Sona.kz

Метка: Басты оқиғалар

  • Енді мектеп оқушылары «Болашақ» бағдарламасымен шетелде білім ала алады

    Енді мектеп оқушылары «Болашақ» бағдарламасымен шетелде білім ала алады

    Мәжіліс отырысында депутаттар «Болашақ» бағдарламасын кеңейту туралы норманы қабылдады.

    Бағдарлама бойынша мектепте халықаралық олимпиадалар мен ғылыми жобалар конкурстарында жеңіске жеткен талапкерлерге шетелде бакалавриатта білім алуға мүмкіндік беру ұсынылады. Бүгінгі таңда «Болашақ» бағдарламасы тек магистратура мен докторантураға арналған.

    «Жетекші шетелдік университеттер халықаралық олимпиадалардың жеңімпаздарына бірден бакалавриатқа грант ұсынады, соның нәтижесінде олар шетелге кетіп қалады. Осы кезеңде біз тиісті қолдау ұсына алмадық, сондықтан біз жиі мұндай дарынды жастардан айырылып қалдық. Олар тек шетелде білім алып қоймай, кейін сол жақта қалып қоятын еді», – деп түсіндірді Аймағамбетов.

    Аймағамбетов алдағы уақытта жағдай өзгеретінін және елімізде жас таланттарды ұстап қалуға көбірек мүмкіндік пайда болатынын айтты.

  • Жалған полицей адамдардан ақша бопсалап келген

    Жалған полицей адамдардан ақша бопсалап келген

    Ішкі істер министірлігінің мәліметінше, олардың барлығы өздерін полиция қызметкері ретінде таныстырып, «қорғаймыз» деген желеумен ақша бопсалап, алаяқтықпен айналысқан.

    Атап айтар болсақ, алаяқтықпен айналысқан бір топ адам Шымкентте құрықталды. Олар өздерін полиция қызметкерлеріміз деп таныстырып «қорғағандары» үшін ай сайын 1,5 миллион теңге алып отырған. Сонымен қатар, дәл осындай жағдаймен Алматы облысының 2 тұрғыны ұсталды. Олар өздерін жедел уәкіл ретінде таныстырып, жәбірленушіден 500 мың теңге бопсалаған екен. Қазіргі таңда, олар пайдаланған жалған қызметтік куәліктер, құжаттар мен полиция қызметкерлерінің киімдері тәркіленді.

    «Жалған полиция қызметкерлерін ұстау бұл қауіпсіздік мәселесі ғана емес, азаматтар құқықтарын қорғаудың маңыздылығы. Егер азаматтар қырағы әрі мұндай сәттерде мұқият болса, осындай қылмыстардың саны едәуір төмендеуі мүмкін. Бұл бағыттағы профилактикалық жұмыстар әлі де жалғасып жатыр», – деді ұйымдасқан қылмысқа қарсы күрес департаментінің өкілі Қуандық Алпыс.

  • Талғарға әкімнің орынбасары тағайындалды

    Талғарға әкімнің орынбасары тағайындалды

    Талғар қаласы әкімінің орынбасары лауазымына Бауыржан Байбатыров тағайындалды. Бауыржан Байбатыров 1987 жылЫ 29 қазанда дүниеге келген. Мемлекеттік қызметтегі еңбек өтілі 8 жылдан астам.

    • 2014 жылы Бөлек ауылдық округінің әкімдігінде жетекші маманнан бастап, бас маман лауазымына дейін көтерілген.
    • 2018-2020 жылдары Еңбекшіқазақ ауданы бойынша кірістер басқармасының бас маманы болған.
    • 2023 жылдан бастап Талғар ауданы әкімінің аппараты мемлекеттік-құқықтық бөлімінің бас маманы қызметін атқарды.

    Бауыржан Байбатыров 1987 жылЫ 29 қазанда дүниеге келген. Мемлекеттік қызметтегі еңбек өтілі 8 жылдан астам.

