Sona.kz

Метка: Басты оқиғалар

  • Шерзаттың әкесі полициядан ауруханаға жеткізілді

    Шерзаттың әкесі полициядан ауруханаға жеткізілді

    Шерзат Полаттың әкесі Қаржаубай Нұрымовты полиция басқармасынан ауруханаға жеткізді. 

    Қаржаубай Нұрымов өзіне қол жұмсайтынын айтқаннан кейін полиция ұстап әкеткен еді.  Ол бірнеше сағат бойы Еңбекшіқазақ аудандық полиция бөлімінде болып, онда онымен психологтар жұмыс істеді. Алайда, оның жағдайы жақсармаған соң шұғыл түрде  Еңбекшіқазақ көпсалалы ауданаралық ауруханасына жеткізген. Қазір Нұрымов дәрігерлердің бақылауында. Оның жанында адвокаттары бар. Ал оны обасымен қоғам белсендісі Айтбек Амангелді күтіп отыр.

    Сонымен қатар, Қаржаубай Нұрымовқа қоғамдық тәртіпті бұзу, бейәдеп сөздер қолдану мен адамдарға тиіскені үшін әкімшілік іс қозғалды. Қазіргі таңда іс материалдары сотқа жолданды. Нұрымов 5-тен 15 тәулікке дейін қамауға алынуы мүмкін.

  • Бүгін ауа райы қандай болады?

    Бүгін ауа райы қандай болады?

    Синоптиктердің болжамынша, 11 желтоқсанда елдің кей өңірінде тұман түсіп, екпіні күшті жел соғады, ал кей өңірде аяз болады.

    Қарағанды облысының солтүстігінде, шығысында тұман түседі. Оңтүстік-батыстан, оңтүстіктен жел соғады, облыстың батысында, солтүстігінде екпіні секундына 15-20, күндіз кей уақыттарда 23 метрге дейін жетеді.

    Батыс Қазақстан облысының солтүстігінде, батысында, орталықта тұман түседі. Ақмола облысының батысында, солтүстігінде, шығысында жаяу бұрқасын. Оңтүстік-батыстан жел соғады, түнде облыстың батысында, солтүстігінде, шығысында екпіні секундына 15-20, күндіз 15-20, облыстың батысында, солтүстігінде, шығысында екпіні 25 метрге жетеді.

    Алматы облысының солтүстігінде, таулы аудандарында 25-27 градусқа дейін қатты аяз болады. Түркістан облысының оңтүстігінде, таулы және тау бөктерлі аудандарында тұман түседі. Шымкентте түнде және таңертең тұман.

    Павлодар облысының солтүстігінде, шығысында, орталығында жаяу бұрқасын. Оңтүстік-батыстан жел соғады, облыстың солтүстігінде, батысында, оңтүстігінде күші 15-20, екпіні секундына 23 метрге жетеді.

    Абай облысының батысында, солтүстігінде, орталығында жаяу бұрқасын. Жел оңтүстік-шығыстан, оңтүстіктен соғады, таңертең және күндіз облыстың батысында, солтүстігінде, орталығында екпіні секундына 15-20 метрге жетеді.

    Шығыс Қазақстан облысының солтүстігінде, шығысында тұман түседі. Күндіз облыстың солтүстігінде, шығысында жаяу бұрқасын. Жел шығыстан, оңтүстік-шығыстан соғады, күндіз облыстың солтүстігінде, шығысында екпіні секундына 15-20 метрге жетеді.

    Солтүстік Қазақстан облысының батысында, солтүстігінде, шығысында бұрқасын. Оңтүстік-батыстан жел соғады, күші секундына 15-20, облыстың батысында, оңтүстігінде, шығысында екпіні 25 метрге жетеді.

    Қостанай облысының солтүстік жартысында жаяу бұрқасын. Түнде және таңертең облыстың батысында тұман түседі. Оңтүстік-батыстан жел соғады, екпіні секундына 15-20 метрге жетеді.

    Маңғыстау облысында оңтүстік-шығыстан жел соғады, облыстың батысында, оңтүстігінде екпіні секундына 15-20 метрге жетеді.

    Атырау облысының батысында, оңтүстігінде көктайғақ, тұман түседі.

    Астанада кей уақыттарда жаяу бұрқасын. Оңтүстік-батыстан жел соғады, таңертең және күндіз күші екпіні секундына 15-20, күннің екінші жартысында 23 метрге дейін жетеді.

    Жамбыл облысының оңтүстігінде, таулы аудандарында тұман түседі.

