Sona.kz

Метка: Басты оқиғалар

  • Алматы-Шәуешек автобус бағыты ашылды

    Алматы-Шәуешек автобус бағыты ашылды

    Қытайдың Шәуешек қаласы мен Алматыны байланыстыратын халықаралық автобус бағыты 15 наурыз күні іске қосылды, деп хабарлайды Қытайдың Тарбағатай аймақтық әкімдігінің ресми сайты.

    Аталған бағытты «Шынжаң Синта жолаушы тасымалы» жауапкершілігі шектеулі компаниясы іске асырады. Автобус Шәуешек қаласынан аттанып, Бақты кедендік бекеті арқылы Қазақстанға өткеннен кейін, Алматыға жол тартады.

    – Жаңа халықаралық бағыттың қашықтығы шамамен 900 шақырым, Шәуешектен шыққан автобус Алматыға 13 сағатта жетеді. Жоспар бойынша, бастапқы кезеңде автобус аптасына екі рет қатынайды, алдағы уақытта жолаушылар ағынына байланысты рейстер саны арттырылмақ. Билет бағасы бір адамға 330 юань (шамамен 22,400 теңге), бұл жолаушылардың шығынын азайтуға септігін тигізеді, – дейді Синта компаниясының басшысы Ма Цзюнь.

    Шәуешек – Қытайдың солтүстік-батыс аймағындағы маңызды шекаралық қалалардың бірі. Алматы-Шәуешек халықаралық автобус бағытының ашылуы екі ел тұрғындары үшін ыңғайлы көлік қызметін ұсынумен қатар, Қытай мен Қазақстан арасындағы сауда-экономикалық және мәдени байланыстарды дамытуға жаңа мүмкіндік береді.

  • Бокс 2028 жылғы Олимпиада ойындарының бағдарламасына ене ме? – ХОК ұсыныс жасады

    Бокс 2028 жылғы Олимпиада ойындарының бағдарламасына ене ме? – ХОК ұсыныс жасады

    Халықаралық Олимпиадалық комитетінің (ХОК) атқарушы комитеті боксты 2028 жылы Лос-Анджелесте өтетін Олимпиада ойындарының бағдарламасына қосу туралы ұсыныс жасады.

    ХОК баспасөз қызметінің хабарлауынша, ақтық шешім осы аптада Грекияның Коста-Наварино қаласында өтетін ХОК-нің 144-сессиясында қабылданады.

    Бастапқыда, 2022 жылғы ақпанда бекітілген Олимпиада спорт түрлерінің тізіміне бокс енгізілмеген еді. Бұған Халықаралық бокс қауымдастығындағы (IBA) мәселелер себеп болды. 2023 жылдың маусымында ХОК IBA-ны ресми түрде мойындаудан бас тартты, бұл жағдай 2028 жылғы Олимпиададағы бокс жарыстарының болашағына әсер етті.

    Париж Олимпиадасында бокс жарыстары ХОК-нің арнайы жұмыс тобының басқаруымен өтті. Бұл шешім спортшыларға турнирге қатысу мүмкіндігін қамтамасыз етті.

    ХОК бұған дейін бокстың Олимпиада бағдарламасында қалуы үшін жаңа халықаралық федерация құру қажеттігін мәлімдеген болатын. 2025 жылдың ақпанында ХОК-нің атқарушы комитеті World Boxing ұйымын уақытша мойындады. Қазіргі таңда бұл ұйым 84 ұлттық федерацияны біріктіреді.

    Атқарушы комитеттің боксты Лос-Анджелестегі Олимпиада бағдарламасына енгізу туралы ұсынысы бұл спорт түрінің олимпиадалық қозғалыстағы маңыздылығын растайды.

  • Бөтен ЭЦҚ-ны пайдаланған адам жауапкершілікке тартылады

    Бөтен ЭЦҚ-ны пайдаланған адам жауапкершілікке тартылады

    Енді жеке және заңды тұлғалардың дербес деректерді қорғау және электрондық цифрлық қолтаңба салаларындағы әкімшілік құқық бұзушылықтар үшін әкімшілік жауапкершілікке тарту мерзімі құқық бұзушылық жасалған күннен бастап екі айдан бір жылға дейін ұзартылды. Бұл туралы ҚР ЦДИАӨМ баспасөз қызметі мәлім етті.

    Жаңа нормалар 2025 жылғы 13 наурыздан бастап күшіне енді.

