Sona.kz

Метка: Басты жаңалықтар

  • «Хуторский» тобының жетекшісі деген Хасан Қасымбаевтың ісі сотқа жолданды

    «Хуторский» тобының жетекшісі деген Хасан Қасымбаевтың ісі сотқа жолданды

    Алматы облысында «Хуторский» қылмыстық тобының басшысы ретінде танылған Хасан Қасымбаевқа қатысты тергеу ісі аяқталды.

    Қазір тергеу органдары Қасымбаевқа қатысты жинақталған материалдарды сотқа жолдады. Тергеу аяқталып, істің сотқа жолданғанын редакцияға облыстық полицияның баспасөз қызметі растады.

    Хасан Қасымбаев былтыр қараша айында ұсталып, қамалған болатын. Тергеу барысында оның үстінен ҚР Қылмыстық кодексінің бірнеше бабы бойынша іс қозғалған. Атап айтқанда:

    • Адам ұрлау (ҚК 125-бап)
    • Бопсалау (ҚК 194-бап)
    • Денсаулыққа қасақана зиян келтіру (ҚК 107-бап)

    Ұсталған сәтте Хасан Қасымбаевтың туған ағасы Аслан Қасымбаев Талғар ауданы әкімі аппаратының басшысы қызметін атқарып жүргені анықталды. Аталған дерек те қоғам назарын аудартқан болатын. Кейін ол қызметінен кетті.

    Еске салсақ, марқұм Шерзат Полат қайтыс болған төбелестегі жігіттер өздерін «хуторский» деп таныстырған. Алайда облыс полициясы Талғарда ешбір қылмыстық топтың тіркемлегенін хабарлаған еді.

  • Екі елдің басшысы Қожа Ахмет Ясауи кесенесіне зиярат етті

    Екі елдің басшысы Қожа Ахмет Ясауи кесенесіне зиярат етті

    Қасым-Жомарт Тоқаев пен Гурбангулы Бердімұхамедов Қожа Ахмет Ясауи кесенесіне зиярат етті. Бұл туралы Ақорданың баспасөз қызметі хабарлады.

    Қазақстан Президенті мен Түрікменстан Халк Маслахатының Төрағасы түркі тілдес елдерге ортақ ең көрнекті рухани және тарихи-мәдени ескерткіштердің бірі, ЮНЕСКО Бүкіләлемдік мұралар тізіміне енген Қожа Ахмет Ясауи кесенесіне барды.

    Мәртебелі меймандар әйгілі ойшылдың рухына тағзым етіп, Құран бағыштады. Сондай-ақ кесенеде жүргізіліп жатқан реставрациялық және ғылыми-зерттеу жұмыстарымен танысты.

     

  • 9 жыл іздеуде жүрген қылмыскер Өскемен әуежайында қолға түсті

    9 жыл іздеуде жүрген қылмыскер Өскемен әуежайында қолға түсті

    Шығыс Қазақстан облысының полицейлері 2016 жылдан бері іздеуде жүрген 38 жастағы азаматты әуежайда ұстады, деп жазады облыстық полиция департаменті.

    «Қылмыстық іс материалдарына сәйкес, ер адам жәбірленушінің сеніміне кіре отырып, оны алдап, ақшасын қалтаға басқан. Осы жылдар ішінде ол әділ соттан жалтарып жүрді. Тұрғылықты жерін жиі ауыстырып отырған және қоғамдық орындардан әдейі бой тасалап жүрген», – деп хабарлады ШҚО Полиция департаментінің баспасөз қызметінен.

    Жедел-іздестіру шаралары барысында полицейлер күдіктіні Өскемен қаласына ұшып келген сәтінде әуежайдан ұстады.

    Қазіргі уақытта ер адам уақытша ұстау изоляторына қамалды. Тергеу амалдары жүргізіліп жатыр.

  • Ақтау қалалық сотының төрағасы 9 жылға сотталды

    Ақтау қалалық сотының төрағасы 9 жылға сотталды

    Маңғыстау облысы Мұнайлы аудандық сотының үкімімен Ақтау қалалық сотының төрағасы Б.Ж. Шайдуллин 9 жылға және жеке сот орындаушысы Р.М. Жанахметов 8 жылға бас бостандығынан айырылды.

    ҚР Сыбайлас жемқорлыққа қарсы іс-қимыл агенттегінің баспасөз қызметінің мәліметтеріне қарағанда, олар сотталушыны бас бостандығынан айыруға байланысты емес жаза тағайындау сылтауымен 18 млн теңге мөлшерінде заңсыз сыйақы алу жолымен алаяқтық жасағаны және пара беруге итермелегені үшін кінәлі деп танылды.

    Қосымша жаза ретінде Шайдуллин мен Жанахметов өмір бойы мемлекеттік қызметте қызмет атқару құқығынан айырылды.