  • Елімізде жаңадан 12 футбол стадионы салынбақ

    Елімізде жаңадан 12 футбол стадионы салынбақ

    Бұл жайында Сенат депутаттарының сауалына Премьер-Министр Олжас Бектеновтің жауабында айтылған.  «Министрлік республика бойынша барлық спорт нысандарына түгендеу жұмыстарын жүргізді. Атап айтқанда, елімізде спорттың ойын түрлеріне арналған (футбол, волейбол, стритбол, воркаут) 6 100 жазықтық алаң бар, оның ішінде 1 200-ден астамы ауылдық жерлерде орналасқан.

    Ауылдық балалар мен жасөспірімдердің жыл бойы футболмен, мини футболмен және спорттық ойындармен шұғылдануы үшін 358 спорттық кешен қолданылады.  Елімізде 1 500-ден 30 000 орындық тиісті санаттағы 28 негізгі стадион бар, сондай-ақ Қызылорда қаласында 10 мың орындық трибуналары бар бір стадион салынып жатыр. Одан басқа елімізде 12 стадион құрылысы жоспарлануда. Осылайша, барлық стадиондарды УЕФА-ның халықаралық талаптарына сәйкестендіру бойынша жұмыстар кезең-кезеңмен жүргізілетін болады», – деді Үкімет басшысы жауабында.

    Сонымен қатар Премьер-министр Қазақстан футбол федерациясы УЕФА мамандарымен бірге 2034 жылға дейінгі қазақстандық футболды дамыту стратегиясын бекіткенін атап өтеді.

    – Стратегияда жалпы Қазақстанда кәсіпқой және әуесқой футболды кешенді дамытудың, футболшыларды даярлау жүйесін құрудың ерекшеліктері, футбол бизнесі индустриясын құру, халықаралық аренадағы спорттық нәтижелерді жақсарту бағытында кәсіпқой футболды трансформациялау қарастырылған, – деді Олжас Бектенов.

  • Полиция Қаржаубай Нұрымовты ұстап әкетті

    Полиция Қаржаубай Нұрымовты ұстап әкетті

    Марқұм Шерзат Болаттың әкесі Қаржаубай Нұрымовты БАҚ өкілдерімен кездесуді талап еткен соң полиция ұстады.

     «Бүгін сағат 15.30-да Азат ауылында жерлеу рәсімі кезінде қоғамдық тәртіпке және басқалардың, соның ішінде кәмелетке толмаған балалардың қауіпсіздігіне қауіп төндіретін оқиға орын алды. Азамат Н., прокурордың заңды сақтау туралы түсіндірмелерін елемей, өзін шектен тыс агрессивтілік танытып, басқаларға қорқытып, өз-өзіне қол жұмсаймын деп қорқытқан, сондай-ақ полиция қызметкеріне пышақпен шабуыл жасаған. Оның мінез-құлқы орынсыз болып, өзіне де, басқаларға да қауіп төндірді. Жағдайына алаңдаған азамат Н.-ның туыстары мен адвокаттарының өтініші бойынша оның өмірі мен айналасындағылардың өміріне зиян келтірмеу мақсатында полиция қызметкерлері оны ұстау шараларын қабылдады», – деп хабарлады Алматы облысы полиция департаментінің баспасөз қызметі.

    Қазір ол полиция бөліміне жеткізілді, онымен психологтар жұмыс істеп жатыр.

    «Полицейлер жағдайды тұрақтандыру жұмыстарын жалғастырып, азаматтарды сабырға шақыруда. Азаматтардан тек ресми дереккөздерге сеніп, жалған ақпарат тарату жауапкершілікке, соның ішінде қылмыстық жауапкершілікке әкеп соқтыратынын еске саламыз», – делінген хабарламада.

  • Шерзаттың әкесі «әділдік жоқ» деп өзіне қол салмақ болды

    Шерзаттың әкесі «әділдік жоқ» деп өзіне қол салмақ болды

    Алматы облысы, Еңбекшіқазақ ауданы, Азат ауылында марқұм Шерзат Болаттың әкесі Қаржаубай Нұрымов қолына пышақ ұстап, БАҚ өкілдерімен кездесуді талап етті.

     Сондай-ақ ол құқық қорғау органдарынан ұлы мен інісінің өлімінің мән-жайын шынайы түрде анықтауды сұрады.

    Әлеуметтік белсенділердің айтуынша, Нұрымов қазір жүк көлігінің төбесіне шығып, журналистермен кездесуді күтіп отыр. Оқиға орнында күш құрылымдары, бейбіт тұрғындар мен марқұмның туыстары бар.

    Шерзаттың әкесі әділдік жоқ деп өзіне қол салмақ болды.

  • Бокстан Азия чемпионатында Аида Әбікеева алтын алды

    Бокстан Азия чемпионатында Аида Әбікеева алтын алды

    Аида Әбікеева 63 келіге дейінгі салмақта вьетнамдық Линх Ха Тхимен шеберлік байқасты. Бірінші кезеңде Аида ширақ қимылдап, алға ұмтылған қарсыласын соққымен күтіп алып отырды – 5:0.