    – Дербес деректер және оларды қорғау туралы заңнаманы бұзу, атап айтқанда, дербес деректерді заңсыз жинау, өңдеу және оларды қорғау шараларын сақтамау үшін ҚР ӘҚБтК-нің 79-бабы бойынша әкімшілік айыппұлдардың мөлшері үш есе ұлғайтылады. Бұрын айыппұлдар құқық бұзушылықтың құрамына және кәсіпкерлік субъектісінің санатына байланысты 10-нан 1000 АЕК-ке дейін өзгеріп отырған. Енді олар 30-дан 2000 АЕК-ке дейін ұлғайтылады, – делінген хабарламада.

    Бұдан бөлек, Қазақстан Республикасының электрондық құжат және электрондық цифрлық қолтаңба туралы заңнамасын бұзғаны үшін ҚР ӘҚБтК-нің 640-бабы бойынша жаңа әкімшілік құқық бұзушылық түрі күшіне енеді. Яғни, басқа адамның ЭЦҚ кілтін пайдаланғаны үшін әкімшілік жауапкершілік қарастырылады.

    – Бұған дейін әкімшілік жауапкершілік тек ЭЦҚ кілтін үшінші тұлғаларға заңсыз беру және оны қорғау бойынша тіркеу куәлігінің иесі тарапынан қажетті шараларды қабылдамау жағдайларына ғана қолданылатын. Енді өзгерістер күшіне енгеннен кейін, ЭЦҚ-ны заңсыз берген де, оны пайдаланған тұлғалар жауапкершілікке тартылады, – деп хабарлады ҚР ЦДИАӨМ баспасөз қызметінен.

    Қабылданған шаралар азаматтардың жеке деректерін қорғауды күшейтуге, электронды цифрлық қолтаңбаны пайдалану қауіпсіздігін қамтамасыз етуге және ЭЦҚ-ға байланысты алаяқтық әрекеттерді азайтуға, сондай-ақ ақпараттандыру саласындағы бұзушылықтар үшін жауапкершілікті арттыруға бағытталған.

  • Зеленский: Бұл соғысты тек Ресей ғана қалайды

    Зеленский: Бұл соғысты тек Ресей ғана қалайды

    Украина басшысының айтуынша, елдің қарулы күштері барлық негізгі бағыттарда қорғаныс операцияларын жалғастыруда.

    Бас қолбасшы бүгін ұрыс алаңындағы жағдай туралы есеп берді. Қорғаныс шайқастары майданның барлық дерлік шебінде жүріп жатыр. Қақтығыстар Харьков облысынан бастап Купянск секторына және оңтүстік бағыттарға дейін болып жатыр, – деп жазды Зеленский.

    Украина президенті соңғы уақытта жүргізілген дипломатиялық келіссөздерге тоқталды. Сауд Арабиясының Жидда қаласында өткен келіссөздер мен АҚШ-тың майданда атысты тоқтату туралы ұсынысына қарамастан, Ресей соғысты жалғастыруға мүдделі екенін көрсетті.

    Ресей тағы бір аптаны ұрлады – бұл соғысты тек Ресей ғана қалайды. Біз дипломатияны күшейту үшін бар күшімізді саламыз. Біз оның тиімді болуы үшін жұмыс істейміз, – деді ол.

  • Астана әуежайы жолаушыларға маңызды ескерту жасады

    Астана әуежайы жолаушыларға маңызды ескерту жасады

    2025 жылғы 17 наурызда Астана халықаралық әуежайы жолаушыларға Ұлы Отан соғысындағы Жеңістің 80 жылдығына және Отан қорғаушылар күніне арналған әскери парадты дайындау және өткізу кезінде ұшу кестесінде болуы мүмкін өзгерістер туралы ескертті.

    Әуежайдың мәліметінше, 2025 жылдың 22 сәуірі мен 7 мамыры (қоса алғанда) аралығында Астананың үстіндегі әуе кеңістігінде әскери авиацияның оқу-жаттығу ұшуларына байланысты қысқа мерзімді шектеулер енгізіледі.

    «Осыған байланысты ұшып шығу және ұшып келу кестесіне түзетулер енгізуге болады. Әуежай жолаушыларға соңғы ақпаратты әуе компанияларынан және әуежайдың ресми ресурстарынан алдын ала тексеруді ұсынады. Уақытша шектеулерге түсіністікпен қарауды және ықтимал өзгерістерді ескере отырып сапарларыңызды жоспарлауды сұраймыз», – деп хабарлады әуежайдан.

    Ұшу күйі туралы соңғы ақпарат алу үшін:

    • Байланыс орталығы: +7 7172-702-999
    • Ресми веб-сайт: www.nn-airport.kz

    2025 жылғы 12 наурызда Қорғаныс министрлігі Қазақстан халқына Астанада әскери парадты дайындауға және өткізуге байланысты 13 наурыздан бастап жеке құрамды және әскери техниканы тасымалдауды теміржол көлігімен де, өз бетімен де жүргізу жоспарланғанын ескертті. Еліміздің кейбір өңірлерінде жолдардың жекелеген учаскелерінде көлік қозғалысына уақытша шектеулер болуы мүмкін.

