Sona.kz

Метка: Қылмыстық іс

  • Вице-министр Қожағапанов 12 жылға дейін сотталуы мүмкін

    Вице-министр Қожағапанов 12 жылға дейін сотталуы мүмкін

    Мәдениет және спорт вице-министрі болған Ерлан Қожағапановтың үстінен қозғалған іс бойынша сот аяқталуға жақын.

    Бұл туралы Антикор төрағасының орынбасары Дархан Құрақбаев хабарлады.

    – Қожағапанов пен мердігерлік ұйымның басшысының ісі сотта қаралып жатыр. Әңгіме аса ірі көлемде бюджет қаражатын жымқыру туралы болған. Шығын бір миллиард теңгеден асады. Қазір сот процесі жүріп жатыр. Аяқталуға жақын. Баптың санкциясы бойынша 7-12 жылға дейінгі жаза тағайындалуы мүмкін, – дейді Құрақбаев.

    Еске салайық, бұған дейін былтыр Ерлан Қожағапановтың  ұсталғанын және оның үстінен тергеу қозғалғаны хабарланған болатын. Ресми ақпарат бойынша, ол коммерциялық ұйымның мүддесі үшін әрекет ете отырып, ол 2018 жылы Петропавл қаласында Қазақстан мен Ресейдің XV өңіраралық ынтымақтастық форумының көрмесін ұйымдастыру бойынша шарт жасасуды қолдаған.

  • Алматыда күзетшіні көлігімен басып өлтірген адамның ісі сотқа түсті

    Алматыда күзетшіні көлігімен басып өлтірген адамның ісі сотқа түсті

    Алматы қаласының қылмыстық істер жөніндегі мамандандырылған ауданаралық сотына қаладағы тұрғын үйлердің бірінде жұмыс істеген күзетшінің өліміне қатысты қылмыстық іс түсті.

    Алматы соттарының ақпаратына сүйенсек, күзетшінің өлімі Қылмыстық кодекстің 99-бабы 2-бөлігінің 5- тармағы (аса қатыгездікпен кісі өлтіру) бойынша қаралады.

    Естеріңізге сала кетейік, оқиға осы жылдың наурыз айының соңында Самал-3 шағын ауданындағы «Меркурий Тауерс» тұрғын үй кешенінде болған. Ер адам күзетшіні көлікпен бірнеше рет соғып, артынша аяусыз ұрып өлтірген.

    Баса айта кетерлігі, неге екені белгісіз бұл адамға қатысты іс 2024 жылдың 13 қыркүйегінде тоқтап қалған. Іс 2024 жылдың қазанында қайта жанданды.

    Сараптаманың қорытындысы ер адамның психикасы сау екенін көрсеткен.

  • ІІМ Хасан Қасымбековке қатысты пікір білдірді

    ІІМ Хасан Қасымбековке қатысты пікір білдірді

    Ішкі істер министрінің орынбасары Игорь Лепёха құқық қорғау органдарында ұйымдасқан қылмыстық топтардың тізімі бар екенін растап, Хасан Қасымбаевқа қатысты пікір білдірді.

    Еске сала кетейік, күні кеше Хасан Қасымбаевтың екі айға қамауға алынғаны белгілі болды. Осы орайда журналистер Игорь Лепёхадан қазақстандықтардың аузында жүрген «Хуторлықтар» тобы туралы сұрады. Бұған дейін ІІМ мұндай қылмыстық топтың бар екенін жоққа шығарған еді.

    «Бір қылмыстық топ жойылса, жаңалары пайда болады, біз оларды есепке аламыз. Бұл тұрақты жұмыс қой. Алайда, қазір 90-жылдардағыдай қылмыстың өршуі мен ұйымдасқан топтар бар деп айтуға болмайды», – деді Лепёха.

    Ол Хасан Қасымбаевқа қатысты істің егжей-тегжейіне әлі толық үңілмегенін, себебі бұл тергеу ұйымдасқан қылмысқа қарсы күрес басқармасының құзыретінде екенін айтты.

    «Барлық мәселелер қылмыстық іс аясында анықталады. Әзірге біздің қызметкерлердің қатысы бар деген күдік жоқ. Барлық әрекеттер прокуратураның бақылауында. Жаңадан ашылған мәліметтерге сәйкес ол жауапкершілікке тартылады», – деп қорытындылады Лепёха.
    Оның айтуынша, қызметкерлердің барлық іс жүргізу әрекеттері прокуратураның бақылауында және әр кезең қадағалауда.

