Sona.kz

Метка: Басты жаңалықтар

  • Қорғаныс министрлігі әскерге бармағандарды күштеп алып кетуді құптай ма?

    Қорғаныс министрлігі әскерге бармағандарды күштеп алып кетуді құптай ма?

    Қарулы Күштер бас штабы ұйымдастыру-жұмылдыру жұмыстары департаменті бастығының орынбасары Фархат Айдарбеков қазақстандықтарды әскерге көшеден алып кетіп жатыр деген ақпаратқа қатысты пікір білдірді.

    Фархат Айдарбеков мұндай әрекеттердің көктемгі шақыру кезінде болғанын мойындады. Ал күзгі әскерге шақыру науқанында мұндай шаралар қолданылмаған.

    Мәселенің оңтайлы шешімін таптық. Қазір әкімдердің идеология жөніндегі орынбасарлары жастарды тәрбиелеу жұмыстарымен айналысып жатыр. Сондай-ақ алғашқы әскери дайындық пәнінің мұғалімдерімен де тығыз әріптестік қарым-қатынас орнаттық. Сонымен қатар, әскери ардагерлердің үгіт-насихат жұмыстарының арқасында қазір мұндай жағдайларға жол берілмейді, – деді Фархат Айдарбеков.

    Сонымен қатар, Қорғаныс министрлігінің ресми өкілі Руслан Жангулин жастарды әскерге көшеден алып кетіп жатқан жағдайлардың БАҚ бетіне жиі шығатынын айтты. Алайда мұндай жағдайлар халық ойлағандай көп болмайды.

    Егер біз 40 мың адамды әскерге шақыртсақ, бір-екі рет қана жастарды көшеден алып кеткен болар. Ішкі істер органдары әскерге келмегендерге іздеу салады. Бұл жағдайда полицияның әрекеті заңды. Азаматтар неге өздері келмейді? Мұның әртүрлі себебі бар. Мысалы, ол бір жерде тіркеліп, бірақ басқа қалада болуы мүмкін, – деді Руслан Жангулин.

  • Қазақстанның бірнеше өңірінде ескерту жарияланды

    Қазақстанның бірнеше өңірінде ескерту жарияланды

    Абай облысының солтүстігінде, батысында, орталығында жоғары өрт қауіпі сақталады, облыстың оңтүстігінде төтенше өрт қауіпі сақталады.

    Маңғыстау облысында солтүстік-батыстан жел соғады, түнде облыстың батысында 15-20 м/с күтіледі. Облыстың солтүстігінде, оңтүстігінде, орталығында жоғары өрт қауіпі сақталады.

    Қостанай облысының батысында, оңтүстік-шығысында жоғары өрт қаупі сақталады, облыстың оңтүстігінде төтенше өрт қауіпі сақталады.

    Батыс Қазақстан облысының солтүстік-шығысында қатты жаңбыр күтіледі. Жел оңтүстіктен солтүстік-батысқа ауысып соғады, күндіз облыстың батысында, оңтүстігінде, орталығында екпіні 15-20 м/с. Облыстың солтүстігінде жоғары өрт қауіпі сақталады, облыстың басым бөлігінде төтенше өрт қауіпі сақталады.

    Астанада жоғары өрт қауіпі сақталады.

    Ұлытау облысының басым бөлігінде төтенше өрт қауіпі, облыстың шығысында жоғары өрт қауіпі сақталады.

    Қарағанды облысының басым бөлігінде төтенше өрт қауіпі, облыстың солтүстігінде жоғары өрт қауіпі сақталады.

    Солтүстік Қазақстан облысында оңтүстік-батыстан, батыстан жел соғады, түнде күші 15-20 м/с, күндіз облыстың батысында екпіні 15-20 м/с күтіледі. 09 қазанда облыстың шығысында жоғары өрт қауіпі сақталады.

    Ақтөбе облысында оңтүстік-шығыстан соғатын жел оңтүстік-батысқа ауысады, күндіз облыстың солтүстігінде, орталығында екпіні 15-20 м/с күтіледі. Облыстың солтүстігінде, солтүстік-шығысында жоғары, басым бөлігінде төтенше өрт қауіпі сақталады.

    Шығыс Қазақстан облысының солтүстігінде, оңтүстігінде, орталығында жоғары өрт қауіпі сақталады, облыстың батысында төтенше өрт қауіпі сақталады.

