңде оңтүстік және шалғай өңірлерде осындай жобалар жалғасады.

  • Үкім уақыты белгіленді: Перизат Кайрат ісі бойынша шешім бүгін шығады

    Үкім уақыты белгіленді: Перизат Кайрат ісі бойынша шешім бүгін шығады

    Перизат Кайрат пен анасы Гайни Алашбаеваға қатысты атышулы іс бойынша сот үкімі 25 шілде күні сағат 15:00-де шығарылады. Бұл туралы Sona.kz Tengrinews.kz-ке сілтеме жасап хабарлайды.

    Астана қаласындағы соттың хабарлауынша, үкім ашық отырыста жарияланбақ. Бұған дейін процесс бірнеше мәрте жабық форматқа ауыстырылған еді.

    Айта кетейік, бұған дейін прокурор Перизат Кайратқа — 10 жыл, ал оның анасына — 8 жыл бас бостандығынан айыруды және мүліктерін тәркілеуді сұраған болатын.

  • Полиция көлігінде босанды: Алматыда ерекше оқиға тіркелді

    Полиция көлігінде босанды: Алматыда ерекше оқиға тіркелді

    Алматыда патрульдік полиция қызметкерлері жүкті әйелге перзентханаға дейін жетіп үлгермей, көліктің ішінде босануға көмектесті. Бұл туралы Sona.kz Polisia.kz-ке сілтеме жасап хабарлайды.

    Оқиға Буран-205 экипажы кезекшілікте болған сәтте орын алған. Тұрғындардың бірі полицияға жүгініп, көршісінің жағдайы күрт нашарлағанын айтқан. Әйел жүктіліктің соңғы кезеңінде болғандықтан, полицейлер оны жедел түрде перзентханаға жеткізбек болады. Алайда жолда толғағы ұстап, қызметтік көліктің ішінде босану процесі басталған.

    Патрульдік полиция полкінің инспекторлары Данияр Сағынбаев пен Бекжан Әлкен тәжірибелеріне сүйене отырып, батыл шешім қабылдап, жедел көмек көрсеткен. Қызметтік көліктің ішінде дүниеге ұл бала келген. Ана мен сәби кейін жедел жәрдем дәрігерлеріне табысталды.

    Қазір ана мен баланың жағдайы жақсы. Қала әкімдігі мен полиция департаменті тарапынан оларды арнайы құттықтау шарасы ұйымдастырылмақ. Батылдық пен адамгершілік танытқан полиция қызметкерлері әріптестері арасында зор құрметке ие болды.

  • Әнші IL’HAN: «-ов» жалғауынан бас тарттым

    Әнші IL’HAN: «-ов» жалғауынан бас тарттым

    «Туу туралы куәлігімде тегім — Ихсанов деп жазылған. Кейін жеке куәлік алар кезде фамилиямдағы “-ов” жалғауын және әкемнің атынан “-вич”-ті алып тастап, орнына Аяпбергенұлы деп жаздырдым. Бұл шешіміме Бауыржан Момышұлының ерлігі түрткі болды. Ол кісіге марапат кезінде “Момышев” деп шақырғанда, “Мен Момышев емеспін, Момышұлы деп шақырсаңдар ғана шығамын” деп бас тартқаны белгілі», — деді ол.
    ⠀
    Ильханның айтуынша, бұл бастаманы кезінде мектептегі бірнеше сыныптасы да қолдап, олар да өз тектерін қазақы нұсқаға ауыстырған.

  • 2500 гектар егістікті сумен қамтып отырмыз – гидротехник

    2500 гектар егістікті сумен қамтып отырмыз – гидротехник

    Мысалы, Шеңгелді ауылындағы №2 сорғы станциясында Бейсенғазы Шакеров 2000 жылдан бері еңбек етеді.
    Алғашында машинист-оператор болып жұмыс істеген ол кейіннен гидротехникке дейін лауазымы өскен. Қазірде Бейсенғазы басқарушы компания директорының орынбасары жұмысын қатар алып жүрген азамат.

    «Қазақстанның шығысында туып-өстім. Бұл жерге 2000 жылдары келдім. Әу баста машинист-оператор болдым. Содан соң Гүлзара есімді гидротехник апайымыздың қасында жүріп, жұмыстың қыр-сырын үйрендім. Оған 10 жыл уақытымды арнадым. Ол кісі зейнетке шыққанда орнына мен қалдым», — дейді маман.

    Айтуынша, бұл сорғы станциясы 2500 гектар алқапты сумен қамтиды. Ал шаруаларға суды теңдей бөліп, қадағалау гидротехниктердің мойнында. Бұдан басқа, мұнда слесарь, жүргізуші, монтер секілді бірнеше маман еңбек етіп жүр. Қиындықтар да жоқ емес.

    «Ең қиыны – жел соққанда құбырлардың құмға толып қалуы. Оны тазалауға көп уақыт жоғалтып жатамыз. Екіншіден, электр энергиясының бағасы жыл сайын қымбаттауда. Шынын айтқанда, халықтың қалтасы көтермей жатыр», — деді Бейсенғазы.

