Sona.kz

Метка: Басты жаңалықтар

  • Өскеменде жол жөндеуге бөлінген 120 млн теңге ұрланды деген

    Өскеменде жол жөндеуге бөлінген 120 млн теңге ұрланды деген

    Шығыс Қазақстан облысы бойынша Қаржылық мониторинг агентігі «Таза Өскемен» ШЖҚ КМК бұрынғы басшылығына қатысты бюджет қаражатын жымқыру дерегі бойынша тергеу жүргізіп жатыр, деп хабарлайды Sona.kz  Қаржылық мониторинг агентігіне сілтеме жасап.

    Күдіктілер қатарында бұрынғы директор, оның орынбасары және жеке кәсіпкер бар. Тергеу мәліметінше, олар 2022–2023 жылдары қызметтік өкілеттіктерін пайдаланып, мемлекеттік сатып алу рәсімдерін өткізбей, бюджет қаражатын өздерімен байланысы бар компанияларға аударып отырған.

    Заңсыз сызбаның мәні — жалған құжаттар арқылы битум, құм сатып алу, су соруға арналған арнайы техника мен орнатылған аялдамаларға материалдар алу жөнінде мәліметтерді рәсімдеу болған.

    Алынған қаражат кейін жеке кәсіпкер арқылы қолма-қол ақшаға айналдырылып, қатысушылар арасында бөлінген.

    Залалдың жалпы сомасы — 120 млн теңгеден асты.

    Тергеу барысында күдіктілердің заңсыз табысқа алған мүлкі — элиталық пәтер, BMW X6M және Subaru Forester автокөліктері, жер телімдері — тәркіленіп, сот санкциясымен тұтқындалды.

    Кәсіпорынның бұрынғы директоры 2 айға қамауға алынды.
    Тергеу жалғасып жатыр.

  • 10 қарашадан бастап салық органдары қазақстандықтардың несиесі туралы мәлімет алады

    10 қарашадан бастап салық органдары қазақстандықтардың несиесі туралы мәлімет алады

    Енді салық органдары азаматтардың микрокаржы және коллекторлық ұйымдар алдындағы берешегі туралы ақпаратты алып отырады, деп хабарлайды Sona.kz Azattyq Rýhy-на сілтеме жасап.

    Қаржы министрлігі жеке тұлғалардың микрокаржы және коллекторлық ұйымдар алдындағы несиелері жөніндегі мәліметтерді беру тәртібін бекітті. 2025 жылғы 10 қарашадан бастап кредиттік бюролар бұл деректерді Мемлекеттік кірістер комитетіне (МКК) ұсынуға міндетті.

    Министрдің 24 қазандағы бұйрығына сәйкес, салық органдары активтері, кірістері, міндеттемелері мен мүлкі туралы декларация тапсыруға тиіс азаматтардың несиелері туралы ақпаратқа қол жеткізеді.

    Мұндай тұлғалардың тізімі жыл сайын 25 қарашаға дейін алдыңғы жылдың 31 желтоқсанындағы деректер негізінде жасалады. Кейін 10 күн ішінде азаматтардың ЖСН-і Smart Data Finance жүйесі арқылы кредиттік бюроларға жіберіледі. Ал бюролар 10 жұмыс күні ішінде МКК-ға кредиттік есептен алынған мәліметтерді ұсынады.

    Оған берешек сомасы, несие шартының күні мен нөмірі, қарыз беруші ұйымның атауы және есепті күнге қалған қарыз көлемі кіреді.

    Бұйрықта атап өтілгендей, комитет пен кредиттік бюролар алынған ақпараттың құпиялылығын сақтауға және оны үшінші тұлғаларға таратпауға міндетті.

    Құжат 10 қарашадан бастап күшіне еніп, 2025 жылғы 31 желтоқсанға дейін қолданыста болады.

