Sona.kz

Метка: Басты оқиғалар

  • Анкарадағы теракт құрбандарының саны бес адамға жетті

    Анкарадағы теракт құрбандарының саны бес адамға жетті

    Түркия Ішкі істер министрлігінің басшысы Али Ерликая TRT Haber телеарнасының эфирінде Анкарадағы лаңкестік әрекеттен қаза тапқандар саны бес адамға жеткенін, тағы 22 адам жарақат алғанын мәлімдеді, деп хабарлайды ТАСС ақпарат агенттігі.

    «Терактіде қаза тапқандар саны 5 адамға жетті, зардап шеккендердің жалпы саны 22 адам, оның үшеуі ауруханадан шығарылды. Біздің бағалауымызша, шабуыл Күрдістан жұмысшы партиясының әрекетімен байланысты болуы мүмкін. Шабуылдаушыларды анықтағаннан кейін біз ақпарат және басқа да дәлелдермен бөлісеміз», — деді министр.

    Ол сондай-ақ Түркия президенті Режеп Тайип Ердоғанның шабуыл туралы ақпарат түскен сәттен бастап қауіп жойылғанға дейін ақпарат алып отырғанын айтты.

  • Президент Режеп Ердоғанға көңіл айтты

    Президент Режеп Ердоғанға көңіл айтты

     Мемлекет басшысы Анкара қаласының маңындағы TUSAŞ аэроғарыш корпорациясының ғимаратына жасалған лаңкестік шабуыл салдарынан бірнеше адамның қаза табуына байланысты Түркия Президенті Режеп Тайип Ердоғанға көңіл айтты.

    Бұл туралы Ақорданың баспасөз қызметі хабарлады.

    – Суыт хабарды терең күйзеліспен қабылдадым. Қазақстан бейбіт тұрғындарға қарсы қастандық әрекетті қатаң айыптайды. Осындай ауыр сәтте Сізге және барша түрік халқына, сондай-ақ қайтыс болған азаматтардың жақын туыстарына қайғырып көңіл айтамын. Марқұмдардың жаны жаннатта болсын. Зардап шеккендердің тезірек сауығып кетуіне тілектестік білдіремін, – деп жазылған жеделхатта.

  • Анкарада теракт болды

    Анкарада теракт болды

     Түркияның Анкара қаласында әскери ұшақтар мен ғарыш техникасын шығаратын «TUSAŞ» корпорациясы ғимаратының маңында теракт болды. Бұл лаңкестік әрекетті ұйымдастырды деген екі күдікті мерт болды, тағы бір адам бостандықта жүргені айтылады. Бұл туралы Түркияның Sabah агенттігі хабарлады.

    Басылымның хабарлауынша, жергілікті уақытпен сағат 15:20 шамасында Анкараның Кахраманказан ауданындағы «TUSAŞ» корпорациясы ғимаратының жанында бомба жарылды. Жарылыстар мен оқ даусын естіген қауіпсіздік күштері, өрт сөндірушілер мен жедел жәрдем бригадалары оқиға орнына дереу жеткен.

    Түркия Ішкі істер министрі Али Ерликая екі лаңкестің (әйел адам және ер адам) көзі жойылғанын растап, олардың аты-жөні анықталып жатқанын хабарлады. Ол сондай-ақ, соңғы лаңкес жойылғанға дейін күрестің жалғасатынын айтып, ресми ақпарат көздерінің мәлімдемелеріне құлақ түруді сұрады.

    Біз лаңкестерді анықтауды жалғастырудамыз, олардың кім екенін анықтағаннан кейін олардың қай лаңкестік ұйымға жататынын хабарлаймыз, – деді министр.

    Ел президенті Режеп Тайып Ердоған БРИКС саммиті аясында Ресей президенті Владимир Путинмен кездесуінде 4 адамның қаза тауып, 14 адамның жараланғанын хабарлады.

