Sona.kz

Метка: Басты оқиғалар

  • «Астана» футбол клубы «Челсиден» жеңіліп қалды

    «Астана» футбол клубы «Челсиден» жеңіліп қалды

    УЕФА Конференция лигасы жалпы кезеңінің бесінші турында «Астана» футбол клубы Алматының Орталық стадионында лондондық «Челсиді» қабылдады. Ойын нәтижесінде қазақстандық клуб жеңіліп қалды.

    Қонақ команда үлкен артықшылыққа ие болып, ойынның алғашқы минуттарында-ақ есеп ашты. Марк Гиу 14 және 19 минутта дубль жасады, содан кейін Ренату Вейга есепті еслесе, оған «Астананың» жартылай қорғаушысы Марин Томасов 45-минутта бір голмен жауап қайырды.

    Ойынның екінші жартысында ағылшындар тағы бірнеше шабуыл жасады, бірақ есеп өзгеріссіз қалды. «Астана» (Астана, Қазақстан) – «Челси» (Лондон, Англия) 1: 3

    Гиу 14 (0: 1),

    Гиу 19 (0: 2),

    Вейга 39 (0: 3),

    Томасов 45 (1:3)

  • Қазақстанның 16 облысында ескерту жарияланды

    Қазақстанның 16 облысында ескерту жарияланды

    Атырау облысының солтүстігінде, оңтүстігінде, шығысында тұман, көктайғақ күтіледі. Атырауда түнде және таңертең тұман, көктайғақ күтіледі.

    Ұлытау облысының солтүстігінде, орталығында жаяу бұрқасын күтіледі. Түнде және таңертең облыстың солтүстігінде, шығысында тұман. Оңтүстік-шығыстан жел соғады, облыстың солтүстігінде, шығысында екпіні 15-20 м/с. Жезқазғанда күндіз жаяу бұрқасын күтіледі.

    Қарағанды облысының батысында, солтүстігінде жаяу бұрқасын күтіледі. Түнде және таңерең облыстың солтүстігінде, шығысында тұман. Оңтүстік-шығыстан жел соғады, облыстың батысында, солтүстігінде, орталығында екпіні 15-20 м/с. Қарағандыда оңтүстік-шығыстан жел соғады, күндіз екпіні 15-20 м/с.

    Қостанай облысының батысында, солтүстігінде жаяу бұрқасын, күндіз облыстың батысында, солтүстігінде, оңтүстігінде жаяу бұрқасын, көктайғақ күтіледі. Оңтүстік-батыстан, оңтүстіктен жел соғады, күші 15-20 м/с, күндіз облыстың батысында, солтүстігінде, оңтүстігінде екпіні 23 м/с. Қостанайда күндіз жаяу бұрқасын күтіледі. Оңтүстік-батыстан, оңтүстіктен жел соғады, күші 15-20 м/с.

    Маңғыстау облысының батысында, оңтүстігінде, орталығында тұман, облыстың солтүстігінде, орталығында көктайғақ күтіледі. Ақтауда түнде және таңертең тұман күтіледі.

    Павлодар облысының батысында, солтүстігінде оңтүстіктен жел соғады, түнде 15-20 м/с күтіледі.

    Алматы облысының оңтүстігінде, шығысында орталығында, оңтүстік-шығыстан жел соғады, екпіні 17-22 м/с. Қонаевта оңтүстік-шығыстан жел соғады, кей уақытта екпіні 17-22 м/с.

    Түркістан облысының батысында, оңтүстігінде, таулы аудандарында тұман күтіледі. Оңтүстік-шығыстан жел соғады, облыстың батысында, оңтүстігінде, солтүстігінде, таулы және тау бөктерлі аудандарында күші 15-20, күндіз облыстың тау асуларында 25 м/с. Түркістанда түнде және таңертең тұман күтіледі. Оңтүстік-шығыстан жел соғады, күндіз екпіні 15-20 м/с.

    Қызылорда облысының орталығында тұман күтіледі. Жел оңтүстіктен соғады, күндіз облыстың орталығында 15-20 м/ күтіледі. Қызылордада жел оңтүстіктен соғады, күндіз екпіні 15-20 м/с күтіледі.

    Батыс Қазақстан облысында көктайғақ күтіледі. Түнде және таңертең облыстың солтүстігінде, шығысында тұман күтіледі. Жел оңтүстік-батыстан, батыстан соғады, облыстың батысында, солтүстігінде, шығысында екпіні 15-20 м/с. Оралда көктайғақ күтіледі. Түнде және таңертең тұман күтіледі. Жел оңтүстік-батыстан, батыстан соғады, түнде екпіні 18 м/с.

