Sona.kz

Метка: lrt

  • Астанада LRT сынақ режимінде жүре бастады

    Астанада LRT сынақ режимінде жүре бастады

    Астанада бүгін, 29 қыркүйектен бастап LRT пойыздары сынақ режимінде қозғалысын бастады, деп хабарлайды Sona.kz Azattyq Rýhy-на сілтеме жасап.

    Алғашқы кезеңде пойыздар 10 шақырым жылдамдықпен қозғалады. Машинистсіз жүретін көлік жүйесі рельстерді, станцияларды, байланыс желілерін, жылжымалы құрамды, қауіпсіздік және басқару жүйелерін кешенді тексеруден өткізбек.

    Жүйе толық автоматтандырылған GoA4 басқару кешенімен жабдықталған. Ол пойыздың қозғалысын, тоқтауын, есіктерді ашу-жабуын және деподан шығу-кіруін операторсыз атқарады. Мұндай технология Сингапур, Дубай және Қытайда қолданылып жүр.

    — «GoA4 — рельсті көлікті автоматтандырудың ең жоғары деңгейі. Бұл жүйе тиімділік пен қауіпсіздікті арттырады. Осындай заманауи стандарт енді Астанада да енгізіледі», – деді «City Transportation Systems» ЖШС басқарма төрағасы Асылбек Дүйсебаев.

    Сынақ кемінде алты айға созылады. Алғашқыда пойыздар №112-113 станциялары арасында жүрсе, кейін жылдамдық пен маршрут аймақтары кезең-кезеңімен кеңейтіледі.

    LRT пойызының операторы Айдар Надырбеков:
    -«Біз 7 айлық дайындықтан өттік. Теориялық білімді Астанада, ал тәжірибені Қытайда жетілдірдік. Бұл білім болашақта жолаушылар қауіпсіздігі үшін аса қажет», — деді.

    Қауіпсіздік мақсатында эстакада мен жол желісіне кіруге қатаң тыйым салынады, себебі байланыс желісінде 750 вольт жоғары кернеу бар.

  • Астанадағы LRT-тің алғашқы пойызы қыркүйек айының соңында жолға шығады

    Астанадағы LRT-тің алғашқы пойызы қыркүйек айының соңында жолға шығады

    Астанада көптен күткен LRT жобасы іске қосылмақ. Қала әкімі Жеңіс Қасымбектің айтуынша, алғашқы пойыз 29 немесе 30 қыркүйекте жолға шығады, деп хабарлайды Sona.kz Kazinform-ға сілтеме жасап.

    Алғашқы кезеңде пойыз екі станция арасында қатынайды — мысалы, «Абу-Даби» станциясынан «Мәңгілік ел» көпірі бағытында. Кейінірек станциялар мен пойыздар саны кезең-кезеңімен көбейеді.

    Тестілік режим 3–6 айға созылады. Қазан айында елордаға қосымша 8 пойыз жеткізіліп, жыл соңына дейін барлық 18 құрам іске қосылады.

    «Жоспар бойынша, желтоқсанның соңы — қаңтардың басында барлық пойыздар тестілік режимде жұмыс істейді. Жолақы құны 200 теңге болады», — деді әкім.

  • Астанада LRT құрылысына қаржы тарту үшін жер телімдері сатылуда

    Астанада LRT құрылысына қаржы тарту үшін жер телімдері сатылуда

    “City Transportation Systems” ЖШС LRT құрылысына қаржы тарту мақсатында жылжымайтын мүлікті сатылымға қойды. Компанияда бұл қосымша қаржыландыру екені атап өтілді, деп хабарлайды Sona.kz NUR.KZ-ке сілтеме жасап.

    9 қыркүйек күні e-qazyna.kz сайтында CTS-ке тиесілі Нұра ауданындағы жер телімі аукционға шығарылады. Бастапқы баға – шамамен 338 млн теңге. Сондай-ақ Есіл ауданындағы аяқталмаған құрылыс нысаны мен елорданың түрлі аудандарындағы басқа да нысандар сатылымға қойылған.

    CTS баспасөз қызметінің хабарлауынша, сатудан түскен қаражат жеңіл рельсті көлік (LRT) құрылысына бағытталмақ. Бұл қосымша қаржыландыру болып табылады.