  • Алматыда қар көшкіні болды: Бір адам қаза тапты

    Алматыда қар көшкіні болды: Бір адам қаза тапты

    Алматыда қар көшкіні жүрді. Бұл туралы Алматы қаласы әкімдігінің жанындағы Құтқару қызметі хабарлады. Зардап шеккендер бар.

    Бүгін Шымбұлақ тау-шаңғы курортының солтүстік Талғар ауданындағы қар көшкінінен 35 жастағы әйел қаза тапты.

    Төтенше жағдайлар министрлігінің мәліметіне сүйенсек, үш фрирайдер қар көшкіні жүреді деген ескертуге қарамастан, тауға шыққан.

    «2025 жылдың 17 наурызында солтүстік Талғар ауданында, 3160 метр биіктікте көлемі 50 текше метрге жуық қар көшкіні жүрді. Алдын ала мәлімет бойынша, қар көшкіні қаупі туралы ескертуді елемеген фрирайдерлер көшкін астында қалған. Үйіндінің астынан 1990 жылы туған әйелдің мәйіті табылды», – деп хабарлайды ТЖМ.

    Оқиға орнына құтқарушылар жіберілді. «Тұйық-Су» бақылау-құтқару бекетінен бес адамнан және бір техникадан тұратын топ жолға шықты. Сонымен қатар, апат орнына «Шымбұлақ» пен РОСО құтқарушылары да бара жатыр.

    15:18-де тағы бір техника мен кинологиялық топ жіберілді. Құтқару жұмыстары жалғасуда, толық мәлімет кейінірек белгілі болады.

    Таулы аймақтарда қар көшкіні қаупі жоғары. Кәсіби мамандардың сүйемелдеуі мен арнайы жабдықсыз тауға шығу өмірге қауіпті болуы мүмкін. Құтқарушылар туристер мен белсенді демалыс әуесқойларын қауіпсіздік шараларын сақтауға және қар көшкіні жағдайы туралы ақпаратты алдын ала тексеруге шақырды.

  • Интеллект бағытындағы жобаларға 1 млрд долларға дейін инвестиция салынады – Бектенов

    Интеллект бағытындағы жобаларға 1 млрд долларға дейін инвестиция салынады – Бектенов

    Астанадағы Qazaqstan Venture Group қоры отандық және Орталық Азия елдерінің жасанды интеллект бағытындағы жобаларына 1 млрд долларға дейін инвестиция салады.

    Премьер-министр Олжас Бектеновтің «Ілгерілеуге бастаған 6 жыл: Қазақстан орнықты даму жолында» мақаласында осындай дерек айтылады.

    Үкімет басшысы келтірген деректерге сүйенсек, Қазақстан IT-қызметтер экспортын ұлғайтып қана қоймай, Орталық Азия елдері арасында сенімді түрде көш бастап тұр.

    «Балабақшаларда «Отбасының цифрлық картасы», «Әлеуметтік әмиян» және цифрлық ваучерлер белсенді қолданылады, QazaqLaw (заңнамалық база бойынша көмекші), LLM ұлттық тілдік моделі жасалды, «Бизнестің цифрлық картасы» және басқа да жобалар әзірленуде. Соңғы бес жылда инновациялық өнім көлемі екі еседен астам, 1,1 триллион теңгеден 2,4 триллион теңгеге дейін өсті», – дейді Олжас Бектенов.

    Сондай-ақ, ол Президент тапсырмасымен жасанды зейіннің дамуына қолдау көрсету үшін «Астана» халықаралық қаржы орталығының базасында Qazaqstan Venture Group қорларының венчурлық қоры құрылғанын еске салады. Мұндағы қаржыландырудың мақсатты көлемі – 1 миллиард доллар.

    «Қор Қазақстан мен Орталық Азияның инновациялық жобаларына басымдық бере отырып инвестиция салады. Биыл еліміздің жедел цифрлық трансформациясына ықпал ететін Alem.ai халықаралық жасанды интеллект орталығы ашылады», – деп жазады Премьер-министр.

    Олжас Бектенов Үкіметтің алдында цифрландыру мен жасанды интеллект, көлік, энергетика, агроөнеркәсіп секторы және адам капиталының даму әлеуетін ұтымды пайдалану міндеті тұрғанын айтады.