  • Жанқош Тұраровқа қатысты іс қайта тергеледі

    Жанқош Тұраровқа қатысты іс қайта тергеледі

    Ол бұл туралы Фейсбуктегі парақшасында жазды. «Жанқош Тұраровқа қатысты қылмыстық іс қайта жаңғыртылыпты. Келесі апта тергеу қайта басталады деп хабарлады. Бірақ алдыңғы заңсыз шығарылған қаулыны (қысқартылғаны туралы) әлі алған жоқпыз. Жарты айдан астам уақыт өтті.

    Бас Прокуратураға жазылған шағымның, әлеу.желідегі, БАҚ-ғы жариялылықтың нәтижесі шығар. Соңғы кезде әріптестерімнен, халықтан Бас Прокуратура қызметкерлерінің жақсы жұмыс істеп, көптеген қылмыс пен заңбұзушылықтарды ашуға септігін тигізіп жатқандарын естимін. Бұл да болса, көңілге жағатын, үзілген үмітті жалғайтын, әділетті Қазақстанға сенім оятататын жағымды нәрсе ғой. Тек жаман жағын айта бермей, жақсы жағын да айтайық.

    Сонда да қайтадан “крышаларын”, депутат ағаларын қосып, қылмысын жабуға тағы күш ала ма деген күдік жоқ емес. Біздің елдің органдарын, заңының қалай жұмыс істейтінін білгесін, “жаман айтпай, жақсы жоқ” дегендей, ондай күдіктің болуы да заңдылық. Не жағдай болса да, барлығы ашылып, жасырмай, айтылды», – деді адваокат Ләззат Ахатова.

  • Талғар ауданындағы қоқыс үйіндісінен мемлекеттік рәміздер табылды

    Талғар ауданындағы қоқыс үйіндісінен мемлекеттік рәміздер табылды

    Алматы облысы Талғар ауданында Мемлекеттік рәміздер қоқысқа тасталды. Аталған дерек бойынша аймақ полициясы қылмыстық іс қозғады.

    Жергілікті блогерлердің бірі Instagram-да Еркін ауылында өрескел жағдай орын алғанын айтып, бейнені жариялады. Қоқыс алаңында түсірілген бейнеден үш Мемлекеттік Елтаңба мен жалаушаға ұқсайтын көк материал көрсетілген. Бұған ашуланған қазақстандықтар пікірлерде кінәлілерді тауып, жазалауды талап етті.

    Облыстық полиция департаменті «мемлекеттік рәміздерді қорлау фактісі бойынша полиция қылмыстық іс қозғады» деп мәлімдеді.

    «Талғар аудандық полициясының қызметкерлері болған оқиғаның барлық мән-жайларын анықтау бойынша қажетті жедел іс-шараларға бастамашылық жасады. Кінәлі адамдарға қолданыстағы заңнамаға сәйкес тиісті шаралар қабылданатын болады»,  – деді Алматы облысы полиция департаменті.

    Сондай-ақ, басылымға аудан әкімдігі де жауап берді. «Бұл қоқыс Талғар ауданы Қайнар ауылдық округінің Еркін ауылының жеке аумағында орналасқан. Қазіргі уақытта ЖАО қызметкерлері қоқыс төгетін жерді тексерді. Көрнекі тексеру кезінде аталған мемлекеттік рәміздердің жанында білім беру мекемесі – колледждің құжаттары бар екені анықталды, мән-жайлар анықталуда. Қазіргі уақытта полигон орнынан Мемлекеттік рәміздер алынып тасталды», – деді аудан әкімдігі жауабында.

    Ведомствода Мемлекеттік рәміздер ҚР Үкіметінің 2007 жылғы 1 қазандағы №862 қаулысымен бекітілген Ұлттық стандарттарға сәйкес келмейтін Қазақстан Республикасының Мемлекеттік Туын, Мемлекеттік Елтаңбасын ауыстыру және жою қағидаларына сәйкес жойылатынына сендірді. Ал кінәлі адамдарға қатысты тиісті шаралар қабылданатын болады.

    «Аталған мемлекеттік рәміздер Талғар ауданының мемлекеттік мекемелеріне тиесілі емес деп ресми мәлімдейміз, осыған байланысты қазіргі уақытта бұл мәселені Талғар ауданының ПБ қызметкерлері қарайды», – деді Талғар ауданы әкімдігінің баспасөз қызметі

     

  • Сағынтаевтың бұрынғы күйеу баласының өліміне қатысты іс жабылды

    Сағынтаевтың бұрынғы күйеу баласының өліміне қатысты іс жабылды

    Алматы полициясы қазақстандық кәсіпкер, Алматы қаласының бұрынғы әкімі Бақытжан Сағынтаевтың күйеу баласы Бақыт Ибрагимнің қайтыс болуына байланысты бұрын қозғалған қылмыстық істің тоқтатылғанын мәлімдеді.

