Sona.kz

Метка: Басты жаңалықтар

  • Референдумда дауыс бергендер саны 7,5 млннан асты

    Референдумда дауыс бергендер саны 7,5 млннан асты

    АЭС бойынша референдумда 7,5 млн адам өз таңдауын жасады. Бұл туралы Орталық референдум комиссиясының мүшесі Асылбек Смағұлов айтты.

    Комиссия мүшесінің атап өтуінше, сағат 18:00-дегі жағдай бойынша 7 537 675 азамат бюллетень алды. Бұл тізімге енгізілген азаматтардың 61,56 пайызын құрайды.

    Оның ішінде:

    1. Абай облысы бойынша – 64,24%

    2. Ақмола облысы бойынша – 68,98%

    3. Ақтөбе облысы бойынша – 72,31%

    4. Алматы облысы бойынша – 67,77%

    5. Атырау облысы бойынша – 60,8%

    6. Батыс Қазақстан облысы бойынша – 64,41%

    7. Жамбыл облысы бойынша – 57,76%

    8. Жетісу облысы бойынша – 64,24%

    9. Қарағанды облысы бойынша – 69,48%

    10. Қостанай облысы бойынша – 70,99%

    11. Қызылорда облысы бойынша – 79,87%

    12. Маңғыстау облысы бойынша – 51,38%

    13. Павлодар облысы бойынша – 62,51%

    14. Солтүстік Қазақстан облысы бойынша – 63,72%

    15. Түркістан облысы бойынша – 74,23%

    16. Ұлытау облысы бойынша – 67,77%

    17. Шығыс Қазақстан облысы бойынша – 72,58%

    18. Астана қаласы бойынша – 49,35%

    19. Алматы қаласы бойынша – 22,91%

    20. Шымкент қаласы бойынша – 68,89%

    Еске салайық, бүгін қазақстандықтар атом электр станциясын салу мәселесі бойынша жалпыұлттық референдумда дауыс беріп жатыр.

    Республикалық референдум бюллетенінде бір ғана сауал болады:

    – Сіз Қазақстанда атом электр станциясын салуға келісесіз бе ?

    Дауыс беруші жауаптың екі нұсқасының бірін таңдайды:

    – «Иә, келісемін» немесе, «Жоқ, келіспеймін».

    1 шілдедегі жағдай бойынша ел көлемінде 12 176 968 адам референдумда дауыс беруге құқылы

     

  • Астанада референдум күні 39 сәби өмірге келді

    Астанада референдум күні 39 сәби өмірге келді

    Астанада 2024 жылғы 6 қазанда сағат 00:00-ден 15:00-ге дейін 39 нәресте өмірге келді. Оның ішінде 29-ы – ұл және 10-ы – қыз.

    Референдум күні елорданың медициналық мекемелері акушерлік бөлімшелердегі әйелдерге дауыс беру мүмкіндігін ұйымдастырды. Арнайы сайлау учаскелері тікелей ауруханаларда ашылды. Бұл жүкті және босанған әйелдерге медициналық мекемелерден шықпай-ақ таңдау жасауға мүмкіндік берді.

    Астанада таңертеңгі сағат 7-ден бастап 460 учаске жұмыс істейді. Оның 352-сі – ашық, 34-і – жабық, 74-і дипломатиялық өкілдіктер мен елшіліктерге бөлінген.

    Естеріңізге сала кетейік, Астана тұрғындары өздерінің учаскелерін 4 тәсілмен онлайн біле алады:

    — Ресми веб-қызмет: https://referendum.astana.kz/

    — Telegram-да чат-бот арқылы: https://t.me/referendum_astana_bot

    — IKomek бірыңғай байланыс орталығы арқылы, 109 нөмірі бойынша;

    — «Smart Astana» мобильді қосымшасында «New» бөлімінде – «Референдум учаскесін іздеу». Қолданбаны App Store немесе Google Play арқылы жүктеп алуға болады.

