Астанада 18 жастағы жас жігіт қала автобусының ішінде газ баллоншасын шашты. Оқиға кезінде ол баллоншаны автобустан шығуға жақындаған досына бағыттаған.
Жолаушылар бірден жөтеліп, тынысы таусылды, жүргізуші автобусты тоқтатып, есіктерін ашып, ауаны жаңартты және полицияға хабарлады. Ешкім зардап шеккен жоқ, медициналық көмек қажет болмады.
Krispmedia деректері бойынша, құқық бұзушы тез анықталды. Сот оны ұсақ бұзақылық жасағаны үшін кінәлі деп тауып, 5 тәулікке қамауға алды.
Қонаев қаласының тұрғыны Бейбіт Аманқұлқызы – 10 жылдан астам уақыт үй шаруасында отырып, отбасын тәрбиелеуге уақытын арнаған ана. Жұбайы есепші болып қызмет етеді. Олар бес қыз тәрбиелеп отырған үлгілі отбасылардың бірі.
Биыл Бейбіт 400 АЕК көлеміндегі мемлекеттік грантты жеңіп алып, өз кәсібін бастады. Ол қаражатқа үйінің ауласында қора салып, тауық өсіріп, қала тұрғындарына ет және жұмыртқа өнімдерін сатуды жолға қойды.
«Былтыр грантқа қатысып, өте алмадым. Кейін шағын қора салып, тауық асырай бастадық. Қолымыздан келетініне көзіміз жетті. Биыл қайта қатысып, 1 миллион теңгеден астам қаржы ұтып алдық. Осылайша шаруашылығымыз кеңейді. Алдағы уақытта басқа да кәсіпкерлікті қолдау конкурстарына қатысуды жоспарлап отырмыз», – дейді кәсіпкер.
Бейбіттің айтуынша, жоба толық іске асса, азаматтарға қосымша жұмыс орындарын ашуға мүмкіндік бар.
«Конкурс әділ өтті. Өз ісімізді бастағалы бері шаруашылықтың үлкен еңбек екенін түсіндік. Ең бастысы – қорықпау, ойлаған істен тайсалмау», – деді кәсіпкер.
Бұл тарих – Мемлекет басшысы жариялаған 2025 жыл – Жұмысшы мамандықтар жылының маңызын айқын көрсететін мысалдардың бірі.
Астанада жас әнші Ғалымжан Сүлейменді соққыға жықты деген айыппен күдікке ілінген Мұқасан Шахзадаев ұсталды, деп хабарлайды Sona kz. Hege.kz-ке сілтеме жасап.
Бұған дейін адвокат Шахзадаевты полиция бірнеше күн бойы таба алмай жатқанын айтқан. Алайда қазіргі уақытта күдікті ұсталып, оған қатысты жедел тергеу шаралары басталған.
Қорғаушының айтуынша, Шахзадаевтың әрекеті Қылмыстық кодекстің 107 бап 2 бөлігіне сәйкес келеді. Бұл бап алдын ала сөз байласу арқылы немесе адамдар тобымен денсаулыққа қасақана зиян келтіруді қарастырады. Тергеу осы бап бойынша жүруде.
Инга Иманбай сотқа дейінгі тергеуде күдіктінің жауапкершіліктен бірнеше күн бойы бой тасалағанын ерекше атап өтті.
«Бұл жерде қасақана жасалған әрекет бар. Денсаулыққа зиян келтірілген, алдын ала сөз байласу белгілері бар. Сонымен қатар күдікті бірнеше күн бойы тергеуден қашып жүрді. Сондықтан біз міндетті түрде түрме жазасын талап етеміз», деді адвокат.
Егер кінәсі дәлелденсе, Мұқасан Шахзадаев үш жылға дейін бас бостандығынан айырылуы мүмкін.
Еске салайық, «Нұр Мұқасан» тобының жаңа әншісі Ғалымжан Сүлеймен әлеуметтік желіде өзін топтың бұрынғы мүшесі Мұқасан Шахзадаев ұрып кеткенін айтқан еді. Оқиғаға байланысты Алматы қаласы полиция департаменті қылмыстық іс тіркеген.
Маңғыстау облысында танымал видеограф кәмелетке толмаған балаға сексуалдық сипаттағы әрекет жасады деген күдікпен қамауға алынды. Ол бұған дейін жергілікті пабликтер мен Ақтау әкімдігі үшін видеороликтер түсіріп жүрген. Әлеуметтік желілерде оның аккаунттары бірнеше апта бұрын жоғалып кеткені айтылды, деп хабарлайды Sona.kz Stan.kz- ке сілтеме жасап.