  • Қонаевта құны 15 млрд теңгелік заманауи агрокешен іске қосылды

    Қонаевта құны 15 млрд теңгелік заманауи агрокешен іске қосылды

    Қонаев қаласында ауыл шаруашылығы өнімдерін терең өңдеуге бағытталған «Қапшағай Бидай Өнімдері» атты жаңа ірі агрокешеннің ашылу салтанаты өтті. Бұл жоба Алматы облысының аграрлық саласындағы ең ауқымды инвестициялық бастамалардың бірі болып саналады.

    1 қараша күні өткен шараға ауыл шаруашылығы вице-министрі Азат Сұлтанов, облыс әкімі Марат Сұлтанғазиев, қазақстандық және қытайлық бизнес өкілдері қатысты.

    Жаңа өндіріс орнының жалпы инвестиция көлемі 15 млрд теңгеден асты, ал жылдық қуаттылығы 1 миллион тоннадан астам дайын өнім шығаруға жетеді. Бұл кәсіпорын – Қаскелең қаласынан кейін облыстағы екінші ірі өңдеу нысаны.

    Облыс әкімі Марат Сұлтанғазиев кешеннің іске қосылуы өңірдің ауыл шаруашылығы өндірісін жаңа деңгейге көтеретінін айтты:

    «Алматы облысы – еліміздегі ең серпінді дамып келе жатқан өңірлердің бірі. Инфрақұрылымның дамуы мен инвесторларға жасалған қолдау өңдеу саласының өркендеуіне жол ашып отыр. “Қапшағай бидай өнімдері” зауыты — өңдеу және экспорт бағытындағы инновациялық өндірістің жарқын үлгісі», — деді өңір басшысы.

    Ал ауыл шаруашылығы вице-министрі Азат Сұлтанов бұл жобаның Мемлекет басшысының тапсырмасына сай екенін атап өтті:

    «Ауыл шаруашылығы өнімдерін терең өңдеу — Президент қойған нақты міндет. Бұл сала ел экономикасының тиімділігін арттыруға бағытталған. “Қапшағай Бидай Өнімдері” зауыты – мемлекет пен бизнестің ортақ мақсатына жетудегі нақты нәтиже», — деді ол.

    Ашылу рәсімінің соңында қатысушылар зауыттың өндірістік қуатымен танысып, символдық түрде қызыл түймені басып, локомотив гудогын іске қосты — бұл кәсіпорынның ресми іске қосылғанын білдірді.

    Жаңа кешеннің іске қосылуы Алматы облысының агроөнеркәсіптік әлеуетін арттырып, ауыл шаруашылығы өнімдерін терең өңдеу саласында жаңа жұмыс орындарын ашуға және өңірдің экспорттық мүмкіндігін кеңейтуге жол ашады.

  • Қонаев қаласында тұрақты түрде ауыл шаруашылығы жәрмеңкесі өтіп келеді

    Қонаев қаласында жергілікті тұрғындардың азық-түлік өнімдерін қолжетімді бағамен алуына мүмкіндік беретін дәстүрлі ауыл шаруашылығы жәрмеңкесі тұрақты түрде ұйымдастырылып келеді, деп хабарлайды Sona.kz қала әкімдігіне сілтеме жасап.

    Жәрмеңке әр сенбі сайын 1-шағынаудандағы Құрылысшы көшесінде орналасқан «Алға» базарының аумағында өтеді. Мұнда қала тұрғындары мен қонақтары тікелей ауыл шаруашылығы тауарын өндірушілерден сапалы және жаңа өнімдерді сатып ала алады.

    Жәрмеңке орындарының саны:
    • Қыс мезгілінде – 70–80 сауда орны
    • Жаз мезгілінде – 150-ге дейін

    Негізгі өнімдер мен бағалар:
    • ? картоп – 170–200 теңге (сортқа байланысты)
    • ? пияз – 100 теңге
    • ? сәбіз – 130–200 теңге
    • ? қырыққабат – 130–150 теңге

    Сондай-ақ, жәрмеңкеде ет, сүт, жұмыртқа, бал және жеміс-жидек өнімдері әлеуметтік бағада сатылады. Бұл өнімдер тікелей фермерлер мен өндірушілерден жеткізіледі.

