Sona.kz

Метка: спорт

  • Жәнібек Әлімханұлының дауы: спортшыға тағайындалған дәріден тыйым салынған зат табылды

    Жәнібек Әлімханұлының дауы: спортшыға тағайындалған дәріден тыйым салынған зат табылды

    Мельдоний спортшы ағзасынан шұғыл медициналық көмек кезінде тағайындалған дәрі арқылы табылды. Бұл туралы спорт федерациясының өкілдері хабарлады.

    Мәліметке сәйкес, оқиға жекпе-жектен кейінгі қалпына келу кезеңінде болған. Денсаулығы нашарлаған спортшы дәрігерге жүгінген, сол кезде оған емдік препарат тағайындалған. Кейін сараптама препарат құрамында мельдоний бар екенін анықтады.

    Федерация өкілдері аталған дәрінің Қазақстанда заңды түрде тіркелгенін және дәріханаларда сатылатынын атап өтті. Алайда оны тағайындаған дәрігер спорт медицинасы маманы емес, сондықтан допингке қарсы халықаралық ережелерді ескеру міндетті талап болып саналмайды.

    Тәртіптік комиссия медициналық құжаттарды және допинг сынамасының нәтижелерін зерттеуді жалғастыруда. Спортшы тарапынан нәтижені жасанды түрде жақсарту ниеті болмағаны айтылды.

    Қорытынды шешім халықаралық спорт ережелеріне сәйкес қабылданады.

  • Тоқаев қысқы Олимпиада мен Паралимпиадаға қатысатындарды шығарып салды

    Тоқаев қысқы Олимпиада мен Паралимпиадаға қатысатындарды шығарып салды

    Ел басы спортшыларымызға сәттілік тілеп,  мемлекеттік туды тапсырды.

    “Әр азаматымыздың жетістігі – Қазақстанның жетістігі. Әр спортшының абыройы – барша қазақтың беделі. Жеңіске жету үшін талап пен табандылық керек. Олимпиада чемпионы болу – әр спортшының арманы. Осы мақсатқа бір табан жақын тұрсыздар. Баптарыңыз және бақтарыңыз қатар шауып, жүлдемен келесіздер деп сенемін. Бәріңізге сәттілік, жеңіс тілеймін! Көк Туымыз әрдайым биікте желбірей берсін!” — деді мемлекет басшысы.

  • 16 жастағы қазақстандық спортшы 13 дүркін әлем чемпионын жеңді

    16 жастағы қазақстандық спортшы 13 дүркін әлем чемпионын жеңді

    Шардаралық 16 жастағы Улболсын Елмурат ересектер арасындағы армрестлингтен әлем чемпионы атанды. Болгарияда өткен жарыстың финалында ол 13 дүркін әлем чемпионы, словак спортшысы Люсия Дебранованы сенімді түрде ұтты, деп хабарлайды Sona.kz @shardara.armsport-қа сілтеме жасап.

    Кездесу басталған сәтте-ақ қарсыласының қолын үстелге басып, жеңісті уысынан шығармады. Ал алтын медальді алып, Қазақстан гимнін тыңдаған сәтте жас спортшы көзіне жас алды.

    Бұл жеңіс – Қазақстан құрамасының тарихи жетістігінің бір бөлігі. Алғаш рет бір әулеттің үш ұлы — 14 жастағы Бекнур, 15 жастағы Азамат және 18 жастағы Әділет Ибрагимдер бір әлем чемпионатында топ жарды. Сондай-ақ 16 жастағы Нұрсұлтан Алдан әлем чемпионы атанды.

    Турнирдің тағы бір сенсациясын 18 жастағы Ырысты Оразхан жасады. Ол финалда Швециядан келген 11 дүркін әлем чемпионы Фия Рейсекті жеңіп, қазақстандық спорт тарихында алтын әріппен жазылатын жетістікке қол жеткізді.

  • Қазақстанда легионерлерге ақша бөлінбейді

    Қазақстанда легионерлерге ақша бөлінбейді

    Президент Тоқаев мемлекеттік және квазимемлекеттік бюджет есебінен шетелдік спортшыларды (легионерлерді) қаржыландыруға тыйым салатын заңға қол қойды.

