Sona.kz

Метка: Басты жаңалықтар

  • Сүйіктісін соққыға жыққан актер Шәріп Серік қара тізімге енді

    Сүйіктісін соққыға жыққан актер Шәріп Серік қара тізімге енді

    Sәlem Entertainment компаниясы актер Шәрип Серікпен әріптестік қарым-қатынасын тоқтату туралы шешім қабылдағанын жариялады.

    «Соңғы оқиғаларға байланысты, Sәlem Entertainment ұжымы Шәрип Серікті «қара тізімге» енгізіп, онымен кез келген ынтымақтастықты толығымен тоқтатты. Бұған дейін жарияланған «Шакал» сериалы мен «Qarga» сериалының үшінші маусымы ресми түрде жабылды. Сонымен қатар, актер «Meow» сериалының екінші маусымында басты рөлдердің бірін сомдауы тиіс болған, алайда ол жобадан толықтай алынды», — деп жазды компания желідегі ресми парақшасында.

    Сондай-ақ «Патруль: последний приказ» фильмінің шығармашылық ұжымы актер түскен жерлердің бәрін кесіп жатыр. Актермен барлық келісім-шарттар тоқтаған.

    Еске салсақ, отандық актер Серік Шәріптың бұрынғы сүйіктісі Әлия Бутеева өзінің зорлық-зомбылық құрбаны болғанын айтып, желіге жазба мен видео жариялаған, сонымен бірге шындықты айтқан соң, өзінің қауіпсіздігі үшін қатты алаңдап отырғанын жеткізген.

    Өз кезегінде Алматы полиция департаментінің баспасөз қызметі бұл оқиғаға қатысты тергеу жүріп жатқанын хабарлады.

  • Қызыл кітаптағы қар барысы фототұзаққа түсіп қалды

    Қызыл кітаптағы қар барысы фототұзаққа түсіп қалды

    Мемлекеттік «Іле-Алатау» ұлттық табиғи паркінде қар барысы тағы да фототұзаққа ілінді.

    «Іле-Алатау» мемлекеттік ұлттық табиғи паркінде ерекше оқиға болды: сирек кездесетін қар барысы қайтадан фототұзаққа түсіп, жабайы табиғаттың ерекше сұлулығын көрсетті. Кадрлар 7-13 ақпан аралығында түсірілген.

    – Ғылыми инспекторлардың маңызды еңбегін атап өткен жөн, олар тәулік бойы парктің аумағын бақылап, биоалуантүрлілікті сақтау бойынша зерттеулер жүргізеді. Олардың қажырлы еңбегі мен табандылығының арқасында фототұзақтар дұрыс жерлерге орнатылып, осындай әсерлі нәтижелерге қол жеткізілді, – деді парк өкілдері.

    Қар барысы – ең сирек кездесетін ірі жыртқыштардың бірі. Бұл жануардың «қар барысы» деп аталуы бекер емес: ол таулы аймақтарда, жыл бойы қар басып жататын биік таулы аймақта өмір сүретін мысықтар тұқымдасының жалғыз өкілі.

    Қазақстанда қар барысы 1978 жылы Қызыл кітапқа енгізілген.

  • 21 адамды алдап, 101 млн теңге пайда көрген алаяқ сотталды

    21 адамды алдап, 101 млн теңге пайда көрген алаяқ сотталды

    Шығыс Қазақстан облысы Зайсан ауданында 21 адамды алдап соққан алаяқ 6 жарым жылға түрмеге қамалды.

    Зайсан аудандық сотында аса ірі мөлшерде алаяқтық жасаған адамға қатысты қылмыстық іс қаралды. Белгілі болғандай, ол таныстарына «Даму» кәсіпкерлікті дамыту бағдарламасы бойынша қомақты несие алатынын, бірақ соған ақша құю қажеттігін айтқан. Сол кезде алған ақшасын екі есе қылып қайтарып беретіндігіне сендірген.