    Компания нысандар сатылмаса да, LRT құрылысы тоқтамайтынын айтты.

    CTS нысандардың компания қарамағына қалай өткенін де түсіндірді:

    “Қазақстан Республикасының Азаматтық кодексінің 341-бабына сәйкес, “City Transportation Systems” ЖШС-не міндеттемелердің орындалуын қамтамасыз ететін талап ету құқықтары берілді. Қарызды өтеу үшін талап ету құқығын беру шеңберінде ЖШС-ке мүлік қабылданды. Ол мүлік сатылымға шығарылды”, – деді баспасөз қызметінде.

    Астанадағы LRT құрылысы

    Мамыр айының соңында Қытайдың Таньшань қаласынан Астанаға LRT-нің алғашқы екі құрамы жеткізілді. Жыл соңына дейін елордаға Қытайдан тағы 17 вагон әкелінеді. Маусым айының басында Астанаға ұзындығы 60 метрлік автоматтандырылған басқару жүйесі бар алғашқы LRT пойыздары жеткізілген болатын.

    Осыдан кейін Abu Dhabi Plaza маңындағы станцияда екі вагоннан тұратын екінші LRT құрамы орнатылды.

    Қыркүйек айында LRT-нің сынақ режиміндегі іске қосылуы жоспарланған. Бұл кезең шамамен жарты жылға созылады, ал осы уақытта көлік жолаушыларды тасымалдамайды.

    Бұған дейін депутат LRT вагондарының ішкі көрінісін көрсеткен болатын. Маусым айында депоның 50%-ға аяқталғаны хабарланған.

    Тамызда негізгі желі бойына рельстер төсеу жұмыстары толық аяқталды. Оның жалпы ұзындығы – 22,4 шақырым. Акимат бұл кезеңді LRT құрылысының негізгі кезеңдерінің бірі деп атады.

    Сондай-ақ тамыз айында ресми түрде 18 станцияның атауы бекітілді.

  • Астанадағы LRT жобасының жартысы аяқталды: іске қосылуы 2026 жылға жоспарланған ⠀

    Астанадағы LRT жобасының жартысы аяқталды: іске қосылуы 2026 жылға жоспарланған ⠀

    Астанада жеңіл рельсті көлік (LRT) желісінің құрылыс жұмыстарының жартысынан көбі аяқталды. Бұл туралы Sona.kz Azattyq Rýhy сайтына сілтеме жасап хабарлайды.
    ⠀
    «Қазақстан темір жолы құрылыс» компаниясының мәліметінше, бүгінде жобаның 50%-дан астамы дайын:
    – 300 мың шаршы метрден астам жол төсемі салынды,
    – тірек бағандары мен негізгі конструкциялар орнатылды,
    – инженерлік жүйелер жүргізілуде.
    ⠀
    Болашақ желінің сұлбасы анық көріне бастады. Кейбір учаскелерде сынақ жұмыстары жүріп жатыр. Құрылыс кезінде қауіпсіздік пен тұрақтылыққа ерекше назар аударылуда.
    ⠀
    2026 жылға қарай LRT толық іске қосылып, елордадағы көлік қозғалысын айтарлықтай жеңілдетеді, жолаушылардың жолда өткізетін уақытын қысқартады деп күтілуде.
    ⠀
    Бұл жоба ұлттық көлік инфрақұрылымын дамыту жоспары аясында жүзеге асып жатыр және қала үшін басым бағыттардың бірі саналады.

  • Астана әкімі LRT-де жол жүру бағасы қанша болатынын айтты

    Астана әкімі LRT-де жол жүру бағасы қанша болатынын айтты

    Астана әкімі Жеңіс Қасымбек Сарайшық ауданы тұрғындарымен кездесуде LRT-де жол жүру билетінің бағасы қанша болатынын айтты.

    – LRT билетінің бағасы бойынша айтсақ, жобалық баға белгіленген. 100 теңгеден 200 теңгеге дейін деп жобалап отырмыз. Әзірге осындай меже қала береді, – деді әкім.

    Еске салсақ, биыл күзде LRT-ні тестілік режимде іске қосу жоспарланған.

    Сондай-ақ Астана әкімі елордадағы ақылы тұрақтар жаңа инвесторға берілуі мүмкін деген мәліметтерді теріске шығарған еді.

