Sona.kz

Метка: Басты оқиғалар

  • Алматыдан Вьетнамға шыққан ұшақ әуежайға қайтып келуге мәжбүр болды

    Алматыдан Вьетнамға шыққан ұшақ әуежайға қайтып келуге мәжбүр болды

    Алматыдан Вьетнамға шыққан Air Astana ұшағы қала үстінде біраз уақыт қалқып, кейін әуежайға қайтып оралған.

    Air Astana жауабына сәйкес, 28 наурызда Алматы – Нянчанг бағыты бойынша КС193 түнгі рейсін орындаған Air Astana ұшағы техникалық себеппен Алматы әуежайына мәжбүрлі түрде қонған.

    – Рейсті күту кезінде жолаушыларға ыстық тамақ пен сусындар, ал қалауы бойынша қонақ үйге орналастыру ұсынылды. Жолаушылар басқа әуе кемесімен сағат 07:15–те жолға шықты. Рейс кешіккені үшін жолаушылардан кешірім сұраймыз, – деп хабарлады компаниядан.

  • Ертең күн жартылай тұтылады

    Ертең күн жартылай тұтылады

    Сенбіде Еуропаның, Батыс Африканың және Солтүстік Азияның тұрғындары күннің жартылай тұтылуын көре алады, деп хабарлайды Euronews.

     Айдың көлеңкесі Күнді жартылай ғана жауып, ол жарты ай тәрізді көрінеді.

    Солтүстік және Оңтүстік Американың басым бөлігінде тұтылу таң ата болады. Батыс Еуропа мен Африкада – таңертең, ал Шығыс Еуропа мен Солтүстік Азияда – түстен кейін болады.

    Қыркүйек айында тағы бір толық ай мен күннің жартылай тұтылуын көруге болады.

  • Оңтүстік Кореяда төрт Қазақстандық жол апатынан қаза тапты

    Оңтүстік Кореяда төрт Қазақстандық жол апатынан қаза тапты

    Оқиға 27 наурыз күні Кёнгидо провинциясындағы Сохэан автомагистралінде болған. Mercedes-Benz көлігі жолдың оң жағындағы қоршауға соғылып, бірнеше метрге ұшып кеткеннен кейін өртенген.

    Өрт сөндірушілер жалынды жарты сағат ішінде өшіргенімен, көлік ішіндегі төрт азаматтың мерт болғаны анықталды. Олардың жеке бас мәліметтері нақтыланып жатыр.

    Қазір жергілікті полиция апаттың мән-жайын тексеруде.

  • Петропавлда телефон қуаттағышы өртеніп, үй отқа оранды

    Петропавлда телефон қуаттағышы өртеніп, үй отқа оранды

    Төтенше жағдайлар департаментінің мәліметінше, өрт 15 шаршы метр аумақты шарпыған. Төбе жабындысы, жиһаз және жеке заттар зақымданды. Өрт сөндірушілер дер кезінде жетіп, жалынды ауыздықтады. Зардап шеккендер жоқ.

    Мамандар өрттің шығуына телефон қуаттағышының қысқа тұйықталуы себеп болғанын анықтады. ТЖД тұрғындарға гаджеттерді қараусыз қалдырмауды және тек сертификатталған зарядтау құрылғыларын пайдалануды ескертеді.

  • Маңғыстауда алаяқтар екі тұрғынның 48 миллион теңгесін жымқырды

    Маңғыстауда алаяқтар екі тұрғынның 48 миллион теңгесін жымқырды

    Белгісіз біреулер өзін банк қызметкері ретінде таныстырып, тұрғындардың сеніміне кіріп, жеке деректерін алған. Кейін шоттарынан жалпы сомасы 48 миллион теңгені шешіп алған.

    Қазіргі уақытта күдіктілерді анықтау және ұстау шаралары жүргізілуде. Тергеу жалғасуда.

  • Атырау облысында ер адам бұрынғы әйелін өлтірді

    Атырау облысында ер адам бұрынғы әйелін өлтірді

    Құлсарыда 27 наурыз күні ер адам бұрынғы әйелін жұмыс орнында пышақтап өлтірді. Марқұм жергілікті емханада заңгер болып жұмыс істеген. Күдікті қылмыс орнынан қашып кеткенімен, полиция оны ұстады.

    Әйел ауыр жарақат алып, сол жерде қайтыс болды. Оның артында екі баласы қалды. Құқық қорғау органдары оқиғаның мән-жайын анықтап жатыр.