    Қызылорда облысының басым бөлігінде төтенше өрт қауіпі сақталады.

    Павлодар облысының басым бөлігінде жоғары өрт қауіпі сақталады.

    Ақмола облысының басым бөлігінде жоғары өрт қауіпі сақталады.

    Атырау облысында оңтүстік-шығыстан солтүстік-батысқа ауысып жел соғады, күндіз облыстың солтүстігінде, оңтүстігінде екпіні 15-20 м/с. Облыстың басым бөлігінде төтенше өрт қауіпі сақталады.

  • АЭС құрылысы 1,5 жылдан соң басталуы мүмкін

    АЭС құрылысы 1,5 жылдан соң басталуы мүмкін

    Елімізде салынатын атом электр станциясының құрылысы қазір басталмайды. Оған кем дегенде 1,5 жыл керек. Өйткені, Үкімет нысанды салып бастау үшін бірқатар құжат дайындау тиіс. Бұл туралы Премьер-министрдің бірінші орынбасары Роман Скляр айтты.

    Ол АЭС-тің құрылысы 10 жылға дейін созылуы ықтимал екенін жеткізді. Консорциум құрамында 5 мемлекет болады. Оның құрылуы мен құрамына қатысты шешім келесі жылы қабылданатынын айтты.

  • Жамбыл облысында 119 қытай азаматы қамауға алынды

    Жамбыл облысында 119 қытай азаматы қамауға алынды

    Жамбыл облысында жұмыс істеп жүрген қытай азаматтары қамауға алынды. 119 шетелдік Сарысу ауданында салынып жатқан Сода зауытының құрылысына тартылған.  Оларды кәсіпорын аумағынан Ұлттық қауіпсіздік қызметкерлері мен полиция бірлесіп ұстады. Құжаттары тексеріліп, ел аумағында заңсыз жүргені анықталды. Барлығының жұмыс визасы жоқ болып шықты. Сарысу аудандық сотының шешімімен 16 қытай азаматы елден шығарылатын болды. Қалғандарының құжаттары әлі тексеріліп жатыр.

  • Ержан Төлепов, Түркістан облысының бас имамы: Ол аттестациядан құлап қалған имамның сойылын соғып отыр

    Ержан Төлепов, Түркістан облысының бас имамы: Ол аттестациядан құлап қалған имамның сойылын соғып отыр

    Оның пікірінше, Түркістан облысының бас имамы Ержан Төлепов пен оның іс басқарушысы Әлімхан деген азамат жол ережесін бұзып, мешіт балансында тұрған көлікті айыппұлға белшесінен батырып тастаған. «Ержан Төлепов айыппұлды неге жанқалтасынан төлемейді?» деген сұрақты төтесінен қойған жазбада:

    «Суреттегі Toyota Camry 50 көлігі «Ахмет Яссауи облыстық орталық мешітінің» балансына тіркелген. Бұл машина бас имам Ержан Төлеповтың қызмет көлігі саналады. Toyotaны Ержан мен оның іс басқарушысы Әлімхан екеуі кезектесіп тепкілеп мініп жүр. Үнемі жылдамдықты асырып айдап, айыппұлға түсіп қалады. Әрине, көлік мешітке тіркелгендіктен, жол ережесін бұзғаны үшін салынатын айыппұлды Төлепов емес, мешіт есепшісі төлейді. Мешітке Құдай аспаннан ақша жаудырып жатқан жоқ, бұл қаржы жамағаттың бала-шаға аузынан жырып мешітке берген пітір-садақасы. Ал бас имам мешіт көлігімен жол ережесін бұзып, айыппұлға түсіп, халықтың қаржысын ысырап қылып жүр» делінген.

    Sona.kz тілшісі Түркістан облысының бас имамы Ержан Төлеповке хабарласып, мәселенің анық-қанығын өзінен сұрады.

    – Ержан Сматұлы, әлеуметтік желіде жария болған ақпарат жайында хабардарсыз ба? «Қызметтік көлікпен айыппұлға көміліп қалыпты» дейді ғой. 

    – Дін саласында облыстық деңгейде қызмет атқарып жатқаныма екі жылдың жүзі. Бұған дейін де талай жерде жұмыс істедім, ешқандай мәселе туындаған жоқ.

