Sona.kz

Метка: Басты жаңалықтар

  • Қазақстанда коммуналдық желілерді жаңғыртуға 6,8 трлн теңге қажет

    Қазақстанда коммуналдық желілерді жаңғыртуға 6,8 трлн теңге қажет

    Қазақстанда коммуналдық инфрақұрылымды жаңғыртуға 6,8 трлн теңге қажет. Бұл туралы Ұлттық экономика вице-министрі Асан Дарбаев мәлімдеді, деп хабарлайды Sona.kz Kazinform-ға сілтеме жасап.

    Оның айтуынша, қаражат 86 мың шақырым желіні жөндеуге бағытталып, тозу деңгейін 50%-дан төмендетуге мүмкіндік береді.

    ? Инфрақұрылымның қазіргі тозуы:

    • жылумен жабдықтау – 65%-дан 90%-ға дейін;
    • электрмен жабдықтау – 70%-дан 97%-ға дейін;
    • сумен жабдықтау – 70%-дан 100%-ға дейін;
    • су бұру жүйелері – 70%-дан 100%-ға дейін.

    ? Қаражат бөлу жоспары:

    • жылумен жабдықтау – 1,3 трлн теңге (1,6 мың км, тозуы 40%-ға дейін төмендейді);
    • электрмен жабдықтау – 3,8 трлн теңге (77,6 мың км, 45%-ға дейін);
    • сумен жабдықтау – 600 млрд теңге (4,7 мың км, 34%-ға дейін);
    • су бұру жүйесі – 1,1 трлн теңге (2,6 мың км, 40%-ға дейін).
  • Шымкентте 141 млн теңгелік «қылмыстық-схемамен» айналысқан топ ұсталды

    Шымкентте 141 млн теңгелік «қылмыстық-схемамен» айналысқан топ ұсталды

    Шымкент қаласында интернет-алаяқтықпен айналысқан қылмыстық топ құрықталды. Төрт күдікті — ұйымдастырушыдан бастап ақша тасымалдаушыға дейін қамауға алынды, деп хабарлайды Sona.kz Policia.kz-ке сілтеме жасап.

    Полицияның мәліметінше, қылмыстық схема Шымкент, Алматы және Алматы облысын қамтыған. Тергеу барысында күдіктілердің тоғыз дерекке қатысы бар екені анықталды. Келтірілген жалпы залал көлемі 141 млн теңгеден асты.

    «Ұсталғандардың арасында — ұрланған қаржыны бақылаған ұйымдастырушы, дропперлерді іздеп, тартумен айналысқан екі дроповод және ақшаны жеткізуші бар», — деп мәлімдеді департаменттен.

    Дерек бойынша сотқа дейінгі тергеу жүргізілуде. Күдіктілердің басқа да істерге қатыстылығы тексеріліп жатыр.

    Полиция еске салды: 16 қыркүйектен бастап Қазақстанда банктік шоттар мен төлем құралдарына заңсыз қол жеткізу, сондай-ақ заңсыз аударымдар үшін қылмыстық жауапкершілік енгізілген.

  • Сумо аңызы Хакухо Сё Астанаға келеді

    Сумо аңызы Хакухо Сё Астанаға келеді

    23 қыркүйек күні Астанаға сумо аңызы Хакухо Сё келеді. Ол қазақстандық спортшылармен кездесіп, шеберлік сабағын өткізеді, деп хабарлайды Sona.kz ZTB-ға сілтеме жасап.

    Іс-шара сағат 13:00-де Radisson Astana қонақүйінде («Сарыарқа» залы, 3-қабат) өтеді. Кіру тегін.

    Шын аты — Мунхбатын Давааджаргал. Ол Моңғолияда дүниеге келген. Әкесі — 1968 жылғы Олимпиада ойындарының еркін күрестен күміс жүлдегері. Хакухо спорттық мансабында рекордтық 45 Император кубогын иеленіп, тарихтағы ең ұлы сумо балуаны атанды.

  • Қонаев қаласының 55 жылдығы 6 күн қатарынан атап өтіледі

    Қонаев қаласының 55 жылдығы 6 күн қатарынан атап өтіледі

    Мерекелік бағдарлама алты күнге жалғасады. 22-27 қыркүйек аралығында қала тұрғындары мен қонақтары мәдени, спорттық, танымдық іс-шараларға қатысып, ерекше мерекелік атмосфераны сезінетін болады.

