Sona.kz

Метка: Басты жаңалықтар

  • Қонаевта тұрғын үй құрылысы қарқын алды

    Қонаевта тұрғын үй құрылысы қарқын алды

    Қонаев қаласында құрылыс қарқыны артып, жаңа тұрғын үй кешендері мен инфрақұрылымдық нысандар бой көтеріп жатыр.

    Д. Қонаев көшесінде «MDI Construction» компаниясы жеті төрт қабатты блоктан тұратын «Маяк» тұрғын үй кешенін салып жатыр. Кешенде 216 пәтер, сондай-ақ тұрғындарға арналған кафе, дүкен және спорт залы болады.

    19-шағынауданда «Хаммер Бау Девелопмент» компаниясы үш тоғыз қабатты үйден тұратын «Атамекен» кешенін тұрғызуда. Жоба 2025 жылдың соңына дейін толық аяқталмақ.

    «Али-Нұр транс» компаниясы жүзеге асырып жатқан «NNS City» – ең ірі жобалардың бірі. Мұнда 21 бес қабатты үй салынып, 600-ге жуық пәтер пайдалануға беріледі. Алғашқы үйлер 2025 жылдың қарашасында тапсырылмақ.

    Қала орталығында «Retail Construction» компаниясы 50 пәтерлік бес қабатты үй тұрғызуда. Нысан 2025 жылдың желтоқсанында аяқталады.

    «R&M Construction» компаниясының «Аристократ» жобасы – 25 тұрғын үйден тұрады. Бірнеше үйі қазірдің өзінде қолданысқа берілген, толық аяқталуы 2027 жылға жоспарланған.

    «GS QURYLYS» компаниясының «Comfort» кешені төрт үйден тұрады. Сауда орындары мен автотұрағы бар жоба 2026 жылдың алғашқы тоқсанында қолданысқа беріледі.

    10-шағынауданда «Chinese Foreign Construction Company» «Феникс» кешенінің құрылысын бастады. Алғашқы кезек 2026 жылы аяқталады.

    Әкімдік мәліметінше, биылғы алғашқы жартыжылдықта қалада 14,2 мың шаршы метр тұрғын үй пайдалануға берілген. Бұл өткен жылдың сәйкес кезеңімен салыстырғанда 65,2%-ға көп. Құрылыс көлемі – 8 млрд теңге.

  • Шеңгелдіге газ тарту жобасы дайындалуда

    Шеңгелдіге газ тарту жобасы дайындалуда

    Бұл туралы ауыл халқымен кездескен Қонаев қаласының әкімі Асхат Бердіханов айтты.

    Тұрғындармен кездесу барысында шаһар басшысы бірқатар келелі мәселеге тоқталды. Оның ішінде ең өзектілері инфрақұрылымды дамытуға, қолайлы орта қалыптастыруға байланысты болды.

    Әкімнің сөзінше, Кербұлақ ауылында екі спорт алаңы жөндеуден өтіп, біреуі жаңадан салынуда.

    «Қаланың Кешенді даму жоспарына сәйкес, барлық ауылдарда көше жарығын орнату бойынша жоба әзірленіп, мемлекеттік сараптамаға жіберілді. Бұдан бөлек, Шеңгелдіде трансформаторлық қосалқы станция қойып, 3 шақырым электр желісін жаңадан тарту жоспарлануда. Бұл жоба 6 көшені қамтиды», – деді Асхат Бердіханов.

    Ауыз су мәселесіне келсек, әкім «Шеңгелді топтық су жүйесін қайта жаңғырту және құрылысы» жобасы дайындалып жатқанын атап өтті. Жобада жаңадан бөлінген жер учаскелеріне ауыз су тарту да қарастырылған.

    «Халықты көгілдір отынмен қамту мәселесі де назардан тыс қалған жоқ. Біріншіден, автоматтандырылған газ тарату станциясын салу жобасы әзірленіп, мемлекеттік сараптамаға тапсырылды. Екіншіден, елдімекендерге газ тарту жобасы әзірлене бастады. Құрылыс жұмыстары қаржы қарастырылған жағдайда алдағы үш жылда аяқталады деп күтілуде», – деді шаһар басшысы.

    Сондай-ақ ол жол-көлік инфрақұрылымы, су тасқынының алдын алу, ауыл шаруашылығы секілді салаларға тоқталып өтті.

    Ал тұрғындар тарапынан жолдың сапасы, балалар алаңын жөндеу және өрт сөндіру бөлімшесін салу сұрақтары көтерілді. Бұл бойынша тиісті бөлім басшыларына тапсырма берілді.

  • ҚазҰУ студентінің өлімі: министр оқиғаның себебін атады

    ҚазҰУ студентінің өлімі: министр оқиғаның себебін атады

    Әл-Фараби атындағы Қазақ ұлттық университеті студентінің қазасы отбасы жағдайына байланысты болған. Бұл туралы ҚР Ғылым және жоғары білім министрі Саясат Нұрбек мәлімдеді, деп хабарлайды Sona.kz Kazinform-ға сілтеме жасап.

