Sona.kz

Метка: Басты оқиғалар

  • Маңғыстауда үлескерлердің қаражатын заңсыз тарту ісі бойынша тергеу аяқталды

    Маңғыстауда үлескерлердің қаражатын заңсыз тарту ісі бойынша тергеу аяқталды

    Маңғыстау облысы бойынша Қаржылық мониторинг агенттігінің департаменті «Өзен машина жасау зауыты» ЖШС басшылығына қатысты азаматтардың қаражатын үлестік құрылыс ретінде заңсыз тарту фактісі бойынша тергеуді аяқтады, деп хабарлайды Sona.kz afm_rk-ға сілтеме жасап.

    Ведомство мәліметінше, компания басшылығы екі жыл бойы Жаңаөзен қаласында орналасқан «Astana Rich Village» тұрғын үй кешенінің құрылысын рұқсат құжаттарынсыз, жобалық-сметалық құжаттамасыз, мемлекеттік сараптама мен авторлық қадағалаусыз жүргізген.

    Ақша тарту мақсатында әртүрлі интернет-пәтерлердің нарықтан төмен бағамен сатылатыны туралы жарнама жарияланған.

    Нәтижесінде 23 азаматпен жалған алдын ала сатып алу-сату шарттары жасалған.
    Заңсыз тартылған қаражат көлемі 303 млн теңгеден асты.

    Түскен ақша күдіктілер тарапынан құрылыс материалдарын сатып алғандай етіп қолма-қол шығарылып, шын мәнінде жеке қажеттіліктеріне жұмсалған.
    Тұрғын үй құрылысы аяқталмаған.

    Залалды өтеу мақсатында сот санкциясымен күдіктілердің мүлкіне  тұрғын үй, пәтер, екі автокөлік және үш жер учаскесіне тыйым салынды.
    Күдіктілердің бірі қамауға алынды, бірі кепілде.

    Басқа ақпарат ҚПК-нің 201-бабына сәйкес жариялануға жатпайды.

  • Көлсай көлдері маңында болған жол апатынан Филиппин азаматы қаза тапты

    Көлсай көлдері маңында болған жол апатынан Филиппин азаматы қаза тапты

    Көлсай көлдері ауданында өліммен аяқталған жол-көлік оқиғасы тіркелді. Ақпаратты туристер тобының жетекшісі растады. Оның мәліметінше, Саты ауылының тұрғынына тиесілі көлік саяхатшыларды Қайыңды көліне қарай алып бара жатқан. Алдын ала болжам бойынша, жүргізуші белгіленген жылдамдықты асырғаннан кейін көлікті басқара алмай қалған. Автомобиль тайып, аударылған, деп хабарлайды Sona.kz CHECK_POINT.KZ сілтеме жасап.

    Алматы облысы полиция департаментінің деректеріне сәйкес, оқиға 30 қарашада болған. Toyota Sequoia автокөлігінің аударылуы салдарынан Филиппин азаматы оқиға орнында көз жұмды. Тағы бес жолаушы түрлі жарақат алып, аудандық ауруханаға жеткізілді.

    Жүргізуші ұсталып, уақытша ұстау изоляторына қамалды. Факт бойынша ҚР Қылмыстық кодексіне сәйкес сотқа дейінгі тергеу жүргізіліп жатыр. Құқық қорғау органдары оқиғаның себептері мен мән-жайларын анықтап жатыр.

  • ШҚО-дағы арнайы медорталықтың жертөлесінен күмәнді заттар табылды

    ШҚО-дағы арнайы медорталықтың жертөлесінен күмәнді заттар табылды

    Өскемендегі Абай даңғылында орналасқан арнайы медициналық орталықтың жағдайы әлеуметтік желілерде қайта талқыланып жатыр. Бұған дейін желіде жертөледегі өту жолының күйі туралы видео тараған еді. Кадрларда – дымқылдық, көгеру, тот басқан құбырлар және қабырғалардың ескіргені байқалады, деп хабарлайды Sona.kz сілтеме жасап Halyqstan.

    Кейін осы жертөледен шприцтер мен тыйым салынған заттарды тұтынуға арналған болуы мүмкін құрылғылар табылғаны хабарланды. Видео авторының айтуынша, бұл жерде «есірткі еге және тартады» деген күдік бар.