    Астанада оңтүстіктен, оңтүстік-батыстан жел соғады, кей уақыттарда екпіні 15-20 м/с.

    Солтүстік Қазақстан облысының батысында, солтүстігінде түнде жаяу бұрқасын, күндіз бұрқасын күтіледі. Оңтүстік-батыстан жел соғады, күші 15-20 м/с, облыстың батысында, оңтүстігінде екпіні 23-28 м/с. Петропавлда жаяу бұрқасын күтіледі. Оңтүстік-батыстан жел соғады, күші 15-20 м/с күтіледі.

    Абай облысының батысында, солтүстігінде, орталығында жаяу бұрқасын күтіледі. Жел оңтүстік-шығыстан соғады, облыстың батысында, солтүстігінде, орталығында 15-20, Жарма ауданында екпіні 25 м/с.

    Шығыс Қазақстан облысының оңтүстігінде тұман күтіледі. Облыстың оңтүстік-шығысында жаяу бұрқасын күтіледі. Жел оңтүстік-шығыстан соғады, облыстың оңтүстік-шығысында екпіні 15-20 м/с.

    Жамбыл облысының оңтүстігінде, таулы аудандарында тұман күтіледі. Оңтүстік-шығыстан жел соғады, облыстың таулы аудандарында 15-20 м/с күтіледі. Таразда кей уақыттарда тұман күтіледі.

    Ақмола облысының батысында, солтүстігінде, оңтүстігінде жаяу бұрқасын күтіледі. Оңтүстіктен, оңтүстік-батыстан жел соғады, екпіні 15-20 м/с, күндіз облыстың солтүстігінде, шығысында кей уақыттарда 23-28 м/с күтіледі. Көкшетауда күннің екінші жартысында жаяу бұрқасын күтіледі. Оңтүстіктен, оңтүстік-батыстан жел соғады, күші 15-20 м/с, күндіз екпіні 23 м/с.

    Жетісу облысының шығысында, таулы аудандарында тұман күтіледі.

  • Шымкентте судья тергеуге алынды

    Шымкентте судья тергеуге алынды

    Шымкенттің Қылмыстық істер жөніндегі ауданаралық сотының судьясына қатысты тергеу аяқталды, — деп хабарлайды Антикор.

    Агенттік Шымкенттің Қылмыстық істер жөніндегі ауданаралық сотының судьясына және басқа да адамдарға қатысты тергеуді аяқтады.

    «Олар алаяқтық жасағандары және үкім шығарған кезде жазасын жеңілдету үшін сотталушының жұбайын 110 миллион теңге мөлшерінде пара беруге итермеледі деп айыпталған. Бас прокуратура биылғы 5 желтоқсанда қылмыстық істі сотқа жолдады», — делінген хабарламада.

    Қылмыстық-процестік кодекстің 201-бабының ережелеріне сәйкес, өзге ақпарат жария етуге жатпайды.

    Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін, әрбір адам кінәсіз болып саналады.

  • Алматы метросында зағип жігіттің рельске құлаған сәті түсірілген видео тарады

    Алматы метросында зағип жігіттің рельске құлаған сәті түсірілген видео тарады

    Алматы метросында жігіттің рельске құлаған сәті түсірілген видео тарады, деп хабарлады Buzyq телеграм каналы. 

    Қайғылы оқиғаның кадрларынан  жігіттің қолындағы таяғымен пойыздың сыртын түртіп, есігін таппай жүргенін көруге болады. Ол пойыздың ашық тұрған жерін есік деп ойлап, рельске түсіп кеткен. Сол сәтте көмектеспек болған басқа жолаушы үлгермей қалған.

    Оқыс оқиға 10 желтоқсанда «Абай» станциясында болған. Көзі нашар көретін 26 жастағы ер адам рельске құлап, мерт болды. Алматы полициясы аталған дерек бойынша тергеу амалдарын жүргізіп жатыр. 

  • Президент Валентина Матвиенкомен кездесті

    Президент Валентина Матвиенкомен кездесті

    Қасым-Жомарт Тоқаев Федерация Кеңесі төрағасының сапары парламентаралық байланысты нығайту тұрғысынан ғана емес, Қазақстан мен Ресейдің көпжоспарлы стратегиялық серіктестігін барлық бағытта одан әрі арттыру үшін маңызды екенін айтты.

    – Мемлекеттеріміз арасындағы қарым-қатынас қарқынды дамып келеді. Жақында біздің елімізге Владимир Владимирович Путин мемлекеттік сапар жасады. Бұл стратегиялық серіктестікті, екі ел арасындағы одақтастықты дамытуға тың серпін берді. Мен екіжақты ықпалдастықтың болашағы зор деп ойлаймын, – деді Президент.