    Естеріңізге сала кетейік, 2024 жылдың наурыз айында Бақыт Ибрагим өлі күйінде табылған. Ол бұрын сотталған және бір ай бұрын босатылған. Бұл факт бойынша полиция өз-өзіне қол жұмсау туралы қылмыстық іс қозғады.

    «Алмалы ауданының полиция басқармасы осы факті бойынша ҚР ҚК 105-бабы, 1-бөлігі (суицидке дейін жеткізу) бойынша СДТБТ-да тіркелген қылмыстық іс шеңберінде сотқа дейінгі тергеу жүргізді. Тиісті сараптамалық зерттеулер тағайындалды. Тергеу іс-шаралары кешенінің нәтижелері бойынша қылмыстық іс бойынша іс жүргізу ҚР ҚПК-нің 35-бабының, 1-бөлігінің, 2-тармағының негізінде тоқтатылды (іс бойынша іс жүргізуді болдырмайтын мән-жайлар)», – деп хабарлады Алматы қаласы полиция департаментінің баспасөз қызметі агенттік тілшісіне берген түсініктемесінде.

    Бұл шешімді Алматы қаласы Алмалы ауданының прокуратурасы бекітті, деп толықтырды полиция. Qazaq Banki-нің бұрынғы акционері Бақыт Ибрагим 2020 жылы Bank RBK-дан 144 миллиард теңге ұрлау ісі бойынша сотталған. 2024 жылдың ақпанында ол босатылды.

  • Шерзат Болаттың өлімі: қылмыстық іс бес бап бойынша тіркелді

    Шерзат Болаттың өлімі: қылмыстық іс бес бап бойынша тіркелді

    Алматы облысы Талғар қаласындағы Шерзат Полаттың өліміне қатысты қылмыстық іс аясында қасақана кісі өлтіруге қатысты күдікпен 8 адам және қылмыс туралы хабарламау бойынша 3 адам соттың санкциясымен қамауға алынған. Бұл туралы Ішкі істер министрі Ержан Сәденовтің Мәжіліс депутаттарына берген ресми жауабында айтылған.

    Министрдің жауабына қарағанда, Шерзат Полаттың өліміне қатысты Алматы облысы полиция департаменті Қылмыстық кодекстің 99-бабының 2-бөлігі (адам өлтіру), 293-бабының 3-бөлігі (бұзақылық), 115-бабы (қорқыту), 432-бабы (қылмысты жасырып қалу) және 434-бабымен (қылмыс туралы хабарламау) қылмыстық істерді тіркеп, тергеуге алған.

    Тергеу барысы менің жеке бақылауымда, оқиға орнында министрліктің орталық аппаратының қызметкерлері де жұмыс істеп жатыр. Алғашқыда оқиғаның себебіне қатысты әлеуметтік желілерде шындыққа жанаспайтын әр түрлі мәліметтің көп таралуына байланысты министрлік (Қылмыстық-процестік кодекстің 201-бабының талаптарына сай) 15 қазанда бұқаралық ақпарат құралдары өкілдерінің қатысуымен брифинг өткізіп, кей тергеу мәліметтерін жария етті. Брифинг қоғамды алаңдатқан кейбір мәселелерді қамтыды, – деп жазылған Ержан Сәденовтің жауабында.

    Оның сөзінше, қазір тергеу жалғасып жатыр, оның барысында оқиға болған жерде болған басқа да адамдардың қатысы бар-жоғы тексеріліп, әрекетіне құқықтық баға беріледі.

    Айта кетейік, бұған дейін осы іс бойынша 11-күдіктінің ұсталғанын хабарлаған едік. Олардың арасында бұрын қылмыстық іс бойынша сотталғандары да бар. Оқиға орнынан 3 пышақ, бір мылтық тәркіленді. Олардың кімге тиесілі екені анықталып жатыр.

  • Маңғыстауда елдің көзінше әйелін пышақтаған ер адам сотталды

    Маңғыстауда елдің көзінше әйелін пышақтаған ер адам сотталды

    Ер адам әйелінің жүктілігіне де қарамай, жұрттың көзінше тепкілеген. Оқиға 13 шілде күні болған.

    Ер адам өзімен бірге алып жүрген ас үй пышағын қолданып, әйелінің  денесінің арқа, сан және кеуде тұсынан бірнеше рет соққы жасап, денсаулығына ауыр зиян келтірген.

    Одан әрі, сотталушы К. өзінің қылмыстық іс-әрекетін тоқтатпай, алған ауыр дене жарақаттары салдарынан жерге құлаған жәбірленуші А.-ның дәрменсіз күйде  аяғымен күйеуінің басынан бірнеше рет теуіп үлгерген.