    – 2022 жылдың сәуір айынан бастап 2024 жылдың наурыз айына дейін 21 адамнан жалпы мөлшері 101 563 988 теңге алған. Сот барысында жәбірленушілер айыпталушыдан материалдық шығынды өндіріп беруді және қатаң жаза тағайындауды сұрады. Сотталушының асырауында кәмелетке толмаған екі баласының болуы іс бойынша жазаны жеңілдететін мән-жай деп танылды, – деп хабарлады ШҚО сотының баспасөз қызметінен.

    Сот шешімімен Қ. есімді 6 жыл 6 ай мерзімге бас бостандығынан айырылды. Жәбірленушілерге келтірілген материалдық шығын толықтай өндірілді. Үкім әлі заңды күшіне енген жоқ.

     

  • Бірқатар өңірде ауа райына байланысты ескерту жасалды

    Бірқатар өңірде ауа райына байланысты ескерту жасалды

    «Қазгидромет» РМК синоптиктері ертең, 4 сәуірде елдің бірнеше өңірінде ауа райына байланысты ескерту жасады.

    Қызылорда облысының батысында, орталығында шаңды дауыл күтіледі. Жел оңтүстік-батыстан соғады, күші 15-20, күндіз облыстың орталығында екпін 25 м/с күтіледі.

    Шығыс Қазақстан облысында жел оңтүстік-шығыстан соғады, облыстың солтүстігінде, шығысында 15-20, күндіз екпіні 23 м/с.

    Абай облысының батысында, солтүстігінде найзағай, облыстың батысында, солтүстігнде, орталығында шаңды дауыл күтіледі. Жел оңтүстіктен, оңтүстік-батыстан соғады, облыстың батысында, солтүстігінде, орталығында 15-20 м/с, күндіз екпіні 23-28 м/с.

    Жетісу облысында оңтүстік-шығыстан оңтүстік-батысқа ауыспалы жел соғады, облыстың солтүстігінде, батысында екпіні 15-20, Алакөл көлдері ауданында кей уақыттарда 23-28 м/с күтіледі.

    Ақтөбе облысында солтүстік-батыстан жел соғады, күндіз облыстың шығысында екпіні 15-18 м/с күтіледі.

    Түркістан облысының солтүстігінде, оңтүстігінде, таулы аудандарында найзағай, облыстың солтүстігінде, батысында шаңды дауыл күтіледі. Оңтүстік-батыстан жел соғады, таңертең және күндіз облыстың солтүстігінде, батысында, орталығында және таулы аудандарында 15-20, кей уақыттарда екпіні 23-28 м/с.

    Шымкентте күннің соңында найзағай күтіледі. Оңтүстік-батыстан жел соғады, таңертең және күндіз 15-20, екпіні 23 м/с.

    Астанада оңтүстік-батыстан соғатын жел солтүстік-батысқа ауысады, кей уақыттарда екпіні 15-20 м/с.

    Павлодар облысының солтүстігінде қатты жаңбыр күтіледі. Оңтүстік-батыстан жел соғады, күндіз күші 15-20, облыстың батысында, оңтүстігінде, шығысында екпіні 23-28 м/с күтіледі.

    Қостанай облысында түнде жауын-шашын (жаңбыр, қар), облыстың оңтүстігінде кей уақыттарда қатты жауын-шашын (көбінесе жаңбыр) күтіледі. Түнде облыстың солтүстігінде тұман күтіледі. Солтүстік-батыстан жел соғады, түнде облыстың шығысында 15-20 м/с, күндіз екпіні 15-20 м/с.

    Ақмола облысының батысында, солтүстігінде, орталығында кей уақыттарда қатты жаңбыр, облыстың оңтүстігінде, шығысында найзағай күтіледі. Оңтүстік-батыстан соғатын жел солтүстік-батысқа ауысады, түнде облыстың батысында, солтүстігінде, шығысында екпіні 15-20 м/с, күндіз 15-20 м/с, облыстың солтүстігінде, шығысында екпіні 23-28 м/с күтіледі.