    Сонымен қатар ол гидротехниктер халықпен етене араласып, тыныс-тіршілігінен хабардар болуы қажет екенін атап өтті. Сөзінше, жүйелі жұмыссыз өнім өнбейді, компания да, шаруалар да шығынға батады.

    «Жастарға айтарымыз бар. Олар бірден кеңседе бастық болғысы келеді. Алайда, өздері бәсекеге қабілетсіз. Ал қабілетті болу үшін жылдар бойы тер төгу қажет», — деді ол.

    Бейсенғазы Шакеровтың еңбек жолы – адалдықпен, табандылықпен және кәсіби жауапкершілікпен өрілген үлгілі қызметтің көрінісі.

    ҚР Президенті 2025 жылды Жұмысшы мамандықтар жылы деп жариялады. Бұл бастама – Бейсенғазы сынды қарапайым еңбек адамдарының қоғамдағы маңызды рөлін мойындау әрі олардың абыройлы еңбегін ардақтау. Елдің азық-түлік қауіпсіздігін қамтамасыз етуде, ауыл шаруашылығын дамытуда техникалық мамандардың орны ерекше.

  • Қонаев қаласындағы №4 жағажайға қатысты әкімдік ресми мәлімдеме жасады

    Қонаев қаласындағы №4 жағажайға қатысты әкімдік ресми мәлімдеме жасады

    Соңғы уақытта әлеуметтік желілерде Қонаев қаласындағы №4 жағажайға қатысты нақты емес, жалған ақпараттар тарап, қоғамда түрлі пікірлер туындады. Осыған байланысты қала әкімдігі ресми түсініктеме жариялады.

    Ресми мәліметке сәйкес, №4 жағажай — Қонаев қаласының коммуналдық меншігі. Бұл нысан «Жасыл қала Қонаев» мекемесіне сенімгерлік басқаруға берілген. Аталған ұйым жағажай аумағын кәсіпкер Яна Ужбетоваға (Бауыржан Ужбетов) үш айлық шомылу маусымына жалға берген. Екі тарап арасында ресми келісімшарт бекітілген, онда барлық талаптар мен міндеттемелер нақты көрсетілген.

    2023 жылы тұрғындар тарапынан кәсіпкердің әрекеттеріне қатысты әкімдікке бірнеше ресми шағым түскен. Соған қарамастан, биыл да «Жасыл қала Қонаев» кәсіпкермен жалдау келісімін жасады.

    Бұған дейін кәсіпкер жағажай аумағын өз бетінше заңсыз қоршап, жаяу келушілерден төлем алғаны анықталған. Қала әкімдігінің талабымен бұл олқылықтар түзетіліп, қоршаулар алынып, төлем алу тоқтатылған.

    Қазіргі уақытта жағажайда құтқару мұнарасы мен медициналық пункт жоқ. Осыған байланысты кәсіпкерге ресми ескерту жасалды. Қазір ол тек автотұрақ үшін ақы алып отыр.

    Әлеуметтік желіде тараған видеода кәсіпкер жағажай аумағын жеке меншігі ретінде көрсетіп, әкімдікті қысым жасауға тырысты деп айыптаған. Алайда әкімдік бұл мәлімдемені жоққа шығарып, №4 жағажай — қала иелігіндегі жер екенін, ал кәсіпкердің меншікті растайтын ешқандай ресми құжаты жоқ екенін мәлімдеді. Сонымен қатар кәсіпкер тарапынан әртүрлі мемлекеттік органдарға негізсіз шағымдар жолданып жатқаны хабарланды. Ал әкімдіктің қолында келісімшарт пен тұрғындардың шағымдарына қатысты ресми құжаттар бар.

    Қазіргі таңда Қонаев қаласы әкімдігі №4 жағажайды және жалпы ұзындығы 6 шақырым жағалауды абаттандыру жобасын қолға алған. Қазір жоба-сметалық құжаттар дайындалуда. Бұл жобаға №4 жағажай да енеді.

    Әкімдік шағын және орта бизнес өкілдері мен инвесторларға қолдау көрсетуге әрқашан дайын екенін мәлімдеді. Алайда бұл қолдау тек қолданыстағы заң аясында ғана көрсетіледі. Сонымен бірге, тұрғындарға расталмаған ақпаратқа сенбеуге кеңес беріліп, жалған мәлімет тарату және жала жабу фактілері үшін заң алдында жауапкершілік қарастырылатыны ескертілді.