  • Қазақстандықтар қаржы пирамидаларына 20 млрд теңге салған

    Қазақстандықтар қаржы пирамидаларына 20 млрд теңге салған

    Жыл басынан бері 20 млрд теңгеге жуық шығынмен қаржы пирамидаларын құру және басқару фактілері бойынша 57 қылмыстық іс тергелді, деп хабарлайды.

    ҚМА мәліметінше, 12 млрд теңгеден астам қаражат өтелген. Агенттікте алаяқтық жобалардың өмірлік циклін және оларға тартылған салымшылар санын қысқартуға бағытталған «Қаржы пирамидаларына қарсы іс-қимыл» арнайы жобасы енгізілді.

    Алматыда «HitBeatMusic» қаржы пирамидасын құру және басқару фактісі бойынша сотқа дейінгі тергеу аяқталды. Алаяқтар өздерін канадалық компанияның акционері және иесі ретінде таныстырып, музыкалық инвестициялық жоба қызметіне іс жүзінде қатысы жоқ компанияның акцияларын сатумен айналысқан. Осылайша, салымшылардың қаражатын тартып, енгізілген соманың 10-нан 15%-на дейін пайда әкелуге уәде еткен. Келтірілген залал көлемі – 255 млн теңге, – делінген ҚМА хабарламасында.

    Сот үкімімен аталған адамдар кінәлі деп танылып, 5 жылдан 6 жылға дейінгі мерзімге бас бостандығынан айырылды.

    Агенттік IT-құралдарды пайдалана отырып, әлеуметтік желілерге талдау жасайды. Биыл қаржы пирамидаларының белгілері бар 10,5 мыңнан аса сайт сілтемелері бұғатталды. «WhatsApp», «Telegram» және «Instagram» желісінде 292 чат бұғатталған. Осылайша, 2 млн астам әлеуетті салымшылардың қаржылық шығындарының алдын алды.

    «Қаржы пирамидаларына қарсы іс-қимыл» арнайы жобасы жүзеге асырыла бастағаннан бері «Qnet», «World Business Consulting», «Finiko» «Antares»/«Antares Trade», «Sincere Systems Group»/«S-Group», «Hermes LTD», «Life is good», «Chia Tai Tianding»/«Chia Tai Pharmaceutical» «Energy Eolus Oazqstan»/«Eolus» сияқты елде жұмыс істейтін қаржы пирамидаларының құрылымдық бөлімшелерінің ұйымдастырушылары жауапкершілікке тартылды, – делінген хабарламада.

  • Жамбыл облысында 2886 есірткі сайты бұғатталып, 21 қылмыстық іс тіркелді

    Жамбыл облысында 2886 есірткі сайты бұғатталып, 21 қылмыстық іс тіркелді

    Жамбыл облысында есірткі қылмысына қарсы күрес бойынша ведомствоаралық шаралар күшейтілді. Бұл туралы облыстық прокуратура мәлім етті.

    «Есірткі қылмысына қарсы күрес тиімді әрі жүйелі болуы тиіс, себебі ол қоғамдық қауіпсіздікті қамтамасыз етуге және халықтың денсаулығын қорғауға әсер етеді», – деді Нұрғалым Әбдіров құқық қорғау органдарының барлық мамандандырылған тергеу және оперативті бөлімшелерінің қатысуымен Полиция департаментінде өткен ведомствоаралық кеңесте.

    Ағымдағы кезеңде бірлескен шаралар нәтижесінде есірткі қылмысы 15,3% төмендеді (457-ден 387-ге дейін). Оған облыстың 5 ауданында жабайы қарасораның нақты өсу учаскелерін анықтап, 1183 тоннасын (2023 ж. — 220 тн) жоя отырып, жергілікті атқарушы органдармен «Есірткісіз болашақ» форматында бірлескен шаралар да ықпал етті.

    Прокуратура әзірлеген «NarkoShekteuTaraz» телеграм-ботымен 2886 есірткі сайты бұғатталды, 439 граффити жойылды, олар бойынша 21 қылмыстық іс тіркелді. Сонымен қатар прокурорлар есірткі жарнамасын насихаттайтын жағымсыз мазмұнды анықтауға баса назар аудара отырып, оқушылар мен колледж студенттері арасында факультативтік сабақтар өткізіп жатыр.

    «Есірткі зертханалары мен қылмыстық топтарды анықтау және жолын кесу жөніндегі құрылымдардың қызметін теріс бағалауға болады», – деп түйіндеді облыс прокуроры.