    27 қыркүйектегі бағдарлама сағат 11.00-ден 21.00-ге дейін жалғасады. Гала-концерт аясында ұзындығы 30 метр болатын алма бәліші дайындалады. «Алма бәліші» фестиваліне түрлі ұлт өкілдері қатысады. Бұл шараның негізгі мақсаты – бір шаңырақ астында, бір дастарқан басында дәм бөлісіп отырған халықтың ынтымағын көрсету. Яғни, «бір нанды бөлісіп жеген» дәстүріміз бүгінгі күнде бейбіт өміріміздің, береке-бірлігіміздің айқын көрінісіне айналмақ.

    Б.Соқпақбаев атындағы орталық саябақта балаларға арналған тегін ойын алаңдары, сурет көрмелері, фото-аймақтар, TikTok алаңдары мен түрлі инсталляциялар орнатылады. Қала кәсіпкерлері өз өнімдерін таныстырып, жергілікті өндіріс әлеуетін көрсетеді.

    Сондай-ақ, мерекелік театрландырылған қойылымда қала тарихы сахналанып, әсерлі мотошеру ұйымдастырылады. Ардагерлер құрметтеліп, шомылу маусымының қорытындысы және «Таза аула» байқауының жеңімпаздары марапатталады.

    Кештің басты сахнасына қазақстандық жұлдыз Мирас Жүгінісов пен Bellucci тобы шығып, мерекелік концертті отшашу түйіндейді.

    6 күндік жоспар келесідей:

    Мәдени іс-шаралар
    22 қыркүйек сағат 18.00-де – «Қонаев әуендері» концерттік ансамблінің тұсаукесері (Мәдениет үйі)
    25-27 қыркүйек – тегін кино көрсетілімдер («Шағала» кинотеатры, Б.Соқпақбаев ат.орталық саябақ)
    27 қыркүйек сағат 11.00-21.00 – Қала күнінің қорытынды гала-концерті

    Спорттық іс-шаралар
    23 қыркүйек сағат 9.00 — «Qonaev 55» атты ересектер арасында шағын футболдан қала әкімінің кубогі
    25 қыркүйек сағат 9.00 – баскетболдан қала әкімінің кубогі (Кроссфит алаңы)

    Танымдық іс-шаралар
    22-27 қыркүйек – барлық білім ошақтарында «Менің қалам – жарқын болашақтың есігі» атты ашық сабақтар
    23 қыркүйек – Қапшағай ГЭС-те ашық есік күні
    24 қыркүйек – ҚР ҚК десанттық-шабуылдау бригадасы әскери бөлімінің ашық есік күні
    26 қыркүйек – «Kitap fest» фестивалі (қалалық кітапхана)

    Жаңа нысандардың ашылуы

    23 қыркүйек – қалалық кітапханада «Қонаев қаласының тарихы» бұрышы ашылады
    «Отбасы банк» АҚ-ның Алматы облысындағы қосыны өз жұмысын бастайды
    26 қыркүйек – «Selfie zone» сквері қолданысқа беріледі (Қойшыманов к.)

    Аталғандардан бөлек, 25 қыркүйекте «Таза қала – таза сана» тазалық акциясы өтеді. Қайырымдылық іс-шаралары да ұйымдастырылады. Ал 27 қыркүйек күні Қала күніне орай, қоғамдық көліктер тегін қызмет көрсетеді

  • АФМ «Актив Ломбард» желісіндегі заңсыз схеманы әшкереледі: шығын көлемі – 3,5 млрд теңге

    АФМ «Актив Ломбард» желісіндегі заңсыз схеманы әшкереледі: шығын көлемі – 3,5 млрд теңге

    Қаржы мониторингі агенттігі «Актив Ломбард» желісі арқылы заңсыз микрокредит беру фактісін анықтады, деп хабарлайды Sona.kz ведомствоға сілтеме жасап.

    Тергеу мәліметінше, желі иесі – блогер Койнов сенімді адамдарға «Актив Маркет» атты комиссиондық дүкендерді рәсімдеген. Алайда іс жүзінде ол дүкендер мүлікті кепілге қойып, заңсыз қарыз берумен айналысқан.