    Министрдің айтуынша, тергеу жалғасуда, алайда алдын ала деректерге сәйкес, бұл – ішкі отбасылық қайғылы жағдай. Қылмыстық іс «Өзін-өзі өлтіруге итермелеу» бабы бойынша қозғалған.

    Еске сала кетсек, 30 шілдеде ҚазҰУ студенті Алматыда 14-қабаттан құлап, көз жұмды. Қалалық полиция департаменті оның қазасын растады.

  • Алматы облысындағы апат: қаза болған үш әскери қызметкердің аты-жөні белгілі болды

    Алматы облысындағы апат: қаза болған үш әскери қызметкердің аты-жөні белгілі болды

    Қорғаныс министрлігі Алматы облысында апатқа ұшыраған EC-145 әскери  тікұшағының қаза тапқан экипаж мүшелерінің есімдері мен суреттерін жариялады, деп хабарлайды Sona.kz NUR.KZ-ке сілтеме жасап.

    10 тамызда су асты іздестіру жұмыстары барысында экипаж командирі – майор Нұржігіт Қайратұлы Үйсінбаевтың мәйіті табылды. Ол армиялық авиация эскадрильясы командирінің орынбасары, 1-сыныпты ұшқыш, жалпы ұшу уақыты 930 сағат болған.

    11 тамызда борттық техник – 1-сыныпты маман, капитан Бахтияр Сәниоллаұлы Ержігітовтің мәйіті табылды. Оның жалпы ұшу уақыты 300 сағатты құраған.

    12 тамызда экипаж командирінің көмекшісі – капитан Аман Нұрланұлы Амангелді анықталды. Ол EC-145 тікұшағында 295 сағат ұшқан тәжірибелі ұшқыш болған.

    Министрлік мәліметінше, үшеуі де Әуе қорғанысы күштері Әскери институтының түлектері, кәсіби даярлығы жоғары, әріптестері арасында зор беделге ие болған.

  • Джей Ло Instagram-да қазақ әшекейін тағып шықты

    Джей Ло Instagram-да қазақ әшекейін тағып шықты

    Америкалық әнші әрі актриса Дженнифер Лопес Instagram парақшасында қазақтың дәстүрлі әшекейімен түскен жаңа суреттерін жариялады, деп хабарлайды Sona.kz Tengri Life-ке сілтеме жасап.

    Фотода жұлдыздың қолында алтын бесбілезік – бес бөліктен тұратын дәстүрлі білезік – анық көрінеді. Әлеуметтік желі қолданушыларының айтуынша, әр бөлік әйел өмірінің үйлесімділігін білдіреді: денсаулық, отбасы, береке, бақыт және қорғаныш.

    Қазақ зергері Серік Рысбектің сөзінше, бесбілезік “қол гүлі” деп те аталады және магиялық әрі әлеуметтік мәнге ие болған. Ол қыздың шыққан жерін, әлеуметтік дәрежесін айқындайтын “мәдени паспорт” қызметін атқарған.

    Лопеске сыйлық ұйымдастырушылар тарапынан берілген. Бұған дейін ол қазақстандық шебер жасаған есімі жазылған алтын алқаны да көрсеткен.

  • Алматы облысындағы апат: қаза болған үш әскери қызметкердің аты-жөні белгілі болды

    Алматы облысындағы апат: қаза болған үш әскери қызметкердің аты-жөні белгілі болды

    Қорғаныс министрлігі Алматы облысында апатқа ұшыраған EC-145 әскери тікұшағының қаза тапқан экипаж мүшелерінің есімдері мен суреттерін жариялады, деп хабарлайды Sona.kz NUR.KZ-ке сілтеме жасап.

    10 тамызда су асты іздестіру жұмыстары барысында экипаж командирі – майор Нұржігіт Қайратұлы Үйсінбаевтың мәйіті табылды. Ол армиялық авиация эскадрильясы командирінің орынбасары, 1-сыныпты ұшқыш, жалпы ұшу уақыты 930 сағат болған.

    11 тамызда борттық техник – 1-сыныпты маман, капитан Бахтияр Сәниоллаұлы Ержігітовтің мәйіті табылды. Оның жалпы ұшу уақыты 300 сағатты құраған.

    12 тамызда экипаж командирінің көмекшісі – капитан Аман Нұрланұлы Амангелді анықталды. Ол EC-145 тікұшағында 295 сағат ұшқан тәжірибелі ұшқыш болған.

    Министрлік мәліметінше, үшеуі де Әуе қорғанысы күштері Әскери институтының түлектері, кәсіби даярлығы жоғары, әріптестері арасында зор беделге ие болған.

  • Қазақстанда 1 қыркүйекте 340 мыңнан астам бала мектеп табалдырығын аттайды

    Қазақстанда 1 қыркүйекте 340 мыңнан астам бала мектеп табалдырығын аттайды

    1 қыркүйекте Қазақстан мектептеріне 4,1 миллион оқушы барады. Оның ішінде 341 мыңы – бірінші сынып оқушылары, деп хабарлайды Sona.kz Білім ZTB.News-ке сілтеме жасап.