    • 2014 жылы Бөлек ауылдық округінің әкімдігінде жетекші маманнан бастап, бас маман лауазымына дейін көтерілген.
    • 2018-2020 жылдары Еңбекшіқазақ ауданы бойынша кірістер басқармасының бас маманы болған.
    • 2023 жылдан бастап Талғар ауданы әкімінің аппараты мемлекеттік-құқықтық бөлімінің бас маманы қызметін атқарды.

  • Қазақстан құрамасы Норвегиядан ойсыра жеңілді

    Қазақстан құрамасы Норвегиядан ойсыра жеңілді

    Бүгін футболдан Қазақстан құрамасы UEFA Ұлттар лигасының В дивизионындағы алтыншы ойынын Аустрияға қарсы өткізді.

    Ойын басынан норвегиялық футболшылар тізгінді қолына алуға тырысты. Әлемдік футболда жұлдызы жарқыраған Эрлинг Холандтың командасы Алматыда өткен ойындағы олқылықтың орнын толтыруға тырысты. Өзінің айып алаңында қателікке жиі бой алдырған қазақстандық футболшылар оған тосқауыл қоюға мүмкіндігі болған жоқ.

    Нәтижесінде Холанд 23, 37, 71-минутта үш гол соғып, хет-трик жасады. Сондай-ақ норвегиялық тағы бір шабуылшы Александр Сёрлот 41, Антонио Нуса 77-минутта мергендік танытты.

    Бұл ойында ел құрамасы қарсыласына 0:5 есебімен есе жіберді. Салдарынан алты ойында қазақстандық футболшылар бірде-бір соға алған жоқ.

  • Астанадағы өрт: қаза болған балалардың отбасыларына көмек беріледі

    Астанадағы өрт: қаза болған балалардың отбасыларына көмек беріледі

    Құрбан болған зардап шеккен отбасыға психологиялық көмек беріледі. Оларға материалдық, тұрғын үй және басқа да қажетті көмек көрсетіледі.

    Аман қалған екінші отбасы уақытша баспанаға орналастырылды. Әкімдік қызметкерлері отбасыларымен тұрақты байланыста, барлық қажетті көмек көрсетіледі.

    Астана қаласының Төтенше жағдайлар департаментінің хабарламасында: «Балалардың қаза болуына әкеп соққан өрт қауіпсіздігі талаптарының бұзылуына байланысты жеке екі қабатты тұрғын үйде болған өрт фактісі бойынша ТЖД анықтау бөлімі ҚР ҚК 292-бабы 3-бөлігі бойынша қылмыстық іс қозғады. Тергеу нәтижелері тексеру аяқталғаннан кейін айтылады», – делінген.

     

  • Жаркенттегі офицер қазасына қатысты төрт күдікті ұсталды

    Жаркенттегі офицер қазасына қатысты төрт күдікті ұсталды

    Кеше марқұм капитан Дархан Дәулетті ақтық сапарға шығарып салды. Офицер Жетісу өңіріндегі Жаркент гарнизонының 74261 әскери бөлімінде қаза тапты.

    14 қарашада Қазақстан Республикасы Құрлық әскерлерінің баспасөз қызметі «жоспардан тыс оқу-жаттығу кезінде қауіпсіздік шараларын бұзу салдарынан қаза тапты» деп хабарлады.

    Алайда туыстары офицердің кісі қолынан қаза тапқанына сенімді.

    Марқұмды жуған ағасы оның қатты соққыға жығылғанын, қолы мен аяқтарында арқан іздері, бас сүйегінде сызат барын айтты.

    «Біз ағамның ісіне қатысы бар адамдардан заң алдында жауап беруін сұраймыз және талап етеміз. Бүгін жерлеуге жоғары шенді генералдар мен депутаттар қатысты. Олар кешірім сұрады. Генерал бұл істі әділ тексеріп, кінәлілерді жазалауға уәде берді. Бірақ қандай бап бойынша іс қозғалып жатқанын білмейміз», – деп бөлісті марқұмның ағасы.

    Жерлеуге қатысқан Қорғаныс министрлігінің өкілдері офицер қайтыс болған күні әскери бөлімде жоспардан тыс оқу-жаттығу өткенін растады, бірақ олар оқиғаның егжей-тегжейін айтудан бас тартты.