    Маңғыстау облысының батысында, солтүстігінде, орталығында найзағай күтіледі. Түнде және таңертең облыстың орталығында тұман күтіледі. Солтүстік-батыстан жел соғады, түнде облыстың батысында, солтүстігінде, шығысында 15-20 м/с күтіледі.

    Алматы облысында оңтүстік-батыстан жел соғады, облыстың батысында, шығысында, таулы аудандарында екпіні 15-20, кей уақытта 25 м/с.

    Солтүстік Қазақстан облысында күндіз оңтүстігінде, шығысында кей уақытта қатты жаңбыр күтіледі. Солтүстік-батыстан жел соғады, күші 15-20, облыстың оңтүстігінде, шығысында екпіні 23-28 м/с.

    Жамбыл облысының таулы аудандарында тұман күтіледі. Оңтүстік-батыстан жел соғады, облыстың оңтүстік-батысында, солтүстік-шығысында, таулы аудандарында 15-20 м/с, таңертең және күндіз екпіні 23-28 м/с күтіледі.

  • Антикордың бұрынғы бастығының ағасы 11 жылға сотталды

    Антикордың бұрынғы бастығының ағасы 11 жылға сотталды

    Шымкент соты Дәуренбек Қожабаевқа үкім шығарды. 2023 жылы оның бауыры – Мақсат Қожабаев пара алғаны үшін сотталған болатын.

    Дәуренбек Қожабаев ҚР Қылмыстық кодексінің 366-бабының 4-бөлігі бойынша – «өте ірі мөлшерде пара алу» қылмысын жасағаны үшін кінәлі деп танылды.

    Сот оны 11 жылға бас бостандығынан және өмір бойы мемлекеттік қызметте жұмыс істеу құқығынан айырды. Бұрынғы шенеунік жазасын орташа қауіпсіздік деңгейіндегі түзеу мекемесінде өтейді, деп мәлімдеді Шымкент соттарының баспасөз қызметі.

    Үкім әлі заңды күшіне енген жоқ.

    Дәуренбек Қожабаев – бұрынғы Антикор төрағасының орынбасары Мәксәт Қожабаевтың ағасы. Мәксәт Қожабаев 2023 жылдың қараша айында «өте ірі көлемде алаяқтық жасағаны» үшін 5,5 жылға бас бостандығынан айырылған. Ол 2021 жылдың шілдесінен 2022 жылдың сәуіріне дейін Антикор басшысының орынбасары қызметін атқарған.

    2023 жылдың шілдесінде Дәуренбек Қожабаевқа халықаралық іздеу жарияланды. Оған Шымкенттегі мектеп директорынан аса ірі көлемде пара алған деген айып тағылды. Қожабаев параға мектеп басшысын қылмыстық жауапкершіліктен босатамын деп уәде берген.

    Ол 30 қараша күні ұсталды.

  • Жәнібек Әлімханұлы кезекті қарсыласымен көз арбасты

    Жәнібек Әлімханұлы кезекті қарсыласымен көз арбасты

    Орта салмақта WBO және IBF нұсқасы бойынша әлем чемпионы, қазақстандық кәсіпқой боксшы Жәнібек Әлімханұлы (16-0, 11КО) кезекті жекпе-жегі алдында баспасөз конференциясын өткізді.

    Баспасөз конференциясы Астанадағы Rixsos қонақүйінде өтті. Оған франциялық қарсыласы Анауэль Нгамиссенгуе (14-0, 9КО) және бокс кеші андеркартында шаршы алаңға шығатын қазақстандық боксшылар Балауса Мұздыман, ағайынды Сабырхандар, Батыр Жүкембаев, Сұлтан Зауырбек қатысты.

    Баспасөз конференциясы барысында Жәнібек журналистер сұрағына жауап беріп, алдағы айқасында жанкүйерлер үшін есте қаларлықтай шоу көрсетуге уәде берді. Соңында Жәнібек Әлімханұлы қарсыласы Анауэль Нгамиссенгуемен алғаш рет бетпе-бет келіп, көз арбасты.