    ШҚО полиция департаментінің мәліметінше, полиция қызметкерлері оқиға орнына барып, барлық табылған заттарды тіркеген.

    «Тексеру барысында тыйым салынған немесе есірткі заттары анықталған жоқ. Қазіргі уақытта барлық мән-жайды анықтау бойынша шаралар жүргізіліп жатыр», — делінген хабарламада.

    Даулы видеолардан кейін орталықтың нөлінші қабаты уақытша жабылды.

    Еске салайық, орталықта хирургия бөлімшесінде жөндеу жұмыстары жалғасып жатыр. Пациенттер шаңның көптігінен тыныс алудың қиындағанын айтады. Ал құрылысшылардың қоқысты терезеден көшеге тастағаны туралы да бейнематериалдар жарияланған.

    Бұған қоса, Шемонаиха аудандық орталық ауруханасының инфекциялық бөліміне қатысты шағымдардан кейін бірінші орынбасар әкім Жақсылық Омар барып, жағдайды тексерді. Шағымдар расталып, қазір нысанды күрделі жөндеуге арналған жобалық-сметалық құжаттама әзірленіп жатыр.

  • Белгілі философ Жабайхан Әбділдин өмірден өтті

    Белгілі философ Жабайхан Әбділдин өмірден өтті

    93 жасында көрнекті қазақстандық философ, қоғам қайраткері, диалектикалық логика қазақстандық ғылыми мектебінің негізін қалаушылардың бірі Жабайхан Әбділдин дүниеден өтті. Ғалым ем қабылдау үшін жеткізілген Ыстанбұл қаласында өмірден озды, деп хабардайды Sona.kz Kazinform-ға сілтеме жасап

    Жаназа 5 желтоқсанда Астанадағы Орталық мешітте өтеді.

    Жабайхан Мұбаракұлы Әбділдин – заманауи ойдың көрнекті өкілі, академик, Қазақстан ғылым академиясының вице-президенті, философия, логика және ғылым методологиясы бойынша бірқатар іргелі еңбектердің авторы. Ол елдегі гуманитарлық ғылымның дамуына айтарлықтай үлес қосып, көптеген жас ғалымдарға ұстаз болды.

    Ғалым ғылым мен қоғам дамуына қосқан еңбегі үшін «Барыс» және «Парасат» ордендерімен марапатталған.

  • Жәнібек Әлімханұлының ағзасынан тыйым салынған зат табылды: WBO тергеу бастады

    Жәнібек Әлімханұлының ағзасынан тыйым салынған зат табылды: WBO тергеу бастады

    VADA (Ерікті допингке қарсы қауымдастық) қазақстандық боксшы Жәнібек Әлімханұлының ағзасынан тыйым салынған зат анықтады. Алғашқы мәліметтер бойынша, бұл мельдоний болуы мүмкін. Осыған байланысты Бүкіләлемдік бокс ұйымы (WBO) ішкі тергеу жүргізу туралы хабарлады.

    WBO ресми мәлімдемесінде былай делінген:
    «WBO ережелері мен регламентіне сәйкес, сондай-ақ адалдық, спортшылардың қауіпсіздігі және әділ бәсекелестік қағидаттарына берілгендігімізді растай отырып, ұйым ішкі тергеу үдерісін бастайды».

    Әлімханұлы – Лара жекпе-жегі 6 желтоқсанда АҚШ-та өтеді деп жоспарланған еді. Айқаста үш чемпиондық белдік сарапқа салынуы тиіс болатын.

  • Петропавлда гимназия директоры мектеп асханасындағы антисанитария үшін қызметінен босатылды

    Петропавлда гимназия директоры мектеп асханасындағы антисанитария үшін қызметінен босатылды

    Солтүстік Қазақстан облысында Петропавлдағы Абай атындағы гимназияның ата-аналары асхананың жағдайына қатысты шағымданғаннан кейін мектеп асханаларына кең ауқымды тексерулер жүргізілуде. Ата-аналардың айтуынша, асханада санитарлық талаптар сақталмаған, тағам сапасы көңіл көншітпеген, сондай-ақ таракандар байқалған, деп хабарлайды Sona.kz Halyqstan-ға сілтеме жасапю

    Облыс әкімдігінің мәліметінше, мектеп директоры бақылауды дұрыс жүргізбегені үшін қызметінен босатылды. Асхананы жалға алған кәсіпкермен келісімшартты бұзу рәсімі басталды. Жақын күндері мектеп асханасын ұйымдастыру бойынша жаңа конкурс жарияланбақ.