    «Үкімет жүктелген міндеттерді орындауға бар күш-жігерін салады. Көріп отырғанымыздай, соңғы 6 жыл ішінде атқарылған жұмыс аз емес, бірақ алда бұдан да ауқымды міндеттер тұр», – деп түйіндеген ол мақаласын.

     

  • Трамп пен Путин қашан кездеседі?

    Трамп пен Путин қашан кездеседі?

    АҚШ президенті Дональд Трамп сейсенбі күні Ресей президенті Владимир Путинмен сөйлесуді жоспарлап отыр, деп хабарлайды Reuters. Ол кездесуде америкалық және ресейлік тараптар Украинадағы соғысты тоқтату жөнінде талқылайтынын мәлім етті.

    Біз бұл соғысты тоқтата аламыз ба, жоқ па соны байқап көреміз, – деді Трамп Air Force One бортында журналистердің сауалына жауап бере отырып.

    АҚШ басшысының сөзінше, бұл – жақсы мүмкіндік.

    Бәлкім, қолымыздан келер, бәлкім, келмейді, бірақ меніңше, біздің өте жақсы мүмкіндігіміз бар, – деп түйіндеді Трамп.

  • «Қазақстанға Сенат қажет емес» – Депутат

    «Қазақстанға Сенат қажет емес» – Депутат

    Қазақстан Республикасы Мәжілісінің депутаты, ЖСДП партиясының төрағасы Асхат Рахимжанов Jibek Joly телеарнасындағы журналист Ерболат Мұхамеджанның авторлық «УӘДЕ» жобасына қатысты. Сұхбат барысында Қазақстанның саяси құрылымы және партияның парламенттік көпшілікке ие болған жағдайда жүзеге асыратын реформалары талқыланды.

    «Біріншіден, бізге Сенат қажет емес, өйткені біз унитарлы мемлекетпіз. Қазақстанға Сенаттың қажеті жоқ деп ойлаймын. Мәжіліс депутаттарының санын көбейткен дұрыс. Партиялық тізім бойынша 50 пайыз, 50 пайыз мажоритарлық жүйе бойынша қалыптастыру керек. Бұл біздің партия бағдарламамызда да көрсетілген».

    Журналистің Сенат елдің даму жүйесіне кедергі келтіре ме деген нақтылаушы сұрағына спикер былай деп жауап берді:

    «Көптеген сарапшылар, және біз де онымен келісеміз, Сенат белгілі бір бақылау функциясын орындайтын сияқты. Заңнамалық процесті не үшін бақылау керек? Мысалы, Мәжіліс бір заң жобасын қабылдайды, оны жұмыс топтарында, комитеттерде, кеңейтілген отырыстарда егжей-тегжейлі талқылайды. Содан кейін екі оқылымнан кейін ол Сенатқа кетеді. Сенаттың бір нәрсеге көңілі толмаса, оны қайтарады. Кейбір түзетулер енгізу керек деп санайды».

    Асхат Рахимжановтың айтуынша, Сенат депутаттарын сайлау жүйесін де қайта қарау қажет:

    «Егер өкілдік туралы айтатын болсақ, ол толыққанды болуы керек. Мысалы, Мәжіліс құрамының 50%-ы аймақтардан сайланса, оның заңдылығы мен легитимдігіне қатысты сұрақтар туындамайды. Ал Сенат, мысалы, сайлаушылар арқылы сайланады. Бұл сайлаушылар – Маслихат депутаттары. Маслихат депутаттары барлық жерде көпшілігімен аманаттықтар», – дейді Мәжіліс депутаты.

  • Күн +30℃ дейін ысиды – Қазгидромет ескерту жасады

    Күн +30℃ дейін ысиды – Қазгидромет ескерту жасады

    Мекеме республиканың көп бөлігі жауын-шашынсыз күтілетін антициклон сілемінің әсерінен болатынын, күн шуақты ауа-райы, елдің тек батыс, солтүстік-батыс, солтүстік аудандарына циклон ойпаты әсер ететінін хабарлайды. Онда жаңбыр мен қар түрінде жауын-шашын болады, жел күшейеді, жолдарда көктайғақ болады. Елде жаппай тұман күтіледі.

    Елдің солтүстігінде ауа температурасының түнде -3℃ аязға дейін +5℃ жылы, күндіз +5+16℃ жылы, орталықта түнде -3℃ аязға дейін +5℃ жылы болады. Күндіз +5+20℃ жылы, елдің шығысында түнде -7℃ аязға дейін +5℃ жылы, күндіз +3+16℃ жылы. Батыста түнде -5℃ аязға дейін, ал күндіз +5+18℃ дейін, оңтүстікте, оңтүстік-шығыста түнде +5+13℃ дейін, күндіз +22+30℃ дейін көтеріледі.