Желіде фото мен видео 2500 теңгеге сатылған. Каналдың 8012 жазылушысы бар, олардың көбі – Қазақстан мен ТМД елдерінен.
Ұйымдастырушылар мен дропперлер анықталып, күдіктілер ұсталды. Басты ұйымдастырушы бұрын ауыр қылмыс жасағаны үшін сотталған, қазір қамауда.
Прокуратура Telegram-дағы 8 мың жазылушының әрекеттерін тексеріп жатыр.
Павлодар облысының прокуратурасының үйлестіруімен Краснояр өлкесінде бизнес-серігін өлтірді деген күдікпен Қазақстан азаматы ұсталды.
Күдіктіні экстрадициялау мәселесі қарастырылып жатыр. Бұл қылмыс үшін 15 жылға дейін бас бостандығынан айыру жазасы қарастырылған.
Бұған дейін Павлодарда 52 жастағы кәсіпкердің жоғалғаны хабарланған. Бір күннен астам іздеуден кейін ол өлі күйінде табылып, қылмыстық іс қозғалды.
Қазақстан мұсылмандар Діни басқармасы еліміз бойынша айт намазының кестесін жариялады.
«Сағындырған Рамазан айының да аяқталуына аз қалды. 30 наурыз – Ораза айт мейрамы. Қазақстан мұсылмандары діни басқармасы осы күні оқылатын Ораза айт намазының еліміз бойынша әзірленген кестесін назарларыңызға ұсынады», – делінген хабарламада.
Қайғылы оқиға 27 наурызда Алмалы ауданындағы «Кәусар» тұрғын үй кешенінде болған.
Бұл жағдайға қатысты Алматы қаласының Полиция департаментінің баспасөз қызметі өкілдері пікір білдірді.
«Алмалы аудандық ішкі істер бөлімінің полиция бөлімі 19 жастағы қыздың өліміне қатысты қылмыстық іс қозғады. Тәртіп сақшылары оқиғаның себептері мен мән-жайын анықтап жатыр», – деді Салтанат Әзірбек.
Алматы қаласы бойынша ҚМА департаменті алты микроқаржы ұйымның заңсыз әрекеттерін әшкереледі.
“Creditum” МҚҰ, “Sofi Finance” МҚҰ, “Hava Finance” МҚҰ, “SF Offline” МҚҰ, “POS Credit” МҚҰ, “Сәлем Кредит” МҚҰ басшылығына қатысты алаяқтық және заңсыз кәсіпкерлік қызмет бойынша тергеу амалдары жүргізілуде.
Төлемдері кешіктірілген қарыз алушыларды «KOKE.KZ», «TENGO.KZ», «HAVA.KZ» платформалары арқылы серіктес компаниялармен кепілдік шарттарын жасауға мәжбүрлеген.
Бұл ретте кепіл берушінің жауапкершілігі тек қарыз алушы қайтыс болған жағдайда ғана күшіне енген.
Аталған қызмет үшін бастапқы несие сомасынан бірнеше есе асып түсетін төлемдер алып, азаматтарды қарызға батырған.
Нәтижесінде қарыз алушылар несиенің бастапқы сомасынан 3-5 есе көп төлем жасауға мәжбүр болған.
Мысалы, қарыз алушы Ш. 120 мың теңге несие алып, негізгі қарыз бен пайыздарды қоспағанда тек кепілдік үшін 446 мың теңге төлеген.
Осылайша, микроқаржы ұйымдарының негізгі табысы жалған кепілдік шарттары бойынша төлемдерден жасалған.
Аталған заңсыз әрекеттерден жалпы сомасы 30 млрд теңге көлемінде шығын келген.
Тергеу жалғасуда.
Еңбек және халықты әлеуметтік қорғау министрлігі демалыс және мерекелік күндерді ауыстыру мәселесі бойынша не дейді?
Елімізде атап өтілетін мерекелердің құқықтық негіздері «Қазақстан Республикасындағы мерекелер туралы» заңмен реттеледі.
Бұрын келесі жылдың күнтізбесін Үкімет қаулысымен бекітетін. Кейін бұл функциялар Еңбек министрлігіне берілді, алайда ведомство кейбір мерекелік күндердің ауыстырылуы туралы алдын ала емес, мереке жақындаған кезде хабарлай бастады.
Еңбек кодексіне сәйкес, мереке және демалыс күндері жұмыс уақытын ұтымды пайдалану мақсатында уәкілетті орган демалысты жұмыс күніне ауыстыруға құқылы.
«Демалыс күндерін басқа жұмыс күндеріне ауыстыру әр жолы жеке тәртіпте қарастырылатынын атап өткен жөн», – делінген министрліктің жауабында.