    «Оқиғаға байланысты әскери бөлімге комиссия жіберілді. Іс қозғалды. Ішкі істер министрлігі тергеу жүргізіп жатыр. Оқиға әскери бөлімнің ішінде болған. Төрт күдікті ұсталып, уақытша ұстау абақтысына қамалды. Сол күні жеке жоспар бойынша оқу-жаттығулар өткенін растаймын», – деді Құрлық әскерлері қолбасшысының орынбасары, полковник Арынғали Ақышев.

    Марқұм Дәулет Дархан 26 жаста еді. Құрлық әскерлерінің Әскери институтын үздік бітіре салысымен Отар әскери гарнизонына қызметке кірісті. Араға бес жыл салып, Жаркент қаласындағы 74261 әскери бөлімінің инженерлік қызметінің бастығы лауазымына дейін көтерілген болатын.

  • Үшарал қаласы әуежайында жаңа терминал салынады

    Үшарал қаласы әуежайында жаңа терминал салынады

    Құрылыстың екі нұсқасы қарастырылуда: біріншісі – ғимараттарды келу және кету аймақтарына бөле отырып, қолданыстағы терминалдың жанынан шағын терминал салу; екіншісі – бірден үлкен терминал салу.

    Бұл туралы Көлік министрі Марат Қарабаевтың Жетісу өңірі тұрғындарымен кездесуінде белгілі болды. Қазіргі уақытта жергілікті атқарушы орган жобаның техникалық-экономикалық негіздемесін талдап, әзірлеуде.

    Сондай-ақ, бүгінгі таңда «Сарыөзек-Көктал» жолының 45-68-ші шақырымдары арасында күрделі жөндеу, ал 68-110 шақырымдары арасында орташа жөндеу жұмыстары аяқталды. Келесі жылы 0-ден 45-ші шақырымға дейін орташа жөндеу жұмыстары жүргізіледі. Тиісінше, жол толығымен ретке келтіріледі.

    Жалпы ұзындығы 762 шақырымды құрайтын «Талдықорған-Қалбатау-Өскемен» жолын қайта жаңғырту жұмыстары да 2024 жылдың соңына дейін аяқталады.

    Өңір тұрғындарымен еркін форматта өткен кездесуде ведомство басшысы министрліктің құзыретіне кіретін және осы өңірге қатысты сұрақтарға барынша ашық жауап берді.

    Қазақстандықтардың сұрақтары авиабилеттерді қайтару, халықаралық жүк тасымалдарының жүргізушілеріне виза беру және т.б. мәселелерге қатысты болды.

  • Биыл қыс қалай болады? — Синоптиктер болжамы

    Биыл қыс қалай болады? — Синоптиктер болжамы

    «Қазгидромет» РМК мамандары 2024-2025 жылғы қыс мезгіліне арналған маусымдық болжамын жариялап, ел аумағында ауа райының қалай болатынын мәлімдеді.

    Желтоқсанда елдің басым бөлігінде циклондардың белсенділігі артады. Бұл құбылыс қар жаууымен, борандармен және екпінді желмен қатар жүреді. Қазақстанның оңтүстік өңірлеріне жаңбыр мен қар кезек-кезек жауып, таулы аймақтарға қардың қалың түсуі мүмкін. Батыс пен оңтүстікте көктайғақ пен тұман жиі болады.

    Синоптиктердің мәліметінше, солтүстік-батыс және солтүстіктен келетін антициклондар ауа температурасын айтарлықтай төмендетуі ықтимал.

    Қаңтарда Қазақстанның көп бөлігінде ауа температурасы климаттық нормаға сәйкес болады деп болжанып отыр. Ал ақпанда ауа температурасы нормадан 1°С-қа жоғары болуы ықтимал.

    Қысқы кезеңнің жалпы сипаттамасы

    2024-2025 жылғы қыс мезгілінде ел аумағында температуралық режим климаттық норма шегінде болады. Дегенмен жауын-шашын мөлшері көпжылдық нормадан артық түсуі мүмкін. Синоптиктер кей кезеңде жауын-шашынның тоқтап, ауа температурасының аномальды төмендеуі мүмкін екенін де ескертті.