    Бұл көлік мүфтияттың атындағы қызметтік көлік. Енді біз Түркістан облысын түгел аралаймыз. Үнемі күре жолда жүреміз. Сондай кезде жылдамдық асырып, түсіп қалуымыз мүмкін. Кейде қайда түскенімізді де білмей қаламыз. Келген айыппұлды өз уақытында төленіп тұрады. Асыра сілтеп жазғандай, айыппұл көп емес.

    Бұрыннан көлік жүргізіп жүрген адам да камераға түсіп қалады ғой. Бір-ақ рет түскен айыппұлды көрсеткен. Бірақ үнемі жылдамдықты асырып айдап, айыппұл арқалай берсек, оған да арнайы бап бар емес пе? Заңды түрде, шығарып берсін. Екі жылда бір рет түскен екенбіз, соған бола әлеуметтік желіге дабырайтып жазған дұрыс емес қой.

    – Сонда бұл қолдан жасалған арандату ма?

    – Әлбетте. Ораз Әлімбек ұсынып отырған мәлімет – жалған. Ол аттестациядан құлап қалған имам Таңат Серкебайдың сойылын соғып жатыр. 2023, 2024 жылы да аттестациядан өте алмай, қызметтен босап қалған ол қайтадан қызметке келгісі кеп бұйрық шығаруды талап етіп, қоқан-лоқы жасауда. Бұл бұйрықты біз емес, комиссия шешімімен мүфтият шығарады. Сол имамның өрескел іс-әрекеті жайында жазсаңыздаршы. Аттестациядан құлап қалса – өзінің білімсіздігі, біліксіздігі, оқығаны туралы бірде бір құжатының жоқтығы. Ал енді блогерді пайдаланып, әлеуметтік желі арқылы бопсалау жасауы дұрыс па? Менен ілік іздейтін басқа жол таппаған сияқты. «Сіздің осындай кінәратыңыз бар екен» деп өзіме келіп, айыбымды неге бетіме айтпайды?

    Сондықтан нақты ақпаратты алғашқы қайнар көзден алу керек. «Біреу айтты» екен деп шешім шығаруға болмайды. Шариғаттың өзінде де неке бұзылып, талақ сұрап келген жағдайда тек әйелді ғана емес, еркекті де, олардың куәгерлерін де тыңдап, шешім шығарамыз. Сол сияқты біз де шағымданып, арыз түсіріп, сотқа береміз. Бірақ әлгі имам артын ойламай, бопсалап, жағдайды ушықтырып отыр.

    Қазір Астанадан заңгер келіп, бәрін тексеріп жатыр. Заңды түрде жұмыс жүргізіледі. Жалпы, даудың басы қай жақтан шыққанын анықтамайынша, әлеуметтік желіге ақпарат жариялауға болмайды. Әлеуметтік желіні шулатып, елдің арасында алауыздық туғызғанша, сотқа берсін. Екі адамның арасындағы әңгімені 20 млн халық тыңдауы шарт па?

  • Димаш Құдайберген Діндер съезінің Ізгі ниет елшісі болып тағайындалды

    Димаш Құдайберген Діндер съезінің Ізгі ниет елшісі болып тағайындалды

    Белгілі қазақ әншісі Димаш Құдайберген Әлемдік және дәстүрлі діндер көшбасшылары съезінің Ізгі ниет елшісі болып тағайындалды.

    Астанада өтіп жатқан Әлемдік және дәстүрлі діндер көшбасшылары съезі хатшылығының ХХІІ отырысында съездің Ізгі ниет елшісі лауазымына 5 адам ұсынылды. Осы бес адамның ішінде әнші Димаш Құдайберген де бар.

    Хатшылық отырысына қатысушылар осы бес үміткердің кандидатурасын да бірауыздан мақұлдады.

    Қалған Ізгі ниет елшілерінің тізімі мынандай:

    Иерусалим Патриархы III Феофил;

    Англикан қауымдастығы бас хатшысының орынбасары Бэйли Уэллс;

    Мұсылман ақсақалдар кеңесінің Бас хатшысы Мұхаммед Әбдел Салам;

    Вьетнам буддистік сангха атқару кеңесі төрағасының орынбасары, бас хатшы Тик Дык Тьен.

     

     

  • Референдум бойынша түпкілікті нәтиже шықты

    Референдум бойынша түпкілікті нәтиже шықты

    Бұған дейін жарияланған мәліметтен айырмашылығы жоқ. Азаматтардың 71,12 пайызы АЭС құрылысын қолдады. 7,8 млн адамның 5,5 млн-ы “иә” деген нұсқаны таңдаған.