    – Осы жантүршігерлік лаңкестік әрекетті айыптаймын, шейіттерімізге Алладан рақым тілеймін, – деді.

    Елдің Әділет министрі Йылмаз Тунчтың айтуынша, Анкара Бас прокуратурасы лаңкестік әрекетке қатысты тергеуді бастап, оқиғаны тергеуге бас прокурордың 1 орынбасары мен 8 прокурор тағайындалған.

  • Алдағы демалыс күндері ауа райы қандай болады?

    Алдағы демалыс күндері ауа райы қандай болады?

    Болжам бойынша, алдағы үш тәулікте Қазақстанның басым бөлігінде циклонның әсерінен тұрақсыз ауа райы сақталады, 24 қазанда жауын-шашын (жаңбыр, қар) күтіледі, республиканың оңтүстік-шығысында нөсер жауады, таулы аймақтарда жауын-шашын (жаңбыр, қар) болады.

    «Республиканың барлық аумағында жел күшейеді, тұман және көктайғақ күтіледі, температура режимінде айтарлықтай өзгерістер күтілмейді», – делінген хабарламада.

  • Жамбыл облысында бірнеше ауыл әкімі жауапқа тартылды

    Жамбыл облысында бірнеше ауыл әкімі жауапқа тартылды

    Ақпаратқа сәйкес, экология департаменті мен жергілікті атқарушы органдардың қызметіне тексеру жүргізілген. Оның нәтижесінде қалдықтарды басқару, оларды орналастыру және сұрыптау көлемін есепке алу мәселесінде жүйелі бұзушылықтар анықталды.

    Облыстың 24 полигоны экологиялық рұқсатсыз жұмыс істегені, 100-ден на астам полигон жыл сайынғы есептілікті тапсырмайтыны анықталды. Бұл қалдықтардың көлемі бойынша ресми статистика мәліметтерінің бұрмалануына әкелді, – делінген прокуратура хабарламасында.

    Прокуратураның араласуынан кейін Жамбыл, Тұрар Рысқұлов, Мойынқұм, Қордай аудандарында қалдықтардың пайда болуы мен жинақталу нормаларын бекіту мәселелері бойынша тиісті актілер, сондай-ақ Жуалы, Талас, Рысқұлов аудандары мен Тараз қаласында тарифтерді бекіту шаралар қабылданды.

    Жүргізілген жұмыстың қорытындысы бойынша стихиялық қоқыс үйінділері үшін 9 аудан әкімінің орынбасары мен ауылдық округ әкімдері әкімшілік жауаптылыққа тартылды, – делінген хабарламада.

    Сондай-ақ, Жамбыл облысының бас мемлекеттік экологиялық инспекторының міндетін атқарушы тәртіптік жауапкершілікке тартылды.

  • Алматы облысында төрт жігіт кәмелетке толмаған қызды зорлаған

    Алматы облысында төрт жігіт кәмелетке толмаған қызды зорлаған

    Алматы облыстық полиция департаменті кәмелетке толмаған қызға зорлық көрсету фактісі бойынша төрт күдікті ұсталғанын мәлімдеді.

    Алдымен бұл оқиға туралы ақпарат әлеуметтік желіде таралды. Ақпаратқа сүйенсек, қазан айының ортасында Тұздыбастау ауылында 18 бен 23 жас аралығындағы төрт жігіт 16 жастағы қызды зорлады деген күдікке ілінген.

    Кейін облыстық полиция департаменті кәмелетке толмаған қызды зорлау фактісі бойынша қылмыстық іс қозғалғанын мәлімдеді.

    Жедел-іздестіру іс-шаралары барысында полиция қызметкерлері жедел іздестіру шараларын жүргізіп, төрт күдіктіні де анықтап, ұстады және уақытша ұстау изоляторына қамады.Қазіргі уақытта қылмыстың барлық мән-жайларын объективті зерттеуге бағытталған барлық қажетті тергеу әрекеттері жүргізілуде. Тергеу барысы облыстық полиция департаментінің бақылауында, — делінген облыстық ПД баспасөз қызметінің мәліметінде.

