Sona.kz

Метка: Су тасқыны

  • Әкім су басқан Солтүстік Қазақстан ауылдарын қайықпен аралады

    Әкім су басқан Солтүстік Қазақстан ауылдарын қайықпен аралады

    СҚО әкімі Ғауез Нұрмұхамбетов су басқан аймақтарды қайықпен аралап жүр.

    Әкім қайықпен Есіл өзенінің жайылмасында орналасқан және жыл сайын су тасқынына ұшырайтын Заречный кентіне барған. Нұрмұхамбетов қазір жағдай тұрақты деп сендірді.

    — Су тұрғын үйлерге кірген жоқ. Оқиға орнында қалалық әкімдік, құтқарушылар мен полиция қызмет атқаруда, тәулік бойы кезекшілік бар, қорғаныс бөгеттері нығайтылған. Барлығы 200 адам жұмылдырылды. Тұрғындардың қауіпсіздігін қамтамасыз ету және қолдау көрсету бойынша барлық қажетті шаралар қабылдануда. Барлық қызметкерлердің жанқиярлық еңбегі үшін алғысымды білдіремін, дейді Нұрмұхамбетов.

    Әкімнің сөзінше, қазір екі көпқабатты үйдің құрылысы басталған, бұл үйлерге Заречныйдан көшірілетін отбасылар қоныстанады. Құрылыс жұмыстары кестеге сәйкес жүруде, және жыл соңына дейін адамдар жаңа жайлы баспанаға ие болады.

    Айта кетейік, 25 сәуірде Солтүстік Қазақстан облысындағы Тепличное ауылы тұрғындары эвакуацияланған болатын.

  • ​Балқаштың су деңгейі 12 сантиметрге көтерілді

    ​Балқаштың су деңгейі 12 сантиметрге көтерілді

    Бір жылда Балқаш көлінде су деңгейі Балтық жүйесі бойынша 341,52 метрден 341,64 метрге дейін, яғни 12 сантиметрге көтерілді. Ал су көлемі 2 млрд текше метрге ұлғайды, деп хабарлайды ҚР Су ресурстары және ирригация министрлігі. 

    2025 жылдың басынан бері Қапшағай су қоймасынан Балқашқа 3,8 млрд текше метр су жіберілді. Былтыр осы кезеңде бұл көрсеткіш 2,9 млрд текше метр болатын.

    Бұл өңірдің экологиялық ахуалына және Іле өзенінің сағасына оң әсерін тигізіп отыр. Қапшағай су қоймасын толтыру Ақдала және Шеңгелді суармалы алқаптарында суару маусымын жоғары деңгейде өткізуге мүмкіндік береді.

    Балқаш көліндегі су көлемі трансшекаралық Іле өзеніне байланысты. Өзен ағысы Қапшағай су қоймасы арқылы реттеледі. Биыл су қоймасынан Балқашқа 12 млрд текше метр су жіберу жоспарланып отыр.

    «Министрлік Балқаш көліне қажетті су көлемін қамтамасыз ету бойынша кешенді жұмыс жүргізіп жатыр. Келесі аптада Франциядан келген сарапшылармен бірге Балқашты сақтау бойынша 2040 жылға дейінгі мастер-жоспарды әзірлеу мәселесін талқылаймыз. Былтыр біз көл алабын бірлесіп зерттеу туралы келісімге қол жеткізгенімізді еске салғым келеді», – деді Су ресурстары және ирригация министрі Нұржан Нұржігітов.

  • Петропавлда саяжай учаскелерін су басты

    Петропавлда саяжай учаскелерін су басты

    Әкімдік отырысында СҚО әкімі Ғауез Нұрмұхамбетов өңірдегі су тасқыны жағдайы хабарлады. Облыс әкімінің айтуынша, биыл Сергеев су қоймасында алғаш рет үшінші толқын байқалып отыр. Петропавлда тасқынның шарықтау шегі 28-30 сәуірде күтіледі.