  • Референдум: 7 млн адам дауыс берді

    Референдум: 7 млн адам дауыс берді

    АЭС бойынша референдум барысында 7 млн адам дауыс берді. Бұл туралы Орталық референдум комиссиясының мүшесі Анастация Щегорцова айтты. Комиссия мүшесінің атап өтуінше, 16:00-дегі жағдай бойынша 7 062 358 азамат бюллетень алды. Бұл тізімге енгізілген азаматтардың 57,68 пайызын құрайды.

    Оның ішінде:
    1. Абай облысы бойынша – 58,12%
    2. Ақмола облысы бойынша – 63,5%
    3. Ақтөбе облысы бойынша – 68,41%
    4. Алматы облысы бойынша – 64,09%
    5. Атырау облысы бойынша – 56,61%
    6. Батыс Қазақстан облысы бойынша – 60,82%
    7. Жамбыл облысы бойынша – 53,58%
    8. Жетісу облысы бойынша – 58,86%
    9. Қарағанды облысы бойынша – 62,86%
    10. Қостанай облысы бойынша – 67,57%
    11. Қызылорда облысы бойынша – 76,15%
    12. Маңғыстау облысы бойынша – 47,7%
    13. Павлодар облысы бойынша – 58,7%
    14. Солтүстік Қазақстан облысы бойынша – 60,15%
    15. Түркістан облысы бойынша – 70,73%
    16. Ұлытау облысы бойынша – 63,85%
    17. Шығыс Қазақстан облысы бойынша – 68,33%
    18. Астана қаласы бойынша – 46,3%
    19. Алматы қаласы бойынша – 20,57%
    20. Шымкент қаласы бойынша – 66,48%

    Референдум учаскелері кешкі сағат 20:00-ге дейін ашық.

    Елімізде өтіп жатқан АЭС салуға қатысты референдум туралы шетелдік бұқаралық ақпарат құралдары да хабар таратып жатыр. Осы мақсатта 200-ге жуық журналист әлемнің 37 елінен арнайы келген. Олар таңнан бері дауыс беру учаскелеріне барып, референдум барысын қадағалап жүр.

  • Референдум: екі адам әкімшілік жауапкершілікке тартылды

    Референдум: екі адам әкімшілік жауапкершілікке тартылды

    Референдумда сауалнама жүргізіп, үгіт-насихат жасаған екі адам әкімшілік жауапкершілікке тартылды. Оларға айыппұл  салынды. Бұл жөнінде орталық коммуникациялар қызметінде өткен брифингте Бас прокуратураның ресми өкілі  мәлім етті. Ал, жалпы қоғамдық тәртіпке қатысты заң бұзушылық тіркелмеген. Естеріңізге сала кетейік, Референдум күні былай дауыс бер деп үгіт-насихат жүргізуге және қалай дауыс бердің деп сауалнама жасауға болмайды.

    «Бүгін бұзушылықтың екі фактісі анықталды. Біріншісі жеке тұлғаның қоғамдық пікірге заңсыз сауалнама жүргізуіне қатысты. Ол Әкімшілік құқық бұзушылық туралы кодекстің 120-бабының 3-бөлігі бойынша жауапқа тартылды. Оған тиіссі айыппұл салынды. Екіншісі — заңсыз үгіт. Мұнда азаматтық адамға осы Кодекстің 102-бабы бойынша айыппұл салынды. Екі жағдайда да құқық бұзушылар өз кінәсін мойындады», — деді ҚР Бас прокуратурасы Қоғамдық мүддерлерді қорғау қызметі басқармасының бастығы Бекжан Қараманов.

    Спикердің айтуынша, республикалық референдум процесі қалыпты жағдайда өтуде.

    Референдум учаскелеріне 18 мың полицей жұмылдырылған. Бүгін құқық қорғау органдары күшейтілген режимде жұмыс істеп жатыр.

    «Бүгінде 33 мыңнан астам полиция қызметкері мен Ұлттық үланның әскери қызметшілері тәулік бойы қызмет атқаруда. 10 мың дауыс беру учаскесіне 18 мыңға жуық полиция қызметкері жұмылдырылды. Елдегі қоғамдық ахуал тұрақты екенін айта кеткен жөн. Қандай да бір өрескел бұзушылықтар тіркелген жоқ», -деді ҚР Ішкі істер министрлігінің ресми өкілі Шыңғыс Әлекешев.