  • Тергеу изоляторынан қашқан күдікті: Өз ісіне салғырт қарағаны үшін кім жазаланады?

    Тергеу изоляторынан қашқан күдікті: Өз ісіне салғырт қарағаны үшін кім жазаланады?

    Бұл мәселеге қатысты журналистердің сұрағына Ішкі істер министрлігі басшысының орынбасары Игорь Лепеха пікірін білдірді.

    Айта кету керек, Талғарда уақытша ұстау изоляторынан зорлау қылмысы бойынша күдіктінің қашып кеткеніне қатысты өз ісіне салғырт қараған қызметкерлердің үстінен қылмыстық іс қозғалды.

    Ішкі істер министрлігі басшысының орынбасары Игорь Лепеха қазірдің өзінде кінәлілерге қатысты қызметтік тергеу басталғанын айтты.

    «Біз бұл бойынша жұмыс істеп жатырмыз. Күдіктіні іздеуді жалғастырамыз. Барлық шара қолданылады. Барлығы жазаланады, өз ісіне жауапкершілікпен қарамағандар үстінен іс қозғалды, біз кінәлілерді жауапқа тартамыз», – деді Игорь Лепеха.

     

     

    Посмотреть эту публикацию в Instagram

     

    Публикация от SONA.KZ — НОВОСТИ КАЗАХСТАНА (@sonanews.kz)

  • Атырау облысы әкімінің орынбасары тағайындалды

    Атырау облысы әкімінің орынбасары тағайындалды

    Дарын Шамұратов Атырау облысы Индер ауданының әкімі қызметінен босатылып, облыс әкімінің орынбасары болып тағайындалды.

    “Бүгін Қазақстан Республикасы Президенті Әкімшілігінің келісімімен, облыс әкімінің өкімімен Дарын Дүйсембайұлы Шамұратов Атырау облысы әкімінің орынбасары лауазымына тағайындалды” делінген облыс әкімінің баспасөз қызметі хабарлаасында.

    Ол тағайындалғанға дейін Индер ауданының әкімі лауазымын атқарған.

    Дарын Шамұратов М. Өтемісов атындағы Батыс Қазақстан мемлекеттік университетін «география» мамандығы бойынша, Батыс Қазақстан инженерлік-гуманитарлық университеті «қаржы» мамандығы бойынша бітірген.

    02.2009-05.2009 жылдар аралығында – Бөдене ауылдық округі әкімі аппаратының бас маманның міндетін уақытша атқарушы

    05.2009-12.2009 жылдар аралығында – Бөдене ауылдық округі әкімі аппаратының бас маманы

    12.2009-09.2012 жылдар аралығында – Индер ауданы әкімі аппаратының жалпы бөлімінің бас маманы

    09.2012-25.10.2012 жылдар аралығында – Индер ауданы әкімі аппаратының жалпы бөлімінің меңгерушісі

    10.2012-08.2017 жылдар аралығында – Индер ауданы әкімі аппаратының басшысы

    08.2017-04.2021 жылдар аралығында – Индер ауданы әкімінің аппараты, аудан әкімінің орынбасары;

    04.2021- 09.2022 жылдар аралығында Атырау облысы әкімі аппараты басшысының орынбасары болып жұмыс істеді.

    Тағайындалғанға дейін Индер ауданының әкімі лауазымын атқарды.

  • Ақтау тұрғындары жолды жауып тастады

    Ақтау тұрғындары жолды жауып тастады

    Ақтаудағы 39-шағын ауданның тұрғындары жолды жауып, әкіммен кездесуді талап етті. Олар пәтерлерінің суықтығына шағымданбақ болды.

    Әлеуметтік желілерде Ақтау көшесінде айғай-шу бейнеленген бейнеролик тарап жатыр. Үйлердің бірінің тұрғындары пәтерлерінде жылудың болмауына байланысты жолды жауып тастағаны белгілі болды. Олар қала әкімімен кездесуді талап етті.