    Сот үкімі заңды күшіне енген жоқ.Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.

    – Сыбайлас жемқорлыққа қарсы іс-қимыл агенттігі қоғамда заңдылық пен тәртіп қағидатын қамтамасыз ету, сондай-ақ сыбайлас жемқорлықтың, оның ішінде жоғары лауазымды адамдар арасында жолын кесу жөніндегі жұмысты жалғастыруда, – делінген хабарламада.

  • Ақтөбеде қызғалдақ ұстап фотоға түскен ауыл әкімінің ісін комиссия тексеріп жатыр

    Ақтөбеде қызғалдақ ұстап фотоға түскен ауыл әкімінің ісін комиссия тексеріп жатыр

    Мұғалжар ауданы Құдайберген Жұбанов атындағы ауылдық округ әкімі Ләззат Бердібаеваның фотосын енді арнайы комиссия зерделейді.

    Құдайберген Жұбанов атындағы ауылдық округ әкімі Ләззат Бердібаеваның гүл ұстап түскен фотосы әлеуметтік желі арқылы тарап кетті. Қазіргі кезде полиция фотодағы гүлдің Қызыл кітапқа енген-енбегенін тексеріп жатыр.

    – Тексеріп, қызғалдақтың Қызыл кітапқа енген түрі ме деген сұраққа жауап іздейміз. Кейін құқықтық бағасы беріледі, – деді облыстық ПД баспасөз қызметінің жетекшісі Ерболат Сарқұлов.

    Ал Мұғалжар ауданының әкімі Дархан Ермағамбетов қазір арнайы комиссия құрылғанын айтты.

    – Ауданда Мемлекеттік қызмет істері агенттігі Ақтөбе облысы бойынша департаментінің өкілі бар. Сол комиссияда іс қаралады. Оның құрамында аудандық полиция бөлімінің өкілі де бар. Кейін ғана шешімін айтып, жауапқа тарта аламыз. Ол гүлді қыздары жұлып әкелгенін, фотоға түсіп, WhatsApp мессенджеріндегі статусына қойғанын айтып отыр, – деді Дархан Ермағамбетов.

  • Ақтауда 7-сынып оқушысы қауіпті ойын ойнап, есінен танып құлаған

    Ақтауда 7-сынып оқушысы қауіпті ойын ойнап, есінен танып құлаған

    Ақтауда 7-сынып оқушылары қауіпті ойын ойнап, оқушы қыз есінен танып құлаған.

    Оқиға 18 сәуір күні Ақтау қаласындағы №33 жалпы білім беретін мектепте болған. Әлеуметтік желіде тараған видеодан үш қыз әуелі бір қызды қабырғаға тақап, артынша итеріп тұрғанын көруге болады. Артынша оқушы қыз есінен танып, құлап түседі.

    Ақтау қаласы бойынша білім бөлімінің мәліметінше, 33 шағын ауданда орналасқан №33 жалпы білім беретін мектепте қыздар әжетханасында 7 сынып оқушысын өкпе тұсынан қысу арқылы талдыру фактісі болған.

    – Оқиғаға қатысы бар барлық оқушылар туралы Ақтау қалалық полиция департаментінің кәмелетке толмағандар ісі жөніндегі инспекторына хабарланып, жасөспірімдер және олардың ата-аналарымен профилактикалық психологиялық жұмыстар жүргізілді, – дейді білім бөлімінің өкілдері.

  • Қытай 10G байланысын іске қосты

    Қытай 10G байланысын іске қосты

    Huawei China Unicom компаниясымен бірге Қытайда 9800 Мбит/с жоғары интернетке қосылу жылдамдығын қамтамасыз ететін жоғары жылдамдықты 10G желісін іске қосты.

    Бұл үй желілері үшін стандартты жылдамдықтан асып түседі. Жаңа желі өткізу қабілеттілігін едәуір арттыруға мүмкіндік беретін 50G PON технологиясын пайдаланады.

    Енді әрбір пайдаланушыға 10G жылдамдығы қолжетімді және желідегі кідіріс айтарлықтай төмендейді.

    Қазір Қытайда 5G ұялы байланысы кеңінен қолданылады. 4 млн-нан астам базалық станция бүкіл елді қамтамасыз етіп тұр. Үкімет Ұлттық цифрландыру стратегиясының аясында 10G енгізу мақсатында 168 пилоттық жобаны қаржыландырған.

    Ал, 10G сынақтан өтіп жатқан Сюньань аймағының пайдаланушылары бұрын олардың Wi-Fi желісі бірнеше құрылғылармен күресіп келгенін, бірақ қазір барлығы басқаша жұмыс істейтінін айтты.