Кейін оның таныстары видеографтың шағым бойынша ұсталғанын хабарлады. Айтуларынша, арызды видео түсіруді үйреніп жүрген балалардың ата аналары түсірген.
Полиция деректі растады. 4 қарашада құқық қорғау органдарына ресми шағым түскен. Бұл факті бойынша қылмыстық іс қозғалып, күдікті анықталып ұсталды. Сот қаулысымен ол екі айға уақытша тергеу изоляторына қамалды.
Тергеу жалғасып жатыр. Полицейлер барлық процессуалдық шараларды толық көлемде жүргізуде. Шағымдағы ақпарат тексеріліп жатыр, қажетті сараптамалар тағайындалған.
Алдын ала мәлімет бойынша, зардап шеккен бала он үште, күдікті жиырма тоғыз жаста.
Түркістанда бюджет қаражатын ұрлау фактісі бойынша тергеу аяқталып, үкім шығарылды. Бұл қаражат жұмысқа орналастырылған азаматтардың еңбекақысын субсидиялау үшін бөлінген еді. Тергеуді Түркістан облысы бойынша АФМ Департаменті жүргізді.
Тергеу мәліметтері бойынша, «Еңбек мобилділік орталығы» МКК бұрынғы директоры, «Жұмыс берушілерді қолдау» бөлімінің қызметкері және бірнеше коммерциялық ұйымдардың басшылары бюджет қаражатын заңсыз алу схемасын ұйымдастырған. Олар азаматтарды субсидияланған жұмыс орындарына фиктивті түрде орналастырып, ақша қаражатты өз мүдделеріне қолданған.
Орталық қызметкері кәсіпкерлердің электрондық цифрлық қолдарын пайдаланып, мемлекеттік бағдарламаларға өтінімдер жіберген, бірақ көрсетілген лауазымдар іс жүзінде болмаған. Өтінімдер мақұлданғаннан кейін, азаматтарды жұмысқа қабылдау туралы бұйрықтар рәсімделген, алайда олар еңбек міндеттерін орындамаған.
Кәсіпкерлер туыстары мен таныстарын банктік шот ашуға тартқан, бұл бағдарламаларға қатысу үшін, зейнетақы және медициналық аударымдар үшін деп түсіндірілген. Жүйеге ай сайын жалған жұмыс уақытын есепке алу парақтары енгізіліп, қаражат қолма-қол ақшалай айналымға түсіп, орталық қызметкеріне беріліп, одан соң схеманың қатысушылары арасында бөлінген.
Нәтижесінде 78 адам фиктивті түрде еңбекке орналастырылған, мемлекетке келтірілген залал 49 млн теңгеден астам. Сот үкімінше, үш қатысушы 4 жыл 6 айдан 5 жылға дейін бас бостандығынан айырылды, екі кәсіпкерге 4 жыл 6 ай мерзімге шектеу қолданылды. Залал толық өтелген.
Сот үкімі заңды күшіне енген жоқ.
Алматы қалалық соты «Дикий Арман» ретінде танымал Арман Джумагельдиевтің ісі бойынша апелляциялық шағымды қарады. Сот алқасы қорғаушылардың өтінішін қарап, бірінші сатыдағы сот үкімін өзгеріссіз қалдырды. Заседание жабық режимде өтті, деп хабарлайды Sona.kz Kazinform- ға сілтеме жасап.
Арман Джумагельдиев Қазақстан Республикасының Қылмыстық кодексінің бірнеше бабына сәйкес кінәлі деп танылды. 2025 жылғы қаңтарда бірінші сатыдағы сот оны 20 жылға бас бостандығынан айырды. Іс барысында барлық мән-жайлар қаралды, куәлар тыңдалды және ұсынылған дәлелдер зерттелді.
Соттың баспасөз қызметі бірінші сатыдағы сот шешімі барлық мән-жайларды және қолданыстағы ҚК РК баптарын ескере отырып шығарылғанын атап өтті. Арман Джумагельдиев қатаң режимдегі түзету колониясында жазасын өтеуді жалғастырады.
Сот процесі жабық форматта өткізілді, бұл қатысушылардың қауіпсіздігін қамтамасыз ету және қылмыстық істің материалдарын құпиялықта ұстау мақсатында жасалды.