    «Біз уәделерден шаршадық. Олар жылуды ертең береміз дейді, ал біз тоңып қалдық, балалар қатып қалды. Сіз коттеджде тұратын шығарсыз», – деді тұрғындар.

    Lada.kz деректері бойынша Ақтау қаласының әкімі Әбілқайыр Байпақов тұрғындардың митингісіне келіп, мәселені шешуге уәде берген. Онымен кездесуге «K7 group» құрылыс салушы компанияның өкілі де қатысқан.

    Мердігерге нақты тапсырмалар берілді. Құрылыс компаниясы өз міндеттемелерін орындауға уәде берді. Сондай-ақ тұрғындар тұтынылған газ үшін тұрғын үйге қызмет көрсету бойынша осьтің берешегі туралы мәселені көтерді, – деп хабарлады әкімдіктің баспасөз қызметі.

    Әкім тұрғындардан енді жолды жауып тастамауды сұрады.

  • Елдос Сметовтың бапкері мен Нұрдәулет Жұмағалидың айлығына 4 млн теңге қосылды

    Елдос Сметовтың бапкері мен Нұрдәулет Жұмағалидың айлығына 4 млн теңге қосылды

    Келесі айдан бастап Әлем чемпионатының жеңімпазы Жарқынай Рахымбаева және қола жүлдегер Серғали Әбілда, биылғы Паралимпиаданың паражүзуден күміс жүлдегері Нұрдәулет Жұмағали мен бапкері Саттар Бейсембаевтың жалақысы өседі. Ал Елдос Сметовтың бапкері келесі олимпиадаға дейін ай сайын 4 млн теңге қосымша жалақы алады. Осы аптада өткен Жамбыл облыстық мәслихатының сессиясында осындай шешім қабылданды.

    Жарқынай Рахымбаева және Серғали Әбілда 16-26 тамыз аралығында Кишинев қаласында өткен жарыста армрестлингтен жүлдегер атанған болатын.

    Жүлдегерлер жалақысының көтерілуі Жамбыл облысы әкімдігінің 2017 жылғы 27 қарашадағы N262 қаулысына сәйкес жүзеге асты. Енді Жарқынай Рахымбаеваның бұған дейін алып келген жалақысына — 162 448 теңге, Серғали Әбілданың жалақысына — 81 244 теңге, Нұрдәулет Жұмағалидың жалақысына — 2 148 744 теңге, Саттар Бейсембаевтың жалақысына — 974 668 теңге қосылады.

    Бапкер Саттар Бейсембаев осыған дейін 385 044 теңге жалақы алып келсе, Нұрдәулет Жұмағалидың жалақысы 1 271 812 теңге көлемінде болған.

    Тағы бір айтары, Олимпиада ойындарының алтын жүлдегері Елдос Сметовтың жаттықтырушысы Ғалымжан Жылгелдиевтің де жалақысына қыркүйек айынан бастап 4 млн теңге қосылды. Бұл Спорт және дене шынықтыру агенттігі төрағасының 2014 жылғы 28 шілдедегі бұйрығына сәйкес жүзеге асты.

    Жамбыл облыстық экономика және бюджеттік жоспарлау басқармасының мамандары бұл — спортшылардың әлемдік додаларда жүлде алуына байланысты жалақысына автоматты түрде қосылатын төлем екенін айтады.

    Ал, Елдос Сметовтың жалақысына әл-әзірге ешқандай ақша қосылған жоқ. Сметов облыс әкімінің қаулысына сәйкес ең жоғары жалақы — 2 684 000 теңге алады.

    Енді Жамбыл облыстық спорт басқармасы қаулыға өзгерістер енгізіп, чемпионның да жалақысын көтеруге қадамдар жасап жатыр. Бұл келесі жылдан бастап іске асуы мүмкін.