    Қасым-Жомарт Тоқаевтың айтуынша, бұл үдерісте парламентаралық дипломатия айрықша рөлге ие. Президент депутаттар Қазақстан мен Ресей арасындағы өзара тиімді ынтымақтастықты ілгерілетуге айтарлықтай үлес қосады деп санайды.

    Өз кезегінде Валентина Матвиенко қонақжайлық танытқаны үшін Қасым-Жомарт Тоқаевқа ризашылығын білдіріп, Қазақстанға зор ықыласпен және парламенттік үлкен делегацияны бастап келгенін айтты. Ол Ресей Президентінің сәлемін жеткізіп, Владимир Путин Астанаға жасаған сапарының қорытындысын жоғары бағалағанын атап өтті.

    – Ресей Президентінің Қазақстанға сапары өте табысты әрі нәтижелі болды. Ең бастысы, өзара тиімді және құрметке негізделген біздің ынтымақтастығымыздың қарқыны артып келеді. Қазақстан мен Ресей президенттерінің бірлескен күш-жігерінің арқасында екіжақты қарым-қатынас бұрын-соңды болмаған деңгейге жетті. Тауар айналымы, инвестиция, өндірістегі ірі жобалар, энергетика, ауыл шаруашылығы секілді қай саланы алып қарасақ та, екі ел арасындағы берік стратегиялық серіктестік пен одақтастықтың нағыз үлгісін көреміз, – деді Валентина Матвиенко.

  • Трансгендер Амилай қамалды

    Трансгендер Амилай қамалды

    Алматы әкімшілік сотының шешімімен Амилай 7 тәулікке қамалды. Оған ұсақ бұзақылық жасады деген айып тағылып отыр.

    Оқиға 5 желтоқсан күні таңғы сағат 5-те Алматыдағы Абай-Әуезов көшелерінің қиылысында болған. Трансгендер балағат сөздер айтып, жігіттерге жұдырық ала жүгірген, ал оның соңы төбелеспен аяқталған.

    Амилай өз кінәсін мойындап, оның мұндай әрекетке баруына алдымен өзіне айтылған балағат сөздер себеп болғанын атап өтті.

  • Солтүстік Қазақстанда екі адам шошқа тұмауын жұқтырды

    Солтүстік Қазақстанда екі адам шошқа тұмауын жұқтырды

    Еліміздің солтүстігінде екі адамнан шошқа тұмауы анықталды. Инфекция жұқтырғандардың бірі мектеп оқушысы болса, екіншісі – әскери қызметкер.

    “Шошқа тұмауын жұқтырған екі науқас та тұмауға қарсы екпе алмаған. Қазір олар ем қабылдап жатыр”, – деді дәрігерлер.

    Бұл инфекция үй құстары мен шошқадан жұғады. Ал адамнан адамға ауа арқылы таралады. «АШ1ЭН1» вирусына шалдыққан адамның басы мен бұлшық еті ауырады. Науқасты құрғақ жөтел қысып, дене қызуы көтеріледі. Дәрігерлер аталған белгілер байқалған болса бірден емханаға жүгінуге кеңес береді.

  • «Дарын» жастар сыйлығының жеңімпаздары анықталды

    «Дарын» жастар сыйлығының жеңімпаздары анықталды

    Бүгін Астанада Мемлекет басшысының тапсырмасымен құрылған «Тәуелсіздік ұрпақтары» гранттар конкурсының жеңімпаздары мен мемлекеттік «Дарын» жастар сыйлығының лауреаттарын марапаттау рәсімі өтті.

    Биылғы «Дарын» сыйлығының жеңімпаздары қатарында түрлі байқаулар мен фестивальдердің лауреаттары, спорттық жарыстардың жеңімпаздары, қоғам қайраткерлері мен белсенділер бар.

    Кәсіби қазылар алқасы лауреаттарды «Әдебиет», «Ғылым», «Дизайн және бейнелеу өнері», «Журналистика», «Классикалық музыка», «Креативті бастамалар», «Спорт», «Театр және кино», «Эстрада» және «Халық шығармашылығы» номинациялары бойынша таңдады.

    Марапаттау кезінде ҚР Мәдениет және ақпарат министрі Аида Балаева елде ортақ принциптер мен мақсаттарды ұстанатын прогрессивті әрі дарынды буынның өсіп келе жатқанын атап өтті.