    Есіл өзеніндегі су деңгейінің көтерілуіне байланысты су жылдағыдай жайылма алқаптарға таралып жатыр. Қазір су Заречный кенті мен Речпорт маңындағы саяжай учаскелеріне жайылған. Бұл саяжайларда тұрғындар жоқ, ТЖД мен полиция бекеттері қойылды.

    Ойқала мен Былғары кентіндегі, Қызылжар ауданының Тепличное және Прибрежное ауылдарында жағдай ерекше бақылауда.

    «Су тасқыны толық аяқталғанға дейін жағдайды тұрақты бақылауда ұстаймыз. Басты басымдық – азаматтардың өмірі мен мүлкін сақтау. Барлық қызметтер жоғары дайындықта болып,  жедел әрекет ету керек», – деді өңір басшысы.

    Есіл өзенінің жайылма алқабында орналасқан Заречный кентінде 6 көпқабатты және 90 жеке  үй, №13 орта мектеп пен түзеу мекемесі бар. Тұрғындардың қауіпсіздігін қамтамасыз ету және мүлкін қорғау мақсатында Заречный кентінің тұрғындарын қауіпсіз аймақтарға көшіру туралы шешім қабылданды. Осы мақсатта 90 және 72 пәтерлі екі көпқабатты үй тұрғызылуда. Сонымен қатар, жаңа түзеу мекемесі мен Копай шағын ауданында 600 орындық мектеп салынады.

  • Ақмола облысында су тасқынына қарсы жұмыстар тәулік бойы жүргізілуде

    Ақмола облысында су тасқынына қарсы жұмыстар тәулік бойы жүргізілуде

    Жақсы ауданына қарасты Қима ауылы маңында бөгетті нығайту шаралары жүріп жатыр. Құтқарушылар инертті материалдармен қаптарды толтырып, жаға бойына төсеп жатыр.

    Бүгінге дейін 5 мыңнан астам қапшық төселді. Төтенше жағдайлар қызметі су деңгейін бақылауда ұстап, тасқынның алдын алу шараларын үздіксіз жалғастыруда.

  • Абай облысында тұрғындар үйлерін уақытша тастап шықты

    Абай облысында тұрғындар үйлерін уақытша тастап шықты

    Абай облысының Бородулиха ауданына қарасты Қызылжар ауылында өзендегі мұз кептелісінің салдарынан су деңгейі көтеріліп, бір көшедегі үйлердің ауласына су кіре бастаған. Бұл туралы облыс әкімдігінің баспасөз қызметі жазды.

    «5 сәуір кешкісін тұрғындар алдын ала қауіпсіздік мақсатында үйлерінен шығып кеткен. 26 адам уақытша ауыл мектебіне орналастырылды. Мал-мүлікті қауіпсіз жерге көшіру жұмыстары жүргізілді. Оқиға орнына 123 адам, 39 техника, соның ішінде үш қайық тартылды. Қазір мұз жару жұмыстары жүргізіліп жатыр», — делінген хабарламада.

    6 сәуір күні облыс әкімі Берік Уәли оқиға орнына барып, тікұшақпен өзен арнасын бақылап, жедел штаб отырысын өткізді. Аудан әкімі мен ТЖД басшылары ауылдың 30-ға жуық ауласына су кіргенін хабарлады. Жағдай бақылауға алынған.

    «Қызылжар – жыл сайын су басу қаупі туындайтын ауылдардың бірі. Бұл мәселе менің тікелей бақылауымда. Мұз жару жұмыстарын бүгін кешке дейін аяқтау керек», – деді Берік Уәли.

  • Қанат Бозымбаев СҚО-дағы су тасқынына дайындық барысын тексерді

    Қанат Бозымбаев СҚО-дағы су тасқынына дайындық барысын тексерді

    Шал Ақын ауданына қарасты Сергеевка қаласында Қанат Бозымбаев Сергеев су торабының жағдайын тексерді.

    Сонымен қатар вице-премьер Есіл өзенінің бойында орналасқан Николаевка, Покровка, Явленка, Большая Малышка және Соколовка ауылдарындағы жағдайды тексерді. Облыс бойынша су басу қаупі бар 116 елді мекен бар. Облыс әкімі Ғауез Нұрмұхамбетовтың айтуынша, жағдай тұрақты бақылауға алынған.