    Әкімнің тапсырмасымен арнайы ведомствоаралық комиссия құрылды, ал әр мектепте ата-аналардың қатысуымен бракераждық комиссия жұмыс істейді. Жағдай облыс басшылығының жеке бақылауында.

    Еске салайық, қараша айының соңында Алматыда асханасынан таракандар табылғаннан кейін балабақша жұмысы уақытша тоқтатылған еді. Тәрбиеленушілер өзге мекемелерге орналастырылды.

  • «Даму» қоры «Өрлеу» бағдарламасы аясында цифрлық теңгемен алғашқы жеңілдетілген несие берді

    «Даму» қоры «Өрлеу» бағдарламасы аясында цифрлық теңгемен алғашқы жеңілдетілген несие берді

    Кәсіпкерлікті дамыту қоры «Даму» ҚР Ұлттық банкінің қолдауымен «Өрлеу» бағдарламасы аясында цифрлық теңгемен алғашқы жеңілдетілген несиені ұсынды. Несие Halyk Bank арқылы 12,6% жылдық мөлшерлемемен берілді, деп хабарлайды Sona.kz Экономика министрлігіне сілтеме жасап.
    Алғашқы клиент — павлодарлық кәсіпкер Виталий Кремберг. Жоба мысықтарға арналған гигиеналық толтырғыш ретінде қолданылатын, сондай-ақ құрылыс, ауыл шаруашылығы және экологиялық мақсаттарда пайдаланылатын гранула/абсорбент өндіретін кәсіпорын салуға бағытталған.
    Кәсіпкер заманауи технологияларды қолдану мақсатында цифрлық теңгедегі жаңа қаржы өнімін таңдаған.
    Цифрлық теңгемен берілетін несиенің артықшылықтары:
    •қашықтан рәсімдеу;
    •өтінімді жедел қарау және қаражатты тез аудару;
    •мемлекеттік бағдарламалар талаптарының ашық орындалуы;
    •салықтық тексерулердің болмауы, әкімшілік және қаржылық шығындардың азаюы;
    •ҚҚС қайтару мерзімінің 55–75 күннен 15 жұмыс күніне дейін қысқаруы.
    Инвестиция көлемі  250 млн теңге, мерзімі  7 жыл, мөлшерлемесі  12,6%. Қаражатқа жер учаскесін сатып алу, өндірістік ғимарат салу және жабдықтар алу жоспарланған. Алғашқы жылы шамамен 10 жұмыс орны ашылады. Жылдық қуат 1200–1400 тонна.
    Несие беру «Даму» қоры мен Halyk Bank арасындағы МСБ-ны, оның ішінде цифрлық теңгемен қаржыландыруды көздейтін келісім аясында жүзеге асырылды.
    Цифрлық теңге — ҚР Ұлттық банкі ғана шығаратын ұлттық валютаның электрондық нұсқасы.
    «Өрлеу» бағдарламасына қатысу үшін кәсіпкерлер аталған бағдарламаға қатысушы екінші деңгейлі банктерге жүгіне алады. Қазіргі таңда Halyk Bank, Bank CenterCredit, ForteBank, Bereke Bank, Еуразиялық банк, Freedom Bank, Nurbank, RBK Bank және KZI Bank-пен келісімдер жасалған. Сонымен қатар кәсіпкерлер «Даму» қорының кепілдігін пайдалана алады.
  • Куандық Бишімбаевтің бұрынғы жұбайы туған күнінде бұрынғы күйеуінен екі талап-арыз алғанын айтты

    Куандық Бишімбаевтің бұрынғы жұбайы туған күнінде бұрынғы күйеуінен екі талап-арыз алғанын айтты

    Экономика министрлігінің бұрынғы басшысы, қазір сотталып жатқан Қуандық Бишімбаевтің бұрынғы жұбайы Назым Қахарман туған күніне орай күтпеген «сыйлық» алғанын хабарлады. Бұл туралы ол Instagram парақшасында жазды.

    Назымның айтуынша, мерекелік күн жақсы басталған: ұлы түн ортасында құттықтаған, қызы таңертең оятып сүйген, ал үлкен баласы шоколадқа батырылған құлпынай мен басқа да сыйлықтар жасаған.