Былтыр қарашада Еңбек және халықты әлеуметтік қорғау министрі Светлана Жақыпова 2025 жылы демалыс күнін ауыстыру туралы бұйрыққа қол қойды. Құжатқа сәйкес, 2025 жылы жексенбі, 5 қаңтардағы демалыс күні жұма, 3 қаңтарға ауыстырылды. Алайда 2025 жылға басқа ауыстырулар жоспарланбаған.
Биыл күнтізбе бойынша 121 демалыс және 244 жұмыс күні.
Жоғарғы сот мәліметінше, «ежелгі Тараз ескерткіштері» тарихи-мәдени қорық-музейі Жамбыл облысының бес тұрғынының үстінен жерді пайдаланудағы кедергілерді жою туралы сотқа талап қоюмен жүгінген. Музей-қорықтың иелігінде «Айша-Бибі» кесенесі бар, оған 2 гектар жер учаскесі тұрақты жер пайдалану құқығы берілген.
Бұл аймақ әкімнің шешімі және жер пайдалану құқығы туралы актісі бойынша сауықтыру, рекреациялық және тарихи-мәдени мақсаттарға арналған ерекше қорғалатын табиғи аумақтарға жатады. Бұл жерде бірнеше техникалық бөлмелер салынған.
Алайда бес кәсіпкер бұл ғимараттарды заңсыз иемденіп, қазір оларда коммерциялық қызметпен айналысуда. Музей-қорық сотқа жүгініп, кәсіпкерлерді өздері тұрып жатқан ғимараттарды босатуды талап еткен, өйткені жауапкерлерде сауда жасауға рұқсаттары, сондай-ақ бұл үй-жайларды кәсіпкерлік үшін пайдалану құқығы мен құжаттары жоқ.
Сондай-ақ талап қоюшы «ежелгі Тараз ескерткіштері» тарихи-мәдени қорық-музейінің аумағында сауда жасауға тыйым салынғанын атап өткен.
Төрт кәсіпкер талап қоюды мойындамаған, кәсіпкерлердің бірі даулы ғимараттарды 2010 жылы өз қаражатына салып, кейін оларға сауда жасау үшін тегін бергенін мәлімдеген. Бесінші кәсіпкер де талап қоюды мойындаған.
Жамбыл аудандық соты кәсіпкерлер қорық-музейге тиесілі ғимараттарды заңсыз иемденген деген қорытындыға келді. Талап қою қанағаттандырылды: сот кәсіпкерлерге заңсыз иеленген үй-жайды босатуды міндеттеді.
Жауапкерлер бұл шешімге апелляциялық тәртіппен шағым түсірген. Алайда, Жамбыл облыстық соты бірінші сатыдағы соттың тұжырымымен келісіп, шешімді өзгеріссіз қалдырды. Қаулы заңды күшіне енді.
Есірткі қылмысына қарсы іс-қимыл бөліністерінің қызметкерлері есірткінің заңсыз айналымына қатысы бар бірқатар қылмыстың жолын кесті, деп хабарлайды Полиция.
Шымкент қаласында 25 жастағы азамат ұсталды.
«Одан есірткі және синтетикалық есірткілерді өткізуге арналған заттар тәркіленді. Оның айтуынша, ол есірткі таратумен айналысып, интернет-есірткі дүкені үшін ораушы әрі курьер қызметін атқарған. Тәркіленген есірткінің жалпы салмағы бір килограмға жуық. Күдікті ұсталып, уақытша ұстау изоляторына қамалды», – деді ІІМ есірткі қылмысына қарсы іс-қимыл комитеті төрағасының орынбасары Данияр Мейірхан.
Ақтөбе қаласында полиция қызметкерінің денесі тұрғылықты мекенжайынан табылды. Облыстық ПД баспасөз қызметінің хабарлауынша, полиция қызметкері отадан кейін ем алып жүрген.
«Полиция қызметкерінің денесінде ешқандай зорлық белгілері байқалмаған. Ол отадан кейін ем алып жүрді», – деп хабарлады Ақтөбе облыстық ПД баспасөз қызметі.
Алайда полиция қызметкерінің жасы мен оның қызмет жолы туралы қосымша ақпарат берілмеді.
Бұл туралы Мемлекеттік кірістер комитеті не дейді?
– Әңгіме жеке кәсіпкер ретінде тіркелмей кәсіпкерлік қызметпен айналысатындарға қатысты болып отыр. Комитет қызмет түріне қарамастан, жеке тұлғалардың салық төлеу міндетін әкімшілендіру арқылы қадағалайды. Аталған қызмет түрлерімен айналысатын адамдар, яғни іс-шара жүргізушілері, тамадалар, әншілер салық міндеттемелерін басқа азаматтар мен кәсіпкерлер сияқты жалпы негізде орындайды, бұл салық салудың әділдік қағидатына сәйкес, – деді комитет.
Осы орайда Кірістер комитеті камералдық бақылау табыс тапқан барлық тұлғаға теңдей жүргізілетінін еске салады.