    Полицияның жедел басқару орталықтарының бейнебақылау камераларын пайдалана отырып, көшелер мен дауыс беру орындарын бақылау жалғасуда.

     

  • Маңғыстауда әртістер «Алаш арыстары» образымен келіп, дауыс берді

    Маңғыстауда әртістер «Алаш арыстары» образымен келіп, дауыс берді

    Маңғыстаудағы референдум учаскесінде Міржақып Дулатов, Әлихан Бөкейханов, Жүсіпбек Аймауытов, Сәкен Сейфуллин, Шәкәрім Құдайбергенұлы, Мұстафа Шоқай, Жалау Мыңбаев сынды алаш арыстарының образын сомдаған актерлар дауыс берді.

    Өңірлік коммуникациялар қызметінің ақпаратына сүйенсек, бүгін 6 қазан күні Алаш арыстарына арналған «Аманат» спектакілі сахналанады.

    «Ұлт көсемдерінің кейіпіндегі әртістер сайлау учаскелерін аралап, тарихи тұлғалардың өнегесін паш етті. Сайлау учаскелерінде Ахмет Байтұрсынов, Міржақып Дулатов, Әлихан Бөкейханов, Жүсіпбек Аймауытов, Сәкен Сейфуллин, Шәкәрім Құдайбергенұлы, Мұстафа Шоқай, Жалау Мыңбаев сынды ұлт қайраткерлерінің және өкпе жыр жүйрігі Сүгір жырау Бегендікұлының кейіпіндегі өнер өкілдері елдің саяси бағдарын айқындайтын маңызды науқанға қолдау көрсетті», – деп жазды өңірлік коммуникациялар қызметі.

  • Референдумда Үлкен ауылының халқы белсенділік танытуда

    Референдумда Үлкен ауылының халқы белсенділік танытуда

    Сағат 14:00-де Жамбыл ауданы (Алматы облысы) Үлкен ауылындағы №332 референдум учаскесінде тұрғындардың 70 пайыздан астамы дауыс берді. Ауыл тұрғындарының белсенділігі таң қалдырады: қазірдің өзінде 775 адам дауыс беріп үлгерді.

    «Бүгін біз референдумның барлық қазақстандықтар үшін маңыздылығын байқап отырмыз, сайлау учаскесінде бәрі әдеттегідей өтуде, ешқандай заң бұзушылықтар тіркелген жоқ», — деп атап өтті Үлкендегі референдум учаскелік комиссиясының төрағасы Әлия Үкібаева.

    Алматы облысында барлығы 643 референдум өткізу учаскесі ашылып, жұмысы тоқтаусыз жалғасуда. Республикалық референдумды өткізуге 655 референдум комиссиясы қатысады, оның ішінде облыстық және 11 аумақтық комиссиялар бар.

  • Референдум: 6 млн 339 мың адам дауыс берді

    Референдум: 6 млн 339 мың адам дауыс берді

    Комиссия мүшесінің атап өтуінше, 14:00–дегі жағдай бойынша 6 339 425 азамат бюллетень алды. Бұл тізімге енгізілген азаматтардың 51,77 пайызын құрайды.

    АЭС бойынша референдум барысында 6 млн 339 мың адам дауыс берді. Бұл туралы Орталық референдум комиссиясының мүшесі Сәбила Мұстафина айтты.