  • Марафондағы екі адамның өлімі бойынша қылмыстық іс қозғамады

    Марафондағы екі адамның өлімі бойынша қылмыстық іс қозғамады

    Қазақстан ішкі істер министрінің орынбасары Санжар Әділов Алматыда марафон кезіндегі екі адамның өлімі бойынша қылмыстық іс қозғалмағанын айтты.

    Тиісті тексеру болды. Екі адамның өлімі бойынша креминалдық мән-жай анықталмады. Бізде қылмыстық іс тек қылмыс құрамы болғанда ғана қозғалады. Аталған оқиғада қылмысьық іс қозғалмады. Тексеріс нәтижесінде зорлық-зомбылық белгілері анықталмады. Бұл тұрғыда сот-медициналық сараптама орталығының тиісті актілері бар, – деді Әділов журналистерге Мәжіліс кулуарында.

    Еске салайық, бүгін, 20 сәуірде Алматы жартылай марафонының екі қатысушысы қаза тапқаны белгілі болды. Қарт адам кенеттен ауырып, жас жігіт есінен танып қалған. Жедел жәрдем келгенше екеуі де көз жұмды.

    Дәрігерлердің айтуынша, олардың өлімінің себебі сот-медициналық сараптама қорытындысы бойынша белгілі болады.

  • «Алматы жастары» бағдарламасы бойынша 6626 өтінім түсті

    «Алматы жастары» бағдарламасы бойынша 6626 өтінім түсті

    Алматы қаласы коммуналдық инфрақұрылымды дамыту басқармасы 2025 жылдың 14-26 наурыз аралығында өткен «Алматы жастары» бағдарламасы бойынша өтінімдерді қабылдау қорытындысын шығарды.

    Басқармадан мәлім еткендей, барлығы 6626 өтінім түсті.

    Оның басым бөлігі білім беру саласының өкілдерінен түсті – 2191. Бұдан кейін денсаулық сақтау (1381), жұмыс істейтін жастар (881), ЖОО және ҒЗИ (635), коммуналдық қызметтер (428), мәдениет (360), құқық қорғау органдары (343), Әлеуметтік сала (245), спорт (86) және журналистика (76) саласы.

    – 2025 жылы бағдарлама аясында тұрғын үй сатып алуға кемінде 2550 заем беру жоспарланып отыр. Оның ішінде 1050 заем «Жұмыс істейтін жастар» бағдарламасының жалға алушыларына арналған. Сондай-ақ бірқатар бағыт бойынша квоталар анықталды: білім – кемінде 350 заем; денсаулық сақтау кемінде 350 заем; республикалық кәсіпорындар мен ұйымдардың қызметкерлері жалпы көлемнің 5%-дан аспайды; құқық қорғау органдары 5%-дан аспайды, – деп атап өтті басқармадан.

    Берілген өтінімдерді қарау қорытындысы бойынша 3412 қатысушыға қатысты оң шешім шығарылды. Мақұлданған өтінімдерді салалар бойынша бөлу:

    * білім – 994;
    * денсаулық сақтау – 630;
    * жұмыс істейтін жастар – 759;
    * республикалық мемлекеттік ұйымдардың қызметкерлері – 249;
    * құқық қорғау органдары – 167;
    * қалған салалар – 613.

    Мақұлданғандардың қатарында «Жұмыс істейтін жастар» бағдарламасының 759 жалға алушысы бар, оларға «Отбасы банк» АҚ-ға жолдамалар берілген.

    Үш кезеңде 1500 қатысушы төлем қабілеттілігін растау үшін банкке жолдама алады. Олар 15 жұмыс күні ішінде банктің қызмет көрсету орталығына хабарласуы керек. Төлем қабілеттілігі расталған жағдайда қатысушылар 45 күнтізбелік күн ішінде бастапқы немесе қайталама нарықтағы тұрғын үйді таңдай алады.

    Қосымша 1153 қатысушы негізгі құрамды бағалау аяқталғанға дейін резервтік тізімге енгізілді. 3214 өтініш беруші тізімнен шығарылды, негізгі себептері – жұмыс орнының бағдарлама талаптарына сәйкес келмеуі, меншігінде тұрғын үйдің болуы, қажетті анықтамалардың болмауы, соңғы 6 айда зейнетақы аударымдарының болмауы және басқалар.

    Еске салайық, осы жылдан бастап «Алматы жастары» тұрғын үй бағдарламасы бойынша несиелендіру мөлшері 18 млн теңгеден 20 млн теңгеге дейін ұлғайтылды.

  • Рим Папасы көз жұмды

    Рим Папасы көз жұмды

    Рим Папасы Францисктің өмірден озғаны туралы ТАСС ақпарат агенттігі хабарлады.

    Кеше ғана Пасха жексенбісінде Папа Франциск дәстүрлі батасын беру үшін Ватикандағы Әулие Петр алаңына жиналған сенушілердің алдына шыққаны хабарланған еді.