    Екінші раундта да жекпе-жек барысы өзгере қойған жоқ – 4:1. Үшінші кезеңде вьетнамдық боксшы басым болғанымен, қорытынды нәтиже 5:0 болды. Осылайша, Аида Әбікеева Қазақстан қоржынына екінші алтынды түсірді.

  • Алматыда «Абай» метро станциясында ер адам рельске құлап кетті

    Алматыда «Абай» метро станциясында ер адам рельске құлап кетті

    Алматы метросында адам өліміне әкелген қайғылы оқиға орын алды. 26 жастағы жігіт метро пойызының релсіне құлап кетіп, қайтыс болды. Аталмыш оқиғаның видеосы әлеуметтік желіде тарады.

    Алматы қаласының Полиция департаменті осы факт бойынша тергеу жұмыстарын бастады. Аталған дерек бойынша тергеу амалдары жүргізіліп жатыр. Оқиға салдарынан 26 жастағы зағип жігіт көз жұмды. Оқиғаның басқа да мән-жайлары анықталады, – деп хабарлады қалалық ПД баспасөз қызметі.

    Аталған факті бойынша тергеу амалдары жүргізілуде. Марқұмның көзі нашар көретіні белгілі болды. Басқа мән-жайлар анықталуда.

  • Наталья Богданова Азия чемпионы атанды

    Наталья Богданова Азия чемпионы атанды

    Ұлттық құрама мүшесі Наталья Богданова финалда шаршы алаң иесін жеңді. Осылайша, бокстан 70 келіге дейінгі салмақта сынға түскен отандасымыз ел қоржынына үшінші алтынды салып отыр. Ақтық айқаста ол тай боксшысы Байсон Маниконға мықтылығын мойындатты.

    Айта кетейік, Қазақстан құрамасында қазір 3 алтын, 6 қола медаль бар.

  • Жайдарлы Jaidarman: Әкім кубогы сарапқа салынды

    Жайдарлы Jaidarman: Әкім кубогы сарапқа салынды

    Бұл жолы Қонаев қаласы әкімінің кубогы сарапқа салынды. Аталған шара жастардың шығармашылығына қолдау көрсету, олардың бос уақыттарын тиімді пайдалануға ықпал ету, мәдени, креативті орта құру мақсатында ұйымдастырылды.

    Ойынға 7 команда қатысты. Көрермен арасында шаһар басшысы Асхат Бердіханов пен облыстық жастар ресурстық орталығының директоры Мақсат Кенешев болды. Ал әділқазылар алқасының құрамында облыстық Жайдарман филиалының директоры Ердос Оралбеков, ЖРО бөлім басшысы Еламан Төлепберген, «Жетісу» телеарнасының режиссері Гүлжан Қызайбай, туризм басқармасының басшысы Қуанышбек Мейрамбекұлы, «Асыл» өнер мектебінің директоры Анар Әділжанқызы бой көрсетті.

    Қалың көрерменді күлкіге қарқ қылған Жайдарман нәтижесі келесідей:
    ІІІ орын – «Созақбай» командасы
    ІІ орын – «Жуалы» командасы
    І орын «Әкім кубогы» – «Энерест» командасы.

    Жеңімпаздар ақшалай сыйлықпен марапатталды.

  • Әлеуметтік желіде марқұм Шерзат Болаттың ағасының көлігінен түсірілген кадрлар пайда болды

    Әлеуметтік желіде марқұм Шерзат Болаттың ағасының көлігінен түсірілген кадрлар пайда болды

    Әлеуметтік желіде марқұм Шерзат Болат ағасының көлігінен түсірілген кадрлар пайда болды. Видео авторы қайтыс болған Нұрқанат Ғайыпбаевтың осы жерде көз жұмғанын айтады. Алайда, жедел топ көлікті заңсыз жылжытып, оларға ештеңе көрсетпеді.

    «Көлікті марқұмның  туыстары оның денесі табылған жерге жақын тауып алған. Полиция қызметкерлері хабарлама түскен соң бірден оқиға орнына жеткен. Құқық қорғау органдарының қызметкерлері заңнамада белгіленген тәртіппен қажетті жедел-іздестіру іс-шараларын жүргізді, оның ішінде көлік құралын жан-жақты тексерді. Тексеруден кейін көлік жақын туыстарына берілді», — деп хабарлады полицейлер.

    Полиция тек ресми ақпарат көздеріне сенуді сұрады. Жалған ақпаратты тарату жауапкершілікке, соның ішінде қылмыстық жауапкершілікке әкелуі мүмкін.