    Еске салайық, ҚР Орталық референдум комиссиясы республикалық референдумда дауыс берудің алдын ала нәтижелерін жариялаған болатын. Ол кездегі мәліметтерге сәйкес, референдумға қатысуға құқығы бар Қазақстан Республикасы азаматтарының жалпы саны 12 миллион 284 мың 487 адамды құрады. Дауыс беруге қатысқан азаматтардың саны референдумға қатысуға құқығы бар азаматтар санының 7 миллион 820 мың 204 адамды немесе 63,66% құрады.Референдумға шығарылған мәселені оң шешуге дауыс берген азаматтардың саны 5 миллион 561 мың 937 адамды немесе 71,12% құрады.

     

     

  • eGov.kz сайтында жаңа қызмет пайда болды

    eGov.kz сайтында жаңа қызмет пайда болды

    Қазақстандықтар eGov.kz порталындағы «Автокөлік тарихы» сервисі арқылы автокөлікке иелік ету тарихы туралы барлық ақпаратты тексере алады.

    «Ұлттық ақпараттық технологиялар» АҚ мәліметінше, сервис пайдаланушыларға сатып алмас бұрын көлік тарихын тексеруге көмектеседі.

    «Қызметті енгізу пайдаланушыға ықтимал сатып алу туралы қосымша ақпаратпен танысуға көмектеседі және сәйкессіздіктер туындаған жағдайда бірқатар мәселелерден қорғайды. Тексеру үшін әлеуетті сатушыдан автокөліктің мемлекеттік нөмірін және тіркеу нөмірін сұрау керек «, – делінген 2024 жылдың 8 қазанында таратылған хабарламада.

  • «Made with Italy»: Қазақстан мен Италияның бірлескен жобалары жүзеге асады

    «Made with Italy»: Қазақстан мен Италияның бірлескен жобалары жүзеге асады

    Миланда «ҚАЗАҚСТАН – ИТАЛИЯ: Қазақстан жолындағы сауда және инвестициялық мүмкіндіктер» атты Қазақстан-Италия форумы басталды. Іс-шараға Қазақстан Республикасының Сауда және интеграция министрі Арман Шаққалиев, Италиядағы Қазақстанның Төтенше және Өкілетті Елшісі Ерболат Сембаев, Қазақстан Республикасының Туризм және спорт вице-министрі Ержан Еркінбаев, сондай-ақ Италия Сенатының Президенті Игнацио Ла Русса, Италияның Туризм министрі Даниэла Сантанке және «Made in Italy» вице-министрі Валентино Валентини сияқты жоғары дәрежелі италиялық өкілдер қатысты.

    Форумда Қазақстан Президенті Қасым-Жомарт Тоқаевтың 2024 жылдың қаңтарында Италияға жасаған ресми сапарының қорытындысы бойынша берген тапсырмаларын орындау барысы талқыланды. Бұл Қазақстан-Италия қарым-қатынасын нығайтудағы маңызды қадам болды. Талқыланған негізгі тақырыптарға жаңартылатын энергетика, агроөнеркәсіп кешені, туризм, фармацевтика және технологиялық инновациялар кірді. Сондай-ақ, Қазақстанның Еуропа мен Орталық Азия арасындағы экономикалық ынтымақтастықтағы стратегиялық маңыздылығы атап өтті.

    Сауда министрі Арман Шаққалиев Италия Қазақстан үшін Еуропалық Одақтағы негізгі сауда серіктестерінің бірі екенін және тауар айналымы бойынша үздік үштікке кіретінін атап өтті. Ынтымақтастықты нығайту аясында Қазақстан италиялық компаниялардың қатысуымен бірлескен кәсіпорындарда өндірілген өнімді ілгерілетіп, тауарлардың халықаралық нарықтағы позициясын күшейтетін «Made with Italy» тұжырымдамасын енгізуді ұсынды.

    «Made in Italy» вице-министрі Валентино Валентини бұл идеяны қолдап, бірлескен жобалар екі елдегі шағын және орта бизнестің дамуын ынталандыратынын айтты. Сондай-ақ, форумда туризм саласындағы перспективалар талқыланды, онда Италияның Туризм министрі Даниэла Сантанке Астана мен Милан арасында тікелей рейстердің іске қосылуы туристердің қатынауына  үлкен үлес қосады деді.

