Sona.kz

Метка: Басты жаңалықтар

  • Президенттің қатысуымен Үкіметтің кеңейтілген отырысы басталды

    Президенттің қатысуымен Үкіметтің кеңейтілген отырысы басталды

    Күн тәртібіне сәйкес, жиында Премьер-Министр Олжас Бектенов, Премьер-Министрдің орынбасары Серік Жұманғарин, Ұлттық банк төрағасы Тимур Сүлейменов, «Самұрық-Қазына» АҚ басқарма төрағасы Нұрлан Жақыпов, Астана қаласының әкімі Жеңіс Қасымбек, Шымкент қаласының әкімі Ғабит Сыздықбеков, Қызылорда облысының әкімі Нұрлыбек Нәлібаев баяндама жасайды.

    «Бүгін біз Үкіметтің кеңейтілген отырысында өте өзекті мәселелерге тоқталамыз. Себеп – бәрімізге белгілі. Қазір дүние жүзі түбегейлі өзгеріске ұшырап жатыр. Жаһандық үдерістер, ең алдымен, еліміздің экономикалық ахуалына әсерін тигізетіні анық.

    Жаппай цифрландыру дәуірі, яғни жаңа технологиялық кезең басталды. Күллі әлем мүлдем басқа жағдайда өмір сүреді. Біз соған міндетті түрде дайын болуымыз керек. Жаңа технологиялық ахуалға сақадай сай тұруымыз қажет. Бұл – еліміздің бәсекеге қабілетін арттырып, тұрақты дамуына жол ашатын аса маңызды фактор.

    Үкімет пен әкімдердің жұмысы қаншалықты тиімді екенін алдымен экономиканың даму көрсеткіштері мен азаматтардың тұрмыс сапасына қарай бағалаймыз. Осы жұмыстың нәтижесі былтыр қандай болды? Негізгі міндеттер орындалды ма? Бүгін осы сұрақтарға тоқталамыз және жақын арада шешімін табуға тиіс өзекті мәселелерді талқылаймыз», – деді президент Қ.Тоқаев.

     

  • Әскерде мүгедек болып қалған Ербаян Мұхтар елге оралды

    Әскерде мүгедек болып қалған Ербаян Мұхтар елге оралды

    Әскерде жүріп басынан ауыр жарақат алған Ербаян Мұхтар Стамбұлда емінің алғашқы кезеңін аяқтап, Астанаға оралды.

    Заңгер Инга Иманбайдың сөзінше, Ербаян енді 2-3 ай елде болып, ағзасын толық қалпына келтіргеннен кейін көктемде Түркияға қайта оралып, емінің екінші кезеңін бастамақ. Ол Астанада нейрохирург профессор Гёкхан Акдемирдің бақылауында болады деп күтіліп отыр. Бір айдан кейін дәрігер өзі Қазақстанға келіп, Ербаянның жағдайын тексеретін болады.

    – Ербаянның Стамбұлдағы емін ұйымдастырып, барынша қолдау көрсеткен Динара мен Реджеп есімді азаматтарға да алғыс айтылған. Сонымен қатар, оның ата-анасы емнің алғашқы кезеңіне кеткен қаражат бойынша жақын арада есеп береді, – деп жазды ол.

    Еске сала кетейік, Ербаян әскерге өз еркімен барып, бірнеше айдан кейін Алматыдағы 5571 әскери бөлімінде бас сүйек-ми жарақатын алған болатын.

  • Есік көліне апартын жол көктемге дейін жабылды

    Есік көліне апартын жол көктемге дейін жабылды

    Іле Алатауы мемлекеттік ұлттық табиғи паркінің хабарлауынша, бұл шектеу қар көшкіні мен төтенше жағдайлардың алдын алу үшін енгізіліп отыр.

    – Түрген – Обсерватория тас жолы бойындағы Түрген орман шаруашылығының бақылау-өткізу пункті арқылы ұлттық паркке баруға жаяу жүргіншілерге, сондай-ақ жеңіл, жүк және жолаушылар көлігіне сағат 10:00-ден 17:00-ге дейін өтуге рұқсат етілген, – деп түсіндірді мекемеден.

    Кешкі сағат 18: 00-ден таңғы сағат 10:00-ге дейін өтіуге тыйым салынады. Қазақстанда көшкін қаупі бар 619 учаске бар, оның 165-і Алматы қаласында орналасқан. Соңғы жылдары қысқы демалыс түрлерінің танымалдылығы артқаннан кейін адамдардың өміріне қауіп айтарлықтай өсті.