    Оның ішінде:

    1. Абай облысы бойынша — 52,99%
    2. Ақмола облысы бойынша — 54,91%
    3. Ақтөбе облысы бойынша — 52,85%
    4. Алматы облысы бойынша — 59,32%
    5. Атырау облысы бойынша — 52,91%
    6. Батыс Қазақстан облысы бойынша — 50,52%
    7. Жамбыл облысы бойынша — 48,80%
    8. Жетісу облысы бойынша — 55,42%
    9. Қарағанды облысы бойынша — 59,92%
    10. Қостанай облысы бойынша — 61,54%
    11. Қызылорда облысы бойынша — 54,13%
    12. Маңғыстау облысы бойынша — 46,19%
    13. Павлодар облысы бойынша — 49,18%
    14. Солтүстік Қазақстан облысы бойынша — 48%
    15. Түркістан облысы бойынша — 67,38%
    16. Ұлытау облысы бойынша — 59,65%
    17. Шығыс Қазақстан облысы бойынша — 61,73%
    18. Астана қаласы бойынша — 45,19%
    19. Алматы қаласы бойынша — 16,91%
    20. Шымкент қаласы бойынша — 64,38%

  • Референдумда дауыс бергендердің саны 4,8 млн адамға жетті

    Референдумда дауыс бергендердің саны 4,8 млн адамға жетті

    Сағат 12:00 бойынша азаматтардың келуі туралы ақпарат

    Референдумда дауыс бергендердің саны 4,8 млн адамға жетті.

  • Түске дейін қазақстандықтардың 39,23 пайызы дауыс берді

    Түске дейін қазақстандықтардың 39,23 пайызы дауыс берді

    Орталық референдум комиссиясы сағат 12.00-дегі жағдай бойынша референдум учаскелеріне келіп дауыс берген азаматтардың санын жариялады.

    ОРК мүшесі Шавкат Өтемісовтің айтуынша, дәл қазіргі ақпарат бойынша республиканың 4 804 102 азаматы референдумға қатысқан.

    «Облыстардың, республикалық маңызы бар қалалардың, елорданың комиссиялары ұсынған деректерге сәйкес, 2024 жылғы 6 қазандағы сағат 12.00-дегі жағдай бойынша тізімдерге енгізілген азаматтардың жалпы санының 39,23%-і бюллетень алды», – деді Өтемісов брифингте.

    Оның ішінде:

    1. Абай облысы бойынша – 42,22 %

    2. Ақмола облысы бойынша – 45,48%

    3. Ақтөбе облысы бойынша – 44,87 %

    4. Алматы облысы бойынша – 41,76 %

    5. Атырау облысы бойынша – 43,94 %

    6. Батыс Қазақстан облысы бойынша – 36,67 %

    7. Жамбыл облысы бойынша – 36,27 %

    8. Жетісу облысы бойынша – 37,35 %

    9. Қарағанды облысы бойынша – 46,89 %

    10. Қостанай облысы бойынша – 44,04 %

    11. Қызылорда облысы бойынша – 37,63 %

    12. Маңғыстау облысы бойынша – 38,50 %

    13. Павлодар облысы бойынша – 36,54%

    14. Солтүстік Қазақстан облысы бойынша – 39,85%

    15. Түркістан облысы бойынша – 44,52 %

    16. Ұлытау облысы бойынша — 43,31 %

    17. Шығыс Қазақстан облысы бойынша – 37,63 %

    18. Астана қаласы бойынша – 41,93%

    19. Алматы қаласы бойынша – 11,88 %

    20. Шымкент қаласы бойынша – 57,03 %.

    Азаматтардың уақытша болатын жерлеріндегі 358 референдум учаскесінде дауыс беру аяқталды.

  • Референдум: Қонаевта жеке кәсіпкер автошеру ұйымдастырды

    Референдум: Қонаевта жеке кәсіпкер автошеру ұйымдастырды

    Қонаевта «Тұлпар» ретро автокөліктер салонының басшысы Мұрат Сіргебаев автошеру ұйымдастырды.

    «Біз барлық саяси науқанға белсенді қатысамыз. Бүгін референдумға орай, халықтың көңіл-күйін көтеру үшін автошеру ұйымдастырдық. Бұл күні ел болашағы анықталады. Сондықтан әр азамат шет қалмай, азаматтық позициясын білдіруі тиіс деп ойлаймын», – деді кәсіпкер.

    10 көліктен құралған шеру бірнеше референдум учаскелеріне барды. Олар 5 көшені толық аралап, 17 шақырымнан астам жолды жүріп өтті.