Әлеуметтік желіге тараған видеоға қарағанда Аягөзде екі ер адам шетелдік туристерге тиісе отырып оларды тәрбиелемек болған. Кадрларда жергілікті тұрғындардың шетелдіктерге тыныш тамақтануға мүмкіндік бермей кім екендерін қайдан келгендерін және неге қазақша сөйлемейтіндерін сұрап әдейі арандатуға тырысқаны байқалады, деп хабарлайды Sona.kz Jagdai-ға сілтеме жасап.
Полиция екі адамның да жеке басын жедел анықтады. Олардың бірі бұрын сотталған болып шықты оған 10 тәулік әкімшілік қамау жазасы тағайындалды. Екіншісіне 20 АЕК көлемінде айыппұл салынды.
Құзырлы органдар мұндай әрекеттер қоғамдық тәртіпке қайшы келетінін және өңірдің туристік имиджіне нұқсан келтіретінін атап өтті.
Әлеуметтік желілерде есту қабілеті бұзылған Самат есімді такси жүргізушісінің оқиғасы тарады, деп хабарлайды Sona.kz Jagdai-ға сілтеме жасап.
Автордың айтуынша, жүргізуші жауапсыз жолаушының құрбаны болған.
Пост авторы жолаушы жолақыны әпкесі аударады деп сендіргенін айтады. Ол Саматтан бірнеше минут күте тұруды сұрап, өзі алыстап кеткен. Жүргізуші ақшаның түсуін күтіп біраз тұрғанымен, төлем жасалмаған, ал жолаушы із-түзсіз жоғалған.
Автордың айтуынша, Самат олардың отбасының танысы, еңбекқор әрі сабырлы адам. Есту қабілеті шектеулі болса да, адал еңбегімен нәпақа табады. Ол ең өкініштісі — кейбір адамдар естімейтін немесе сөйлей алмайтын жүргізушілердің осалдығын пайдаланып, «ештеңе істей алмайды» деп ойлайтынын атап өтті.
Бұл оқиға қоғамда үлкен талқылау тудырды. Пікір қалдырушылар таксистердің еңбегін құрметтеуге және мүмкіндігі шектеулі адамдарға түсіністікпен қарауға шақырды.
Маңғыстау облысына қарасты Бейнеу ауылында патрульдік автокөлік жол апатына ұшырады, деп хабарлайды Sona.kz Halyqstan-ға сілтеме жасап.
Оқиға 25 қараша күні түнгі 02:00 шамасында болған. Бейнежазбада патрульдік көліктің қиылыстан шыға беріп, Toyota Camry-мен соқтығысқаны көрінеді.
Маңғыстау облыстық полиция департаменті Camry рөлінде 17 жастағы жасөспірім отырғанын растады.
Алайда патрульдік жүргізушінің манёврына қатысты ресми түсініктеме берілмеді. Көпшілік патруль көлігі қосалқы жолдан шығарда қауіпсіздікке көз жеткізді ме деген сауал қойып отыр.
Белгілі болғандай, жасөспірімнің ата-анасына айыппұл салынды. Жол апатына қатысқандар жеңіл жарақат алмай, тек қорқып қалған.
Талдықорғанда тәртіп сақшылары өз-өзіне қол жұмсауы мүмкін болған жасөспірімді аман алып қалды. «102» пультіне көпірдің шетінде тұрған бала туралы шұғыл хабар түсіп, оқиға орнына дереу патрульдік экипаждар жіберілген, деп хабарлайды Sona.kz Policia.kz-ке сілтеме жасап.
Алғашқылардың қатарында келген полицейлер — Серік Танабаев, Айбек Ұзақбай, Баян Әлімхан және Эльдар Елубаев. Жағдайды бақылауға алып, жасөспіріммен сабырлы әрі кәсіби әңгіме жүргізді. Психологиялық қолдаудың арқасында оның күйзелісі біршама бәсеңдеді.
Жасөспірім жақындауға рұқсат берген сәтте полицейлер оны қауіпсіз жерге шығарып, кезекші психологтарға тапсырды. Мамандар оған қажетті көмекті көрсетті.
Қазіргі уақытта баланың өмірі мен денсаулығына қауіп жоқ. Полицейлердің жедел әрі үйлесімді әрекетінің арқасында бір адам өмірі аман қалды.