    – Сіздер – халықтың үміті мен тірегісіздер. Ел Президенті жастар үшін үш басты бағдарды үнемі айтып келеді – бұл білімге ұмтылу, еңбекқорлық және патриотизм. Бұл мықты әрі табысты ұлттың негізі болатын үш тұғыр. Демек, ұлттың болашағын сіздер айқындайсыздар. Сондықтан Мемлекет басшысы сіздерге үлкен үміт артады. Мемлекет өз тарапынан жастарды жан-жақты қолдауды жалғастырады, – деді министр.

    «Тәуелсіздік ұрпақтары» грантының иегерлері ретінде үздік жобаларды ұсынған 30 жас қазақстандық таңдалды. Бұл жобалар мәдениет, ғылым, медиа, ақпараттық технологиялар, бизнес салаларын қамтиды. Биыл байқауға жаңа «Волонтерлік» деп аталатын бағыт қосылды.

    – Бұл грант Мемлекет басшысы Қасым-Жомарт Тоқаевтың тапсырмасымен құрылды. Сондықтан бүгінгі марапаттарыңыз – үлкен жауапкершілік. Ел Президентінің сенімін ақтайтындарыңызға шын жүректен сенемін. Әрдайым биіктерден көрініңіздер!, – деді Аида Балаева.

    Өз сөзінде министр жастарға егемендік пен елдікті нығайтудағы негізгі құндылықтар туралы айтты.

    – Президентіміз биылғы Ұлттық құрылтайда еліміз үшін маңызды бірнеше құндылықты атап өткен еді. Ол құндылықтар – Тәуелсіздік және отаншылдық, Бірлік пен ынтымақ, Әділдік және жауапкершілік, Заң мен тәртіп, Еңбекқорлық және кәсіби біліктілік, Жасампаздық пен жаңашылдық. Мемлекет басшысы белгілеп берген нақты құндылықтарды ұстану – жастардың дамуына, қоғамдық сананың өзгеруіне оң ықпал етері анық, – деді министр.

    Айта кетейік, «Тәуелсіздік ұрпақтары» конкурсының әр жеңімпазына 3 млн теңге көлемінде жүлде берілді. Биыл конкурсқа 1284 өтінім түсіп, оның 897-еуі қабылданды.

    Мемлекеттік «Дарын» жастар сыйлығының 20 жеңімпазына «Дарын» мемлекеттік жастар сыйлығының лауреаты» атағы беріліп, естелік статуэткалар мен ақшалай сыйлықтар табысталды.

     

  • Еліміздің 13 өңірінде дауылды ескерту жарияланды

    Еліміздің 13 өңірінде дауылды ескерту жарияланды

    Маңғыстау облысының батысында, оңтүстігінде оңтүстік-шығыстан соққан желдің екпіні 15-20 м/с дейін жетеді деп күтіледі.

    Түнде және таңертең Түркістан облысының батысында, оңтүстігінде, таулы аудандарында, сондай-ақ орталығында да тұман түсетіні болжанады.

    Абай облысының батысында, солтүстігінде, орталығында жаяу бұрқасын жүреді деп күтіледі. Облыстың батысында, солтүстігінде, орталығында оңтүстік-шығыстан, оңтүстіктен соққан желдің екпіні 15-20 м/с, кей тұста 23 м/с дейін жетеді.

    Түнде Ақтөбе облысының батысында, күндіз солтүстігінде, батысында көктайғақ, түнде 13 желтоқсанда облыстың солтүстігінде, батысында, оңтүстігінде, күндіз облыстың басым бөлігінде жаяу бұрқасын жүреді, көктайғақ болад деп күтіледі. 13 желтоқсанда түнде облыстың батысында, солтүстігінде, оңтүстігінде оңтүстіктен батысқа ойыса соққан желдің екпіні 15-20 м/с, күндіз облыстың батысында, солтүстігінде, оңтүстігіндегі екпіні 25 м/с дейін жетеді. Ақтөбеде 12 желтоқсанда күндіз көктайғақ, 13 желтоқсанда жаяу бұрқасын, көктайғақ болады деп күтіледі. Оңтүстіктен батысқа ойыса соққан желдің екпіні — 15-20 м/с.

    Шығыс Қазақстан облысының солтүстігінде, шығысында жаяу бұрқасын жүреді деп күтіледі. Облыстың солтүстігінде, шығысында оңтүстік-шығыстан соққан желдің екпіні 15-20 м/с құрайды.

    Қарағанды облысының батысында, солтүстігінде жаяу бұрқасын жүреді деп күтіледі. Облыстың шығысында, оңтүстігінде тұман болады. Оңтүстік-батыстан, оңтүстіктен жел соғады, облыстың батысында, солтүстігінде соққан желдің екпіні 15-20 м/с құрайды. Қарағандыда да оңтүстік-батыстан, оңтүстіктен жел соғады, түндегі екпіні — 15-20 м/с.