    Бұдан бөлек, Қанат Бозымбаев Новоникольск ауылындағы көпірді, Қызылжар ауданына қарасты Бескөл, Прибрежное және Тепличное ауылдарындағы жөнделген бөгеттерді, Петропавл су торабын және Заречный кентіндегі айналма каналдың жағдайын қарады. Ұзындығы 3,7 шақырымға созылған бұл канал биыл су деңгейін реттеу және артық суды шығару үшін салынды.

    Петропавлда су тасқынының бірінші толқынының шарықтау кезеңі 4-5 сәуірге болжанып отыр. Қорғау бөгеттерін нығайту жұмыстары аяқталуға жақын. Қанат Бозымбаев Ущева көшесіндегі бөгеттің қалпына келтіру жұмыстарын тексерді.

    Бұл нысан Подгора шағын ауданын су тасқынынан қорғайды. Сондай-ақ ол «Биопруд» су жинау қоймасы маңындағы қорғаныс бөгетінің құрылысымен танысты. Жұмыстар желтоқсанда аяқталмақ.

  • Олжас Бектенов су тасқынына қарсы дайындықты пысықтады

    Олжас Бектенов су тасқынына қарсы дайындықты пысықтады

    Премьер-министр Олжас Бектенов Үкімет отырысында мемлекеттік органдарға тасқынға дайындықты күшейтуді тапсырды.

    «Су тасқыны кезеңінің басталуына да көп уақыт қалған жоқ. Әкімдер бұл мәселені ерекше бақылауға алуы қажет. Төтенше жағдай туралы халықты хабардар ететін барлық жүйелердің тұрақты жұмысын қамтамасыз етіңіздер», – деді ол.

    Үкімет басшыы әлеуметтік желілер мен БАҚ-та түсіндіру жұмыстарын күшейту маңызды екеніне де тоқталды.

    «Төтенше жағдайлар министрлігі су тасқынына толығымен дайын болуға тиіс. Сондай-ақ, орталық және жергілікті мемлекеттік органдардың жұмысын ұйымдастырсын», – деді Олжас Бектенов.

    Осыған дейін су тасқынының салдарын жою үшін 10 000-ға жуық әскери қызметші жұмылдырылуы мүмкін екені айтылды.

  • Министр су тасқынына дайындықты тексеріп жүр

    Министр су тасқынына дайындықты тексеріп жүр

    Қазақстан Республикасының Төтенше жағдайлар министрі генерал-майор Шыңғыс Әрінов Батыс Қазақстан облысындағы жұмыс сапарын аяқтап, өңірдің көктемгі су тасқынына дайындығын тексерді, деп хабарлайды министрліктің баспасөз қызметі.

    Инспекцияның екінші күні аясында ведомство басшысы Бөрлі ауданына барып, су тасқыны қаупі бар учаскелерді, салынған бөгендердің ұзындығы мен беріктігін, сондай-ақ тез салынатын бастиондарды қарап шықты.

    «Су тасқыны кезеңінің салдарын болдырмау үшін монтаждау-құрылыс іс-шараларын қоса алғанда, бірқатар күрделі және ауқымды жұмыстар жүргізілді. Су тасқынына қарсы барлық шаралар уақтылы және толық көлемде жүзеге асырылуы маңызды», –  деп Шыңғыс Әрінов атап өтті.

    Министр жергілікті қызметтерге қауіпті аймақтарға ерекше назар аудара отырып, су тасқынына дайындықты жедел аяқтауды тапсырды.

  • Павлодарда 52 ауылды су басуы мүмкін

    Павлодарда 52 ауылды су басуы мүмкін

    Ауа райын болжаушылар көктем Керекуге ерте келеді деп хабарлап қойды. «Қазгидромет» РМК филиалының директоры Галина Шпактың ақпараты бойынша ақпанның екінші жартысында ылғал мол түседі. Температура нормадан 2 градусқа жоғары болады.

    Наурыз айында да ауа температурасы жылдағыдан 2 градусқа жоғары болмақшы. Топырақта қалған күзгі ылғалдың көлемі 60%-ға артса, қардағы судың қоры да нормадан 7%-ға асып тұр.