    ? АFM деректері бойынша:
    • займ мөлшерлемесі 15 күнге 16,2% болған (белгіленген шектен 4 есе көп);
    • азаматтардан заңсыз өндірілген сома 3,5 млрд теңгеден асты;
    • кірісті заңдастыру үшін 1,9 млрд теңгеге жалған келісімшарттар жасалған.

    ? Еліміз бойынша 200-ден астам тінту жүргізілді, айғақтар алынды. Қазір сотқа дейінгі тергеу жалғасуда.

    Айта кетейік, әлеуметтік желідегі парақшасында «Актив Ломбард» АFM-ді «рейдерлік жасады» деп айыптаған.

  • Қонаев қаласының әкімі пәтері өртенген тұрғынды қабылдады

    Қонаев қаласының әкімі пәтері өртенген тұрғынды қабылдады

    Қонаев қаласында 16 қыркүйек күні кешкі сағат 20.56-да Графтио көшесі №2В мекенжайындағы тұрғын үй өртенді.

    Аталған тұрғын үй апатты деп танылып, «Реновация» бағдарламасына енгізілген. Бағдарлама бойынша үйдің басқа тұрғындары бұған дейін пәтерлерінен көшірілген. Пәтерлерді сатып алуға бюджеттен қаражат бөлініп, конкурстық рәсімдер ТҮКШ бөлімі арқылы жүргізілген.

    Қазіргі таңда мұндағы бір пәтерде зейнеткер қоныстанған. Абырой болғанда, өрт зейнеткердің пәтеріне жетпеген, зақым келтірмеген. Қонаев қаласының әкімі Асхат Бердіханов оны қабылдап, әкімдіктің алдағы уақытта жасайтын іс-әрекеттері туралы айтып берді. Шаһар басшысының сөзінше, зейнеткердің пәтерінің орнына басқа тұрғын үй кешенінен пәтер сатып алынып, беріледі. Барлық шаралар заңды түрде «Реновация» бағдарламасы аясында жүзеге асады. Зейнеткер бүгінде туыстарының үйінде орналасқан.

    Пәтер кілті табысталғанда қосымша хабарлайтын боламыз. Өрттің шығу себептері анықталуда.

  • «Жоғары лауазымдылар ұсталды: екі әкім орынбасары есірткі ісіне қатысты»

    «Жоғары лауазымдылар ұсталды: екі әкім орынбасары есірткі ісіне қатысты»

    Маңғыстау облысында Мұнайлы ауданы әкімінің орынбасары мен Атамекен ауылдық округі әкімінің орынбасары ұсталды, деп хабарлайды Sona.kz NUR.KZ-ке сілтеме жасап.

    Облыстық ПД мәліметінше, арнайы операция «Қарасора-2025» жедел-алдын алу шарасы аясында өткізілген. Акиматтың қолдауымен есірткі қылмысына қатысы бар деген күдікпен үш тұрғын ұсталды. Олардың ішінде екі әкім орынбасары бар.

    Ұсталғандардан тәркіленген зат сараптамаға жіберілді. Аудан әкімінің орынбасары уақытша ұстау изоляторына қамалды, қалған күдіктілерге қатысты бұлтартпау шарасы қаралуда.

    Акимат мемлекеттік қызметтегі жемқорлық пен заңсыз әрекеттерге «нөлдік төзімділік» қағидатын ұстанатынын атап өтті. «Мемлекеттік аппаратты адал емес қызметкерлерден тазарту — басты міндеттердің бірі», – делінген ресми хабарламада.

  • Жаңаөзенде «Ата жолы» ағымымен байланысты топтың әрекеті тоқтатылды

    Жаңаөзенде «Ата жолы» ағымымен байланысты топтың әрекеті тоқтатылды

    Жаңаөзенде тыйым салынған «Ата жолы» ағымымен байланысты топтың әрекеті әшкереленді, деп хабарлайды Sona.kz Halyqstan-ға сілтеме жасап.

    Әлеуметтік желілерде жалған «емшілердің» ұсталған сәті түсірілген видео тараған. Мәліметке сәйкес, бір үйде «аққу» (әйелдер) мен «сұңқар» (ерлер) жиналып, «ата-бабаның батасын» алуға арналған рәсімдер өткізген.