    Жәрмеңкеге Қонаев қаласының, Іле, Талғар және Еңбекшіқазақ аудандарының кәсіпкерлері қатысады. Олар өз өңірлерінде өндірілген экологиялық таза өнімдерді тұрғындарға ұсынады.

    Қала әкімдігі тұрғындарды жәрмеңкеге белсенді қатысуға шақырып, жергілікті өнімдерді қолдаудың маңыздылығын атап өтті. Мұндай бастамалар ішкі нарықтағы бағаны тұрақтандыруға және шағын кәсіпкерлерді қолдауға мүмкіндік береді.

    «Алға» базарындағы жәрмеңке — халық пен фермер арасындағы сенімді көпір. Мұнда өнім тікелей өндірушіден тұтынушыға жеткізіледі, делдалсыз сауда жасалады. Бұл өз кезегінде бағаның өспеуіне ықпал етеді», – дейді ұйымдастырушылар.

  • Қонаев қаласында тұрақты түрде ауыл шаруашылығы жәрмеңкесі өтіп келеді

    Қонаев қаласында тұрақты түрде ауыл шаруашылығы жәрмеңкесі өтіп келеді

    Қонаев қаласында жергілікті тұрғындардың азық-түлік өнімдерін қолжетімді бағамен алуына мүмкіндік беретін дәстүрлі ауыл шаруашылығы жәрмеңкесі тұрақты түрде ұйымдастырылып келеді, деп хабарлайды Sona.kz қала әкімдігіне сілтеме жасап.

    Жәрмеңке әр сенбі сайын 1-шағынаудандағы Құрылысшы көшесінде орналасқан «Алға» базарының аумағында өтеді. Мұнда қала тұрғындары мен қонақтары тікелей ауыл шаруашылығы тауарын өндірушілерден сапалы және жаңа өнімдерді сатып ала алады.

    Жәрмеңке орындарының саны:
    • Қыс мезгілінде – 70–80 сауда орны
    • Жаз мезгілінде – 150-ге дейін

    Негізгі өнімдер мен бағалар:
    • ? картоп – 170–200 теңге (сортқа байланысты)
    • ? пияз – 100 теңге
    • ? сәбіз – 130–200 теңге
    • ? қырыққабат – 130–150 теңге

    Сондай-ақ, жәрмеңкеде ет, сүт, жұмыртқа, бал және жеміс-жидек өнімдері әлеуметтік бағада сатылады. Бұл өнімдер тікелей фермерлер мен өндірушілерден жеткізіледі.

    Жәрмеңкеге Қонаев қаласының, Іле, Талғар және Еңбекшіқазақ аудандарының кәсіпкерлері қатысады. Олар өз өңірлерінде өндірілген экологиялық таза өнімдерді тұрғындарға ұсынады.

    Қала әкімдігі тұрғындарды жәрмеңкеге белсенді қатысуға шақырып, жергілікті өнімдерді қолдаудың маңыздылығын атап өтті. Мұндай бастамалар ішкі нарықтағы бағаны тұрақтандыруға және шағын кәсіпкерлерді қолдауға мүмкіндік береді.

    «Алға» базарындағы жәрмеңке — халық пен фермер арасындағы сенімді көпір. Мұнда өнім тікелей өндірушіден тұтынушыға жеткізіледі, делдалсыз сауда жасалады. Бұл өз кезегінде бағаның өспеуіне ықпал етеді», – дейді ұйымдастырушылар.