    Енді қаражат төрт бағытқа жұмсалады: жоғары жетістіктер спорты, бұқаралық спорт, спорт инфрақұрылымы және мемлекеттік спорт ұйымдарының жұмысы.

    Сонымен қатар спорт федерацияларын аккредиттеу тәртібі өзгеріп, бірыңғай ұлттық стандарттар енгізіледі. Заң отандық спортты қолдауға және патриоттық тәрбиені күшейтуге бағытталған.

  • Енді легионерлерге мемлекеттен қаражат бөлінбейді

    Енді легионерлерге мемлекеттен қаражат бөлінбейді

    Мәжіліс кейбір заңнамалық актілерге дене шынықтыру және спорт, сондай-ақ нормалардың артық (шамадан тыс) заңнамалық регламенттелуін болғызбау мәселелері бойынша өзгерістер мен толықтырулар енгізу туралы заң жобасын екінші оқылымда қабылдады.

    Заң жобасы 2024 жылдың 13 қарашасында Мәжілістің жалпы отырысында бірінші оқылымда мақұлданды.

    «Заң жобасына депутаттар бірнеше маңызды нормаларды енгізді. Мәселен, министрлік бұрын бекітіп жіберген, атының өзін ағайын білмейтін спорт түрлерін қазына қаржысынан қағу үшін нақты шешім қабылданды. Заңға жоғары жетістіктер спорты деген түсінік енді, салаға бөлінген мемлекеттің қаржысы енді соларға бағытталады. Жоғары жетістіктер спортына: олимпиада, параолимпиада, сурдоолимпиада, азия, параАзия және ұлттық спорт түрлері кіреді. Бұрын уәкілетті министрлік 180-нен астам спорт түрін тіркеп қойып оның барлығына қаржы беріп келген болса енді олардың саны 3 есеге қысқарады. Жоғары жетістіктер спортының ішінде жоғары жетістік көрсеткендері үшін басым спорт түрлері деген түсінік енгізіліп, оның басымдықтары да айқын көрсетілді», – деді депутат Нартай Сәрсенғалиев.

    Бұдан бөлек Қазақстанның ақшасын асауды білгенмен алаңда үлкен жетістік жасауды білмегенлегионерлерге мемлекеттің бюджеті есебінен де, квазимемлекеттік сектордың бюджеті есебінен де қаржы бөлуге тыйым салатын норма қабылданды, деп атап өтті ол.

    «Спортқа бөлінген қаражат әр басшының ойына келген салаға бөлінбесін деп біз заңда бюджет қаражаты есебінен қаржыландырылатын бағыттарды тізіп жаздық.

    Олар: 1. Жоғары жетістіктер спорты мен басым спорт түрлеріне;

    2. Мемлекеттік ұйымдардың жұмыс істеуіне;

    3. Бұқаралық спортқа;

    4. Спорттық инфрақұрылымды дамытуға», – деді мәжілісмен.

  • Қонаевта қысқы дрифт шоу өтіп жатыр

    Қонаевта қысқы дрифт шоу өтіп жатыр

    Шара 16 қаңтар күні басталған. Бүгін ақтық мәре өтуде.

    Шараны тамашалауға Алматы облысының әкімі Марат Сұлтанғазиев те келді.

    Дрифт шоу үшін ауданы 20 600 шаршы метрді құрайтын Орта Азиядағы ең үлкен мұз айдыны ашылды.

    Көлік жарысына әлемнің түкпір-түкпірінен жүргізушілер жиналған. Көрермен үшін мейрамхана жұмыс істеп тұр және тегін ыстық шай, кофе ұйымдастырылған.

    Сыйлық қоры жекелей қатысушыларға 1000 АҚШ доллары мен командалық есепте 2000 АҚШ долларын құрап отыр. Дрифт шоудан кейін AFTERPARTY өтеді. Оның хедлайнері – Нигатив және V$XV PRiNCE.

    Сондай-ақ бүгін Қонаев қаласының әкімдігі білім, спорт және әлеуметтік қорғау басқармаларымен бірлесіп, 500 балаға тегін коньки тебу демалысын ұйымдастырды.