    «Қазгидромет» РМК болжамы бойынша 2025 жылдың қаңтар және ақпан айларында таулы аумақтың басым бөлігінде жоғары температура мен мол жауын-шашын болады. Бұл қар жамылғысының тұрақсыз жағдайына алып келеді және көшкін қаупі бар оқиғалардың ықтималдығын арттырады.

     

  • Жетісулық жас баскетболшылар АҚШ-қа жолдама алды

    Жетісулық жас баскетболшылар АҚШ-қа жолдама алды

    Жетісу облысының баскетболдан жасөспірімдер командасы Алматыда өткен JUMP ашық турнирінің жеңімпазы атанып, АҚШ- қа жолдама ұтып алды. Жас спортшылар жазда 2 апта шетелде жаттығады.

    2025 жылдың 25-26 -шы қаңтар аралығында Алматы қаласында 3×3 баскетболдан U-16 санатындағы жасөспірімдер арасында JUMP ашық турнирі өтті. Бәсекеге Қазақстанның облыс, қалаларынан 18 команда қатысты. Екі күнге созылған турнирдің қорытындысы бойынша Жетісу облысының командасы жеңімпаз атанып, АҚШ-та өтетін оқу-жаттығу лагеріне жолдама алды.

    «Бұл турнир елімізде 2 жылдан бері өтіп келеді. U 16 жас санатында біздің өңірдің спортшылары тұңғыш рет жеңімпаз атанып, шетелге бара жатыр. АҚШ- тың Пенсильвания штатына барады. Ол жақта оларды белгілі баскетболшы Джерри Джонсон күтіп алады», – деді Жетісу облысының денешынықтыру және спорт басқармасының баспасөз бөлімінің басшысы Алуа Оспанжан.

    АҚШ- қа жолдама алған команда құрамында Мұқаш Жасұлан, Құрманғазы Ерзат, Байораз Радмир, Еркін Мирас сияқты жас спортшылармен бірге жаттықтырушы Анатолий Васильевич те бар.

    «Мен бұл команданың жаттықтырушысы болып 2018 жылдан бері жұмыс істеймін. Мұндай деңгейдегі жеңіс мен үшін, жаттықтырушы ретінде өте үлкен және жоғары жетістік. Командамды мақтан тұтамын және олардың жаттығу процесі өз нәтижесін бергеніне қуаныштымын. Бұл – Текелі спорт мектебінің жемісі. Жетісу облысының құрамында 2009-2010- шы жылдар аралығында 3 рет Қазақстан Республикасының чемпионы атанған балалар бастапқыдан-ақ жеңіске ынтық болды. Және дегендеріне жетті», – деді Жетісу облысы баскетбол құрамасының жаттықтырушысы Анатолий Бормотов.

     

     

  • Жаңа босанған әйел қан құюдан кейін АИТВ жұқтырған

    Жаңа босанған әйел қан құюдан кейін АИТВ жұқтырған

    Денсаулық сақтау министрі Ақмарал Әлназарова Қызылордада жаңа босанған әйелдің қан құюдан кейін АИТВ жұқтырғанын растады.

    «Бұл жағдай министрліктің бақылауында. Тиісті тексерістер жүргізіліп жатыр. Қазір ешкім жауапкершілікке тартылмады деп айта алмаймыз. Тергеу қорытындысы бойынша тисті шешім қабылданады», –  деді ведомство басшысы Мәжіліс кулуарында.

  • Тоқаев жетінші рет президент болған Лукашенконы құттықтады

    Тоқаев жетінші рет президент болған Лукашенконы құттықтады

    Беларусьте өткен сайлау нәтижесі бойынша қазіргі президент Александр Лукашенко 87,6% дауыспен жеңіске жетті.

    Бұл деректер Беларусь жастар ұйымы комитетінің экзит-полл нәтижесінен алынған. Сайлауда 5 үміткер қатысқан. Либералды-демократиялық партияның жетекшісі Олег Гайдукевичке тек 1,8% сайлаушы дауыс берген, Анна Канопацкаяға – 1,6%, ал Лукашенкоға 87,6% дауыс берілген. Сергей Сыранков 2,7% дауыспен, Александр Хижняк 1,2% дауыспен, «бәріне қарсы» дегендер 5,1% көрсеткішке ие болды.

    Сауалнама 320 сайлау учаскеде жүргізілген және оған 11 948 адам қатысқан. Сайлау нәтижелері бойынша алдын ала мәлімет Орталық сайлау комиссиясы 27 қаңтар күні түнде жариялайтынын мәлімдеді. Беларусь Орталық сайлау комиссиясы сайлауға халықтың 85,7% қатысқанын жеткізді.