    Министр Ғани Бейсембаевтың айтуынша, елде 8 мың мектеп жұмыс істейді. Биыл 232 мың оқушы 11-сыныпты тәмамдайды.

    Жаңа оқу жылынан бастап білім беру процесіне жасанды интеллект элементтері енгізіледі. AI пәндері «Цифрлық сауаттылық» және «Информатика» сабақтарынан басталады.

    Сондай-ақ, Мемлекет басшысының тапсырмасымен мектептерді басқарудың жаңа стандарты әзірленді. 3 мыңнан астам «жайлы мектеп» мұғалімдері үш деңгейлі оқытудан өтіп, жаңа модель қыркүйектен бастап іске қосылады.

  • Ақмола облысында жүк көлігі екі адамды қағып кетті

    Ақмола облысында жүк көлігі екі адамды қағып кетті

    Ақмола облысында MAN маркалы жүк көлігі жол жиегінде дөңгелек ауыстырып жатқан екі адамды қағып кетті, Sona.kz облыстық ПД баспасөз қызметіне сілтеме жасап хабарлайды.

    Оқиға 9 тамызда Астана – Петропавл тасжолында Жанаталап пен Қаратал ауылдарының арасында, Щучинск бағытына қарай болған. Полицияның мәліметінше, жүргізуші оң жолақпен келе жатып, жеңіл автокөлігін жөндеп жатқан екі азаматты қағып өткен.

    Зардап шеккендер ауыр жағдайда аудандық ауруханаға жеткізілді. Аталған факті бойынша ҚК 345-бабы 2-бөлігімен сотқа дейінгі тергеу басталды, тиісті сараптамалар тағайындалды.

    Жүк көлігі айыппұл тұрағына қойылды. Полиция жол бойында мәжбүрлі тоқтаған жағдайда апаттық тоқтау белгісін орнату және өтіп бара жатқан жүргізушілерге жылдамдықты төмендету қажеттігін ескертті.

  • Алматы-1 және Алматы-2 теміржол вокзалдары «Қазақстан темір жолы» ұлттық компаниясының басқаруына қайтарылды.

    Алматы-1 және Алматы-2 теміржол вокзалдары «Қазақстан темір жолы» ұлттық компаниясының басқаруына қайтарылды.

    2025 жылдың 16 шілдесінен бастап нысандар ресми түрде КТЖ-ның сенімді басқаруына берілді. Ұлттық компания екі вокзалға да жаңғырту жұмыстарын жүргізуді жоспарлап отыр. Алматы-1 вокзалы күрделі жөндеуден өтсе, тарихи-мәдени ескерткіш саналатын Алматы-2 вокзалы заңнама талаптарына сай қайта қалпына келтірілмек. Бұл туралы Sona.kz Kazinform-ға сілтеме жасап хабарлайды.

    КТЖ мәліметінше, жобалар ғимараттардың пайдалану мерзімін ұзартуға және олардың техникалық жағдайы мен функционалдық мүмкіндіктерін қазіргі заман талабына сәйкестендіруге бағытталған. Жөндеу жұмыстарының нақты мерзімі әзірге белгіленген жоқ. Жұмыс көлемі мен түрлері мемлекеттік сараптама қорытындысынан кейін бекітіледі.

  • Павлодар облысында әскери тікұшақ апатында қаза тапқан майор Бахтияр Ержігітовпен қоштасты

    Павлодар облысында әскери тікұшақ апатында қаза тапқан майор Бахтияр Ержігітовпен қоштасты

    Бүгін Павлодар облысы Шарбақты ауданы Шалдай ауылында әскери тікұшақ апатында қаза тапқан майор Бахтияр Ержигитовпен қоштасу рәсімі өтті, деп хабарлайды Sona.kz NUR.KZ-ке сілтеме жасап.

    Бұл туралы Павлодар облысының әкімі Асайн Байханов Telegram-арнасында жазды. Оның айтуынша, Сорбулак көлі үстінде әскери тікұшақпен байланыс үзілгенде, көпшілік соңына дейін жақсы хабарға үміттенген. Алайда тағдыр басқа шешім шығарды.

    Бахтияр Ержигитов – отбасындағы жалғыз ұл. Жастайынан өмірін Отан қызметіне арнаған: Ақтөбедегі әскери училищені, Талғат Бегелдинов атындағы институтты тәмамдаған. Семейде және Жетігенде қызмет етіп, бортинженерден майор шеніне дейін өсті. Оған небәрі 32 жас еді.

    Аймақ басшысы жұбайы Раушанға, балалары Ахмад пен Айлінге, сондай-ақ ата-анасы Сәниолла Ержигитович пен Айман Задашевнаға көңіл айтты. Ол Бахтиярды өңір халқы әрдайым елінің адал әрі батыр ұлы ретінде еске алатынын атап өтті.