  • Астанадағы LRT жобасының жартысы аяқталды: іске қосылуы 2026 жылға жоспарланған ⠀

    Астанадағы LRT жобасының жартысы аяқталды: іске қосылуы 2026 жылға жоспарланған ⠀

    Астанада жеңіл рельсті көлік (LRT) желісінің құрылыс жұмыстарының жартысынан көбі аяқталды. Бұл туралы Sona.kz Azattyq Rýhy сайтына сілтеме жасап хабарлайды.
    ⠀
    «Қазақстан темір жолы құрылыс» компаниясының мәліметінше, бүгінде жобаның 50%-дан астамы дайын:
    – 300 мың шаршы метрден астам жол төсемі салынды,
    – тірек бағандары мен негізгі конструкциялар орнатылды,
    – инженерлік жүйелер жүргізілуде.
    ⠀
    Болашақ желінің сұлбасы анық көріне бастады. Кейбір учаскелерде сынақ жұмыстары жүріп жатыр. Құрылыс кезінде қауіпсіздік пен тұрақтылыққа ерекше назар аударылуда.
    ⠀
    2026 жылға қарай LRT толық іске қосылып, елордадағы көлік қозғалысын айтарлықтай жеңілдетеді, жолаушылардың жолда өткізетін уақытын қысқартады деп күтілуде.
    ⠀
    Бұл жоба ұлттық көлік инфрақұрылымын дамыту жоспары аясында жүзеге асып жатыр және қала үшін басым бағыттардың бірі саналады.

  • Қонаев дәрігерлері 3 жасар баланың жанын аман сақтап қалды

    Қонаев дәрігерлері 3 жасар баланың жанын аман сақтап қалды

    Абдурауф Абылайханның ата-анасы 18 шілде күні Қонаев қаласындағы жағажайлардың біріне демалуға келген. Алайда, абайсызда 3 жасар Абылай баллоннан сырғып түсіп, су астына кетіп қалған.

    Абырой болғанда әкесі жедел әрекет етіп, баланы алып шыққан. Балақай бірден Қонаев қалалық көпсалалы ауруханасына жеткізілген.

    Аурухана директоры Айман Ракишеваның ақпаратына сүйенсек, бала ауруханаға келгенше ес-түсін жоғалтып үлгерген. Жансақтау бөлімінде жасанды тыныс алдыру аппаратына алынып, 1 күнде есін жиған.

    «Дәрігерлер қолдан келгенін аянып қалған жоқ. Барлық ем-домды дер кезінде көрсетті. Алғысымыз шексіз», — деді баланың анасы Алуа Мерлібай алғысын білдіріп.

    Оның сөзінше, әкімдік мамандары отбасын қонақ үйге орналастырып, жағдайды бақылауға алып, көмек көрсеткен.

    «Әкімдік мамандары да жанымыздан табылды. Рақметтен басқа айтарымыз жоқ», — деді әйел.

    Аурухана директорының мәліметіне сәйкес, шомылу маусымы басталғалы 7 адам ауыр халде жансақтау бөліміне түскен. Барлығы дін аман, үйлеріне оралған.

    Абдурауф Абылайханның ата-анасы 18 шілде күні Қонаев қаласындағы жағажайлардың біріне демалуға келген. Алайда, абайсызда 3 жасар Абылай баллоннан сырғып түсіп, су астына кетіп қалған.

    Абырой болғанда әкесі жедел әрекет етіп, баланы алып шыққан. Балақай бірден Қонаев қалалық көпсалалы ауруханасына жеткізілген.

    Аурухана директоры Айман Ракишеваның ақпаратына сүйенсек, бала ауруханаға келгенше ес-түсін жоғалтып үлгерген. Жансақтау бөлімінде жасанды тыныс алдыру аппаратына алынып, 1 күнде есін жиған.

    «Дәрігерлер қолдан келгенін аянып қалған жоқ. Барлық ем-домды дер кезінде көрсетті. Алғысымыз шексіз», — деді баланың анасы Алуа Мерлібай алғысын білдіріп.

    Оның сөзінше, әкімдік мамандары отбасын қонақ үйге орналастырып, жағдайды бақылауға алып, көмек көрсеткен.

    «Әкімдік мамандары да жанымыздан табылды. Рақметтен басқа айтарымыз жоқ», — деді әйел.

    Аурухана директорының мәліметіне сәйкес, шомылу маусымы басталғалы 7 адам ауыр халде жансақтау бөліміне түскен. Барлығы дін аман, үйлеріне оралған.

    «Суға бату фактісі бойынша 27 адам аурухана көмегіне жүгінді. Оның ішінде жетеуі — ауыр халде. Демалушылар қарапайым қауіпсіздік ережесін сақтаса екен», — деді Айман Ракишева.

    Ал №5 және №6 жағажайлардың құтқарушылары 40-қа жуық адамды судан алып шыққан, оларға кезекші медбикелер алғашқы медициналық көмек көрсеткен.

    «Суға бату фактісі бойынша 27 адам аурухана көмегіне жүгінді. Оның ішінде жетеуі — ауыр халде. Демалушылар қарапайым қауіпсіздік ережесін сақтаса екен», — деді Айман Ракишева.

    Ал №5 және №6 жағажайлардың құтқарушылары 40-қа жуық адамды судан алып шыққан, оларға кезекші медбикелер алғашқы медициналық көмек көрсеткен.