    70 жастағы Александр Лукашенко бұл сайлауды өзі президент болып отырып, жетінші рет өткізуде. Ол 1994 жылдан бері елді басқарып келеді.

    Ақорданың хабарлауынща, Қасым-Жомарт Тоқаев Александр Лукашенкомен телефон арқылы сөйлесіп, Беларусь президенті сайлауындағы жеңісімен құттықтаған. Тараптар екіжақты күн тәртібінің, сондай-ақ өңірлік және халықаралық ұйымдар аясындағы өзара ықпалдастықтың өзекті мәселелерін талқылаған.

     

  • Үш жылда 12,1 млн гектар жер мемлекетке қайтарылды

    Үш жылда 12,1 млн гектар жер мемлекетке қайтарылды

    Игерілмей жатқан және тиімсіз игеріліп отырған телімдерді мемлекеттік жер қорына қайтару жұмыстарының аясында 12,1 млн гектар алқаптың иесі өзгерген.

    Жер ресурстарын басқару комитетінің төрағасы – Жерді пайдалану мен қорғау жөніндегі бас мемлекеттік инспектор Мұрат Теміржанов орталық коммуникациялар қызметінде өткен баспасөз мәслихатында осындай дерек келтірді.

    – Барлық мүдделі мемлекеттік органдардың үйлесімді жұмысының арқасында үш жылда ауқымды жұмыстар атқарылды. Жалпы көлемі 9,4 млн гектар жерде 4 731 жоспардан тыс тексеру жүргізіліп, мемлекеттік қорға 12,1 млн гектар жер қайтарылды. Оның 5,4 млн гектары 2022 жылы, 4,6 млн гектары 2023 жылы, 2,1 млн гектары 2024 жылы қайтарылды, – деді ол.

    – 4,9 млн гектар халықтың қажеттілігі үшін жергілікті органдарға берілді. Оның ішінде 1,9 млн гектар жер жайылым ретінде, 3 млн гектар жер конкурс негізінде жер пайдаланушыларға үлестірілді. Бұл шаралар жайылым тапшылығын азайтып, бұрын пайдаланылмаған жерлерді айналымға қосуға мүмкіндік берді, – деді комитет басшысы.

  • АҚШ-та жүрген қазақстандықтарға ескерту жасалды

    АҚШ-та жүрген қазақстандықтарға ескерту жасалды

    АҚШ-тағы миграциялық саясаттың қатаңдатылуына байланысты Қазақстан елшілігі шетелде құжатсыз, визасыз жүрген қазақстандықтарға ескерту жасады.

    Қазақстан елшілігі АҚШ-тың шекара қауіпсіздігін нығайту және заңсыз миграцияны азайту мақсатында миграциялық саясатын барынша қатаңдатқанына назарларыңызды аударады.

    Шекара қауіпсіздігін нығайтуға және заңсыз миграцияны азайтуға бағытталған шаралар елге заңсыз келген шетелдіктерге (визасыз келген және тұрақты тұруға рұқсаты жоқ азаматтар) және АҚШ-та заңсыз жүрген мигранттарға қатысты болып отыр.

    Қамауға алу және елден шығару сынды мәжбүрлеу шараларымен қатар, АҚШ-қа қайта кіруге шектеулер енгізіліп, сондай-ақ әлеуметтік көмек, жұмыс істеуге рұқсат беретін құжаттар мен басқа да әлеуметтік жеңілдіктерді жою қарастырылуда.

    – АҚШ билігі заңсыз негізде жүрген шетелдіктерге (құжаты жоқ, жарамсыз виза мен тұрақты тұруға рұқсаты (Грин Карта) және басқа құжаттар болмауы) елден өз еркімен кетуге мүмкіндік беріп отыр. Бұл шара Қазақстан азаматтарының депортацияға ұшырау қаупін азайтуға және оның салдарынан болашақта АҚШ визасына өтініш бергенде ел аумағына кіруге тыйым салынуынан сақтануға көмектеседі, – делінген хабарламада.

    Осы мәселеге қатысты тағы бірқатар өзгерістерді атап өтуге болады:

    • «Мексикада қалыңыз» саясаты қайта енгізілді, яғни мигранттар және саяси баспана сұрайтындар миграциялық сотқа шақырғанға дейін Мексикада қалуға міндеттеледі;
    • «Ұста да жібер» (catch and release) шарасы тоқтатылды. Бұл АҚШ шекарасынан заңсыз өткен мигранттар ісі қаралмайынша қамауда болатындығын білдіреді. Оларды арнайы орталықтарға қамап немесе бірден келген елдеріне қайтаратын болады. Сонымен қатар, азаматтар үшінші елдерге де жіберілуі мүмкін (мысалы, «Мексикада болу» бағдарламасы бойынша);
    • Шартты түрде уақытынан ерте босататын немесе АҚШ-қа кіруге алдын ала жеңілдіктер қарастырылған «CBP One» мобильдік қосымшасы жұмысын тоқтатты.