    Былтырғыдан төмен жалғыз ғана көрсеткіш – топырақтың орташа қату тереңдігі, ол өткен жылмен салыстырғанда 41%-ға аз. Аймаққа негізгі қауіп көршілес Ақмола және Қарағанды облыстарынан келетіні де жасырын емес.

    Аталған өңірлерде жиналып қалған ақ ұлпаның көлемі былтырғыдан 1,5 есе артық. Осыған байланысты негізгі күштер мен құралдар тобын Ақтоғай және Баянауыл аудандарына жіберу қарастырылған. Қазір облыста жедел штаб құрылған.

    – Былтыр көктемдегі ауыртпалықты ескере отырып, жаз бен күзде 18,89 км қорғаныс бөгеттері тұрғызылды. 4,8 км бұрма арналары жөнделіп, кейбірі қайта салынды. Автомобиль және темір жолдардың астына 24 су өткізу құрылыстары орнатылып, ауыстырылды. Арналар мен өзендердің учаскелерінде 7,8 км тереңдету жүргізілді. Инженерлік жұмыстар жоспарымен 31 іс-шара іске асырылды. Жергілікті атқарушы органдар су тасқыны кезеңі үшін 5973 тонна инертті материалдар, 35 мың данадан астам қаптар, 68,6 тонна жанар-жағармай әзірлеп, тамақтануға 139 ниет шартын және жарылыс жұмыстарына 7 шарт жасасты. Сонымен қатар, мемлекеттік материалдық резервтен қозғалтқышының қуаттылығы 100 кВт, секундына 625 литр су айдайтын екі жылжымалы сорғы стансасы (АЕМ 500/10) берілді, – дейді облыстық төтенше жағдайлар департаментінің бастығы Рустамбек Амрин.

    Ықтимал су тасқынымен күресуге 2327 адам, 699 инженерлік және арнайы техникалар, 23 жүзу құралы, 355 мотопомпа дайындалып қойған.

    Қажет болған жағдайда Ертіс өзені бойында және оған кіретін өзендерде жарылыс жұмыстарын жүргізуге Аққулы, Май, Железин, Ертіс, Тереңкөл, Ақтоғай аудандарында және Ақсу қаласында 7 шарт жасалған.

    – Бүгінгі таңда Шығыс Қазақстандағы Шүлбі су қоймасындағы судың көлемі 81,5% құрайды (өткен жылмен салыстырғанда 3,5 пайызға артық). Осыған байланысты Павлодар және Ақсу қалаларының әкімдіктері қысқа мерзімде Ертіс өзенінің жағасын нығайту жұмыстарына кірісуі қажет, – дейді департамент бастығы.

  • Перизат Қайрат пара үстел теннисі федерациясының президенті қызметінен қуылды

    Перизат Қайрат пара үстел теннисі федерациясының президенті қызметінен қуылды

    Пара үстел теннисі федерациясы мекеменің президенті болған Перизат Қайратты қызметінен босатылғаны туралы мәлімдеме жасады.

    «Қазақстан Республикасының Пара үстел теннисі федерациясы Перизат Қайрат ұсталып, тергеу жүргізілуіне байланысты енді ұйымның президенті болып саналмайтынын хабарлады. Шешім 2024 жылдың 14 қарашасында федерацияның кезектен тыс отырысында қабылданды. Ол тағайындалғалы бері оның басшылығымен бірде-бір ресми кездесу немесе жұмыс туралы бұйрықтар өткізілмегенін атап өтеміз. Пара үстел теннисінің және спортшыларымыздың дамуына қолдау көрсете отырып, ашықтық пен заңдылық қағидаттарына сәйкес жұмысымызды жалғастырамыз», — делінген хабарламада.

    Айта кетейік, осыған дейін кәсіпкер, Instagram әлеуметтік желісінде 500 мыңнан астам оқырманы бар танымал блогер 1,5 млрд теңгені жымқырды деген күдікпен Перизат Қайрат ұсталғаны хабарланған.