  • Қонаевта Республика күніне орай «Менің елім – менің туым» патриоттық акциясы бастау алды

    Қонаевта Республика күніне орай «Менің елім – менің туым» патриоттық акциясы бастау алды

    Республика күні қарсаңында Алматы облысында «AMANAT» партиясы жанындағы «Жастар рухы» жастар қанатының бастамасымен дәстүрлі «Менің елім – менің туым» патриоттық акциясы басталды.

    Қонаев қаласында «Жастар рухы» белсенділері және Қонаев қаласы әкімдігі бірлесе биік тұрғын үй кешендерінің қасбетіне Мемлекеттік Туды іліп, тұрғындарға мерекелік көңіл күй сыйлады. Іс-шараға 50-ге жуық белсенді жас қатысты.

    «AMANAT» партиясы Алматы облыстық филиалы атқарушы хатшысының орынбасары Аслан Кубентаевтың айтуынша, акция аясында өңір бойынша 500-ге жуық Ту ілінуі жоспарланып отыр.

    «Бұл бастама елімізде төртінші жыл қатарынан өткізіліп келеді. Акцияның мақсаты – Мемлекеттік Туды насихаттау және патриоттық рухты күшейту. Қазіргі таңда 100-ден астам тұрғын өз балкондарына Ту іліп, бастаманы қолдады. Акция кең ауқымда жалғасуда, оған қатысушылар саны күн сайын артып келеді», – деді Аслан Кубентаев.

    Патриоттық бастамаға тек жастар қанатының белсенділері ғана емес, қарапайым тұрғындар да белсенді қатысып жатыр. Олар Туды үйлерінің балкондарына, қоғамдық орындарға, тіпті көліктеріне орнатуда.

    Кәсіпкерлер де шет қалмай, Мемлекеттік Туды дүкендеріне, мейрамханаларына, өндірістік цехтары мен шаруа қожалықтарына ілуде. Акцияға белгілі кәсіпкер, «Дәулет-Бекет» түйе шаруашылығының иесі Сыдық Дәулетов те қосылды.

    «Қай елдің де, қай мемлекеттің де ең ұлы арманы – тәуелсіздік пен еркіндік.
    Ғасырлар бойы түрлі зұлмат пен қысым көрген халқымызға да көптен күткен Азаттық таңы атты. Асыл ұлдарын құл қылсам, сұлу қыздарын күң етсем, байтақ жері мен сансыз байлығын иеленсем деген талай ашкөздердің арманы орындалмады. Бүгін Тәуелсіздігін алған еліміз – дүниежүзінде аумағы жөнінен тоғызыншы орында, Біріккен Ұлттар Ұйымының толыққанды мүшесі және барлық мемлекеттермен терезесі тең тәуелсіз елге айналды. Халқымыздың зарығып, тарығып, сарыла күткен Ұлы күні құтты болсын!» – деді ол.

    Айта кетейік, алдағы күндері де Республика күніне арналған түрлі игі іс-шараларды жалғастырып, тұрғындарға мерекелік көңіл күй сыйлауды жоспарлап отыр.

  • Қонаевта Республика күні тойланды

    Қонаевта Республика күні тойланды

    Қонаев қаласында Республика күні және Қазақ КСР-нің Мемлекеттік егемендігі туралы декларациясының қабылданғанына 35 жыл толуына арналған мерекелік іс-шара өтті.

    Салтанатты жиын қалалық Мәдениет үйінде ұйымдастырылды. Оған шаһар тұрғындары мен қонақтары, мәслихат депутаттары, қоғам белсенділері және мәдениет саласының өкілдері қатысты.

    Алғашқы құттықтау сөзді Қонаев қаласының әкімі Асхат Бердіханов алып, ел тәуелсіздігінің мән-маңызына тоқталды.