    АҚШ көші-қон заңнамасындағы өзгерістер туралы ресми ақпаратты келесі ресурстардан бақылап отыруды ұсынамыз:

    • АҚШ азаматтығы және иммиграция қызметі (USCIS);
    • АҚШ Мемлекеттік департаменті –  Консулдық мәселелер бюросы.

    Төтенше жағдайлар немесе консулдық-құқықтық көмек қажеттілігі туындаған жағдайда, төмендегі байланыс нөмірлеріне хабарласуды сұраймыз:

    • Қазақстан Республикасының Елшілігі: +1 202 232 5488 ішкі 127, 109, 121;
    • ҚР Нью-Йорк қаласындағы Бас консулдығы: +1 332 207 9632;
    • ҚР Сан-Франциско қаласындағы Бас консулдығы: +1 650 741-8894.
  • Футболдан ұлттық құраманың бас бапкері Станислав Черчесов қызметінен кетті

    Футболдан ұлттық құраманың бас бапкері Станислав Черчесов қызметінен кетті

    Футболдан Қазақстан ұлттық құрамасының бас бапкері Станислав Черчесов қызметінен кетті. ҚФФ хабарлағандай, еңбек шарты тараптардың өзара келісімі бойынша бұзылған. Сондай-ақ Қазақстан құрамасынан жаттықтырушылар штабы толық құраммен кетті.

    Станислав Черчесов 2024 жылдың маусым айында Қазақстан құрамасын басқарды. Оның басшылығымен ұлттық команда УЕФА Ұлттар лигасында 6 матч өткізіп, Норвегиямен тең түсіп, 1 ұпай жинады.

    Футболдан ұлттық құраманың бас бапкері қызметіне үміткерлер тізімі қарастырылып жатыр.

  • Алматы полициясы SMS-кодтардың алаяқтарға қалай көмектесетінін түсіндірді

    Алматы полициясы SMS-кодтардың алаяқтарға қалай көмектесетінін түсіндірді

    Алматы қаласы полиция департаментінің киберқылмыспен күрес басқармасы соңғы уақытта «1414» абоненттік нөмірінен жіберілетін смс-кодтарды заңсыз пайдалануға қатысты интернет-алаяқтық деректерінің көбеюіне алаңдаушылық білдірді.

    Ведомствоның мәліметінше, алаяқтар смс-кодтарды психологиялық айла-шарғы жасау құралы ретінде пайдаланады. Әдетте, жәбірленушіге өзін пошта, салық, коммуналдық қызмет немесе құқық қорғау органының қызметкері ретінде таныстырған бөтен адам қоңырау шалады. Олар жәбірленушіні үшінші тарап қосымшаларын орнатуға немесе сыртқы сілтемелерді басуға мәжбүрлейді. Мұндай әрекеттер жеке деректердің, соның ішінде смс-кодтың қолды болуына әкеледі. Нәтижесінде бұл банк шоттарын бұзуға және қаржылық залал келтіруге себеп болуы мүмкін.

    Алайда, ол «1414» нөмірінен келген смс-кодтардың несие алуға мүмкіндік бермейтінін атап өтті. Себебі банктер биометриялық аутентификация жүйесі мен арнайы қауіпсіздік шараларын қолданады. Дегенмен алаяқтар бұл кодтарды жәбірленушілердің сенімін жаулап алу және психологиялық қысым көрсету құралы ретінде пайдаланады. Мұндай алаяқтық әрекеттердің негізгі құрбандары көбінесе егде жастағы адамдар болады. Бірқатар жағдайларда алаяқтар азаматтарды депозиттерден ақшаларын шешіп алып, «сақтандыру шотына» салуға көндірген. Сонымен қатар, несие алу әрекеті туралы жалған ақпарат таратып, адамдарды мүлкін кепілге қоюға немесе сатуға итермелеген жайттар тіркелген. Көп жағдайда жәбірленушілер алаяқтардың көрсеткен шоттарына өз еріктерімен ақша аударады немесе қаражатты жеткізу қызметінің курьерлері арқылы береді. Полиция азаматтарды абай болуға, күмәнді қоңыраулар мен хабарламаларға жауап бермеуге шақырады.