    Алайда, оның сөзінше, таңертең тағы бір «сыйлық» келген. Бұрынғы күйеуінен екі талап-арыз жөнелтілген.

    «Өте шұғыл жеткізілім ұйымдастырылыпты, мен күнді екі талап-арызбен бастауым үшін. Бір жыл бұрын біз оның ата-аналық құқығынан айыру мәселесін қарағанда, сот оны сенімхат беруге міндеттеген еді. Ол оны берді, бірақ ол сенімхат он ай ғана тұрды. Тамыз айының соңында ол оны толық қайтарып алды. Енді балалардың өз бетімен сапарға шығуы үшін берілген келісімді де кері қайтарып жатыр», — деді Қахарман.

    Оның пікірінше, бұл қысым көрсету әрекеті.

    «Ол бәрін мәжбүрлеу үшін жасап отыр, балаларды өзімен сөйлесуге мәжбүрлеу, мені де қысымға алу үшін», — деді ол.

    Назым мұны құқықтық процесс емес, психологиялық қысым ретінде қабылдайтынын айтты.

    «Өкінішке қарай, мұндай адамдардан құтылу қиын. Олар соңына дейін жабысып алады. Өзіме не тілеймін? Тек бір нәрсе, қоя салса екен», — деп қорытындылады ол.

  • SCAT әуе компаниясының борттық журналындағы суретке қатысты түсінбеушілік туындады

    SCAT әуе компаниясының борттық журналындағы суретке қатысты түсінбеушілік туындады

    SCAT әуе компаниясының борттық журналында жарияланған фото әлеуметтік желі қолданушыларының назарын аударып, «әдепсіз әрекет» туралы болжамдар туындады. Кадрда адам Ақжар тауларының фонында тұрғаны байқалады, алайда ракурстың ерекшелігі қате түсінікке себеп болған, деп хабарлайды Sona.kz Hola.kz-ке сілтеме жасап.

    Улытау облысының әкімдігі бұл пайымдауларды жоққа шығарып, фотоға түсірілген адамның дрон операторы екенін мәлімдеді.

    «Оның шалбарының түсі мен түсіру ракурсы ландшафт реңкімен сәйкес келіп, жаңсақ визуалды әсер тудырған», — деп хабарлады әкімдік.

    Талқылау күшейгеннен кейін авиакомпания сурет жарияланған бетті өшірді. Компания бұл қадамды түсінбеушіліктің әрі қарай жалғасуына жол бермеу үшін жасағанын атап өтті.

  • Алматыда казинодан 4 млн теңге ұтқан ер адам алимент төлемегені үшін бір жылға сотталды

    Алматыда казинодан 4 млн теңге ұтқан ер адам алимент төлемегені үшін бір жылға сотталды

    Алматы қаласының прокуратурасы кәмелетке толмағандардың алимент алу құқығын қорғау бағытында жұмыстарды жалғастырып жатыр. Биылғы 10 айда қаладағы 16 мың баланың пайдасына 1 млрд теңгеден астам алимент берешегі өндірілген, деп хабарлайды Sona.kz Azattyq.ruhy-на сілтеме жасап.

    Тексеру барысында алимент бойынша 1,7 млн теңгеден астам қарызы бар азамат анықталды. Прокуратураның дерегінше, ол казинодан 4 млн теңгеден астам қаражат ұтқанымен, үш айдан ұзақ уақыт бойы міндеттемелерін әдейі орындамаған.

    Кәмелетке толмағандардың істері жөніндегі мамандандырылған ауданаралық соттың үкімімен борышкер ҚР Қылмыстық кодексінің 139-бабы бойынша кінәлі деп танылып, бір жылға бас бостандығын шектеу жазасына кесілді.

    Прокуратураның бастамасымен биыл 14 адам алимент төлеуден жалтарды деген күдікпен қылмыстық жауапқа тартылған. Сонымен қатар, ҚР Әкімшілік құқық бұзушылық туралы кодекстің 669-бабы бойынша сот актілерін орындамаған 253 борышкер әкімшілік жауаптылыққа тартылды.

    Прокуратура ата-аналарды балалар алдындағы міндеттерін уақытылы орындауға шақырып, алимент төлеуден жалтарудың әкімшілік те, қылмыстық та жауаптылыққа алып келетінін еске салды.