    «Бұл күн – халқымыздың еркіндікке ұмтылған асқақ рухының және елдігіміздің нышаны. Республика күні – Тәуелсіз Қазақстанның басты құндылықтарын дәріптейтін маңызды мереке. Бүгінгі таңда Қонаев қаласында тікелей инвестициялар көлемі 96,7 млрд теңгеге жетті, өнеркәсіп өндірісі 67,7 млрд теңгені құрады. Әлеуметтік салада да оң өзгерістер бар – биыл 132 отбасы жаңа пәтерге ие болды, жыл соңына дейін тағы 128 пәтер кезектегі азаматтарға табысталмақ», – деді қала әкімі.

    Сонымен қатар ол Қонаевтың әлеуметтік-экономикалық дамуына үлес қосқан бірқатар азаматтарды марапаттап, алғыс білдірді.

    Жиын концерттік бағдарламаға ұласты. «Қонаев әуендері» ансамблі, қала өнерпаздары мен жас орындаушылар патриоттық әндер шырқап, ұлттық биден шашу шашты.

    Айта кетейік, 25 қазан күні Мемлекеттік Туды көтеру рәсімі және кешкі 17.00-де Орталық алаңда концерт, дрон-шоу өтеді.

  • Таза Қазақстан: жыл басынан сенбілікке 9000-нан астам адам қатысты

    Таза Қазақстан: жыл басынан сенбілікке 9000-нан астам адам қатысты

    Қонаев қаласында республикалық «Таза Қазақстан» акциясына белсене қатысушылардың саны артқан. Оған дәлел – жыл басынан сенбіліктерге 9000-нан астам адам қатысқан.

    Экологиялық акцияны 2205 шағын және орта бизнес өкілдері де қолдап, кәсіпкерлік нысандардың аумақтарын тазартқан. Осындай бірлескен жұмыс нәтижесінде қала бойынша 140 тоннадан астам қоқыс шығарылып, 450 ағаш егілді.

    Бұдан бөлек, Геопортал арқылы анықталған Қонаев қаласы мен Шеңгелді ауылдық округі аумағындағы 20 стихиялық қоқыс үйінділері жойылды.

    Қазіргі таңда жапырақтар сарғайып, түсуіне байланысты коммуналдық қызмет көрсетуші компаниялардың жұмысы күшейтілді. Күнделікті тазалық жұмыстарына 50-ден астам адам, 8 техника жұмылдырылуда. Сенбіліктерді ұйымдастыру да жалғасын табады.

    Сонымен қатар ҚР ӘҚБтК 505-бабы (Қалалар мен елдi мекендердiң аумақтарын абаттандыру қағидаларын бұзу, сондай-ақ қалалар мен елді мекендер инфрақұрылымы объектілерін бұзу, жасыл екпелерін жою және бүлдіру) бойынша жыл басынан 1027 хаттама толтырылып, жеке және заңды тұлғаларға 1 млн 966 мың теңге айыппұл салынды. Ал ҚР ӘҚБтК 434-2 бабына (Ортақ пайдаланылатын орындарды ластау) сәйкес, азаматтарға 7 млн 116 мың теңге айыппұл салынды. Әкімшілік жауапкершілікке тарту – шаһар тазалығын сақтауға, қоғамда тәртіп орнатуға арналған шаралардың бірі.

  • Тұрақты экономикалық өсім: Қонаевта жылдың 9 айы қорытындыланды

    Тұрақты экономикалық өсім: Қонаевта жылдың 9 айы қорытындыланды

    Қонаев қаласының әкімдігі 2025 жылдың қаңтар–қыркүйек айларындағы әлеуметтік-экономикалық даму көрсеткіштері жариялады. Барлық негізгі бағыттар бойынша тұрақты өсім байқалады.

    Экономика және қаржы бөлімінің деректеріне сәйкес, жергілікті бюджетке 44,5 млрд теңге түсті. Бұл өткен жылдың сәйкес кезеңімен салыстырғанда 3,4 млрд теңгеге көп немесе 116,6%-ды құрайды.