    Бұл бастаманың маңызды бөлігі қазақстандық өнімнің Қазақстан аумағында ЕО және Италия нарығына жылдам шығуын қамтамасыз ету үшін еуропалық сапа стандарттарына көшу үшін алдыңғы қатарлы тәжірибе орталықтарын («Excellence Center») құру болып табылады.

    Форум аясында ашылған Италиядағы қазақстандық компаниялардың алғашқы сауда-экономикалық миссиясына ерекше назар аударылды. Миссияға ауыл шаруашылығы, мұнай сервистік қызметтер, тоқыма өнеркәсібі, туризм және IT сияқты секторларды қамтитын 50-ден астам қазақстандық кәсіпорын қатысты. «QazTrade» АҚ бас директоры Жеңіс Өсербайдың айтуынша,  миссия жаңа серіктестіктердің дамуы мен перспективалы жобаларды жүзеге асыру үшін үлкен мүмкіндіктер береді.

    Форумда Maire Group, Ansaldo Energia, Filiera Italia, Confindustria Kazakhstan және басқа да жетекші компаниялардың өкілдері сөз сөйледі. Форумның негізгі мақсаты – екі елдің үкіметтік және бизнес құрылымдары арасындағы өзара сауда-экономикалық ынтымақтастықты дамытуға ықпал ететін диалог пен идеялармен алмасуға арналған алаң құру болды. Бұл өзара сауда-инвестициялық ынтымақтастықты дамытуға ықпал етеді.

    Сауда миссиясы Қазақстан мен Италия арасындағы экономикалық байланыстарды нығайту және ынтымақтастықтың жаңа мүмкіндіктерін іздеу мақсатындағы B2B кездесулер және көрмелерге қатысу арқылы жалғасады.

     

    Айта кетейік, 2023 жылы Қазақстан мен Италия арасындағы тауар айналымы 7,8%-ға өсіп, 16,1 млрд долларды құрады. Қазақстан экспорты 14,8 млрд долларды, импорт – 1,2 млрд долларды құрады. 2024 жылдың 8 айында тауар айналымы 33%-ға өсіп, 13,8 млрд долларға жетті, ал қазақстандық экспорт 36%-ға өсті (12,9 млрд доллар). Негізгі өсу драйверлері: шикі мұнай (+38,1%), көмір (+309,5 есе), зығыр тұқымдары (+4,1 млн доллар), пропилен полимерлері (+71,6 есе) және т.б.

    Форум аясында сондай-ақ «Қазақстан Конфиндустриясы» қауымдастығы ұйымдастырған Қазақстан мен Италияның елдік тұсаукесері ұсынылды. Іс-шараға екі ел компанияларының өкілдері жиналып, одан арғы ынтымақтастық мүмкіндіктерін талқылау үшін диалог алаңы құрылды. Қауымдастық пайдаланатын экономикалық дипломатия құралдары энергетика, фармацевтика, аграрлық азық-түлік өндірісі және өнеркәсіп сияқты секторлардағы коммерциялық және инвестициялық мүмкіндіктерді кеңейтуге бағытталған.

  • Қазақстан алтын қорын көбейткен 10 елдің қатарына енді

    Қазақстан алтын қорын көбейткен 10 елдің қатарына енді

    Қазақстан алтын қорын көбейткен 10 елдің қатарына енді. Кейінгі 10 жылда алтын сатып алуды арттырған елдердің тізімі жарияланды. Көш басында Ресей тұр. Ресей тұр. Көрші ел 1298 тонна алтын сатып алған. Қытай да алтын қорын біршама арттырған: 1181 тонна алтын сатып алыпты. Үшінші орында – Түркия. Бұл елдің алтын қоры 424 тонна алтынға толыққан.
    Бұдан бөлек Польша, Үндістан, Өзбекстан, Қазақстан, Сингапур, Ирак және Таиланд тұр.

    Алтын қорын көбейткен елдер:
    ( 2013 — 2023 жж.)

    1. Ресей – 1298 тонна
    2. Қытай – 1181 тонна
    3. Түркия – 424 тонна
    4. Польша – 256 тонна
    5. Үндістан – 246 тонна
    6. Өзбекстан – 154 тонна
    7. Қазақстан – 151 тонна
    8. Сингапур – 103 тонна
    9. Ирак – 100 тонна
    10. Таиланд – 92 тонна.