    Әкім ақылы тұрақтарды жаңа инвесторға беру мәселесі күн тәртібінде жоқ екенін мәлім етті.

    – Мен осыдан 2-3 ай бұрын алдын ала хабарлаған едім. «Астана тұрақ кеңістігі» мекемесін коммуналдық меншікке өткізетінімізді айтқанмын. Бұл мәселемен Көлік басқармасы тікелей айналысады. Қазіргі таңда инвестормен келісімшартты тоқтату бағытында жұмыс жүріп жатыр. Мекеме коммуналдық меншікке беріледі, – деді Жеңіс Қасымбек.

  • LRT қашан іске қосылады?

    LRT қашан іске қосылады?

    LRT вагондарының алюминий қорытпасынан жасалған корпус элементтерін дайындау және дәнекерлеу жұмыстары басталды. Бұл туралы елорданың «City Transportation Systems» ЖШС баспасөз қызметі хабарлады.

    Алғашқы жылжымалы вагондар мамыр айының соңына дейін дайын болады, қыркүйекте алғашқы пойыздар жеткізіліп, сынақтан өткізіледі. Қытайдың Таншань қаласында елордада салынып жатқан LRT алғашқы жылжымалы құрамдарын құрастыру жұмыстары жүргізіліп жатыр.

    Тестілік пайдалану немесе тестілік іске қосу – пайдалануға берудің маңызды кезеңі. Бұл кезеңде барлық инфрақұрылым элементтері, жылжымалы құрам және барлық жабдық тексеріледі, соның ішінде рельстердің бүтіндігі, электрмен жабдықтау жүйесі, телекоммуникация жүйелері толық зерттеледі. Сынақтар барысында үлкен көлемде деректер жиналып, талданады, оның нәтижесі бойынша LRT жүйесін пайдалануға беру туралы шешім қабылданады. Алғашқы тестілік іске қосу осы жылдың қыркүйек айына жоспарланған, бұл сынақтар бірнеше айға созылады, – деп түсіндірді «City Transportation Systems» ЖШС басқарушы директоры Орынбасар Ағыбаев.

    Жолаушылар легін талдау деректері бойынша LRT жылжымалы құрамдары тәулігіне 25 мың жолаушыны тасымалдайды деп жоспарланған.

    Астана климатының ерекшелігін ескере келе, алдыңғы терезесі температураны реттейтін электрлі жылыту жүйесімен жабдықталған. Бұл кенеттен болатын температура өзгерістерінде әйнектің булануының алдын алады. Кондиционер қондырғысының қуаты 35 кВт (салқындату қуаты), – делінген хабарламада.

  • LRT-ның іздеуде жүрген экс-басшысына қатысты жаңа үкім шықты

    LRT-ның іздеуде жүрген экс-басшысына қатысты жаңа үкім шықты

    LRT-ның іздеу жарияланған экс-басшысы Талғат Ардан тағы да сырттай сотталды. Астана қаласының қылмыстық істер жөніндегі ауданаралық сотының хабарлауынша, үкім сотталушыға қатысты халықаралық іздестіру жарияланғандықтан оның қатысуынсыз шығарылған.

    Сот мәліметінше, LRT-ның экс-басшысы Талғат Ардан қызмет мүдделеріне қайшы лауазымдық өкілеттіктерін теріс пайдалана отырып, нақты қажеттіліксіз LRT құрылыс жобасы бойынша Қытайдың мемлекеттік даму банкінен сыртқы қарыздың бірінші траншы ретінде 257,6 млн долларды заңсыз сұратқан. Алайда оған «қаражат түскен сәттен бастап жоба бойынша пайдаланылмаған» деген айып тағылған.

    Еске сала кетсек, Талғат Ардан Астана қаласының қылмыстық істер жөніндегі мамандандырылған ауданаралық сотының 03.05.2023 жылғы үкімімен аса ірі мөлшерінде бюджет қаражатын талан-таражға салғаны үшін (ҚР ҚК-нің 189-бабы 4-бөлігінің 2) тармағы) сырттай мемлекеттік қызметте қызмет атқару құқығынан өмір бойына айырыла отырып, 7 жылға бас бостандығынан айырылды.