    Еске сала кетсек, Жәнібек Әлімханұлы 5 сәуір күні Астана қаласында кезекті жекпе-жегін өткізіп, чемпиондық белдіктерін қорғайды.

     

  • Түркістан облысында куәгер жалған айғақ беремін деп сотталып кетті

    Түркістан облысында куәгер жалған айғақ беремін деп сотталып кетті

    Түркістан облысында куәгер сотта жалған айғақ бергені үшін сотталып кетті, деп хабарлайды Azattyq Rýhy.

    Прокуратура мәліметінше, бұзақылық және адам ұрлау қылмыстары бойынша сот барысында куә сотталушының аса ауыр санаттағы қылмыстық жауаптылықтан босату мақсатында екі рет жалған жауап берген.

    Куәнің бұл іс-әрекеті сотқа дейінгі тергеп-тексеру барысында берген жауабын өзгерту арқылы сотты жаңылыстыру болған.

    «7 тамыз 2024ж. сот аталған қылмыстарды жасаған сотталушыға 12 жыл мерзімге бас бостандығынан айыру жазасын тағайындап, куәге қатысты қылмыстық іс қозғау қажеттігін қарастыру туралы жекеше қаулы шығарған.

    Cот барысында мемлекеттік айыптаушы айыпталушының кінәсін толығымен дәлелдеді.

    Нәтижесінде сотта куә ретінде жауап берген азамат аса ауыр қылмыстық іс қарау барысында қасақана жалған айғақтар бергені үшін ҚР ҚК 420-б. 2-б. бойынша кінәлі ретінде танылып, 5 жыл 6 ай мерзімге бас бостандығынан айыру жазасына тағайындалды», – делінген хабарламада.

  • Ақтауда ер адам хиджаб киген қызды зорламақ болған

    Ақтауда ер адам хиджаб киген қызды зорламақ болған

    Күдіктіні өтіп бара жатқан тұрғындар ұстап, полицияға тапсырған.

    Оқиға кешкі уақытта, теңіз жағалауында болған. Қыздың көмек сұрап айқайлаған дауысын естіген тұрғындар дереу көмекке барып, бойжеткенді құтқарған. Ер адам оны зорламақ болған. Тұрғындар күдіктіні полицияның қолына тапсырды.

    Маңғыстау облыстық полиция департаменті оқиғаны растап, қылмыстық іс қозғалғанын жеткізді.

    Полиция мәліметінше, ер адам серуендеп жүрген қыз балаға тиісіп, зорлық әрекеттерді жасауға тырысқан.

    «Бейнежазбадағы зорлауға оқталу әрекеті 11 наурыз күні болған. Дереу қылмыстық іс қозғалды. Полиция қызметкерлері күдіктіні ұстап, тергеу изоляторына қамады. Іс жүргізу аяқталып, айыптау қорытындысымен прокуратура арқылы сотқа жіберілді», – делінген хабарламада.

  • Президент Самарқанд қаласына ресми сапармен барды

    Президент Самарқанд қаласына ресми сапармен барды

     Президент Қасым-Жомарт Тоқаев «Орталық Азия – Еуропа Одағы» саммиті мен «Жаһандық климат сын-қатерлері кезеңіндегі Орталық Азия» халықаралық конференциясына қатысу үшін Самарқанд қаласына келді.

    Мемлекет басшысын әуежайда Өзбекстан Премьер-министрі Абдулла Арипов қарсы алды.

  • АҚШ-тың жаңа баж салығы: Қазақстан экспортына әсері аз

    АҚШ-тың жаңа баж салығы: Қазақстан экспортына әсері аз

    Минторговляның алдын ала талдауы бойынша, Қазақстаннан АҚШ-қа экспортталатын негізгі өнімдер – мұнай, уран, күміс, ферросплавтар – жаңа тарифтерден босатылған.

    Қосымша баж салығы тек кейбір тауарларға қатысты болады, олардың экспорты 2024 жылы 95,2 млн долларды құрады. Бұл Қазақстанның АҚШ-қа жалпы экспортының 4,8%-ын ғана қамтиды.