  • Алматы облысында зиратты бүлдірген вандал ұсталды

    Алматы облысында зиратты бүлдірген вандал ұсталды

    Оқиғаға қатысты вандализм бойынша қылмыстық іс қозғалып, күдікті ұсталды.

    Жергілікті тұрғындардың айтуынша, ол мұны діни көзқарасына сүйеніп жасаған. Қоғамдық резонанс тудырған оқиғаға байланысты полиция тексеру жүргізіп жатыр.

    Әлеуметтік желіде күдіктінің белгілі бір діни ағымға қатысы бар деген ақпарат тарады. Алайда, полиция бұл мәліметтің шындыққа жанаспайтынын хабарлап, жалған ақпарат таратпауға шақырды.

  • Жер сілкінісі: жедел штаб жұмыс істеп жатыр

    Жер сілкінісі: жедел штаб жұмыс істеп жатыр

    Тұрар Рысқұлов ауданы Қарақыстақ ауылындағы мәдениет үйі, Меркі аудандық ауруханасы, Ойтал ауылындағы мектеп ғимаратының қабырғасында жарықшақ пайда болғаны анықталды. Басқа нысандар туралы ақпарат нақтыланып жатыр.

    28 наурызында түнде Жамбыл облысының бірқатар аудандары мен Тараз қаласында жер сілкінісі тіркелді.

    Жер дүмпуінің жоғары қарқыны – 5 балл. Меркі ауданындағы Меркі ауылында тіркелді. Тұрар Рысқұлов ауданының Құлан ауылында жер сілкінісінің күші 4 балл, Тараз, Шу қалаларында, Қордай, Мойынқұм аудандарында – 2 балл болды.

    – Облыс әкімінің тапсырмасына сәйкес облыстық жедел штаб жұмыс істеп жатыр. Барлық тіршілікті қамтамасыз ету жүйелері қалыпты жұмыс істеп жатыр. Зардап шеккендер туралы мәлімет жоқ. Алдын ала мәлімет бойынша Тұрар Рысқұлов ауданы Қарақыстақ ауылындағы мәдениет үйі, Меркі аудандық ауруханасы, Ойтал ауылындағы мектеп ғимаратының қабырғасында жарықшақ пайда болғаны анықталды. Басқа нысандар туралы ақпарат нақтыланып жатыр, – делінген Жамбыл облысы әкімдігінің баспасөз қызметі хабарламасында.

    Аймақ басшысы Ербол Қарашөкеев жағдаймен танысу үшін Тұрар Рысқұлов және Меркі аудандарына барды.

    8(7262)513575 нөмірі бойынша «жедел желі» іске қосылған.

     

  • Атырауда мемлекеттік туға қатысты даулы фото үшін тергеу басталды

    Атырауда мемлекеттік туға қатысты даулы фото үшін тергеу басталды

    Суретте қара киімдегі төрт адам Қазақстанның мемлекеттік туын өзгертілген нұсқада ұстап тұр. Тудың бетіне араб жазуына ұқсас белгілер салынған.

    Бұл жайт қоғамда үлкен резонанс тудырып, полиция мемлекеттік рәміздерді қорлау фактісі бойынша қылмыстық іс қозғады.

    “Аталған фотоның таралуына байланысты тергеу басталды. Төрт күдікті анықталып, полицияға жеткізілді. Тергеу мүддесіне сай басқа ақпарат жарияланбайды”, – деп мәлімдеді Атырау облыстық ПД.

  • Жамбыл облысының Меркі ауданында жер сілкінді

    Жамбыл облысының Меркі ауданында жер сілкінді

    Бүгін, 28 наурыз күні түнде Жамбыл облысының бірқатар аудандарында жер сілкінді.

    Бұл туралы Төтенше жағдайлар министрлігі хабарлады. Дереккөзге сүйенсек, жер Астана уақытымен түнге сағат 03:42-де сілкінген.

    «Жер сілкінісінің ошағы Алматы қаласынан оңтүстік-батысқа қарай Қазақстан аумағынан 323 шақырым жерде орналасқан. Жамбыл облысы Меркі ауданында 5 балл, Құлан ауданында 4 балл, Шу, Төле би, Сарыкемер, Тараз, Қордай, Аса және Мойынқұм аудандарында 2 балл», — деп хабарлайды ТЖМ.