    Жалпы ASP arena — Қонаевта жүзеге асып жатқан ірі инвестжобаның бірі. Арена аумағында қонақ үй кешені, мейрамхана, картинг, 3200 көрермен  сиятын трибуна салынған. Жалпы аумағы 63 гектарды құрайды. Тартылатын инвестиция көлемі — 8,1 млрд.тг. Аталған нысан қалада туризмді, автоспортты дамытуға ерекше мүмкіндік береді. Инвесторлардың сөзінше, бір күндік демалысқа жатын орын, мұз айдынына кіру, мейрамхана, картинг қосқанда 35000 теңге жұмсалады. Бағалар — қолжетімді.

    Естеріңізде болса, мұнда былтыр жазда дрифт шоу және Rock festival өткен болатын.

  • Серік Сәпиев жаңа қызметке тағайындалды

    Серік Сәпиев жаңа қызметке тағайындалды

    Қарағанды облысының дене шынықтыру және спорт басқармасы басшысының міндеттерін орындауға атақты боксшы, Олимпиада чемпионы және Вэл Баркер кубогының иегері Серік Сәпиев кірісті.

    Туризм және спорт министрі Ербола Мырзабосынов комиссия отырысына төрағалық етті. Комиссия отырысында екі облыстың басқарма басшылығына ұсынылған азаматтардың кандидатурасы талқыланды.

    Соған сәйкес Сәпиев Қарағандыда спорт саласын басқаратын болды. Ал Спорт және дене шынықтыру істері комитеті төрағасының орынбасары Азамат Имашев Павлодар облысы басқармасына жетекшілік етеді.

    «Президент спорт саласындағы барлық деңгейдегі басқару вертикалін қалпына келтіру жөнінде Үкіметке нақты тапсырма берді», – дей келе, Мырзабосынов министрлік жанындағы комиссия басқарма басшыларын тағайындауға ықпал ететінін мәлімдеді.

    Халықаралық спорт шебері, «Парасат» орденінің кавалері Серік Сәпиев 2012 жылы Лондонда өткен олимпиада ойынында жеңімпаз болды. Сол жылы Баркер кубогын иеленді. Әуесқой бокстан бірнеше мәрте олимпиада чемпионы атанды.

    2017-2019 жылдары «Нұр отан» партиясы атынан Мәжіліс депутаты болып сайланды. 2019-2021 жылдары Спорт комитетін басқарды. Кейін комитет басшылығынан өз еркімен кететінін мәлімдеді.

  • Қазақстан спортшысы неге 3 жылға спорттан шеттетілді?

    Қазақстан спортшысы неге 3 жылға спорттан шеттетілді?

    «Дядя Ваня» Telegram-арнасының хабарлауынша, 22 жастағы шымкенттік триатлоншы Әлихан Әбусейіт тыйым салынған медициналық препараттарды қолданғаны үшін үш жылға дисквалификацияланған.

    Оның сынамаларынан спортта тыйым салынған эритропоэтин іздері табылды. ҚР жастар құрамасының үздік үш сайыс шеберлерінің бірі 2024 жылдың 5 тамызынан 2027 жылдың 5 тамызына дейінгі кезеңде спорттық додаларға қатыса алмайды.

    Триатлоншыдан сынама биыл 11 мамырда алынған. Ол 11-12 мамыр аралығында U23 санатындағы триатлоннан Қазақстан чемпионатына қатысқан еді. Бұл жарыста спортшы спринт қашықтығында сынға түсіп, күміс медаль жеңіп алды.

    Әбусейіт Әлихан тыйым салынған препаратты қолданған Қазақстандағы алғашқы триатлоншы емес. 2008 жылы Бейжің Олимпиадасының басталуына бірнеше ай қалғанда триатлоннан Қазақстан құрамасының мүшесі Дмитрий Гаагтың сынамасынан эритропоэтин табылған еді.

  • Легионерлерге бюджеттің бір тиыны берілмейді — Нартай Аралбайұлы

    Легионерлерге бюджеттің бір тиыны берілмейді — Нартай Аралбайұлы

    Легионерлерге бюджеттің бір тиыны берілмейді. Бұл жөнінде депутат Нартай Аралбайұлы мәлім етті.