    «Қазгидромет» РМК мамандары ел тұрғындарын қыс мезгілінде ауа райы өзгерістерін бақылап, қауіпсіздік шараларын сақтауға шақырады.

  • Қазақстанға Ирак пен Сириядан 526 бала оралған

    Қазақстанға Ирак пен Сириядан 526 бала оралған

    Еуропалық одақ, Біріккен ұлттар ұйымының балалар қоры (ЮНИСЕФ) және сыртқы істер министрлігінің өкілдері қақтығыс аймақтарынан оралған балалар мен олардың отбасыларын реинтеграциялауға бағытталған бірлескен бағдарламаның прогресін талқылау үшін екінші үйлестіру кеңесіне жиналды.

    Бағдарламаның екінші кезеңін іске асыру аясында серіктестер Қазақстандағы балаларды қорғау жүйесін нығайту және қақтығыс аймақтарынан оралған балаларға қажетті қолдау көрсету шараларын қабылдады.

    «Бағдарламаның табысты болуы барлық тараптардың бірлескен әрекеттеріне байланысты. Білім, ресурстар және тәжірибе алмасу арқылы біз қақтығыс аймақтарынан оралған балаларды реинтеграциялау үшін тұрақты шешімдер ұсына аламыз», – дейді Қазақстан Республикасы Сыртқы істер министрлігінің ерекше тапсырмалар жөніндегі елшісі Талғат Қалиев.

    Кездесу барысында балаларды қорғау жүйелерін нығайту, білім беру және әлеуметтік-психологиялық қызметтерді жақсарту, баламалы отбасылық күтімді кеңейту және қақтығыс аймақтарынан оралған балалардың білімі мен дағдыларын дамыту мәселелері талқыланды.

    ЕО делегациясының Қазақстандағы ынтымақтастық бөлімінің басшысы Йоханнес Баур ЕО-ның аймақты қолдауға деген міндеттемесінің маңызды екенін атап өтті.

    «Еуропалық Одақ қақтығыстардан зардап шеккен балаларды қорғау және қайта интеграциялау жөніндегі Қазақстанның әрекетін қолдауда сенімді серіктес болып табылады. ЮНИСЕФ-пен және Қазақстан үкіметімен ынтымақтастығымыз білім беру, денсаулық сақтау және балалардың құқықтарын қорғау саласындағы қызметтердің сапасын жақсартуда маңызды рөл атқарады», – деді ол.

  • СҚО-да аудан әкімінің орынбасары пара алғаны үшін сотталды

    СҚО-да аудан әкімінің орынбасары пара алғаны үшін сотталды

    СҚО-да аудан әкімінің орынбасары пара алғаны үшін сотталды, деп хабарлайды Антикор.

    Антикордың хабарлауынша, 2024 жылдың 30 қазанында Петропавл қалалық соты Солтүстік Қазақстан облысы Тайынша ауданы әкімінің орынбасары, аудандық ТКШ бөлімінің басшысы және ЖШС директорына қатысты үкім шығарды.

    «Аудан әкімінің орынбасары және аудандық ТКШ бөлімінің басшысы аудандық маңызы бар жолдарды ағымдағы жөндеу бойынша орындалған жұмыстар актілеріне кедергісіз қол қойғаны үшін 10 млн теңге көлемінде пара алғаны үшін, ал ЖШС директоры пара бергені үшін кінәлі деп танылды», – делінген хабарламада.

    Сот үкімімен аудан әкімінің орынбасары 7 жыл 6 айға бас бостандығынан айырылды, аудандық ТКШ бөлімінің басшысы – 7 жылға, ЖШС директоры – 3 жыл 6 айға сотталды. Бұдан басқа, сотталғандарға мемлекеттік қызметте және квазимемлекеттік сектор субъектілерінде қызмет атқаруға өмір бойы тыйым салынды.

    Сот актісі заңды күшіне енген жоқ.