    Солтүстік Қазақстан облысының солтүстігінде, шығысында жаяу бұрқасын жүреді деп күтіледі. Оңтүстік-батыстан соққан желдің екпіні 15-20 м/с, кей тұста 23-28 м/с дейін жетеді. Петропавлда жаяу бұрқасын жүреді деп күтіледі. Оңтүстік-батыстан жел соғады, соққан желдің екпіні 15-20 м/с, кей тұста 25 м/с дейін жетеді.

    Түнде Батыс Қазақстан облысының батысында, солтүстігінде, күндіз облыстың басым бөлігінде тұман, көктайғақ болады деп күтіледі. Күндіз облыстың батысында, солтүстігінде оңтүстік-батыстан, оңтүстіктен соққан желдің екпіні 15-20 м/с құрайды. Оралда тұман, көктайғақ болады. Оңтүстік-батыстан, оңтүстіктен жел соғады, күндізгі екпіні — 18 м/с.

    Атырау облысының батысында, солтүстігінде, оңтүстігінде көктайғақ, тұман болады деп күтіледі. Атырау қаласында да түнде және таңертең тұман, көктайғақ болады деп болжанады.

    Қостанай облысының солтүстік жартысында жаяу бұрқасын жүреді деп күтіледі. Оңтүстік-батыстан жел соғады, екпіні — 15-20 м/с. Қостанай қаласында да оңтүстік-батыстан жел соғады, екпіні 15-20 м/с құрайды.

    Жетісу облысында оңтүстік-шығыстан жел соғады, Алакөл көлдері ауданындағы екпіні — 17-22 м/с.

    Ақмола облысының батысында, солтүстігінде, шығысында жаяу бұрқасын жүреді деп күтіледі. Оңтүстік-батыстан жел соғады, күші — 15-20 м/с, облыстың солтүстігінде, шығысында кей уақыттарда соққан желдің екпіні 23-28 м/с дейін жетеді. Көкшетауда да жаяу бұрқасын жүреді. Оңтүстік-батыстан жел соғады, күші — 15-20 м/с, кей уақыттарда екпіні 25 м/с дейін жетеді. Астанада да оңтүстік-батыстан жел соғады, күші — 15-20 м/с, түнде және таңертең екпіні 23 м/с дейін жетеді.

    Павлодар облысының батысында, оңтүстігінде оңтүстік-батыстан соққан желдің екпіні 15-20 м/с құрайды деп күтіледі.

  • Елде 25 мың жұмыс орны ашылады

    Елде 25 мың жұмыс орны ашылады

    Еліміздегі экономикалық трансформация негізінде басым салалардағы ірі 17 жоба негізінде 25 мың жұмыс орны ашылады, – деді Үкіметтің баспасөз қызметі.

    Президент өзінің «Әділетті Қазақстан: заң мен тәртіп, экономикалық өсім, қоғамдық оптимизм» атты халыққа Жолдауында еліміздің өнеркәсіптік әлеуетін ашуға жүйелі күш салу қажеттігін баса айтты. Қасым-Жомарт Тоқаев терең өңдеу тәсілін меңгеруге басымдық берілген 17 ірі жобаның тізімін атап өтті.

    Өз шикізатымыз бен құрал-жабдықтарымызды барынша пайдалану, ірі кәсіпорындарға жапсарлас өндірістер ашу маңызды. Жобалар экономиканы әртараптандыру және өңдеу өнеркәсібінің бәсекеге қабілеттілігін ынталандыру бағдарламасы шеңберінде іріктелді. Олар металлургия, химия, мұнай-химия, автокөлік, туризм, ауыл шаруашылығы және тамақ өнеркәсібі сияқты негізгі салаларды қамтиды.

    Жобалар тізімі негізгі критерийлер бойынша таңдалды:

    өнімді қайта бөлудің орташа және жоғары деңгейі;
    экспортқа және импортты алмастыруға бағдарлану;
    өндірілетін өнімге нарықтық сұраныс;

    ел немесе аймақ экономикасы үшін стратегиялық маңыздылығы – мультипликативті әсер.
    Аталған жобаларға инвестиция көлемі шамамен 15 трлн теңгені құрап, 25 мыңнан астам жұмыс орны құрылады. Күтілетін экономикалық тиімділік экспорт көлемінің 6 трлн теңгеге артуы және импортқа тәуелділіктің 1,5 трлн теңгеге төмендеуін қамтиды.