    Сотталушының кінәсі куәгерлердің айғақтарымен, сарапшылар мен мамандардың қорытындыларымен, қылмыстық істің материалдарымен расталды. Сот үкімімен А. ҚР ҚК-нің 361-бабы 4-бөлігінің 3) тармағы бойынша кінәлі деп танылып, 4 жыл 8 айға бас бостандығынан айырылды және ҚР ҚК-нің 58-бабы 6-бөлігі қолданылып, соттың 03.05.2023 жылғы үкімі бойынша тағайындалған жазаны ішінара қосу арқылы түпкілікті мемлекеттік қызметте қызмет атқару құқығынан өмір бойына айыра отырып, 9 жылға бас бостандығынан айыру жазасы тағайындалды, — делінген хабарламада.

    Үкім заңды күшіне енген жоқ.

    Айта кетсек, 2023 жылдың мамырында Астананың қылмыстық істер жөніндегі мамандандырылған ауданаралық сотында LRT ісіне қатысы бар 9 адам сотталған болатын. Сол кезде Талғат Ардан мен Қанат Сұлтанбековке сырттай үкім шығарылып, 7 жылға бас бостандығынан айырылды.

  • LRT 2025 жылдың соңында іске қосылады

    LRT 2025 жылдың соңында іске қосылады

    Астанада LRT 2025 жылдың соңына таяу іске қосылады. Жеңіл рельсті көлік машиниссіз жүреді. Ал бұл жүйені сынақтан өткізуге кемі алты ай қажет. Бүгін премьер-министр ОлжаС Бектенов LRT-ның құрылыс барысын тексерді. Үкімет басшысы жоба эстакадасының арҚалықтарын төсеу кезеңі аяқталғанына көз жеткізді. Стансалардың негізгі темірбетон конструкцияларының құрылысы биыл жыл аяғына дейін бітуі тиіс. Келесі жылы рельстер төселіп, стансаларды Әрлеу жұмыстары жүргізіледі. Сонан соң жылжымалы құрамдарды жеткізетін депо құрылысы жүзеге асады. Қабанбай батыр даңғылы мен Қалдаяқов көшесі бойындағы эстакадалық бөлік абаттандыРылады.

  • Астанада LRT-ң ағашпен жамалған суреті көпшіліктің талқысына түсті

    Астанада LRT-ң ағашпен жамалған суреті көпшіліктің талқысына түсті

    Астанада LRT-ң ағашпен жамалған суреті көпшіліктің талқысына түсті. Астана -Не? Қайда? Қашан? атты телеграм арнасындағы жариялымға көпшілік пікір қалдырған. Арнаның жазушылары бетонды «изолентамен жамау керек еді?», «мына түрімізбен АЭС-ті қалай саламыз», деген бағытта пікір білдірген.  https://web.telegram.org/a/#-1001085134072

    Бұл жағдайға  City Transportation Systems компаниясының өкілдері түсініктеме берді.

    «LRT құрылысы учаскесінде (Ш. Қалдаяқов пен К. Қуанышбеков көшелерінің қиылысында, 114-115 учаскелер аралығында, NR14 тірегінде) монолитті арқалықтардың ішкі жағын бетондау үшін шегендеп бекіту орнатылған. Бұл процесс тростардың алдын ала керілуінен кейін жүзеге асырылған. Қазір бетондау жұмыстары аяқталды. Шегендеп бекіту алып тасталды», – делінген ресми жауапта

  • «Астана LRT» компаниясы құрылыстағы жамаудың қайдан шыққанын түсіндірді

    «Астана LRT» компаниясы құрылыстағы жамаудың қайдан шыққанын түсіндірді

    Айта кетейік, әлеуметтік желіде екі бетон жолдың бір-бірімен ағаш арқылы жамалған суреті тараған еді. Редакция қала халқының қауіпсіздігіне алаңдап, LRT компаниясына сұрау салған болатын.

    «Ш.Қалдаяқов пен Қ.Қуанышбеков көшелерінің қиылысындағы LRT құрылыс учаскесінде 114-115 аралықта монолитті арқалықтар арасындағы түйісте NR14 тіреуішінде алдын ала тіреу арқандары аяқталғаннан кейін монолитті арқалықтардың ішкі жағын бетондау үшін қалып орнатылды», – деп хабарлады компанияның баспасөз қызметі.

    Компания суретте көрініп тұрғандай, бір күннің ішінде ағаштарды шешіп қойған.