    Топтың басшысы Ресейден келген Аман есімді азамат деп болжануда. Ол жақтастарына сырқаттардан айықтыруды, тәуелділіктен, бедеуліктен, қаржылық қиындықтардан және «кармалық қарыздардан» құтылуды уәде еткен.

    Рәсімдер ақылы түрде өткен: бірнеше мыңнан жүз мыңдаған теңгеге дейін қаражат жиналған. Сондай-ақ кесенелерге ақша төлеп зиярат ұйымдастырылып, қатысушыларға «тазарту» мен «жол ашу» уәде етілген.

    «Ата жолы» ағымының қызметіне 2009 жылы тыйым салынған. Себебі ол халықтың денсаулығына қауіп төндіріп, жалған емшілік белгілерін қамтиды деп танылған.

    Halyqstan Маңғыстау облысының полиция департаменті мен дін істері басқармасына ресми сауал жолдады.

  • Қазақстанда жасанды интеллект салдарынан миллионнан астам адам жұмыссыз қалуы мүмкін

    Қазақстанда жасанды интеллект салдарынан миллионнан астам адам жұмыссыз қалуы мүмкін

    Қазақстанда миллионнан астам жұмыс орны жасанды интеллекттің дамуына байланысты қысқаруы ықтимал. Бұл туралы Еңбек және халықты әлеуметтік қорғау вице-министрі Олжас Анафин Мәжіліс отырысында мәлімдеді, деп хабарлайды Sona.kz NUR.KZ-ке сілтеме жасап.

    Министрліктің зерттеуіне сәйкес, 423 мамандық тобының 25%-ы (шамамен 2,2 млн жұмыс орны) автоматтандыруға бейім. Оның ішінде 1 миллионнан астамы генеративті жасанды интеллект арқылы алмастырылуы мүмкін.

    Ең жоғары қауіп Алматы, Астана және Шымкент қалаларында байқалады. Салалық тұрғыда қаржы, IT, ғылым және денсаулық сақтау салалары осал саналады.

    Сонымен бірге Анафин жаппай жұмыссыздық болмайтынын атап өтті. Оның айтуынша, Қазақстанда еңбек құны салыстырмалы түрде төмен, сондықтан автоматтандыру кезең-кезеңімен жүзеге асады. Сонымен қатар жаңа мамандықтар — дрон операторлары, робототехника мамандары, деректер және киберқұқық саласының сарапшылары пайда болады.

    Еске салайық, бұған дейін Президент Қасым-Жомарт Тоқаев халыққа Жолдауында Жасанды интеллект министрлігін құруды және Цифрлық кодекс әзірлеуді ұсынған болатын. Сондай-ақ ол ИИ үшін этикалық алгоритмдерді қалыптастыру қажеттігін айтқан еді.

  • Талдықорғанда алиментке арналған ақшаны жымқырған сот орындаушысы тергелуде

    Талдықорғанда алиментке арналған ақшаны жымқырған сот орындаушысы тергелуде

    Талдықорғанда жеке сот орындаушысы балаларға төленетін алимент қаражатын өз қалтасына қалдырды деген күдікке ілінді, деп хабарлайды Sona.kz NUR.KZ-ке сілтеме жасап.

    Прокуратура мәліметінше, сот орындаушысы алдымен заңға сәйкес борышкерлердің жалақысынан алимент ұстап, жұмыс берушілерге қаулы жіберген. Алайда, ақша келгеннен кейін соманың көбісін өзіне қалдырып, тек азын ғана ата-аналарға аударған.

    Мысалы, 2025 жылдың сәуірінен маусымына дейін бір борышкерден 570 мың теңге төленген. Сот орындаушысы тек 170 мың теңгесін берушіге жіберіп, қалғанын жымқырған. Тексеру барысында осындай әрекеттер бірнеше рет жасалғаны анықталды, жалпы 2 млн теңгеден астам қаржы өз қалтасына кеткен.

    Қазіргі таңда прокуратура сот орындаушысына қатысты ҚК 251-бабы бойынша досудебтік тергеу жүргізіп жатыр. Бұған дейін Павлодар, Жамбыл облыстары мен Астанада да жеке сот орындаушыларының заңсыз әрекеттері анықталған, шығын көлемі 26 млн теңгеден асты.