    «Енді шетелдік спортшыларға бюджеттің және квазимемлекеттік қорлардың бір тиыны берілмейді. Депутаттар дауыс бердік. Үкіметтің қорытындысы кеше кеште келіп жетті. Халықтың ақшасы халықтың игілігіне жұмсалу керек», — деді ҚР Парламенті Мәжілісінің депутаты Нартай Аралбайұлы.  https://www.instagram.com/p/DBYokP0u_Zs/

    Айта кетейік, бұған дейін легионерлерге қатысты дау қоғам арасында жиі көтерілетін. Себебі, спортта жақсы нәтижеге жету үшін шетелдік спортшыларға қыруар қаржы төлеуге тура келетін.

     

  • Спорт министрі футболдың бас бапкеріне қатысты пікір білдірді

    Спорт министрі футболдың бас бапкеріне қатысты пікір білдірді

    Туризм және спорт министрі Ербол Мырзабосынов  футболдың бас бапкеріне  қатысты жайтқа пікір білдірді. Министр, Станислав Черчесовтың әрекетін одан әрі ушықтырмай, халқымызға тән кеңпейілдік танытуымыз дұрыс деді.

    «Құрметті достар!Әрине, Станислав Черчесовтің «француз тіліне» қатысты қалжыңы орынсыз болды. Мұны Қазақстан футбол федерациясы да, бапкердің өзі де бек түсінеді.

    Дегенмен, Черчесовтің басты міндеті – ұлттық құраманы жаңа деңгейге шығару. Ендеше, оған ең алдымен кәсіби қызметіне қарап баға беруге шақырамын.
    Біз қашаннан қонақжай, дархан мінезді, кешірімді елміз. Бізді мықты ел ететін де осы қасиеттер. Сондықтан мәселені одан әрі өршіте бермей, халқымызға тән кеңпейілдік танытқанымыз абзал.Кез келген даулы мәселені ақыл-парасатпен шешетін толерантты, өркениетті, яғни дана қоғам екенімізді көрсете білейік.
    Станислав Черчесов – халықаралық деңгейдегі танымал футболист әрі 20 жылдық тәжірибесі бар кәсіби жаттықтырушы. Сондықтан ол түбінде қазақстандық жанкүйерлердің сенімін ақтап, ұлттық құраманы қазіргі күрделі кезеңнен абыроймен алып шығады деп сенемін.Бәріміз мүддесі ортақ футбол жанашырлары ретінде бір-бірімізді қолдап жүрейік!», — деп жазды фейсбуктегі парақшасында  https://www.facebook.com/100094570982990/posts/400478509781179/?mibextid=CTbP7E&rdid=xIxM71WcPzjX60Opминистр.
    Естеріңізге сала кетейік,  Қазақстан ұлттық құрамасының бас бапкері Станислав Черчесовтің қазақ тілін кемсітуге тырысқаны туралы бейнематериал кеңінен таралып, қоғам тарапынан наразылық туғызған болатын. Станислав Черчесовтің  қазақ тілінде сұрақ қойған журналиске келемеждеп жауап берген. «Французша сұрап тұрсың ба», деп орынсыз қалжыңдаған. Осы жайттан кейін туризм және спорт министрлігі Қазақстан футбол федерациясынан түсініктеме беруді талап етті.https://sona.kz/kk/qazaqstandyq-fwtboldagy-bas-bapkerdin-basy-dawga-qaldy-9131/ Ал, еліміздің футбол федерациясы Станислав Черчесовтің қазақ тілі мен еліміздің мәдениетіне үлкен құрметпен қарайтынын айтып ақталды.
    Айта кетейік, бас бапкердің қазақ тілін кемсітуге қатысты бұл бірінші жағдай емес. Бірер ай бұрын Черчесов баспасөз мәслихатында қазақ тілінде сұрақ қойған журналиске шүйліккен еді. Желіде бұл жағдай көпшіліктің наразылығын тудырғаннан кейін Черчесов қазақ тілін оқып жатырмын деп құтылды.
    Спорт министрлігі еліміздегі өзге де федерацияларды қазақ тіліне, мемлекеттік рәміздерге, ұлттық құндылықтарға құрметпен қарауға шақырады. Орынсыз қалжыңға жол жоқ екенін қатаң ескертеді.