    Қаладағы өнеркәсіп өнімдерінің жалпы көлемі 67,7 млрд теңгеге жетсе, негізгі капиталға салынған инвестициялар 96,7 млрд теңгені құрады. Сауда саласы да оң динамика көрсетіп отыр: бөлшек сауда айналымы – 38,2 млрд теңге, көтерме сауда айналымы – 20,9 млрд теңге болды.

    Жұмыспен қамту саласында 2377 тұрғын еңбекке орналасуға өтініш білдірген. Олардың 662-сі тұрақты жұмысқа орналастырылды. Жұмыспен қамту деңгейі 27,9%-ды құрайды. Есепті кезең соңында 1180 адам ресми түрде жұмыссыз ретінде тіркелген.

    Ауыл шаруашылығы саласында да өсім байқалады: өнім көлемі 14,4 млрд теңгені құрады. Негізгі көрсеткіштер бойынша — жылқы саны 16,1%-ға, ет өндіру көлемі 15,1%-ға, сүт өндіру 8,6%-ға, жұмыртқа шығымы 27,2%-ға артқан. Биыл ауыл шаруашылығы дақылдарының егіс көлемі 11 769 гектарды қамтыды.

    Құрылыс саласында 9 айдың ішінде 36,1 мың шаршы метр тұрғын үй пайдалануға берілді. Жалпы құрылыс жұмыстарының көлемі 17,4 млрд теңгені құрады.

    Қонаев қаласы әкімдігі аталған көрсеткіштер қала экономикасының тұрақты дамуын және негізгі салалардағы оң серпінді айқындайтынын атап өтті.

  • Алматы облысында «Тең мүмкіндіктер» инклюзиялық спорт фестивалі өтті

    Алматы облысында «Тең мүмкіндіктер» инклюзиялық спорт фестивалі өтті

    Алматы облысында «AMANAT» партиясының «Кедергісіз келешек» жобасы аясында «Тең мүмкіндіктер» инклюзиялық спорт фестивалі ұйымдастырылды. Фестивальдің өтуіне «AMANAT» партиясының Алматы облыстық филиалы жанындағы Әйелдер қанаты қолдау көрсетті.

    Осылайша, сайысқа ерекше білімге мүдделі мектеп оқушылары қатысты. Мұндағы мақсат – инклюзиялық мәдени-спорттық іс-шаралар арқылы достық байланысты, әлеуметтік белсенділікті, өзара сыйластықты нығайту.

    «AMANAT» партиясы Алматы облыстық филиалының атқарушы хатшысының орынбасары Аслан Кубентаевтың айтуынша, мұндай іс-шара өңірде үшінші рет өткізілуде.

    «Партияның бастамасымен үшінші жыл қатарынан «Тең мүмкіндіктер» атты инклюзивті спорт фестивалі өткізіліп келеді. Бұл – «Кедергісіз келешек» атты партиялық жобамыздың маңызды бөлігі. Бүгінгі іс-шараға облыстың түкпір-түкпірінен 50-ге жуық жасөспірім жиналды. Балалар бочча, жеңіл атлетика, эстафета сынды спорт түрлері бойынша өнер көрсетті. Талапшыл, жігерлі балалар бәрімізді тәнті етті», – деді Аслан Кубентаев.

    Жеңімпаздар дипломдармен және бағалы сыйлықтармен марапатталды. Командалық есеп бойынша Еңбекшіқазақ ауданы бірінші орын, Қарасай ауданы екінші орын, ал Іле ауданы үшінші орын иеленді. Нәтижесінде республикалық кезеңге 18 оқушы жолдама алды.

    Айта кетейік, ерекше қажеттілігі бар адамдарға қолдау көрсету – «AMANAT» партиясы атқаратын жұмыстағы негізгі басымдықтың бірі. Мәселен, партияның «Халықпен бірге!» сайлауалды бағдарламасын жүзеге асыру жұмысы аясында 2028 жылға дейін әрбір елді мекенде инклюзияны қолдаудың кемінде бір кабинетін ашу көзделген.